domingo, 22 de março de 2015

Injil Matthi: Pakistan



1
1 Yisu Masih nasabnama kitab, Daud bachh, Ibrahim bachh. 2 Ibrahim phushta bitha, Isaak; Isaak phushta bitha, Yaqub; Yaqub, phushta bitha Yahudah wa eshi brathan. 3 Yahudah azh Tamara phushta bitha, Phares wa Zara; Phares phushta bitha Esrom; Esrom phushta bitha Aram. 4 Aram phushta bitha Aminadab, Aminadab phushta bitha Naason, Naaso phushta bitha Salmon. 5 Salmon azh Rahaba phushta bitha, Boaz, Boaz azh Rutha phushta bitha, Obed. Obed phushta bitha Yassi. 6 Yassi phushta bitha Daud Badshah. 7 Daud azh auhiya ki ola Uriyah zal shutha phushta bitha, Suleimau. Wa Suleimau phushta bitha, Rahabiam. Wa Rahabiam phushta bitha Abia. 8 Wa Abia phushta bitha, Asaf. Wa Asaf phushta bitha Yahusafat. Wa Yahusafat phushta bitha Yuram. Wa Yuram phushta bitha Uzziah. 9 Wa Uzziah phushta bitha Yutam. Wa Yutam phushta bitha Akhadh. Wa Akhadh phushta bitha Ezekia. 10 Wa Ezekia phushta bitha Manassi. Wa Manassi phushta bitha Amus. Wa Amus phushta bitha Yusiah. 11 Wa Yusiah phushta bitha Yakuniyah wa eshi brathan Babul pha qaid bandi wela. 12 Wa Babul qaid bandia phadha Yakuniyah phushta bitha Salathiel. Wa Salathiel phushta bitha Zorababel. Wa Zorababel phushta bitha Abiud. 13 Wa Abiud phushta bitha Eliakim. 14 Wa Eliakim phushta bitha Azor. Wa Azor phushta bitha Sadoq. Wa Sadoq phushta bitha Akhim, Wa Akhim phushta bitha Eliud. 15 Wa Eliud phushta bitha Eleazar. Wa Eliazar phushta bitha Matthan. Wa Matthan phushta bitha Yaqub. 16 Wa Yaqub phushta bitha Yusuf Miriam logh wazha. Azh Miriama paida bitha Yisu, Masih namwaren. 17 Phawaukha thewaghen phushtan azh Ibrahima Daud dain chahardah phushtan paida bithaghant. Wa azh Danda Babul qaidhandi dain chahardah phushtan paida bithaghant. Wa azh Babul qaidhandia Masih dain chahardah phushtan paida bithaghant. 18 Wa Yisu Masih paidaish hacho bitha. Hadhen ki anhi math Miriam go Yusufa sang bitha, pheshi ki anhan gon akhtaghant azh PAK RUH dughin zantho shutha. 19 Guda anhi marda Yusufa, ki rasthaz ath wa eshiya lajj khanagha raza na khutha, salah khuthai ki ma anhiar chupa khanan bilan dean. 20 Hawi galwar man wathi dila dihan khanana gind Hudhawand firishtagha whava sahra bitho gwashthai, ki Ya Yusuf Daud bachh wathi zalar giragha ma thurs, ki an bachh ki anhi lafa neanawan bitha azh PAK RUHA bitha. 21 Wa zai bachh khari wa than anhi nam Yisu khan, ki wathi Ummatar azh anhani gunaha darbarith. 22 E thewaghen hal shutha, ki bawan galwar ki Hudhawand nabia marifata gwashtha philar bi ki:- Ginde rungen man lafa dari. 23 Wa bachhe zai kari, Wa irkhanant gushant Immanuel anhi nam. Ki turjuma khutho bi: Go ma phajia Allah bi. 24 Wa Yusuf azh whava hagha bitho, irge khutha cho ki Hudhawand firishthagha hukm datha. Wa wathi zal burthai. 25 Wa anhiyar na zantha, dankho ki wathi bachh niyartha. Wa haweshiyar nam Yisu irkhathai.
2
1 Wakhta ki Yisu Yihudah Bait ul lahama neanwan paida bitha. Herodis Badshah roshani nyama; ginde najumi, mardan azh rosh asana phalawa Yarushalim neanwan akhtoi gwashthaish. 2 An ki Yihudiyan Badshah paida bitha bakhoe? E sanga ki rosh asana phalwa ma anhi istar ditha wa anhi phar sijda khanagha akhtaghun. 3 Wa Herodis Badshaha hawi galwar ashkhutho dili nyama arman bitha, wa thewaghen Yarushalim alam go anh phajla. 4 Wa kull sardar kahinanru, wa shara likkhokhanra much khutho azh anhani phol khuthai ki an Masih ba kho paida bi. 5 Anhiyar gwashthaish di ki Yihudah Bait ul lahama neanwan; phawankha ki nabia dasta hacho likhtho shutha: Thau de Yahudi deha Bait ul lahama; Kastar nen azh Yihudah sardarani, E sanga ki sardare darkhafi azh thai phalwa, Ki pahnwali khat mani Israel ummatani. 7 Guda Herodisa najumi mardan chup khutho gwanjthaghant azh anhani sakigha phol phurs khuthai, ki than wela islar sahra bitha? 8 Wa anhan Bait ul lahama nyanwan shashthatho gwashthai buroe nigahbani khanagha chukh phadha phol phurs khanedh, wakhta ki ginde manan hala de, ki ma de khan eshiyar sijda khanan. 9 Ash badshaha hawi hal ashkhutho sargipthaghant, gindi di an istar ki rosh asana phalwa dithaish anhani demra shudha dankho ki akhto an hand burza kharo bitha ki hawodha an chukh ath. 10 Wa an istar ditho ge mazain shadeha sakhia whashi khuthaish. 11 Wa logh andara akhtho buluar go anhi matha Miriama dithaish, wa eshiya gura khaptho eshiyar sijda khuthaish. Wa wathi horjin bukhtho tangav, luban di, murr di eshiyar dema nazar irkhuthaish. 12 Wa whava gon sakih bitho ki Herodis gura thare ma rave, azh thih daga wathi deha sargipthaghant. 13 Wa ki sargipthaghathant, gindi Hudhawand firishtagha whav sara Yusufar sahra bitho gwashtha, ki kharo bi chukh anhi muth di zirith Misr neanwan gurkhan, hawodhu nind bi dankho ki mah thara tank na khanan phawanka ki Herodis khafith pha pholagha ki an buluar khushan. 14 Wa kharo bitho chukh de anhi math de shaf wela giptho Misr niyanawan sar giptho shuthaghant, wa hawodha ath dankho ki Herodis murtho shutha. 15 Kih au galwar azh Hudhawanda nabia dasta philav bi ki ma azh Misra wathi bachh gwanjtha. 16 Guda Herodisa e hal ditho ki azh najumiyani manan shaghan jatha, sakhia zahr giptho, shashthatho di thewaghen buluwan khushenthaghanti ki man Bait ni lahama wa man eshi kull haddani athant, azli do sala kastaran di, an wela waja ki azh najumiyani sakigha pholphurs khuthai. 17 Guda an galwar philav bitha ki Yarimiyah nabia dasta gushi: — 18 Awaz man Ramah ashkhunana, 18 Gregana wa baz danzana. Rakhil wathi bachhani gregana, An ki nestant tarsalla na girana. 19 Waki Herodis jhetho shutha, gindi Hudhawand firishtagha man Misra whava nyama Yusufar sahra bitho gwashthai ki. 20 Kharo bi an ohukh wa eshi matha gir Israel deha nyanwan ba ran, ki an khas murtho shuthaghant ki buluar zindaghi pholokh athant. 21 Wa kharo bitha bulu wa anhi math de giptho Israel deha nyanwan akhtha. 22 Wa e hal ashkhuthai ki pha Yihudaha Arkhilaus wathi pith banda raj khanaghen azh an handa ravagha thursitha, whava nyama sahih bitho, Jalila bahrani nyanwan thartho shutha. 23 Wa shahrea nyanwan Nasarat nama akhtho nishtha, ki an kalam philav bi, azh Nabi dasta, ki anhiar Nasari gwanjaniji.
3
Man an roshani Yuhanna tobalainokh rasitha, man Yihudiyah barra tank tawar khanana. 2 "Tanva khanedh ki asmani raj nazik en." 3 Mard haweshen ki eshiya kalam azh Yisai nabia dasta datho shutha gushi:— Man Barra gwanjanokhe tanke, Hudhawand rah jorene. Anhi daga sidha khane. 4 Wa hawan Yuhanna azh hustur phosta wathi jaran jan khat wa wathi sarenar; phost-saren-band; madhagh de ladhi benagh anhi whard bitha. 5 Guda eshi gura Yirushalim, wa thewaghen Yihudia, wa thewaghen Yardan chaper dehawal dara shudho. 6 Man Yardan darya, wathi gunah manzur khanana, azh eshiya tuba janagha gipthaish. 7 Wa baz Farisiyan wa Saduqian wathi tuba janagha chaka aokhanra ditho, anhanra gwashthai ki ya marani bachhan shnara khaia shom datha ki azh aokhen zahra gur khane. 8 E sabaha tanva khanagha waja meva biyare. 9 Wa wathi jana nyanwan gushagha dihan ma khanedh ki Abraham mai pithen, ki shuar gushan ki azh hawan singan Abrahama sanga Hudha bachhau hagha khutha khat. 10 Wa ni thafar darashkani bun gnra erkhutho shutha hawi sanga har darashk ki jawain mera na da, buriji wa asa nyanwan phireniji. 11 Bale ma shuar tova sauga man afa tuba janainan, wa an ki mai phada managhen azh ma mastar en, anhi phadh guzar ziragha laiq niyan. An shuar man PAK RUH, wa asa tuba janith. 12 Anhi karai dusta bitha, wa wathi johan-phir jawainigha suthra khat, dan de khuliha neanwan mneh khat, bale phoghar man asa rokhat ki urto yamara na tusi. 13 Guda Yisu azh Jalila Yardan phalwa akhtha, Yuhanna gura ki azh anhiya tuba janagha girt. 14 Wa Yuhanna anhiar mana khutho gwashtha, ki azh than niba janagha giragha manan pakaren, wa than mai gura akhthaghe? 15 Yisua javav datho anhiyar gwashtha. Ni bil de phawanka ki hacho thewaghen sadaqat philav khanagha mam rawa en guda ishtho dathai. 16 Wa Yisu tuba giptho, yabara azh afa burza darkhaptha, gindi di eshiyar azman bnkhthaghant, wa dithai ki Allah Ruh shathlo waja buna irkhapthaghen wa pha eshiya chaka managhen. 17 Ginde di gwank azh azmamuni gushi ki. Hawesh mai Bachh, mani sakhia dosten, man hawe-shiya sakhia whash an.
