domingo, 29 de março de 2015

1 Sione: TONGAN

1 Sione 1

1 KO e ngaahi meʻa ʻoku kau kia Folofola ʻo e moʻui, ko e ngaahi meʻa naʻe ʻi ai mei he kamataʻanga, ko e ngaahi meʻa kuo mau fanongoa, ko e ngaahi meʻa kuo mau mamata ki ai ʻaki homau mata, ko e ngaahi meʻa naʻa mau siofia, 2 pea fā ki ai ʻe homau nima; (he naʻe fakaeʻa moʻoni ʻa e Moʻui, pea kuo mau mamata ki ai, pea ʻoku mau fakamoʻoni ki ai, pea ʻoku mau fakaha atu ʻa e Moʻui ko ia ʻoku taʻengata, ʻa ē ne feangai mo e Tamai, pea ne fakaeʻa kiate 3 kimautolu;) ʻio, ko e ngaahi meʻa kuo mau mamata mo fanongo ki ai, ʻoku mau fakaha kiate kimoutolu foki, koeʻuhi ke mou maʻu ʻe kimoutolu foki ʻa e feohi mo kimautolu: pea ko e feohi foki ʻamautolu ko e feohi mo e Tamai, pea ko e feohi mo hono 4 ʻAlo ko Sisu Kalaisi. Pea ʻoku mau tohi ʻa e ngaahi meʻa ko ia koeʻuhi ke kakato ʻetau fiefia. 5 Ko eni ia ʻa e fekau naʻa mau fanongo meiate ia, ʻo tala kiate kimoutolu, a ʻeni, Ko e ʻOtua ko e maama, pea ʻoku ʻikai ha momoʻi fakapoʻuli ʻi he ʻEne ʻAfio. 6 Kapau ʻoku tau pehe, ʻOku tau feohi mo ia, ka tau fou ʻi he poʻuli; ta ʻoku tau loi, pea ʻoku 7 ʻikai te tau fai ʻa e moʻoni: ka ʻo kapau ʻoku tau fou ʻi he maama, ʻo hange ko ʻene ʻafio ʻe ia ʻi he maama, pea ta ʻoku tau feohi, ʻa e taha mo e taha, pea ko e taʻatāʻa ʻo Sisu ko hono ʻAlo ʻoku ne fakamaʻa kitautolu mei he angahala kotoa pe. 8 Kapau ʻoku tau pehē ʻoku ʻikai haʻatāu angahala, ta ʻoku tau kākāʻi ʻa kitautolu, pea ʻoku ʻikai 9 ʻiate kitautolu ʻa e moʻoni. Kapau ʻoku tau vete ʻetau ngaahi angahala, ko ʻene anga fakamoʻoni talaʻofa, mo ʻene anga faitotonu, ʻoku na kau ke ne fakamolemole ʻetau ngaahi angahala, pea ke ne fakamaʻa ʻa kitautolu mei he faihala fulipe. 10 Kapau ʻoku tau pehe kuo ʻikai te tau fai angahala, ta ʻoku tau pehe ko e loi ʻa ʻEne ʻAfio, pea ʻoku ʻikai ʻiate kitautolu ʻa ʻene folofola.