4
1 Guda Ruha Yisu barr nennawan artha ki shaitan anhiyar azmaini. 2 Wakta ki chil rosha chil shafa roshagh khuthaghath phadha shudhi bitha. 3 Guda radh khanokha eshiyar akhtho gwashtha ki Than Hudha Bachh e hukm de kih hame koh uaghan bant. 4 Javav datho gwashthai ki likhtho shutha ki mardom phel azh naghana zindagh na bi, bale azh har kalama ki Hudha dema dar khafi zindagh bi. 5 Guda shaitana an giptho maqaddas shahr neanwan Hudha logh munara sara kharo khuthai, wa eshiyar gwashthai. 6 Ki Thau Hudha Bachh e wathi jinda digharu phiren, ki hacho likhtho shutha ki: Thai phara wathi firishtaghana hukm da. Thara de zirant aiihaih dastani sara. Hacho na bi ki koh gura dhakha warant thaj phadhanra. 7 Yisua anhiyar gwashtha ki thih handa likhtho shutha ki Hudhawand wathi Hudha ma azmain. Thih, bare Shaitana esh giptho sakhia burzen koha neanawan burtha wa jihan thewaghen raj man anhani shan o shankat shom dathaghanti. 9 Wa eshiyar gwashthai ki than khav mai sijda khane e kull chian thara dean. 10 Guda Yisu anhiyar gwashtha. Dir baro ya Shaitan, ki likhto shutha Hudhawand wathi Allaha denva sijda khan, wa phedh hawaniyara ekhawa ibadat khane. 11 Guda Shajtan ishtho datha, ginde di firishtaghan akhtho anhi khidmat khuthaish. 12 Wa Yisua ashkhutha ki Yuhanna hawala datho shutha, Jalila nyanawan thartho shudha. 13 Wa Nazarat ishtho datha Kafarnahuma nyanwan dirra kandia akhtho nishtha Zebulun wa Naftali man haddani. 14 Ki hawi galwar Yisaiah nabia dasta philar bi gushi:— 15 Zabulun deha wa Naftali dehu Yardan shanbara dirra daga Tumanani Jalila. 16 Hawe alama nishtia man tahara. Ni mazain mire ditha. Nishtokhanra man mant saha. Anhanra chimkitha, an roshnai, 17 Azh, an wela Yisu tank khanagha gushagha khaptha ki Tanva khanedh ki azmanani badshahi nazik en. 18 Wa Yisu Jalila kandea sail khanana do brath dithaghanti yake Shamaun ki anhi nam Patrus en wa anhi brath Andrias, dirra niyanwan jal phirenagha ki mahigh girokh athant. 19 Wa anhanra gwashthai ki mai phadha biyas wa, shuara mard girokh khanan. 20 Wa yabara wathi jal ishtho datho, anhi phadha shuthaghant. 21 Wa shawodha rawan bitho thih do brath dithaghanti Zabadi bachh Yaqub, wa anhi brath Yuhanna, go wathi pitha Zabadi phajia, man bozhia wathi jal jorenaghathant. Wa anhanra gwankjathai. 22 Wa an yabara bozhiar wa wathi pithar ishtho datha anhi phadha akhtaghant. 23 Wa Yisu thewaghen Jalil deha edha odha shutha, nawash loghani nyanwan sikhalana, badshahi whashhal deana, wa thewaghen nadurahi wa thewaghen be seki nian unimata durah khanana. 24 Wa eshiya namudh tawar kull Suriya neanawan dema shutha, wa anhan ki wharen bal darant azh range range nadurahi wa dukh giptiyethant, shaitanan giptiyethant, wa mahalaqwa, wa larzokhan thewaghen eshiya gura arthaghantish wa durah khuthaghanti. 25 Wa baz julgavan azh Jalila, wa azh Dikapulisa, wa azh Yarusalema, wa azh Yihudiya, wa azh Yardan shanbara deha eshi phadha shuthaghant.
5
1 Wa julgavanra ditho koha neanawan charitha, cho ki nishtho shutha anhi shagird eshiya gura akhthaghant. 2 Wa wathi daf bokhtho anhan sikhalthai gwashtai. 3 Muvarik ant ruh gharivan, phawankha ki asmanani badshahi anhanien. 4 Muvarik ant, dilgiran phawankha ki tarsalla khuthia bant. 5 Muvarik ant haliman phawankha ki jihan waris bant. 6 Muvarik ant an ki sadaqat shudhi thuni astant phawankha ki ser bant. 7 Muvarik ant rahm khanokhan phawankha ki rahm girokh bant. 8 Muvarik ant dil safwulan phawankha ki Allahar gindant. 9 Muvarik ant hair khanokhan phawankha ki Allah bachh gwanjijant. 10 Muvarik ant an ki sadaqat sanga dukhi bithaghant, ki azmanani badshahi anhanighen. 11 Sha Muvarik e, ki alam shuar za deant, dukh deant, Wa shai sara diroghe hal gushant mai nam sanga. 12 Whash bie, sakhia whash bie, ki man azmanani shai inam mazain bi, ki hacho nabianra dukh dathaish ki azh sha phesha athant. 13 Jihan whadh sha aste wa ki whadh lazzata gar bi, chiranga chashagh khaniji hech kar nyawan zor na dari, bajh ki dara phirenant azh mardom phadhani buna latariji. 14 Jihan rosh sha aste shahr ki koha tahaintho shutha likenth khuth na bi. 15 An khasan diwa ki rokhanant topav buna na irkhanant, bale shamadan chaka irkhananti, wa thewaghen khasanva ki man logha bant roshni khat. 16 Irge shai roshni mardomani denwa roshni khat ki shai jawain kar gindant, shai Pithar de galaant ki azmanani nyama asten. 17 Dihan ma khanedh ki tauret wa nabi kitav gar khanagha akhtaghan, philav khanagha akhtaghan, na gar khanagha. 18 Ki amin galwar gushan. Dankho ki azman wa jihan gar guzasht na bant azh an taureta, ya nukhta, ya harf gar na bi, anwela daini ki har galwar philav bi. 19 Phawankha har khas ki esh hukmani kastare bhoreni, man azmani badshahi "kastaren" gwanjaniji bi bale an khas ki anhanra khat wa shomdarith man azmani badshahi "mastaren" gwanjaniji. 20 Phawankha shara gushan, ki shai sidq azh Farisiyani, shara likhokhani sidqa mazain na bi, azmanani. — Badshahi nyama mundo na rave. 21 Sha ashkhutha ki phiruka galwar gwashtha. Ki Hona ma khan, har khas ki hon khat, adalat shaza laiq bi. 22 Bale shawar ma gushan ki har khas ki wathi bratha sara zahr girt, adalat shaza laiq bi, wa harkhas ki wathi brathar gushi "Chitta." Mazain majlisa shaza laik bi, bale har khas ki gushi Ganokha as dozhakh laiq bi, 23 Phawankha ki thau wathi nadhar kurbangah chaka dema khare, hawodha thara gir bi ki mai sara mai brath dahn khat. 24 Wathi nadhar kurbangaha demva bil de, wa baro, pheshi go wathi bratha haira khan guda di akhtho wathi nadhar dema khare. 25 Dahn deokha gon zithen haira khan, harwela ki go haweshiya man daga biye, hacha ma vi; ki dahn deokh thara qazi dasta da, wa qazi di thara sipahi dasta da, guda than qaizhanda neanwan phirenije. 26 Amin thara gushan ki shawodha mundo na darkhafe danko ki har panji na sajaintha. 27 Sha ashkhutha ki phirukanra galwar datho shutha ki zina ma khan. 28 Bale ma gushan ki har khas ki zulea sara gindi anhiyar ashak bi, nin wathi dila nyama go anhi phajia siyah bitha. 29 Wa ki thai rasten chham thara dhaba waraini, azh jana khashi phireni, ki thai sanga yake bazu gar biagha hair hal en, wa na ki thai thewaghen jind dozakka neanwan phireniji. 30 Wa ki thai rasten dast thara dhaba wairani, azh jana dir phireni, phawankha ki thai sanga yaki bazu gar biagha haire halen, wa na ki thai thewaghen jind dozakka neanawan ranth. 31 Galwar gwashtha ki mard ki wathi zal raddi khat, talak nama anhiyar da. 32 Bale ma shawar gushan ki har khas ki wathi zal thih sababa raddi khat sawa zina sababa, anhiyar siyah khat, wa har khas ki go raddien zala sir khat, wath zina khat. 33 Thibare sha ashkhutha ki phirukar galwar gwashtha ki daroghen saughan ma zir, bale wathi saughan Hudha dema philav khan. 34 Bale ma shuar gushan ki saughan hechi ma zir, man azmana saughan ma zir, ki Allah takht en. 35 Wa na man jihana ki anhi phadhani gaddi asten, wa na man Yirushalema nyama ki mazain Badshah shahr en, 36 Wa na man wathi saghar saughan zir, ki than ya phute saweth siyah khuth na khane. 37 Bale shai kalam hau, hau bi, inna, inna bi, an ki azh eshani geshtar bi, azh gandagha bi. 38 Sha ashkhutha ki galwar bitha chham iwaz chham bi, dathan iwaz dathan bi. 39 Bale ma shawar gushan gandagha chaka ziddi ma boshte bale an khasea gura ki thai rasten soth, chapol jat, chappe soth di anhi denva khan, 40 Wa an khasear ki go thau shara khat, wa thai kurti giragha salah khat, wathi kawah di bil de. 41 Wa an khasea gon ki yak kohe, wathi phajia zor bart, go anhi phajia do koh birau. 42 An khasear ki azh thau sawal khat anhiyar de, azh an khasea ki thai wam giragha salah khat, phushta, ma de. 43 Sha ashkhutha ki galwar gwashtho shutha, ki go wathi hamsaya dosti khan, go wathi duzhmana duzhmani khan. 44 Bale ma shuar gushan, go wathi duzhmana dosti khane, anhani phara ki shuar dukh deant dua lote. 45 Hacho ki shai pith bachh biyedh ki asmanani nyama saten, phawankha ki e wathi rosh pha gandaghen khasani di, pha nek khasani di asainaghe, wa pha rastani, wa pha na rastani haur gwaraini. 43 Phawankha ki sha go anhani ki shai dosti khanant dosti khanedh, chi inam daredh? mahsul girokh di haoho na khanant? 47 wa ki wathi brathana phed salam khanedh, chi baz khanedh? irge thih tuman di na khanant? 48 Phawankha sha kamil biyedh, cho ki shai azmani Pith kamil en.
6
1 Shiwar biyedh ki wathi sadaqat mardomani denwa anhani gindagha phara ma khanedh, agar ki na, azh wathi pitha ki man azmanani en hech inam na daredh. 2 Phawankha an wela ki thau hairath khane, wathi denra tlitua nia jan 2, oho ki thagi khanokhan man nawash loghani, wa man bazaran khanant, ki azh mardomani galaagha girant, amin shawar gushan, anhan wathi inam giptho shutha. 3 Wa ki thau hairat khane thai chappe dast sahih na bi, ki thai rasten dast chih khat, ki thai hairat man liki hala bi. 4 Wa thai Pith ki man liki hala gindi thara sahrai inam da. 5 Wakta ki sha dua lotedh tagi khanokhani waja ma biedh phawankha ki man nawash-loghani, wa man bazar chundani oshtokhan dua khanagha dosti khanant, hacho ki mardomanra sahra bant, amin shawar gushan ki anhan wath inam giptho shutha. 6 Bale thau wakta ki dua khane, wathi kulla niyanwan andara birau wathi galo band khutho, wathi Pithar anhiyar ke man liki hala bi du'a khan, wa an thai Pith ke man liki hala gindi thara inam sahrahiya da. 7 Wa ki dua khanedh bak bak thih tumanani waja ma khanedh, phawankha ki anhan dihan khanant ki man wathi baz baz galwaran khanana ashkhutho biyun. 8 Hawe sanga anhani waja ma biyedh, phawankha ki shai Pitha shai azh eshi pholkhanagha pheshi sama girt ki shuara chi pakar en. 9 Phawankha sha have ranga du'a khanedh, ya mani Pith ki azmanani nyama aste. 10 Shai nam Pak bi, Thai Raj khai, Thai salah hacho ki man azmana bi pha jihan di philav bi. 11 Rizk naghan maigh rosh rosha mara de. 12 Wa mai wam mara bashk de, cho ki ma wathi wam darokhan bashk deun wa mara azmaish neanwan ma biyar. 13 Bale azh radh khanokha mara darbar. 14 Phawankha ki mardomanra anhani gunahan bashke, thai Pith di shawar bashk da. 15 Bale ki mardomanra anhani gunahan na bashke, hacho di shai Pith shai gunahan bashk na da. 16 Wa an wela ki roshagh dare, tagi khanokhan waja munjha-dem ma biyedh phawankha ki wathi drosham munjha khanant hacho ki roshagh darokh mardomanra sahra biyant. Amin shawar gushan ki anhani wathi inam gipto shuta. 17 Bale thau roshagh darana wathi saghrara mush wa wathi drosham shodh. 18 Hacho ki mardomanra roshagh darokh sahra na biye, bale wathi Pithar, an ki man likhi hal en: wa an Pith thaigh ki man liki hala gindi, man sahra hala thareni thara da. 19 Wathi jindi phara khazana pha jihana much ma khanedh, ki hawedha hes o chirt warant, wa duzan sand jatho duzi khanant. 20 Bale wathi jan phara khazana man azmana much khanedh ki hawodha na hes na chirt warant, wa hawodha duz sand na janant, naduzi khanant. 21 Phawankha ki hawan handa ki thai khazana bi, hamodha thai dil bi. 22 Jind chiragh chham en, phawankha ar thai chhame saf bi, thai thewaghen jind azh nura philav bi. 23 Bale ar thai chham gandagh bi, thai thewaghen jind tahar bi, phawankha ar an nur ki man thai bi taharen, tahar chon mazain bi. 24 Do wazhar khizmata khase khuth na khat, ki hai yakear duzhmani khat, iptiyar dosti khat, ya yakear chikolith iptiyar na-hech gani, Hudha wa duniya khizmat sha khutha na khanedh. 25 E sababa ma shuar gushan wathi jan phara aghama na khanedh, ki chi warun, chi nosh khanun, wa na wathi jinda phara ki chi jar poshun. Azh wharda jan jawain nen? azh jara jind jawain nen? 26 Gindedh azmanani murghani gura ki na khishant na ron khanant, na kholiyani neanawan much khanant, wathaiazmani pith anhanra pali. Sha azh anhani gran bha niye pachi? 27 Azh shai pha aghama khanagha khai pha wathi qadda yak harashe drazh khuth khat? 28 Wa jarani phadha pachi agahma, khanedh? khishar hasami sosanra jawaniya dihan khanedh chon rudhaghant, kar na khanant na bresant. 29 Wa shuar gushan ki bale na Suleiman man wathi thewaghen raunaka azh anhiya yakea waja poshitha shutha. 30 Waki Allah irge khishar remvar poshaini, ki maroshi asti, wa bangha thafagh neanawan phirentho bi, o iman kisanirowan shawar cho baz, na poshaini pachi? 31 Phawankha aghama ma khanedh, ma gushe ki chi waniii ya chi nosh khanun, ya chi poshenun. 32 Ki e thewaghen chi thih tumanan pholant Phawankha ki shai azmani pith zani ki e thewaghen chhi shawar pakaren. 33 Bale pheshi an Hudha Badshahi wa eshiya sadaqat, pholedh wa e thewaghen chhie shai demva shawar irkhanijant bant. 34 Phawankha bangha niyanwan aghma ma khan bangha wathi hal aghma khat. Maroshe dukh, maroshe sanga gwasen.
7
1 Hukm ma khanedh, ki shawar hukm na khaniji. 2 Ki man hawan hukma ki sha khanedh, shara hukm khaniji, wa man an mech, ki sha mech khanedh shara mech khaniji. 3 Wa than an kak ki thai brath chham nyawa asten pachi ginde? wa an drazhdar ki man wathi chhama asten sama na gire. 4 Ya chirga wathi brathar gushe ki Mokal de ki azh thai chhama kak dara khashan, ginde di man wathi chhama drazhdar en. 5 Ya tagi khanokh phesh azh wathi chhama drazhdar khash, guda di azh wathi brath chhama kak dara khashagha jawainiya ginde. 6 An ki paken binganra ma de, wathi durr hikhani dema ma phirene, hacho navi ki wathi phadhani buna lataranti, wa dema thartho shara dinant. 7 Lotedh shuar deiji, pholedh shai dasta khait, galoar dasta janedh shara bushkiji. 8 Phawankha ki har lotokh ziri, wa an phol khanokh dast go ziri wa dasta janokhar bushkiji. 9 Azh sha khaien marde bi ki wathi bachh nagkan loti eshiyar khohe da? 10 Ya ki mahi lotith eshiyar mare da. 11 Phawankha ki sha gandaghen biokhan wathi bachhanra jawain chie deagha zanedh, chon ziyat shai an Pith man azmanani jawaen chien wathi lotokhanra da. 12 Phawankha har chie, ki raza khanedh ki mardoman shai phara khanant, hacho di sha, anhani phara khanedh phawankha ki hacho tauret di nabi galwar di. 13 Azh thanken galoa sanga andara biyae, ki an galoa phrahen, an rah barawar en ki halakata neanwan, sohav khat wa baz ant an khasan ki azh eshi marifata andara khaiant, phawankha ki thanken an galoa, wa an dag auka en ki haiyati neanawan sohav khat wa an ki eshiya zanokh bant kamen ant. 15 Azh diroghen nabiyan shiwar biedh, ki shai gura meshani ves nyama khaiant, bale andara dinokhen gurk ant. 16 Anhanra azh anhani mewa phajaredh, agh kutagha angur girant? agh kanderi anjir girant? 17 Irge har jawain darashk jawain mewa kari, har gandaghen drashk gandaghen mewa kari. 18 Jawain drashk gandaghen mewa arth nakhat, gandaghen drashk jawain mewa arth na khat. 19 Har drashk ki jawain mewa na kari, buriji, asa phireni ji. 20 Bale anhanra azh anhani mewa phajaredh. 21 Na harkhas ki manan Hudhawand, Hudhawand gushi azmani badshahi neanwan andara ro, bale an khas ki mani Pith salah khat ki azmani niyanwan asten. 22 Man hawan rosha baz mardan manan gushant, ki ya Hudhawand, ya Hudhawand ma man thai nama nabuwat na khutha, wa man thai nama shaitan na khashthaghant wa mau thai nam baz qudrat na khuthaghant. 23 Guda di go anhani iqrar khanan, ki shuar mundo phajaniyaran, azh ma dira baroe, ya na rawa kar zor khanokhan. 24 Phawankha har khas ki mani eshan kalamanra gosh dashtho, khanaghe di, siharalen mardea waja bi ki wathi maria koha chaka thain thai. 25 Wa hanra gwartha, kaura af artha di, gwath di khashtha wa pha hawan maria jatha, wa khaptha na bitha phawankha ki koh chaka aierodhi. 26 Wa har khas ki mani e kalamanra biyashkhut wa na khat, ganokhen mard waja bi, ki wathi mari pha rekh chaka thaaintha. 27 Wa hanra gwartha, khaura af artha, gwatha khashtha, wa hawan maria jatha wa mari khaptha, wa eshi khafagh mazain ath. 28 Wa e hal bitha ki Yisua e kalam philav khuthaghant au julgav eshi pha sekhalagha azh jana hairan athant. Phawankha ki anhanra sekhalokh ath, hacho ki ikhtiyar darokh ath wa na anhani shara likho khani waja.
8
1 Wa Yisu azh koha buna irkhaptha baz julgav eshiya phadha shuthaghant. 2 Ginde garrwalen mard akhtho eshiya sijda khutha gushi. Ya Hudhawand ki raza khane, manan pak khuth khane. 3 Wa wathi dast drazh khutho anhiyar laitho gwashtai raza khanan, pak bi, wa yabara eshiya garren pak bitha. 4 Wa Yisua anhiyar gushi, ki gind hech khasear ma gush. Bale birau, wathi jan kohenar shom de, anhanra shahidi neanawan an Hudhai nadhar demva khan, ki Musa hukm datha. 5 Wa esh Kafarnahuma neanwan andara shutho yak subadara eshiyai akhtho minnat khutha. 6 Ki ya Hudhawand mai thih man logha khapthaghen falij larzagh sakhigka azabmaud en. 7 Wa eshiyar gwashtai, Ma khan anhiyar durah khanan. 8 Wa subadara javay datho gwashthai ki Hudhawanda ma laiq niyan ki Thau mai chat buna andara khaie, bale siwa kalama gwash wa mai thih durah bi. 9 Phawankha ki ma di mardea iktiyar buna astan. Ma wathi gwar buna sipahiyan daran, wa eshiyar gushan birau, wa ravaghe, wa thihar biya wa managhen, wa wathi thihar e kar khan wa khanaghen. 10 Wa Yisua ashkhutho hairan bitho wa hawan khasanra ki eshiya gon shuthaghant gwashtha ki. Amin shawar gushan ki irge, iman man Israela ma mundo na ditha. 11 Wa shuar gushan ki baz mardan azh rosh asana rosh irshafa khant, wa go Abyahama, wa Isaaqa wa Yaquba, man azmani badshahi nindokhan bant. 12 Bale azh badshahi bachhani dara tahara niyanwan phirenijant, odha, an greagh, wa an dathan drushagh bi. 13 Wa Yisua subadarara gwashtha. Birau hacho ki tha iman khutha, e ranga thara bi. Wa man hawe gharia an thih durah bitha. 14 Yisua Patrus logha neanwan akhtho, anhi wasiar dithai ki tafa giptho kaptthien. 15 Wa anhi dastar laithai, wa taf azh anhiya shutha, guda an kharo bitho eshi khizmat khuthai. 16 Begah shutho eshiyar baz mard arthaghant azh shaitanan gipthyiethant, wa azh kalama an ruhen khasthaghanti wa thewaghen nadurahen mar durah khuthaghanti. 17 Hachlo ki an galwar Yisai nabia dasta philav bi ki ESHIYA mani beseki gipthaghant wa mani nadurahi burthaghant. 18 Wa Yisua bazen julgavan wathi char dema ditho hukm dathai ki ipti kande neanwan ma rawan. 19 Wa shara likhokhea akhtho gwashthai ki ya Hadi man har handa ki thau darkhafe thai phadha juzan. 20 Anhiyar Yisua gwashtha ki rophask hodan darant wa azman murghan alaro darant, bale Adam bachh saghar irkhanagh hand na dari. 21 Azh shagirdani duhmia gwashtha. Hudhawand mani, phesha manan mokal de ki rawan, wathi phitha di puran. 22 Wa Yisua anhiyara gwashtha ki mai phadha biya, wa mokal de ki murdagh wathi murdaghanra purant. 23 Wa ki esh beria nyanwan oharitha, eshi shagird eshi phadha shuthaghant. 24 Gindedh di dirra neanwan mazan hallagha bitha, hacho ki beri azh lahrani buna liki jatha, bale esh waptiyeth. 25 Wa akhthaghant eshiyar agha khutho gwashthaish. Ya Hudhawand mara darbar, halak biaghun. 26 Anhanra gwashthai, ki sha pachi tursaghe kisain-imau-wal guda kharo bitho gwathar di dirrar di mana khutha, wa mazain aram bitha. 27 Wa an mard-gal hairan bitho, gwashthaish, ki than rangen marde haweshen? Ki gwath di dirra di eshiyar mannaghaint. 28 Wa ipti kandea neanwan akhtho Gadarim deha neanwan do mard tretithaghanti ki azh Shaitanan gipthiyethant azh goristana darkhapthaghant, sakhigha thursenokh athant ki khase pha an daga guzagha, zor na khutha. 29 Ginde, gwank jathaish gushant thara go ma chi kar bi O Allah Bachh. Than edha akhtha ki azh an wela phesha mara azab khane? 30 Wa azh anhan dira baz hikh gal charaghath. 31 Wa an Shaitana minnat khutha, ki thau mara khashe, an hikh gala neanwan mara demv de. 32 Gwashthai barawedh, ginde di an hikh gal azh daranga darya neanawan er thakhthaghant wa afani nyama gar bitha ghant. 33 Wa an charenokh gurkhutho shahr neanawan akhthaghant di thewaghen hal wa an Shaitani bithaghen hal dathaish. 34 Ginde di kull sharhrwal Yisua sangat trethagha dara shuthaghant, wa gindana minnat khuthaish, ki azh mani deha sarhaddani baro.