1 Sione 2
1 SIʻEKU fanau, ʻoku ou tohi pehe atu koeʻuhi ke ʻoua te mou momoʻi angahala. Pea ka kuo fai ha angahala ʻe ha taha, ʻoku tau maʻu ha taukapo ki he Tamai, ko Sisu 2 Kalaisi ko e faitotonu; pea ko e fakatupuhoifuaʻanga foki ia koeʻuhi ko ʻetau ngaahi hia; pea talaʻehai koeʻuhi ko e ngaahi hia ʻatāutolu pe, ka koeʻuhi foki ko e ngaahi hia ʻa mamani kātoa. 3 Pea ko eni ʻa e meʻa ʻoku tau ʻilo ai kuo tau ʻilo ʻi moʻoni ʻa ʻEne ʻAfio, ʻa ʻetau tauhi ʻene 4 ngaahi tuʻutuʻuni. Ko ia ʻoku ne pehe, Kuo u ʻilo ʻi moʻoni ʻa ʻEne ʻAfio, ʻosi ʻoku ʻikai te ne tauhi ʻene ngaahi tuʻutuʻuni, ko e loi ia, pea ʻoku ʻikai ʻiate ia ʻa e moʻoni. 5 Ka ʻilonga ʻa ia ʻoku tauhi ʻa e folofola ʻa ʻEne ʻAfio, ta ko e toko taha ko ia ʻoku aʻu moʻoni ai ki he haohaoa ʻa e ʻofa ki he ʻOtua. Ko ia ʻa e meʻa ʻoku tau ʻilo ai 6 ʻoku tau ʻi he ʻEne ʻAfio. Ko ia ʻoku ne pehe, tokua ʻoku ne nofo maʻu ʻi he ʻEne ʻAfio, ʻoku totonu ke ne laka, ʻo hange ko e laka ʻa ʻEne ʻAfio. 7 Siʻi ʻofaʻanga, ʻoku ʻikai ko ha tuʻutuʻuni foʻou ʻoku ou tohi atu ni, ka ko ha tuʻutuʻuni kuo fuoloa, he naʻa mou maʻu ia mei he kamataʻanga. Ko e tuʻutuʻuni fuoloa ni, ko e folofola ne mou fanongo ki ai. 8 Ka neongo ia, ka ko e tuʻutuʻuni foʻou ia ʻoku ou tohi atu ni, ʻa ia ko e meʻa kuo hoko moʻoni ʻi he ʻEne ʻAfio, pea ʻiate kimoutolu; koeʻuhi kuo fakaʻau ke mole ʻa e poʻuli, pea kuo kamata ulo ni ʻa e maama 9 moʻonia. Ko ia ʻoku ne pehe ʻoku ne ʻi he maama, ʻosi ʻoku ne fehiʻa ki hono tokoua, kuo ne ʻi he poʻuli pe 10 ʻo aʻu ki he taimi ni. Ko ia ʻoku ne ʻofa ki hono tokoua, ʻoku ne nofo maʻu ʻi he maama; pea ʻoku ʻikai ha 11 tukiaʻanga ʻiate ia. Ka ko ia ʻoku ne fehiʻa ki hono tokoua, ʻoku ne ʻi he poʻuli, pea ʻoku ne laka ʻ;i he poʻuli, pea ʻoku ʻikai te ne ʻilo pe ko ʻene ʻalu ki fē, he kuo fakakui hono mata ʻe he poʻuli. 12 ʻOku ou tohi kiate kimoutolu, fanau, koeʻuhi kuo fakamolemole hoʻomou ngaahi angahala 13 koeʻuhi ko hono huafa. ʻOku ou tohi kiate kimoutolu, matuʻa, koeʻuhi kuo mou ʻilo moʻoni ʻa ʻEne ʻAfio naʻe ʻi ai mei he kamataʻanga. ʻOku ou tohi kiate kimoutolu, talavou, koeʻuhi kuo mou ikuna ʻa e 14 Fili. Ne u tohi kiate kimoutolu tamaiki, koeʻuhi kuo mou ʻilo moʻoni ʻa e Tamai. Ne u tohi kiate kimoutolu, matuʻa, koeʻuhi kuo mou ʻilo moʻoni ʻa ʻEne ʻAfio naʻe ʻi ai mei he kamataʻanga. Ne u tohi kiate kimoutolu, talavou, koeʻuhi kuo mou kaukaua, pea ʻoku nofo maʻu ʻa e folofola ʻa e ʻOtua ʻiate kimoutolu, pea kuo mou ikuna ʻa e Fili. 15 ʻOua te mou ʻofa ki mamani, ʻumaʻā ʻa e ngaahi meʻa ʻoku ʻi he mamani. Ka ʻofa ʻe ha taha ki mamani ʻoku ʻikai ʻiate ia ʻa e ʻofa 16 ki he Tamai. He ko e meʻa kātoa ʻoku ʻi mamani, ʻa e holi ʻo e kakano, mo e holi ʻo e mata, mo e ʻafungi ʻo e moʻui, ʻoku ʻikai mei he Tamai ia, ka ʻoku mei mamani. 