9
1 Wa bozhia neanwan charitho anega shutho wathi shahra neanwan akhtha. 2 Ginde di eshi gura larzaghen falij khate chaka phirentho araghathant, wa Yisua anhani iman zantho falij larzokhar gwashtha bachha khatira jam khan thai gunahan bashkhathiya shuthaghant. 3 Ginde di azh shara likhokhani kharde pha wathani gwashtha, ki hawesh phukar khanaghen. 4 Wa Yisua anhani matlav zantho, gwashtha ki chi phara wathi dilani nyama bad-dihan khanaghe? phawaanka. 5 Chi Saukatharen en? e gushagha ki thai gunahan bashkhathiya shuthaghant, ya an gushagha ki kharo bi char dema saila khan. 6 Wa ki zanedh ki Adam bachh ikhtiyar darith ki jihan chaka gunah bashk da (falij larzokhar gushaghe) kharo bi wathi khatra zir, wa wathi logha niyanwan birav. 7 Kharo bitho wathi logha niyanwan shutha. 8 Wajulgavan hawi hal ditho thursitliaghant, wa Allah galaithaish anki hacho ikhtiyar mardomanra deokh en. 9 Wa Yisu shawodha shutha mahsul handa ohaka mardea nishtia dithai ki Matthi namwar ath, wa anhiyar gushaghen mai phadha biya, wa kharo bitho eshi phadha shutha. 10 Wa ehal bitha ki man logha pahnadhi nishto ginde di baz mahsul girokh wa gunahgar akhthaghant Yisua wa wathi shagirdani gon pahnadhi nishthaghant. 11 Wa an Farisiyani e hal ditho eshi shagirdanra gwashtha ki shai wazhago mahsul girokhani wa gunahgarani pacho wart? 12 Yisua ashkhutho gwashtha ki durahen mard taviv gharz na darant, bale an ki nadurahi darant, 13 Sha baravedh, egalwar chi be sikhedh rahm pasand khanan qurbani na, phawankha ki sadiqanra na, bale gnnnhgaranra pha gwanjanagha akhthaghan. 14 Guda Yuhanna shagirdan eshi gura akhthaghant, gwashthaish, ki ma di Farisi di pachi baz welan roshagh darun, bale thai shagirdan roshagh na darant. 15 Yisua anhanra gwashta ki jhanj gregha khat wakhta ki sir wazha go anhani phajia bi? bale an roshan khaiyant ki sir wazha azh anhan bari ji, wa guda roshagh darant. 16 Hech khase nokhe gudh gaphall kanne jar chaka na doshith phawankha ki eshiya philaven gaphall azh an jara giraghen wa dinagha whar bi. 17 Wa kaune khaliyani neanwan nokhe sharav pur na khanant, ki hacho bi, an khalidirant wa sharav buna rishant, wa khali di whar bi, bale nokhen sharav nokhen khaliyani neanwan purkhanant, wa har do sambalijant. 18 E galwaran anhanra gushagh ath ginde ya sardare akhtho eshiyar sijda khuthai gushi ki mani jinnikh ni murtho shutha, bale biya anhi chaka wathi dasta erkhan wa zindagh bi. 19 Wa Yisu kharo bitho eshi shagird di eshiya phadha shuthaghant. 20 Ginde di yak zalea ki anhi hon doazdah sala azh lafa darkhafagheth eshi phadha akhtho daman chaka murdanagh laitha. 21 Phawankha ki man wathi dila gwashthai ki phed eshi damanar dast lainan darbarijan. 22 Wa Yisua wajaintha ditho anhiyar gwashthai, o jannikh khatir jama khan, thai imana thara darburtha wa azh an jhatea an zal darburithiya shutha. 23 Wa Yisua sardar logha neanwan akhtho, grav janokhan de julgav dhar pit khanokhanra de ditho gwashthai. 24 Handa bil de phawankha ki jannikh murtho na shutha bale waptiyen, wa eshiya chaka chatri khandithaish. 25 An wela ki julgav dara khashtai wath andara shutha guda anhi dast gipthai, jannikh de kharo bitha. 26 Wa an thewaghen degha neanwan eshi nam darkhaptho shutha. 27 Wa Yisu shawodha gwastha do khoren mard eshi phadha shuthaghant, gwanka janana goshana O Daud Bachh main chaka rahm khan. 28 Logh andara akhta khoren mardan eshi gura akhthaghant. Yisua anhanra gwashtha ki iman daredh ki e kar khutha khanan. Eshiyar gushant Han Hudhawand. 29 Guda chhama dast laitho, gwashthai, ki cho ki shai iman en hacho shara bi. 30 Wa anhani chham bukhtho shuthaghant. Wa Yisua anhanra malamat khutho gwashtai. Gindedh chi hech khase hala sahi na bi. 31 Bale shuthaghant eshi nam man hawan thewaghen deha hullain thaish. 32 Wa anhan ki ravaghathant, ginde gunge mard, azh shaitanea gipthiyeth eshi gura rasainthaish. 33 Wa an shaitan khashtho hame gunge marda galwar khutha, wa an julgav hairan bitho gwashtha ki hechwela hacho man Israela mnndo sahra na bitha. 34 Bale an Farisiyan gwashtha ki shaitanani Sardar madada shaitanan khashaghen. 35 Wa Yisu thewaghen shahranra wa halkanra edha odha shutha man anhani nawash logha sikhalana wa Badshahi injil tank khanana, wa thewaghen nadurahinan wa thewaghen besekenan durah khanana. 36 Wa an julgavan ditho anhani phadha dila thars akhtha, ki munjha bithiyethant wa khard bithiyethant meshani waja ki pahnwal nen ish. 37 Guda wathi shagirdanra gwashtai ki fasl bazen, hakh ronokh kamen astant. 38 Phawankha azh fasl wazha sawal khanedh hacho ki wathi fasl neanwan ronokhan demv da.
10
1 Wa doazh dah shagirdan wathi gura gwanjtho anhanra pha napak ruhani ikhtiyar dathai, hacho ki khashagha khanantish wa thewaghen na durahi, wa thewaghen beseki ki shifa khanantish. 2 Wa doazdah rasulani nam haweshant. Pheshi Shamaun, ki gwanjtho shutha Patrus, wa wathi brath Andrias, Yaqub, Zabadi bachh, wa anhi brath Yuhanna, Phailbus wa Bartholmi, Thuma wa Matthi mahsul girokh, Yaqub Alphius bachh, wa Thaddaius. 4 Shamaun Kanani, wa Yahuda Iskarioti, ki e tagi khutho giraintha. 5 Eshan doazhdah Yisua shashthaghant taqid datha gushi. Thih tuman deha neanwan ma baroedh wa Samari shahrani neanwan andara ma baroe. 6 Bale peshtar Israel logh gar bithaghen meshani gura baroedh. 7 Wa ravathia ravathia waz khanedh, ki azmani badshahi nazik en. 8 Nadurahi mardomanra durah khanedh, murdaghar zindagh khanedh, garren mardan pak khanedh, shaitananra khashedh, sha sakigha bashk gipthaghe sakigha bashk diyedh. 9 Wathi sarenbandani neanwan na tangav, na zar, ua pital ma daredh. 10 Na raha neanwan garanch, na do khawahan na chabbav na lath, ki phoria wathi whard laiqen. 11 Wa an shahra, an halka neanwan ki rawedh shiwarigha pholkhanedh ki anhi nyama khai laiq en, wa odha nindedh dankho ki darkhafedh. 12 Wakta ki an logha neanwan andara ravedh, anhi salam khanedh. 13 Wa ki hawan logh laiq bi, pha hawani chaka shai salam bi bale ki laiq na bi, shai gura shai salam thari khai. 14 Wa an khas ki shara qabul na khat, na shai kalamanra ashkhut, azh au handa ya hawan shahra darkhafe azh wathi phadhani hakha chandedh. 15 Amin shawar gushan ki man qiyamat rosha, azh hawan shahra Sadum wa Ghamurah sahagha arzan hal bi. 16 Gindedh shuar meshani waja gurkhani neanwan shashtan, phawankha marani waja siharal biyedh, kavotani waja be ziyan. 17 Bale azh mardoman shiwar biyedh, ki majlisa neanwan shara hawala, wa man anhani nawash loghani latha janant. 18 Wa mai phara pha sardarani wa badshahani dema karant, ki anhani phara wa thih tumanani sanga shahidi bi. 19 An wela ki anhan shuar hawala deant aghama ma khanedh, ki ma chon ranga, ya chih gushun ki man hawan ghari shara dathi ro ki hacho gwash. 20 Ki sha goshokh niye, bale shai Pith Ruha ki shai nyama gushokh. 21 Brath wathi brathar miragha neanwan hawala da, wa pith wathi bachhar da, wa chukh chori wathi pithani mathani chaka dema kharo bant, wa anhanra khushainant. 22 Wa mai nam sababa azh thewaghen mardani shawara duzhmani khanant, bale an khas ki akhira neanwan sehokh bi, hama khas darbariji. 23 Wa wakta ki shuar man e shahra dukhi khanant, an shahra neanawan gur khanedh ki amin shuar gushan, ki Israel shahrani guzana philav na khanedh, dankho Adam Bachh na khai. 24 Shagirde azh wathi ustadha mastar nen, wa na gholam azh wathi wazhaha. 25 Shagirdar gwas bi ki wathi ustad waja bi, ki logh wazhahar Beelzebul gwanjthaish, chon geshtar eshiya logh walanra? 26 Phawankha azh anhan ma thursedh, ki hech chie band na bitha ki na bushkiji, wa hech likithi na bi ki sahra na khaniji. 27 An ki thahara nyama ma shuar gushan, roshnai nyama gushedh, wa an ki goshan neanawan khash khanedh, chatani chaka tankha khanedh. 28 Wa azh anhan ma thursedh, ki jinda kushant, ruh khushth na khanant, bale geshtar azh anhiya thursedh ki ruh di wa jind di man dozakha halak khuth khat. 29 Do jhirki pha yak phanji shwashkagha na khaptha pha chi? wa azh anhani baghair sha. Pitha yake pha dighara na khafi. 30 Shai saghrani thewaghen phutani lekhthiya shuthaghant. 31 Phawankha ma tursedh azh baz jhirkiyan sha gran bha edh. 32 Phawankha har khas ki mardomani demva mai sara iqrar gushi, ma di anhiya sara iqrar gushan wathi Pitha demva ki azmane nyama aste. 38 Bale har khas ki mardomani demva manan inkar khat, wathi Pitha demva ki man azhmani aste anhiyar inkar khanan. 34 Dihan ma khanedh ki pha jihana hair phirenagha akhthaghan, hair phirenagha na akhthaghan, bale zahm phirengha akhtaghan. 35 Phawankha mard azh wathi pitha pha dir khanagha akhthaghan, wa jannikh azh wathi matha, wa nashar wathi wasia azh. 36 Wa mard duzhmanan wathi loghwal bant. 37 An khas ki pithar ya mathar azh ma bazigha dosti khat mai laiq nen, wa an khas ki bachh ya jannikh azh ma bazigha dosti khat, mai laiq nen. 38 Wa har an khas ki wathi suli na git mai phadha na khai, mai laiq nen. 39 An mard ki wathi janar sambalith, eshiyar gar khat, wa an ki wathi janar mai phara gar khat eshiyar sambalith. 40 An khas ki shawar qabul khat, manan qabul khat, wa an khas ki manan qabul khat mani shastokhar qabul khat. 41 An khas ki nabiar qabul khat nabi nama neanawan, nabi inam girt, wa an khas ki sadiq nama neanwan sadiqar qabul khat, sadiq inam girt. 42 Wa an khas ki phed shagirde nama neanwan an kisain mardani yakear sarthen af da, amin shawar gushan ki wathi inam mundo gar na khat.
11
1 Wa e hal bitho harwela ki Yisua wathi doazhdah shagirdanra hukm datho khutha, man anhani shahrani pha sikhalagha wa waz khanagha shamodha shutha. 2 Wa Yuhanna qaidkhana nyama Masih karbaran ashkhutho. 3 Azh wathi shagirdauzh shashthatho eshiyar gushant ki Thau an aokh e, ya thih khasear charnu. 4 Wa Yisua javav datho anhanra gwashtha, an chie ki sha ashkhune, ginde, Yuhannar hala diyedh. 5 Khoren mard burza gindaghant, langen mardan juzaghant, garren mard pak khutho shuthaghant kharen mard ashkhunaghaint, wa murthaghen mard zindagh biaghaint, waghariv mardanra whash hal gwashthi ro. 6 Wa muvarik an khas bi ki mai nyama tuda na warth. 7 Wa ki e alam wath rawan bithaghant Yisua an julgavanra, Yuhanna phadha gushagha khaptha, ki barr neanawan chi hirthiya gindagha khapthaghe kik kalam azh gwatha lodainthiyeth? 8 Bale chi gindagha darkhapthaghe, mard ki man narmen jar poshthiya shutha? gindedh an ki narmen jaran ziraghaint, man Badshahani mariyan astant. 9 Bale parchi darkhapthaghe? nabiar gindagha phachi? han shawar gushan, wa agh nabiya mastir. 10 Haweshen hawan mard ki anhiya phadha likhtho shutha ki, "Gindedh ma wathi Rasul THAI drosham demva shashthan, ki THAI denva THAI rah thakrahi khat." 11 Amin shawar gushan, ki mathani paidaish nyama azh Yuhanna af tobalokha masthar kharo na bitha, bale an ki azman badshahi nyama kastar en, azh anhiya masthar en. 12 Bale azh Yuhanna af tobalokh roshani dani vakta azmanani badshahi zor sehtha, wa go zora mard eshirar giraghaint 13 Phawankha ki thewaghen nabiyan wa taurata Yuhanna dain nabuwat khutha. 14 Wa ki qabul khanagha razai khanedh hawe Iliyas en, an ki aokh bi. 15 An khas ki goshan darith ashkhut. 10 Bale hawesh pera chi bujharat bandan? chukh choriyani waja eu, man bazarani nindokhan. 17 Ki pha wathani yakaptiya chaka gwanjanant gushant:— "Ma shai sanga girav jatha nari nari, Sha dris na jatha phadhi phadhi, Mai shai sanga gretha gretha, Sha sina mara na jatha jatha." 18 Phawankha ki Yuhanna na waragha, na nosh khanagha akhtha, wa gushant, shaitana dareghen. 19 Adam bachh waragha wa nosh khanagh akhtha wa gushant, gindedh warokhen sharav-nosh-khanokhen mard, mahsu girokhani wa gunahgarani dost wa SEHARALLI AZH WATHI KARANI SADIQ GANITHO SHUTHA. 20 Guda an shahrani malamat khanagha khaptha, ki anhani nyama eshiya qudraten geshtar shuthaghant pachi ki tanwa na khutha. 21 Ya Kurazin waie waie thara; ya Baitsaida waie waie thara ki gar Tura wa Saida nyama an qudratan bithaghant ki shai nyama bithaghant guda ola gunijar nyama, phur nyama tanva khuth. 22 Mari shawar gushan ki Turar wa Saidar qiyamat rosha nyama azh thai saukaen hal bi. 23 Wa thau Kafarnahuma azmana dain dargezhiji? dozakha dain erphirenije. Phawankha ki ar man Saduma an kudratan khuth shuth, ki man thai khutiyethant, ni rosha dain thahashtho shutha. 24 Mari shawar gushan ki man qiyamat rosha azh thai Sadum deha saukathiren hal bi. 25 Man hawan wela Yisua javav datho gwashtha ki thai shukr-hamd khanaghan o Pith azmanegh wa digharegh ki tha an hal azh seharallazh wa azh pohenazh likenthaghant, wa chukhanra sahra khuthaghant. 26 Han Pitha ki hacho thai dema jawain dihan bitha. 27 Thewaghen chi azh mai Pitha manan parat datho shuthaghant, wa hech khas Bachhar paja na kari siwa Pitha wa hech khas Pithar paja na kari siwa Bachha, wa an khas ki haweshiyar Bachh sahra khanagha raza khat. 28 Mai gura biyaedh o thewaghen mihanant khanokhan wa giranen bar zorokhan wa MA shuar aram dean. 29 Mai jhugh wathi gardana zir gir, azh ma sikhedh ki MAH halim an, wa dil ajiyan, wa sha wathi ruhani sanga aram giredh. 30 Ki mani jhula asan en, wa mani bar sawaltken.