17 Pea ʻoku fakaʻaʻau ke mole ʻa mamani mo ʻene holi aʻana: ka ko ia ʻoku ne fai ʻa e finangalo ʻo e ʻOtua, ʻoku ne nofo maʻu ʻo taʻengata. 18 Tamaiki, ko e houa fakamui ʻeni pea hange naʻa mou fanongo ʻoku tuʻunuku mai ʻa Fiekalaisi, pehe foki kuo hoko mai ni ha fiekalaisi tokolahi: ʻa ia ʻoku tau ʻilo mei ai 19 ko e houa fakamui ʻeni. Naʻa nau ʻalu atu meiate kitautolu, ka talaʻehai naʻa nau ʻotautolu; he ka ne nau ʻotautolu, pehe kuo nau nofo maʻu mo kitautolu: ka koeʻuhia ke eʻa ʻoku ʻikai ʻotautolu kotoa pe. 20 Pea ko kimoutolu ʻoku mou maʻu pani mei he Toko Taha Tapu, ʻo mou ʻilo ʻa e meʻa kotoa pe. 21 Talaʻehai ne u tohi kiate kimoutolu ko e pehe naʻe ʻikai te mou ʻilo ki he moʻoni; ka koeʻuhi naʻa mou ʻilo ia; pea koeʻuhi ʻilonga ha loi ʻoku 22 ʻikai mei he moʻoni ia. ʻE launga loi ki he toko taha ko ia ʻoku ne faka ʻikai ʻi ʻo pehe, ʻOku ʻikai ko e Misaia ʻa Sisu? Ko eni ia ʻa Fiekalaisi, ʻa ia ʻoku ne faka ʻikai ʻi ʻa 23 e Tamai mo e ʻAlo. ʻIlonga ʻa ia ʻoku ne faka ʻikai ʻi ʻa e ʻAlo, naʻa mo e Tamai ʻoku ʻikai te ne maʻu: ko ia ʻoku ne fakamoʻoni ʻa e ʻAlo ʻoku ne maʻu mo e Tamai foki. 24 Ko kimoutolu na, tuku ke nofo maʻu ʻi homou loto ʻa e meʻa kuo mou fanongo ki ai mei he kamataʻanga. Kapau ʻe nofo maʻu ʻi homou loto ʻa e meʻa kuo mou fanongo ki ai mei he kamataʻanga, pea te mou nofo maʻu kimoutolu foki ʻi he ʻAlo pea ʻi he Tamai. 25 Pea ko eni ia ʻa e meʻa naʻa ne talaʻofaʻaki ʻe he ʻEne ʻAno kiate kitautolu, ko e moʻui taʻengata. 26 Ko e ngaahi meʻa ko ia kuo u tohi kiate kimoutolu ʻo kau ki he faʻahinga ʻoku takihē ʻi kimoutolu. 27 Pea ko kimoutolu, ʻoku kei nofo ʻi homou loto homou pani ne mou maʻu mei he ʻEne ʻAfio, pea ʻoku ʻikai te mou ʻoua pe ke ako ʻi kimoutolu ʻe ha taha: kaekehe, ko e pani ʻa ʻEne ʻAfio ʻoku ne ako ʻi tokua ʻa kimoutolu ʻi he meʻa kotoa pe, kaeʻumaʻa ko e koto moʻoni ia ʻo ʻikai ko e loi, pea ko e meʻa foki ʻi he ako ʻi kimoutolu ʻe he ʻEne ʻAno, ko ia 28 mou nofo maʻu ʻiate ia. Pea ʻi heʻene pehe, siʻi fanau, mou nofo maʻu ʻiate ia, koeʻuhi ʻo ka fakaeʻa mai ia, ke tau loto lahi, ʻo ʻikai te tau hola ma mei he ʻEne ʻAfio ʻi heʻene hoko mai.