12
1 Man hawan wela Yisu, hapt bapten rosha go kisharani nyama shutha wa eshiyar shagirdan shudhi bitho gaudemv hoshagh phatagha khapthaghant. 2 Farisiyan ditho eshiyar gwashtha ki ginde Thai shagirdan man hapten rosha an kar khanant ki khanagha na-rawaen. 3 Wa anhanra gwashthai ki sha na wantha ki Daud di anhi sangtia di cho khutha, an wakta ki shudhi bithaghant. 4 Chon Allah logha neanwan andara shutho wa nazar naghan wartha. Hame naghan waragh anhi sanga di anhi sangati sanga di na rawae kar ath, kohenani sanga rawa en. 5 Ya man taureta sha na wantha ki hapt hapten rosha man Hudha logha an kohenan hapten rosha munasibi khanant, wa be aibant. 6 Bale shawar gushan ki edha ya marde asten azh Hudha logha mazan en. 7 Bale ar sha sama giptha ki esh galwar chi en, "Rahm raza khanan wa na qurbani," pha an be aiban sha hukm na dath. 8 Ki hapten roshar Hudhawand, e Adam Bachhen. 9 Wa shawodha rawan bitho anhani nawash logh neanwan shutha, 10 Ginde di marde husken dast darokh, wa azh eshiya pholkhuthaish gwashthaish, ki haptumi rosha durah khanagha rawaen? ki eshi chaka dauh diyant. 11 Anhanra gwashthai ki azh shai khai mard en ki yak mesh dari, wa ki haptumi roshara khad neanwan khafi, anhiyar giragha burza ziragha na khat pachi? Phawankha cho rangen mard azh mesha jawain. 12 Pas neki khanagh haptumi roshara rawaen karasti. 13 Guda an mardear gushi ki wathi dasta drazh khan. Drazh khuthai wa ipti waja durah bitha. 14 Farisi gal shuthaghant eshi chaka salah khuthaish ki cho halak khamini. 15 Wa Yisu sahi bitho shawodha shutha: wa baz mardam anhi phadha shuthaghant. 16 Wa thewaghen durah khutho malamat khuthai ki mai hal sahra makhan. 17 Hacho ki an galwar philav bi azh Yisaiah nabia, gushi:— 18 Ginde mai ambrah ki ma gishaintha, Mani latif ki eshi nyama mai dil whashen, Anhi sara wathi Ruh irkhanan Wa adalat hal gushi pha thih tumanani. 19 Miri na, lura na khat, na hech khase man bazarani, Eshi awaz biyashkhut. 20 Kik kalam lagitha shutha na bhoreni, Munj ki dhuan khat na tosi Dankho ki sobha gura adalat naphireni. 21 Wa man eshi nama thih tumanan hil khanant. 22 Guda eshi gura shaitan gipthaghen khase khor di gung di artho shutha, wa an durah khuthai, hacho ki khor wa gung, gwashtha wa ditha. 23 Wa thewaghen julgavan azh jana dar oshthathaghant gushi di. Bale hawesh Daud bachh nen? 24 Bale Pharisiyan ashkhutho gwashthaish ki Hawesh shaitananra na khashi, phedh man an Baalzebula shaitanani sardara. 25 Wa anhani dihanra surphadh bitho anhanra gwashtha. Har raj kirpha wathi chaka bahr bitha gar bi. Wa har shahr ya logh ki pha wathi chaka bahra bitha na khoshti. 26 Wa ki shaitanar Shaitan khashi azh wathi jana bahr bitha phawankha anhi raj chon khoshti. 27 Wa ki ma man Beelzebula shaitananra dara khashaghan, azh khai shai bachhan dara khashantish? esababa phara shai qazi bant. 28 Bale ar mah Allah Ruha nyama shaitanan dara khashaghan guda Allah Badshahi shai sara rasitho shutha. 29 Ya chon khase zorakhe mard logha neanwan andara ravagha wa anhiya madi bunagha phulitha khat phedh ki pheshi an zorakhe mardar na bandi, guda anhi logha phulith. 30 An khas ki go mai phajia na bi, mai ziddi en, wa an khas ki go ma phajia much na khat rishaghen. 31 Phawankha ma shuar gushan mardomanra har gunah wa phukhr bashkiji, bale Ruh-ul-Qudsa ziddi phukhr bashk na da. 32 Wa har khas ki Adam Bachha ziddi galwar gushi, anhiyar bashkiji, bale har khas ki Pak Ruha ziddi gushi, anhiyar hech wela na bashkiji, na e alama nyama na managhen alama nyama. 33 Ya drashk di anhi mewa di jawain khanedh, ya drashk di anhi mewa di gandagh khanedh, ki azh wathi mewa drashk sahra bi. 34 O garr maran bachhan, gandaghen biana chon jawain galwar gwashtha khanedh phawankha ki azh dil philavegha dafa galwar khanaghe. 35 Jawain mard azh wathi jawain khazana jawain chie dara phireni, wa gandaghen mard azh wathi gandaghen khazana gandagh chie dara phireni. 36 Bale shawar gushan ki har befaida galwar ki mardan gushant, man kiyamat rosha anhiya phadha thartho ada khanant. 37 Ki azh wathi galwarani Sadiq ganitho biyedh, wa azh wathi galwarani pha thai chaka hukm bi. 38 Guda kharde shara likhokhani wa Farisiyani javav datho gwashtha ki Ya Hadi ma azh thai phalawa ya nashke gindagha lotaghun. 39 Wa anhanra javav dathai gushi, Gandaghen wa zina karen phust pera nashke phol khat, wa nashke anhanra datha na bi. Siwa Yunas nabi an nashke. 40 Phawankha ki hacho rang ki Yunas man mazain mahigh lafa sei rosha wa sei shafa athe, hacho Adam Bachh man dighar lafa sei rosha wa sei shafa bi. 41 Ninewah mardan man qiyamata e pusht periya gon thartho oshthaghant wa pha eshiya hukm deant, ki Yunas tauk tawara nyanwan tauva khuthaish, ginde di edha azh Yunasa mazain mard en. 42 Lamma Malika man qiyamata esh phush periya gon kharo bi, wa pha eshiya hukm da ki azh jihan haddani Suleiman seharalli ashkhunagha akhta ginde di edha azh Suleimana mazain mard en. 43 Wa harwela ki napak ruh azh marda darkhaptha tahaf handa shinbara shaubara guzith aram pholkhat, wa ki dast niyakhtha. 44 Guda gushi pha wathi logha neanwan tharan rawan ki shawodha darkhapthaghan, wa akhtho, horgin, bohari-datha, sutra bitha e gindi. 45 Guda roth wathi jana gon hapt badruhan, azh wathi jana wharen girith, wa andara ravant wa odha nindant, wa an mard akhir hal azh pheshi hala whar bi, hacho di bi esh gandaghen phusht peri sanga. 46 Ni ki an julgavanra eshi galwar khanana ginde eshi math di eshi brath di dara oshthathaghant, phol khanana ki eshiya gon galwar khanun. 47 Khase di eshiyar gushi ki ginde thai math wa thai brathan dara, oshtatho phol khanaghant ki go than galwar khanant. 48 Wa wathi hal deokhanra javav datho gwashthai, ki mai math khaien? wa mai brathan khaiant? 49 Wa wathi dast wathi shagirdani sara drazh khutho gushi, ginde e mani math, wa eshan mani brathan ki har khas ki mai Pith salah khat an ki azmanani nyama asti mani brath di mani gohar di mani math di hameshen.