1 Sione 3
1 KAPAU ʻoku mahino ko e maʻoniʻoni ʻa ʻEne ʻAfio, ʻoku mou ʻilo leva, ko ia kotoa pe ʻoku fai maʻoniʻoni kuo fanauʻi mei he ʻEne ʻAfio. 2 Vakaiā ki hono fakaofo ʻo e ʻofa kuo foaki mai ʻe he Tamai, he ko e fai ke ui kitautolu ko e fanau ʻa e ʻOtua, ʻa ia foki kuo tau ʻi ai. Ko hono ʻuhinga ia ʻoku ʻikai ke ʻilo kitautolu ʻe mamani, koeʻuhi naʻe 3 ʻikai te nau ʻilo ʻa ʻEne ʻAfio. Siʻi ʻofaʻanga, naʻa mo ʻeni ko e fanau ʻa e ʻOtua ʻakitautolu; pea kuo teʻeki siʻi fakaha mai, pe ko e ha te ta hoko ki ai ʻamui: ʻoku tau ʻilo pe, ka toki fakaha ia, te tau tatau mo ʻEne ʻAfio, he te tau mamata kiate ia ʻi hono anga totonu. Pea ko ia kotoa pe ʻoku ʻi ai ʻa e ʻamanaki ko eni, tuʻu ʻi he ʻEne ʻAfio, ʻoku ne fakamaʻa ʻe ia ia, ʻo hange ʻoku maʻa ʻa ʻEne Afio. 4 Ko ia kotoa pe ʻoku fai angahala ʻoku ne maumau foki ʻa e lao: ʻio, ko e angahala ko e maumau lao ia. 5 Pea ʻoku mou ʻilo naʻe fakaeʻa mai ʻa ʻEne ʻAfio ke ne ʻave ʻa e ngaahi angahala; pea ʻoku ʻikai ha angahala ʻiate ia. 6 Ko ia kotoa pe ʻoku nofo maʻu ʻi he ʻEne ʻAfio, ʻoku ʻikai te ne fai angahala: ko ia kotoa pe ʻoku angahala kuo teʻeki te ne mamata ki he ʻEne ʻAfio, ʻumaʻā 7 haʻane ʻilo ʻi moʻoni ia. Siʻi fanau, ke ʻoua naʻa takihē ʻi kimoutolu ʻe ha taha: ko ia ʻoku fai maʻoniʻoni, ko e maʻoniʻoni ia, ʻo hange foki ʻoku maʻoniʻoni ʻa ʻEne ʻAfio. 8 Ko ia ʻoku fai angahala ko e tupumeiheTevolo ia; he ko e Tevolo ko e fai angahala ia mei he kamataʻanga. Ko hono ʻuhinga ia naʻe fakaeʻa ai ʻa e ʻAlo ʻo e ʻOtua, koeʻuhi ke ne holoki ʻa e ngaahi ngaūe 9 ʻa e Tevolo. Ko ia kotoa pe kuo fanauʻi mei he ʻOtua, ʻoku ʻikai ke fai angahala: koeʻuhi ʻoku nofo maʻu ʻiate ia ʻa e tenga ʻo ʻEne ʻAfio: pea talaʻehai ʻoku ne lava ke angahala, he kuo fanauʻi ia 10 mei he ʻOtua. Ko e meʻa ko ia ʻoku mahino ai ʻa e fanau ʻa e ʻOtua pea mo e fanau ʻa e Tevolo: ko ia ʻoku ʻikai ke fai maʻoniʻoni ʻoku ʻikai mei he ʻOtua ia, kaeʻumaʻa ʻa ia ʻoku ʻikai ke ʻofa ki hono tokoua. 11 He ko eni ia ʻa e fekau naʻe tala kiate kimoutolu mei he kamataʻanga, 12 Ke tau feʻofaʻaki. He ko e pehe koā ke tau hange ko Keini ʻa ia ko e tupumeiheFili, ʻo ne tamateʻi hono tokua. Pea ko e ha hono ʻuhinga ʻo ʻene tamateʻi? Koeʻuhi pe naʻe kovi ʻene ngaahi ngaūe aʻana, kae totonu 13 ʻa hono tehina. ʻOua te mou ofo, kainga, ʻi he fehiʻa ʻa mamani kiate 14 kimoutolu. ʻOku tau ʻilo kuo tau hiki mei he mate ki he moʻui, he ʻoku tau ʻofa ki he kaingalotu. Ko ia ʻoku ʻikai ke ʻofa ʻoku ne ʻi 15 he mate ai pe. Ko iaʻoku ne fehiʻa ki hono tokoua ko e tamatetangata ia: pea ʻoku mou ʻilo, ʻilonga ha tamatetangata, ʻoku ʻikai te ne maʻu ʻa e nofo ʻi ia ʻe he moʻui taʻengata. 16 Ko e meʻa ko eni ʻoku tau ʻilo moʻoni ai ki he ʻofa, ʻa e liʻaki ʻene moʻui ʻe he ʻEne ʻAfio koeʻuhi ko kitautolu: pea ko kitautolu foki, ʻoku totonu ke tau liʻaki ʻetau 17 moʻui koeʻuhi ko e kainga. Ka ʻilonga ʻa ia ʻoku ne maʻu ʻa e meʻa ʻo mamani, mo ne sio ki hono tokoua ʻoku ne masiva, ka ne taʻofi hono fatu meiate ia, pea ʻoku nofo fēfē ʻi he toko taha ko ia ʻa e ʻofa ki 18 he ʻOtua? Siʻi fanau, ʻoua naʻa tau ʻofa ʻaki ha lea pe, ʻumaʻā ʻaki hotau ʻelelo pe; ka tau fai ʻi ngaūe 19 mo fai ʻi moʻoni ʻetau ʻofa. Ko e meʻa ko ia te tau ʻilo ai ʻoku tau mei he Moʻoni, pea te tau fakanonga ʻaki hotau loto ʻi he ʻao 20 ʻo ʻEne ʻAfio. He kapau ʻoku fakahalaia kitautolu ʻe hotau loto, ko hono ʻuhinga he ʻoku lahi ʻa e ʻOtua ʻi hotau loto, pea ʻoku ne 21 meaʻi ʻa e meʻa kotoa pe. Siʻi ʻofaʻanga, kapau ʻoku ʻikai ke fakahalaia kitautolu ʻe hotau loto, ʻoku tau loto lahi ʻi he feangai mo e 22 ʻOtua. Kaeʻumaʻa, ʻilonga ha meʻa ʻoku tau kole ki ai, ʻoku tau maʻu meiate ia, koeʻuhi ʻoku tau tauhi ʻene ngaahi tuʻutuʻuni, pea ʻoku tau fai ʻa e ngaahi meʻa ʻoku ne 23 hohō ʻia ai. Pea ko eni ia ʻa e tuʻutuʻuni ʻa ʻEne ʻAfio, ke tau tui ki he huafa ʻo hono ʻAlo ko Sisu Kalaisi, pea ke tau feʻofaʻaki ʻo hange ko e tuʻutuʻuni 24 naʻa ne tuku mai. Pea ko ia ʻoku ne tauhi ʻene ngaahi tuʻutuʻuni ʻoku ne nofo maʻu ʻi he ʻEne ʻAfio, pea mo ʻEne ʻAfio ʻiate ia. Pea ko eni ia ʻa e meʻa ʻoku tau ʻilo ai ʻoku ne nofo ʻia kitautolu, koeʻuhi ko e Laumalie kuo ne foaki mai.