13
1 Man hawan rosha Yisu azh logha darkhaptho darya kandia nishtha. 2 Wa eshi gura baz julgavan much bithaghant, hacho ki bojhi nyanwan chartho nishtha. Wa kull julgav darya kandea oshtaghathant. 3 Wa anhanra baz galwar man bujharatani gwashthaghanti gushi. Ginde bij khishokh bij reshagha darkhaptha. 4 Wa man eshi reshagha chie bij dag phalawa khaptha, wa murghan akhthaghant chughithagtianti. 5 Bale chie bij thalanga chaka khaptha ki hawodha dighar baz na dashtha. 6 Wa yabara hith rustha, wa dighar jhulia na daragha sababa, wa roshasagh sababa sukhtho shutha, wa par na daragha sababa husk bitha. 7 Bale chiye bij kutagha chaka khaptha, wa an kutaghan burza rusthaghant, Wa gutthaghanti. 8 Bale chiye jawain dighara chaka khaptha, wa dan dathai, chiye yake sadh, chiye yake seigist, chiye yake si arthagkant. 9 An ki gosh darokh bi, biyashkhunith. 10 Wa an shagirdan akhthaghant eshiyar gwashtha, ki Thau pachi anhanra man bujharatani galwar gushaghe. 11 Javav dathai ki azmanani badshahi likhem shai sama giragha datho shutha, bale anhanra datho na shutha. 12 Ki har khas ki daraghe anhiyar deaji, wa hamochi dari, wa har khas ki na daraghe azh anhiya dasta harchi ki bi bariji. 13 E sababa anhanra man bujharatani galwar khanan, ki gindana na gindant, wa ashkhunana na khashkhunant, wa surphadh na khanant. 14 Wa pha anhani Yasaiah nabuvat philav biaghe ki gushi:— Ashkhunagha niyama khashkhunedh, wa surpadh na biyedh; Wa gindagha gindedh wa sahi na biyedh. 15 Phawankha ki e ummat dil landaven bitha Anhani goshan di giranigha ashkhuntia shuthaghant, Wathi chhamanra buthithaghant, Hacho navi ki azh wathi chhamani gindant, Wa azh wathi goshani khashkhunant, Wa man wathi dila surphadh biyant Wa thartho juzant, wa anhanra shifa khanan. 16 Bale shai chhaman muvarik ant ki gindaghant, wa shai goshan ki ashkhunaghant. 17 Amin shuar gushan ki baz nabiyan wa sadiqan, an chie gindagha lotthaghant ki sha gindaghe wa na dithaghantish, wa an chie ashkhunagha lotthaghant, ki sha ashkhunaghae wa niyashkhuthaghantish. 18 Phawankha sha bij khishokh bujharat bojh biashkhunedh. 19 Har khas ki an Badshahi kalam khashkhunith, wa surphadh nabi an gandaghen sardar shaitan managhen wa anhiyar zinaghe ki man anhi dila rikhtho shutha, hawesh en ki daga phalawa rikhtho shutha. 20 Wa an ki pha thalanga chaka rikutho shutha, hawesh en ki an kalam ashkhunana ashkhunana wa yabara go shadh iya anhiyar giraghen. 21 Bale man wathi jana par na daraghen, kamen mudd en, wa ki tankhali ya khishala kalam sababa bi yabara dhaba wart. 22 Wa an ki kutagh neanawan rikhtho shutha hawesh en ki kalamar ashkhunaghen, wa alam aghama, wa daulat thagi, an kalamar guttho deant bedan biaghe. 23 Bale an pha jawain dighara chaka rikhtho shutha hawesh en ki an kalam khashkhunith surphadh bi, ki rastighadan kari wa chie yaksadh chie seigist chiye yake si. 24 Duhmi bujharat anhanra demkhuthai gushi ki azmani badshahi hawa marda waja asten ki man wathi khishara jawain bij khishthai. 25 Man mardani wafsaghen wela anhi duzhman akhtho kani zahre dana gandemv niyanwan khistho shutha. 26 Wakta ki an angur moritha dan khutha guda kani zahre dana di sahra bitha. 27 Wa logh wazha thihan akhthaghant anhiyar gwashthaish ki ya wazha man wathi khishara tha jawaen bij na khishthar phawankha azh kho zahre dan darith? 28 Anhanra gwashthai di, ki duzhmagen mardea e kar khutha. Thihani eshiyar gwashthai phawankha thai salah bi rawun anhanra much khanun. 29 Bale gwashthai Inna, hacho navi ki zahren dan much khanana, dan di go anhani phajia dara khashedh. 30 Har doanra ronagha dain rudhagha bile de. Wa man ronagha mausima ronokhanra gushan ki phesha zahre dan much khanedh shoshagha phara, pha pandani nyama bandadh, bale dan mai kalhote niyanwan much khanedh. 31 Thih bujharat anhanra dema irkhuthai gushi azmanani badshahi asu bij waja en ki mardea giptho wathi khishar neanwan khishta. 32 Hawi azh thewaghen bijani kisan en, bale wakta ki rnstho shutha azh thewaghen butani mazan bi, wa darashk bi, hacho ki azmani murghan man anhi shakhani deravan khanant. 33 Thih bujharat anhanra gwashthai ki azmanani badshahi paruta waja asti ki zalea giptho sai ganji artha neanawan likigha ralaintha dankho ki thewaghen paruta bitha. 34 An thewaghen galwaraa Yisua julgavanra bujharatani nyama gwashthaghant, wa siwa bujharat hech galwar anhanra na gwashthai. 35 Hacho ki an galwar nabi marifata philav bi ki gushi:- Man bujharatani wathi daf bozhan Azh dafa galwaran bahainan Ki liki bithaghant azh bunyad i jihan. 36 Wa julgavanra ishtho datho, logha neanwan shutha wa wathi shagirdan eshi gura akhtaghant, gushant, sahigha mara biyashkhunain khishar kani zahredan bujharat bozh. 37 Javav datho gwashthai ki an jawain bij reshokh Adam bachh en. 38 Khishar di jihan en, an jawain bij di Badshahi bachhan haweshant, an kani zahren dan, an gandaghen sardar bachhan ant. 39 Wa an duzhman ki anhani reshokh ath Shaitanen, ronagha di e jihan roshani philav-biagh en, wa ronokh firishtaghan ant. 40 Phawankha hacho ki an zahre dan much khutho, wa asa shuthaghant, irge jihan roshani philav biagh en. 41 Adam bachh wathi firishtaghan denwda wa azh wathi Badshahi hamchi ki dhaburaini, wa an ki be hukmi kar khanokhan bant, much khanant. 42 Wa anhanra asa bhattiya neanawan phirenant, hawodha an gregha, wa an dathan drushainagh bi. 43 Guda an sadiqan wathi Pith badshahi nyama rosha waja dem chilkant. An ki gosh darokh bi, bashkhanith. 44 Azmanani Badshahi khazana waja asti ki man khishara likhentho shutha, ki mardea zantho, chup khutha wa azh whash hala shutho wathi thewaghen chie ki darith shawashkith wa hawan khishar pha bha girt. 45 Thihbare azmanani badshahi sandagare waja asti ki jawain durr pholkhat, wa ki yake be bhaen durr ditho shutha wathi thewaghen chie ki darith shawashktho, wa pha bha anhiyar gipthai. 47 Thibare azmanani badshahi mahigh khashaghen jala waja, dirra neanawan phirentho shutha, wa ki azh har ranga much khutho, an wela ki pur bitha kandea chaka khashtho dara charainthaghanti. 48 Wa nishthaghant, hirani neanwan jawain mahigh much khuthaghant, wa wharen dara phirenthaghant. 49 Irge man jihan roshani philar biagh nyama bi. Firishtaghan dara khant, wa azh sadiqani nyama gandaghen mardanra khard khanant. 50 Wa anhanra asa bhattiya neanwan phirenant, hawodha an gregha, an dathan drushaniagha bi. 51 Eshan thewaghen galwaranra sha surphadh bithaghe? eshiyar gushaghant. Han Hudhawanda. 52 Wa anhanra gwashthai. E sababa har shara likhokh ki azmanani badshahiyar shagirdi salahgirokh bi, logh whazha waja asti, ki azh wathi khazana nokheu chie di, kauhne chie di dara phireni. Wa e hal bitha an wela ki hawan bujharatan Yisua philav khuthaghant shutha shamodha. 54 Wa wathi deha nyanawan akhtho man anhani nawash loghani sekhalthaish, irge ki azh wathi jana hairan bitho gwashthaish di, ki eshiyar hikmat wa eshan qudratan azh kho ant? Drakhan bachh hawesh nen? Eshi math Miriam na gwanjaniji? Wa eshi brathan Yaqnb wa Yusuf, Shamaun wa Yihuda? 56 Wa eshi goharan druh gwar ma niyant pha chi? Pawankha eshan kull chie eshiyar azh kho en? 57 Wa man eshiya dhaba warthiyethant bale Yisua anhanra gwashtha ki nabi beab nabi, siwa man wathi deha, wa man wathi logha. 58 Wa hawodha baz qudratan na khuthaghanti, anhani be-imani sababa.
14
1 Man an mudda Herodisa chaharumi hand sardara Yisu namudh ashkhutho wathi ambrahanra gwashtha ki. 2 Yuhanna tobalokh hawesh en, azh murdaghani zindagh kharo bitha hawi sanga an qudratan man eshiya koshish khanant. 3 Ki Herodisa Yuhanna zitho wathi brath Phailbus zal Herodiyasa sababa bastho, man qaidhhanda irkhuthai. 4 Ki Yuhanna gwashtha ki rawaen kar nesten, ki thau haweshiyar dare. 5 Wa raza khanana ki khushani azh julgava tursitha, ki eshiyar nabi waja zantha. 6 Bale ki Herodis salgirih akhtha Herodiyas jannikha man nyama dris khutha wa Herodisar whash khutha. 7 Pha e hala go sanghan sara iqrar khuthai ki har chie ki lote ma thara deani. 8 Wa azh wathi matha dasta phesha dem datho shutho gwashtai ki pha hirana edha Yuhanna tobalokh saghar manan de. 9 Wa badshah arman bitha bale sanghan sababa wa wathi sangat pahnadhi nindokhani sababa hukm dathai ki deiji. 10 Wa shashthatho man kaiz handa Yuhanna saghar burenthai. 11 Wa anhi saghar pha hirana artho jannikkar dathai, jaunikha di wathi math gura artha. 12 Wa anhi shagirdani akhtho, an meyat zurtho, wa an purithaish wa Yisua gura shuthaghant hal dathaish. 13 Yisua hawi hal ashkhutho shawodha man beria chaka charitho, barra handa niyanawan liki shutha; wa au julgavan ashkhutho azh an shahrani eshi phadha bithaghant. 14 Wa darkhafana mazain julgav dithai, wa anhani chaka rothani rahmat khutho, anhani na durahen khasan durah khuthai. 15 Ki begah khapthagha eshi sbagirdan akhtho gwashtha ki. E hand barren, wa ghari nin gwastho shutha, jalgavanra mokal de, ki halkani neanawan rawant, wathi janani phara whard pha bha girant. 16 Bale Yisua gwashtha. Ravagha hajat na darant, sha anhanra waragha de. 17 Bale eshiyar gushaghant, ki ma hawedha hech nadarun siwa panch naghan wa do mahiyan. 18 Bale gwashthai ki hawedha manan biyarish wa julgavanra hukm dathai ki remva chaka pahnadi ninde, wa an panch naghan, 19 wa an do mahighan giptho, azman niyanwan burza ditho al hamd khuthai wa naghan bhorentho wathi shagirdanra dathaghanti, wa shagirdan an julgavanra dathaghant. 20 Wa thewaghen khas wartho, ser bithaghant wa borjorani ki sarakhthaghant doazdah kari pur zurthaghantish. 21 Wa warokhan takminan panch hazar mardan athant, zalan chukh chori thigh athant. 22 Wa yabara Yisua wathi shagirdan zor khutha ki beriya nyanwan charh mai dema hawan handa nyanwan baravedh, dankho ki ma julgavanra mokal na dean. 23 Julgavanra mokal datho koha nyanwan dua khanagha liki chartha. Begah khaptha odha ekwa ath. 24 Ni ki beri man dirra nyama azh lahrani lodagha juzenagha khaptha, phawankha ki gwath anhani demo denva ath. 25 Shafa chyarami palir anhani gura dirra chaka sail-juzana akhtha. 26 Wa eshiyara darra chaka sail juzana ditho, an shagird munjha bitho: gushant, ki surat ast, wa azh tursa wahu jatha. 27 Wa yabara Yisua anhanra galwar khutho gushi, ki dila ja khanedh MA ASTAN ma thursedh. 28 Wa Patrusa eshiyar javav datho, gushi. Ya Hudhawand ki THAU E manan liukm da ki afani chaka mai gura juz. 29 Wa gwashthai biya. Wa Patrusa azh beriya irkhaptho afani chaka sail juzitha ki Yisua gura khait. 30 Bale gwath ditho tursithai wa budagha khaptho gwank jatho gushi, ki Hudhawanda manan darbar. 31 Wa yabara Yisua wathi dast drazh khutho gipthai gushi. 32 Ya iman-kasainokhen chi phara shakki bitha? 32 Wa ki beriya nyanwan charthaghathant gwath tham bitha. 33 Wa an ki man beria (athant) eshiar sijda khutho gushant. Rastigha THAU ALLAH BACHHE. 34 Wa gwastho skuthaghant Gennessaret deha nyama akhthaghant. 35 An hand mardan eshiyar phajartha, an thewaghen chaper deha nyanwan shashthathaish wa kull na-durahi darokhan eshiya gura arthaghantish, wa eshiyar minnat khuthaish ki jar damana dast lainun. Wa thewaghen ki dast laitho darbarithiyethant.