1 Sione 4
1 SI ʻI ʻofaʻanga, ʻoua te mou tui ki he laumalie fulipe, ka mou sivi pe ʻa e ngaahi laumalie, pe ʻoku mei he ʻOtua ia: he ʻoku tokolahi ʻa e kau palofita loi 2 kuo ʻalu atu ki mamani. Ko eni ia ʻa e meʻa te mou ʻilo ai ʻa e Laumalie ʻo e ʻOtua: ʻilonga ha laumalie ʻoku fakamoʻoni ʻa Sisu Kalaisi mo ʻene haʻu ʻi lie kakano, ʻoku mei he ʻOtua ʻa e laumalie ko ia. 3 Pea ʻilonga ha laumalie ʻoku ʻikai ke fakamoʻoni ʻa Sisu, ʻoku ʻikai mei he ʻOtua ʻa e laumalie ko ia: pea ko e laumalie ia ʻo Fiekalaisi, ʻa i a kuo mou fanongo ʻoku tuʻunuku mai; ʻio, naʻa mo ʻeni kuo ʻi mamani. 4 Siʻi fanau, ʻoku mei he ʻOtua a kimoutolu, pea kuo mou ikuna ʻa kinautolu: koeʻuhi ko ia ʻoku ʻiate kimoutolu ʻoku maʻolunga 5 ʻiate ia ʻoku ʻi mamani. E.o kinautolu ko e tupu mei mamani: ko hono ʻuhinga ia ʻoku fakaemamani ʻenau lea, pea ʻoku tokanga ʻe mamani kiate kinautolu. 6 Ko kimautolu ko e tupu mei he ʻOtua: ko ia ʻoku ne ʻilo ʻi ʻa e ʻOtua ʻoku ne tokanga kiate kimautolu; ko ia ʻoku ʻikai mei he ʻOtua ʻoku ʻikai te ne tokanga kiate kimautolu. Ko e meʻa ko ia ʻoku tau ʻilo mei ai ʻa e laumalie ʻa ia ko e koto moʻoni, mo e laumalie ʻa ia ko e koto fakahe. 7 Siʻi ʻofaʻanga, ke tau feʻofaʻaki muʻa: he ko ʻofa ko e tupu mei he ʻOtua ia; pea ko ia kotoa pe ʻoku ʻofa kuo fanauʻi ia mei he ʻOtua, pea ʻoku ne ʻilo ʻi ʻa e ʻOtua. 8 Ko ia ʻoku ʻikai te ne ʻofa, kuo ʻikai te ne momoʻi ʻilo ʻi ʻa e ʻOtua; 9 he ko e ʻOtua ko e ʻOfa. Ko eni ia ʻa e meʻa kuo fakaha ai ʻa e ʻofa ʻa e ʻOtua ʻiate kitautolu, ʻa e fekau atu ki mamani ʻe he ʻOtua hono ʻAlo tofupetahanefakatupu, koeʻuhi ke tau moʻui ʻiate ia. 10 Ko eni ia ʻa e meʻa ʻoku ʻi ai ʻa ʻOfa, ʻo ʻikai ko e pehe naʻa tau feia ha ʻofa ki he ʻOtua ʻe kitautolu, ka ko ʻene ʻofa ʻi kitautolu ʻe he ʻEne ʻAfio, mo ne fekau atu hono ʻAlo moʻo fakatupuhoifuaʻanga koeʻuhi ko ʻetau ngaahi hia. 11 Siʻi ʻofaʻanga, kapau leva naʻe pehe ʻa e ʻofa ʻa e ʻOtua kiate kitautolu, pea ko kitautolu foki ʻoku 12 totonu ke tau feʻofaʻaki. Ko e meʻa ki he ʻOtua, kuo teʻeki ke mātā ʻe ha taha ʻi ha taimi. Kapau te tau feʻofaʻaki, ʻoku nofo maʻu ʻa e ʻOtua ʻiate kitautolu, pea ko e ʻofa kiate ia 13 ʻoku kakato ʻiate kitautolu. Koeni ia ʻa e meʻa ʻoku tau ʻilo ai ʻoku tau nofo maʻu ʻi he ʻEne ʻAfio mo ʻEne ʻAfio ʻiate kitautolu, koeʻuhi kuo ne foaki kiate kitautolu mei hono Laumalie. 