15
1 Guda Yisua nemgha azh Yarushalama Farisiyani di shara likhokhani di akhtho gushant. 2 Thai shagirdan phiren mardoman riwayat phachi an phalawa rawant, ki wathi dastan na shodhant naghan waragha wela? 3 Anhanra javav datho gwashthai ki sha azh wathi riwayat dasta phachi Allah hukm an phalawa ravedh. 4 Phawankha ki Allah gushi, Wathi Pith di wathi math di ab khane wa an khas ki hai wathi pitha sara, hai wathi matha sara gandaghe galwar khat, hawan maut miri. 5 Bale sha gushaghe ki har khas ki hai wathi pithar, hai wathi mathar gushi. 6 Ki harchi ki azh ma thai sith bi Allahar datho shutha 6, nadhar en, wathi pithar, mathar ab nada. Wa an Allah kalamar azh wathi hadisa dasta mauquf khanaghe. 7 Ya thagan chon jawainigha Yisaiah shai phadha nabuwat khat gushi;— E ummat azh wathi rakh jorani mai ab khanant. Wa anhani dil azh mai dir en. 9 Bale hechi sith nesti ki mai bandagi khanant Mardom hukman talimani waja sekhalaghant. 10 Wa an julgavar gwanjhtho anhanra gwashthai biyashkhune wa surphadh bie. 11 An ki mard dafa neanwan andara ro anhiyar napak na khat, bale an ki azh anhi dafa darkhafi hawan anhiyar napak khat. 12 Guda shagirdan akhtho eshiyar gwashtha ki thau sahigh e ki an Farisiyan e kalamar ashkhunana thapuraintho shuthaghant. 18 Wa javav datho gwashthai ki har buti ki mani azmanani Pitha na khishtha khashiji par. 14 Bile deish an khoren rah phendarokhan astant. Wa ar khore mard khore mardar rah. phendarokh bi, guda-hardo khad neanawan khafant. 15 Patrusa eshiyar javav datho gwashtha mara e bujharat hal gush. 16 Gwashthai di, ki nine vaktha daini sha di be sarphad astedh. 17 Sha na sahihen, ki harchi ki dafa neanwan andara ro, lafa neanawan ro, wa man jhara hand neanwan darkhaslitho 18 Bale an chie ki azh dafa darkhafi, azh dila khait, wa an mardear napak khat. 19 Phawankha ki azh dila gandaghen dihan, hon, zina, haramkari, duzi, dirogh shahidi, phukr darkhafaghant. 20 Hawe-chie, mardar napak khanant, bale na shodhaghen dastani sara waragha, mardear napak na khat. 21 Wa Yisu shawodha dem shutho Sur wa Saida deha neanwan shutha. 22 Gindi di, Kanani zalea azh an sarhaddani darkhaptho tank jatho gwashtha ki YA HUDHAWAND DAUD BACHH mai jannikh azh shaitan e wharigha raptho shutha. 32 Wa hech kalam anhiyar pha javav na datha. Wa eshi shagirdan akhtho minnat khuthaish gushana, anhiyar mokal de ki mai phadha tauk janaghen. 24 Bale javav datho gwashthai, shashthatho shutha niyan, bajh Israel logh garen meshani nyanawan. 25 Bale an (zala) akhtho eshiyar sijda khutho gwashthai ki Ya Hudhawand mai madad khan. 26 Javav datho gwashthai ki chukh choriyan naghan baragh, wa gullaranra phirenagh jawain kar nesti. 27 Bale an (zala) gwashtha, ki Hau ya Hudhawand, wa pha e sababa ki gullaran azh an borjorani ki azh wathi logh wazha thaghard thaliya khapthaghant warant. 28 Guda Yisua javav datho gwashtha O zal thai iman mazain en, cho ki thai salah asten irge thara bi. Wa anhi jannikh azh hawan ghari shifa bitha. 29 Wa Yisua shawodha shutho Jalil dirra nazik akhtha. wa koha neanwan chartho hawodha nishtha. 30 Wa eshi gura mazain julgav akhtha ki pha wathani langan khoran, gungan, tundan wa baz thih khasan daraghant, wa eshiya pha phadhani gura irkhuthaghantish, wa durah khuthghanti. 31 Irge ki a julgav hairan bitha ki gungan galwar khanana, tundan durah biana, wa langan sail khanana, wa khoran go chhama gindana dithaghantish wa Israel Allah galaaithaish. 32 Wa Yisua wathi shagirdan gwanjtho gwashtha, ki pha julgava sara rothani rahm, khanaghan ki ni daini sai roshan mai gura sangat khanant, wa hech waragha na darant, wa salah na khanan, ki anhanra rozhokhanra mokal dean, hacho na vi ki daga thusant. 33 Shagirdan eshiyar gwashtha ki azh kho barra nyama ikkar naghan girun, ki irge julgavar warainun? 34 Wa Yisua anhanra gushi, ki chikar naghan daredh, wa gushant, hapt, wa kamen mahigh di astant. 35 Wa hukm dathai ki dighara pahnadi niudedh. 36 Wa an hapt naghan wa an mahighan giptho, shukr khutho, bhorenthaghanti, wathi shagirdanra dathaghanti. Wa shagirdan julgavanra dathaghant. 37 Wa thewaghen wartho, ser bithaghant, wa azh borjorani kasrata hapt sundan phnren zurtho burthaghantish. 38 Wa an mardan ki warthaghant chiyar hazar athant baghair zalan di chukh chori di. 39 Wa julgavanra mokal datho beria nyanwan charitho, Magadan deha akhtha.
16
1 Wa Farisiyan, Saddukian di akhthaghant azhmainagha eshiyar phol khutha, ki azh azmana mara nashk shom de. 2 Wa javav datho anhanra gwashthai ki. Begah, bi gushe Allah hair, phawankha ki azman suhren. 3 Wa phagena gushe ki maroshe tufan bi, phawankha ki azman suhren raghhamen. Bale azmana dem sahih khanagha zanedh, bale nashkan welae na khutha khaneth. 4 Gandaghen wa zinaghen phusht-pera nashk lotaghen wa nashk anhiya datha na bi, siwa an Yunas nabi nashk; wa anhanra ishtho datha shutha. 5 Wa shagirdan naghan aragha shamushtha hawan kandea neanwan akhthaghant. 6 Wa Yisua anhanra gwashtha, ki azh Farisiyani wa Sadukiyani paruta samagiredh wa shiwar biyedh. 7 Wa an pha wathani galwar khanagha khapthaghant, gushaghant, ki ma naghan niyarthaghant. 8 Wa Yisua hal zantho gwashtha ki pha wathani pachi galwar khanaghe, O kisain imandaro, ki naghan na daraghe? 9 Dain surphadh na bithaghai wa na, giraraghai an pach hazarani pach naghananra, wa ki chikar kariyan sha gipthaghant. 10 Wa na an chiyar hazarani hapt naghanar wa chikar sundan sha gipthaghant. 11 Pachi surphadh na bithaghe ki ma na naghana phadha shawar galwar khutha, bale ki azh Farisiyani, wa Saduqiyani paruta shiwar biyedh. 12 Guda surphadh bithaghant ki azh naghan paruta shiwar biagha na gwashthai, bale azh Farisiyani wa Saduqiyani talima. 13 Wa Yisu Kaisariya Filippi deha bahrani neanwan akhtho azh wathi shagirdani phol khuthai gushi, ki mardoman chi gushant ki MA ki Adam Bachh AN khai an. 14 Wa gwashthaish ki khamde (gushant) ki than Yuhanna tobalokh e, kharde Iliyas, we kharde Jeremiah, ya azh nabiyani nabi e. 15 Anhanra gushaghen bale sha chi gushedh ki ma khai an. 16 Shamaun Patrus javav datho gwashtha ki Thau an MASIH E AN BACHH ZINDAGHEN ALLAHEGH E. 17 Yisua javav datho anhiyar gwashtha ki muvarik thau aste O Shamaun Bar-Yunasa, ki na gozhda na houa e hal thara sahra khutha bale an mani Pitha ki man azmanani aste. 18 Wa ma thara gushan ki thau Patrus aste wa pha e koha sara ma wathi much mero thaainan wa dozakh galowan anhi chaka sobh na khanant. 19 Thara azmanani Badshahi kunjian dean, wa an chi ki pha jihana bande man azmanani bandiji, wa an ki pha jihana bozhe, man azmanani bozhiji. 20 Guda wathi shagirdanra zorigha hukm dathai ki hech khasear ma gush ki MA AN MASIH AN. 21 E hala phadha Yisu wathi shagirdanra shom daragha khaptha ki pakare ki ma Yirushalema nyanwan rawan wa azh sweth rishani, wa sardar kohenani, wa shara likhokhani baz chien sehan, wa khushijan, wa man seimi rosha ma thartho zindagh kharo bian. 22 Patrusa eshiyar giptho eshiyar malamat khanagha khaptha, ki Allah thara rahm khat, O Hudhawand e hal thara mundo nabi. 23 Bale dem phiritho, Patrusar gwashthai ki ya shaitan mai phadha biya, thau mai dhaba waragha sabab e, ki thau Hudhai halan dihan na khanaghe, bale mardani halan, 24 Guda Yisua wathi shagirdanra gwashtha ki khase mard salah bi ki mai phadha khai, azh wathi jana inkar khat wathi suli ziri, mai phadha khai. 25 Phawankha har an khas ki wathi ruh darbaragha salah khat wathi ruhar gar khat, wa har an khas ki wathi ruh mai sababa gar khanaghe salah khat, wathi ruh pha dasta khai. 26 Phawankha ki mardar chi sith bi ki thewaghen jihan hasil khat wa wathi ruh gar khat, ya mard wathi ruha pha iwaz chi chie da. 27 Phawankha ki Adam Bachh pha managha khai, wathi Phitha shan o shaukata nyama go wathi farishthaghani phajia, wa har yakear wathi kara pha waja thari da. 28 Ma shuar gushaghan ki kharde hawedha oshtathiyant ki maut chaki na khanant dankho ki Adam bachh man wathi badshahi aokh na gindant.
17
1 Wa shash roshani phadha Yisua Patrus wa Yaqub wa anhi brath Yuhanna giptho, burza koha neanwan liki anhan pha aragha charainthaghant. 2 Wa anhani dema eshi surat iwizi bitha wa eshi dresham rosh waja chilkitha, wa eshi jar nura waja saweth bitha. 3 Ginde Musa di Iliyas di go eshi phajia galwar khanana anhanra sahra bithaghant. 4 Wa Patrusa javav datho Yisuar gwashtha ki, Ya Hudhawand hawedha biagha mai sanga jawanen, ki thai salah bi, guda edha ma sei deravan jorenan, yake thai sanga, yake Musa sanga di, yake Iliyas sanga di. 5 Nin eshi gwashtia wela, ginde nurani jhura anhani chaka akhtho sah khutha, ginde di azh an jhura awaz gushi, mai Bachh hawesh en, mani dozhwaha, eshi nyama dil whash an, anhiya biyashkhunedh. 6 Wa shagirdan ashkhutho, pha wathani dema gardan bithaghant, wa sakigha tursithaghant. 7 Wa Yisua akhtho anhanra wathi dast laitho gwashtha, ki kharo biedh ma tursedh. Wa wathi chhaman burza zurthaghant hech thih khasear na ditha, siwa Yisuar hekwa. 9 Wa ki azh koha irkhafaghathant Yisua anhanra hukm datha ki e roya hech khasear ma gwash, dankho ki Adam bachh azh murdaghani thari zindagh na bi. 10 Wa an shagirdan azh eshiya phol khutha ki pachi sababa shara likhokhan gushant ki pheshi pakar en ki Iliyas khai. 11 Javav datho gwasht thai ki Beshak Iliyas phesha khai hamchi sambaraine. 12 Par ma shuar gushan ki Iliyas ni akhtha wa mardan phajanyartha, bale har chi ki salah bitha anhi sara philav khuthaish irge di zaruren ki Adam Bachh anhani dasta dukh sahith. 13 Guda shagirdan surphadh bithaghant ki Yuhanna tabalokh phadha mara galwar khanaghen. 14 Wa ki julgava gura akhthaghathant mardea eshi gura akhtho khonda bhorenana gushi di. 15 Ya Hudhawand mai bachh chaka rahm khan ki mah mahagwana en, wa gandaghen hala giri ki baz wela as neanwan, baz wela af neanawan khafaghen. 16 Wa thai shagirdani gura ma artha, wa anhiyar durah khuth na khutha. 17 Wa Yisua javav datho gwashtha ki ya beiman wa dingaen phusht pera, chikkar roshani dain go sha phajia sangat khanan, chikkar roshani dain shara sehnan, edha gwar ma biyare. 18 Wa Yisua anhiyar mana khutha, wa azh anhiya shaitan darkhaptha wa chorav azh hawan gharia durah bitha. 19 Guda an shagirdan Yisu gura akhtho liki gushant, ki ma eshiyar pachi sababa khashtha na khutha, 20 Wa anhanra gwashthai ki shai iman kisainro sababa, ki amin shuar gushan ki iman khardal dana waja daredh, guda hawi kohar gushedh ki shawedha hawan handa baro, guda ro, wa hech chie shawar na-biokhe na bi. 21 Bale e rang khashtho na bi, siwa man dua khanagha roshagha sara. 22 Wakta ki Jalila neanwan much melo khanagh athant, Yisua anhanra gwashtha, ki Adam Bach mardomani dastani neanawan azh hawala deagha bi, khushanti seimi rosha thari zindagh bi. Guda sakhia munjha bithaghant. 24 Wakta ki Kafarnahuma neanwan akhtaghathant nem miskal girokhan Patrusar akhtho gwashthaish ki shai Hali nem miskal na da pha chi? Gwashthai Hau, da. 25 Wa ki logha neanwan akhtha Yisua eshiyar phesh galwar khutha, gwashthai: Ya Shamaun chi dihan khane. Jihan badshahan azh khaiya dasturi ya mahsul girant, azh wathi bachhani, ya azh thih khasani. 20 Gwashthai azh thih khasani. Yisua anhiyar gwashtha ki guda bachhan khalas astant. 27 Bale hacho na vi ki anhani dhaburagha sabab biyan, thau darya neanwan baro, kundi phiren mahigh ki phesha burza khai gir, wa anhi dafa bokhtho miskale thai dasta khai. Zurtho anhanra mai wa thai phadha da.