14 Pea kuo mau siofia, peaʻoku mau fakaha, Kuo fekau mai ʻe he Tamai hono ʻAlo moʻo Fakamoʻui ʻo 15 mamani. ʻIlonga ʻa ia kuo ne fakamoʻoni ko Sisu ko e ʻAlo ʻo e ʻOtua, ʻoku nofo maʻu ʻa e ʻOtua ʻiate ia 16 mo ia ʻi heʻOtua. Pea ko kitautolu kuo tau ʻilo moʻoni, pea kuo tau tui ki he ʻofa ʻa e ʻOtua ʻiate kitautolu. Ko e ʻOtua ko e ʻofa: pea ko ia ʻoku nofo maʻu ʻi he ʻofa, ʻoku ne nofo maʻu ʻi he ʻOtua, pea ʻoku nofo maʻu 17 ʻa e ʻOtua ʻiate ia. Ko e meʻa ko eni ko e fakahaohaoa ʻo e kau ʻa ʻofa mo kitautolu, ʻa ʻetau lotolahi ʻi he ʻaho ʻo e Fakamāu: he hange ko ʻEne ʻAfio aʻana, ʻoku pehe mo kitautolu ʻi he maama ko eni. 18 ʻOku ʻikai ha manavaheʻia ʻOfa: kaekehe ko e ʻofa haohaoa ʻoku ne kapusi ʻa e manavahe: he ʻoku ʻi ai ha tautea ʻi he manavahe. Ka ko ia ʻoku manavahe kuo teʻeki ke 19 fakahaohaoa ia ʻi he ʻofa. ʻOku tau ʻofa ʻe kitautolu, koeʻuhi naʻe tomuʻa ʻofa ʻe he ʻEne ʻAfio kiate kitautolu. 20 Kapau ʻe pehe ʻe ha taha, ʻOku ou ʻofa ki he ʻOtua, ʻosi ʻoku ne fehiʻa ki hono tokoua, ko e loi ia: he ko ia ʻoku ʻikai te ne ʻofa ki hono tokoua, ʻa ia kuo ne mata ʻi, talaʻehai ʻoku ne lava ke ʻofa ki he ʻOtua, ʻa ia kuo teʻeki ke ne mata ʻi? 21 Peako eni ia ʻa e tuʻutuʻuni ʻoku tau maʻu mei he ʻEne ʻAfio, Ke ʻilonga ʻa ia ʻoku ʻofa ki he ʻOtua, ke ne ʻofa foki ki hono tokoua.
1 Sione 5
1 KO ia kotoa pe ʻoku tui ko e Misaia ʻa Sisu, kuo fanauʻi ia mei he ʻOtua: pea ko ia kotoa pe ʻoku ʻofa kiate ia naʻe fanauʻi ʻoku ne ʻofa foki kiate ia kuo fanauʻi mei he ʻEne ʻAfio. 2 Ko e meʻa ko eni ʻoku tau ʻilo ai ʻoku tau ʻofa ki he fanau ʻa e ʻOtua, ʻo ka tau ka ʻofa ki he ʻOtua, mo fai 3 ki heʻene ngaahi tuʻutuʻuni. Ko eni ia ʻa e ʻofa ki he ʻOtua, ʻa ʻetau tauhi ki heʻene ngaahi tuʻutuʻuni. 4 Pea ʻoku ʻikai ke fakamafasia ʻene ngaahi tuʻutuʻuni, koeʻuhi ko ia kotoa pe kuo fanauʻi mei he ʻOtua ʻoku ne ikuna ʻa mamani: pea ko eni ia ʻa e fo ʻi ikuna ne ne ikuna ʻa 5 mamani, ʻa ʻetau tui. Ko hai ia ʻoku ikuna ʻa mamani? ʻikai ko ia pe ʻoku ne tui ko Sisu ko e ʻAlo ʻo e ʻOtua? 6 Ko eni ia ʻa e toko taha naʻe fou mai ʻi he vai mo e taʻatāʻa, ʻa Sisu 7 Kalaisi; ʻo ʻikai ʻi he vai pe, ka ʻi he vai mo e taʻatāʻa foki: pea ko e Laumalie ia ʻoku fakamoʻoni, he 8 ko e Laumalie ko e moʻoni ia. He ʻoku tolu ʻa e fakamoʻoni, ko e Laumalie mo e vai mo e taʻatāʻa; pea ʻoku taha ʻa e fakamoʻoni ʻa e 9 tolu ko ia. Kapau ʻoku tau tali ʻa e fakamoʻoni ʻa e kakai, ka ʻoku lahi hake ʻa e fakamoʻoni ʻa e ʻOtua: pea ko eni ia ʻa e fakamoʻoni ko ia ʻa e ʻOtua, ʻa e fakamoʻoni kuo ne fai ki hono ʻAlo. 10 Ko ia ʻoku tui pikitai ki he ʻAlo ʻo e ʻOtua ʻoku ne maʻu ʻi hono loto ʻa e fakamoʻoni ko ia: ko ia ʻoku ʻikai te ne tui ki he ʻOtua kuo ne tuku ko e loi ʻa ʻEne ʻAfio; koeʻuhi ko e ʻikai te ne tui ki he fakamoʻoni kuo fai ʻe he ʻOtua 11 ki hono ʻAlo. Pea ko eni ia ʻa e fakamoʻoni, Kuo foaki ʻe he ʻOtua kiate kitautolu ʻa e moʻui taʻengata, pea ko e moʻui ko ia ʻoku tuʻu ʻ¿ 12 hono ʻAlo. Ko ia ʻoku ne maʻu ʻa. e ʻAlo ʻoku ne maʻu ʻa e moʻui; ko ia ʻoku ʻikai te ne maʻu ʻa e ʻAlo ʻo e ʻOtua ʻoku ʻikai te ne maʻu ʻa e moʻui. 13 Ko e ngaahi meʻa ko eni kuo u tohi atu kiate kimoutolu, koeʻuhi ke mou ʻilo ʻoku mou maʻu ʻa e moʻui taʻengata; ʻio ʻa kimoutolu ʻoku tui pikitai ki he huafa ʻo e 14 ʻAlo ʻo e ʻOtua. Pea ko eni ia ʻetau lotolahi ʻi he feangai mo ʻEne Afio; ka tau ka kole ha meʻa ʻi he funga ʻo hono finangalo ʻoku 15 ne tokanga kiate kitautolu: pea kapau leva ʻoku tau ʻilo ʻoku ne tokanga kiate kitautolu neongo pe ko e ha ʻetau kole ʻoku fai, ʻoku tau ʻilo ʻoku tau maʻu ʻa e ngaahi meʻa kuo tau kole. 16 Kapau ʻe ʻilo ʻe ha taha ʻa hono tokoua ʻoku ne fai ha angahala ʻoku ʻikai tonu ki he mate, te ne kole, pea te ne tuku kiate ia ha moʻui, ʻio, kiate kinautolu ʻoku fai angahala kae ʻikai tonu ki he mate. ʻOku ʻi ai ha angahala ʻoku tonu ki he mate: ʻoku ʻIkai te u pehe ke ne alaʻaki kole koeʻuhi 17 ko e angahala ko ia. ʻIlonga ha fai taʻetotonu ko e angahala ia, pea ʻoku ʻi aiha angahala ʻoku ʻikai tonu ki he mate. 18 ʻOku tau lāu ʻilo pe, ʻilonga ʻa ia kuo fanauʻi mei he ʻOtua, ʻoku ʻikai te ne angahala; kaekehe, ko ia ne fanauʻi mei he ʻOtua ʻoku tauhi ia ʻe he meʻa ko ia, pea ʻoku 19 ʻikai ala kiate ia ʻe he Fili. ʻOku tau lāu ʻilo ko e tupu mei he ʻOtua ʻa kitautolu, pea ko hono kotoa ʻo mamani ʻoku ʻi he nima ʻo e Fili. 20 Kaeʻumaʻa ʻoku tau lāu ʻilo kuo haʻu ʻa e ʻAlo ʻo e ʻOtua, pea kuo ne tuku mai ha mafai ke tau ʻilo ʻa e Toko Taha Moʻonia, pea ʻoku tau tuʻu ʻi he Toko Taha Moʻonia, heʻetau tuʻu ʻi hono ʻAlo ko Sisu Kalaisi. Ko eni ia ʻa e. ʻOtua Moʻonia, pea ko e moʻui taʻengata. 21 Siʻi fanau, taʻofi kimoutolu mei he tauhi aitoli. 

 http://gospelgo.com/p/tongan_bible.htm#1%20John

Nenhum comentário:

Postar um comentário