18
1 Man hawan ghari eshi shagirdan Yisua gura akhtho gushant ki man azmani badshahiya bale azh thewaghena khai mastar bi. 2 Wa wathi jana gura kisain chorav gwank-jatho anhani neava andara oshthainthai gwashthai di. 3 Amin shuar gushan ki thartho na biyedh wa esh kisain chorava waja na biyedh, azmani badshahi andara nyanwan sha na khaiyedh. 4 Har an khas ki e kisain chorav waja wathi janar khaksar na khat hawesh man azmanani badshahi azh thewaghena mazain en. 5 Wa har an khas ki pha mai nam sanga yakear irge kisanen choravar qabul khat, manan qabul khat. 6 Wa har an khas ki azh haweshani ki mai neanawan iman darokhan bant yakear dhaburaini, hawan khasa sanga jawain bitha ki lagh-chiktaghen jhatr anhi gardan girdagird thangainiji wa man samundara jhikhadha ghark khaniji. 7 Waie waie jihanar azh dhabaragha sababani phawankha ki dhabaraghen sababan zarur khaiyant bale waie waie hawan mardar ki azh hawaniya dhabaragha sabab managhen. 8 Wa ki thai dast ya thai phadh thara dhaburaini, buri e azh wathi janaphireni, thara jawain en ki sisthaghen dasta; ya langen zindagha neanawan andara kaiye, azh an hala ki do dastan ya do phadhan darokh uvto azhmara asa neanawan pirentho shutha biye. 9 Wa ki thai chham thai darbaragha sabab bi, khash, azh wathi jana dirra phireni, thara jawain en ki yak chhamwal zindagha neanwan andara khaiye, azh an hala ki do chham darokh as dozakha nyanwan phirentho shutho biye. 10 Shiwar biye ki azh an kisanokhani yakea na hech na ganedh. 11 Phawankha ki shawar gushan ki anhani farishtaghan azmanani nyama har wela an mani Pith drosham, ki man azmanani en, gindaghant. 12 Sha chi dihau khanedh ki khase mardear sadh mesh bant, wa azh anhani yake gar bi, chahar gist wa nozd bili na da, koha chaka charh na roth, garen mesh phol na khat pachi? 13 Wa ki hacho bi ki girt, rasten galwar ma gushan, ki pha haweshiya bazaghen whash bi, azh pha hawan char gist wa nozda ki mundo gar na bithaghant. 14 E ranga shai Pith, ki man azmanani asten, salah nabi, ki an kisainokhani neanawan yake gar bi. 15 Wa ki thai brath thai chaka gunah khat, birau, mauqa ginde pha wathan, anhi gunah sahra khane, ki thai galwar khashkhat, tha wathi brath dil artha. 16 Ki thara na khashkhut, go wathi phajia do sei mardan gir, ki do sei shahidani demva har galwar khosti. 17 Wa ki anh ini na khashkhut muchi meroar gwash, wa ki muchi gal na khashkhut an khas thara hacho bi ki thih tuman wal, wa mahsul girokh. 18 Amin shara gushan, ki har chi ki sha jihana bandedh azmana nyama bandi ji, wa harchi ki sha jihana bozhedh man azmana bozhiji. 19 Thih bare shuar gushan ki pha e jihana azh shai do khasan har hala phadha ki phol khanagha yak dua gwanka drahiya bandedh: anhani phara azh mani azmani Pitha khaniji. 20 Phawankha ki an handa ki do ya sai mani nama neanwan much mero bant, an handa MAH anhani nyama ASTAN. 21 Guda Patrusa akhtho gwashtha ki Hudhawand mani, chikkar baroa, meri brath mai chaka gunah khat wa anhiyar bashkan, hapt baroa? 22 Yisua anhiyar gwashtha ki hapt baroa daini mah na gushan, bale sei gist o dah hapt baroa daini. 23 E sababa azmani badshahi an marda waja asten badshahe ki wathi thihani gon lekhav khanagha salah khutha. 24 Lekhav khanagha khapthai guda anhi gura khase artho shutha, ki anhi chaka wam lakh rupea bitha. 25 Waki ada khanagha wathi gura nadari, anhi wazha hukm datha, ki anhiyar di, anhi zal di anhi chukh chori di wa kull mal ki darith shwashkedh, ki lekhav ada deaji. 26 Phawankha an thih buna khapto eshiyar sijda khutha gushi. Ya Hudhawand mai sara mahalla drazh khan, wathara ma thewaghen zar ada khanan. 27 Guda an thih wazhaha rahmat roth khutha ishtho datho, wa an wam anhiyar bashk khutho datha. 28 Bale hawan thiha dar khaptho, azh wathi sangat thihani yake giptha ki anhi wam sadh abbasi bitha, wa gutha giptho phaho dathai gushi ki wathi wam ada khan. 29 Phawankha an sangati thiha anhi phadha khaptho minnat khutha ki mai sara mahalla drazh khan, wa thara ada khanan. 30 Wa manzur na khuthai, bale shutho anhiyar kaiza nyanwan daktha, dankho ki an wam ada na khat. 31 Phawankha anhi sangat thihan an hal ki bitha ditho sakigha arman khuthaish wa akhtho wazhhar har hal ki bitha dathaish. 32 Guda wazhaha gwanjtho anhiyar gushi o thau kharaven thih ma thara an thewaghen wam bashk khutho datha, pachi ki thau manan minnat khutha. 33 Hawe jaize kar niyath, ki thau wathi sangat thiha chaka rahm khutha, hacho ki ma thara rahm khutha. 34 Wa anhani wazhaha zahr giptho azab khanokhanra dasta dathai dankho ki an thewaghen wam ada na khat. 35 Hacha di mani azmani Pith shara khat, ki sha azh wathi dilani har yak watha brathar bashk na diyedh.
19
1 Wa e hal bitha ki Yisua an kalaman jhenainthaghant azh Jalila shutho. Yardan an phalawa, Yihuda deha neanwan akhtha. 2 Wa baz julgavan eshi phadha shuthaghant hawodha di anhanra durah khuthaghanti. 3 Wa Farisiyan eshi nemgha akhtho eshiyar azmaniagha gwashtha ki har sababa zal radhi khanagh jaiz en, wa javav datho gwashthai ki. 4 Sha na partha ki azh awwula jorenokha anhanra nar wa madaghen paida khuthaghant gwashthai di ki. 5 Phawankha marde wathi pithar wa mathar bili da go wathi zala laghuriji, wa an do yak jind bant. 6 Hacho ki hech wela do niyant bale yak gozhd en. Phawankha an ki Allaha sangat jugh bastamarde khard na khat. 7 Eshiyar gwashthant. Phawankha pachi Musa hukm datha ki zalear talaknama de, wa anhiyar radhi khat. 8 Anhanra gwashthai ki Musa shai sakhtdili gura wathi zalanra khalas khanagha mokal datha, bale azh awwula hacho na bitha. 9 Wa shawar gushan ki har an khas ki wathi zalear khalas khat phed pha zina, wa go thih zalea sir bi, zina khat, wa an khas ki go khalasen zalea sir khat zina khat. 10 Shagirdani gwashtha ki ar hal hacho bi mardegh wathi zalea sanga, sir khanagha munasib nen. 11 Wa anhanra gwashthai ki thewaghen mardan e kalam qabul khutha na khat, bale an ki anhanra datho shutha. 12 Ki kharde hijran bant ki azh wathi math lafa hacho paida bithaghant wa kharde astant ki azh mardani buna hijran khuthiyethant, wa hijran astant ki wathi jindanra hijran khuthaghant azmani badshahi phara, an khas ki qabul khutha khat, qabul khat. 13 Guda eshi gura kisanen chukh arthaghant ki pha anhani chaka wathi dastan laini dua loti di, bale shagirdan mana khutha. 14 Bale Yisua gwashtha ki kisaen chukh bil de, mana ma khane ki mai gura khant, ki azmani badshahi azh e rangani asten. 15 Wa pha anhani sara dastan laitho shawodha sar giptha. 16 Ginde di khasea, anhi nemgha akhtho gwashtha ki Hadia chi neken kar khanan ki uvto azhmara zindaghi daran. 17 Anhiyar gwashthai ki thau jawain kar sara azh ma parchi phol khanaghe NEK YAK EN, bale ki thau zindagha neanwan andara ravagha salah khane hukmanra pahra khan. 18 Gwashthai kithan. Yisua di gwashtha ki hou makhan, zina ma khan, duzi ma khan, diroghe shahidi ma khan. 19 Wathi pith wa math ab khan, wa wathi hamsaighar hacho dosti khan, cho ki wathi janar dosti khane. 20 An warna eshiyar gwashtha ki hawe thewaghen hukman ma pahra khuthaghant, thih chi pakare. 21 Yisua anhiyar galwar khutha, ki than kamil biagha raza khane baro, wathi mal shawashke ghariv alamar de, guda man azhmana than khazana dare wa biya MAI phadha juz. 22 Wa an kalam ashkhutho, an warna munjha bitho, shutha, pha e sababa ki baz mal darokh ath. 23 Wa Yisua wathi shagirdanra gwashtha ki amin shuar gushan ki ankha halen ki bhagia mard azmanani badshahi neanwan andara khait Thih bare shuar gushan ki shishin duka meanwan lerav guzagh azh an hala sauka en, ki bhagia mard Allah badshahi neanwan andara khait. 25 Wa an shagirdan ashkhutho azh jana sakhiya hairan bitho gwashthaish ki guda than mard darbaraghi bi? 26 Yisua pha anhani ditho gwashtha ki hawi kar mardani negha biaghi na bi, bale Allah negha hamchi biaghi. 27 Guda Patrus eshiyar javav datho gwashtha ki ginde ma hamchi ishtho datha, wa thai phadha akhthaghun guda mara chi bi? 28 Wa Yisua anhanra gwashtha, ki amin shawar gushan, sha ki mai phadha akhthaghe, man thari paidaisha an wela ki Adam Bachh pha wathi ab shan takhta chaka nindith sha di pha doazhah takhtani chaka Bani Israel doazdah tumananra adalata khanana nindedh. 29 Wa har khasea ki wathi loghan, ya brathan, ya goharan, ya pith, ya math, ya chuk chori mai nama pha sababa ishto dathaghant yake sadhgirt, wa uvto azhmara zindagh warisat girt. 30 Bale baz ki phadha astant demva biyant wa baz ki demva astant phadha biyant.
20
Phawankha ki azmani badshahi, logh wajha asti ki roshtika darkhaptha ki wathi anguri bagh neanwan phoriatiyan gwanjanith. 2 Waki phoriatiyani gon yak yak abbasi yakdilawaz drahiya basta, wathi angur bagha neanwan shashthathaghanti. 3 Wa saimi pahra nazi darkhaptho thih khasan man bazar chank alsi oshtana dithaghanti. 4 Wa hawanra gwashthai Sha di angur bagha neanwan ba ravedh, wa an ki sidq bi shuar deani, wa shuthaghant. 5 Thih bare shashumi wa nuhmi ghariya nazi hawan ranga khuthai. 6 Wa yazdami (ghariya) nazi thih khasan oshtana dithai, anhanra gushaghe, ki pachi, kull rosha alsi oshtaghe? 7 Eshiyar gushant ki hech khasa mara phoriati na khutha, anhanra gushi: sha di angur bagha neanwan biravedh. 8 Begah bitha an (angur bagh wajha wathi kar mukhtarar gushi ki Phoriatiyanra gwanjh jan azh phadhi walam shuru khan, pheshi walani dain philaven phoria anhanra de. 9 Wa yazdami ghari nazi walan ki akhthaghant har khasea yak yak habbasi giptha. 10 Wa an pheshi walan ki akhthaghant dihan khuthaish ki baz girun, wa anhan di har khasea yak yak habbasi giptha. 11 Giptho whazha chaka kur kur khutha gwashthaish ki. 12 An phadhi walani yak ghari kar khuthaish, tha anhan go ma barawaren khuthaghan, ki rosh sar bar o rosh thafs sehitha. 13 Azh anhani yakear javav datho gushi, Ya dost mani, thara nahaqq na khanan, tha mai sara yak habbasi galwar drahiya na bastha. 14 Wathi haqq, zir, baro, salah khanan ki hawesh phadhiwalar ikkar dean ki thara dean. 15 Manan jaiz nen, ki cho ki salah khanan, go wathi mala sara khanan, bale thai chham harraghen ki mah nekan. 16 Irge phadhi walan, pheshiwalan biyant. Wa pheshiwalan phadhi. 17 Wa Yisua Yarushalema phalwa charhana wathi dah shagirdan likigha giptho, man daga di gwashthai ki. 18 Ginde Yarushalema phalwa charhaghun, wa Adam bachh sardar kohenanra wa shara likhokhanra pha thagi hawala datho bi, wa mauth hukm pha eshiya deant. 19 Wa tumananra za deagha phara, go latha janagha suli deagha pha thagi hawala deanti, wa seimi rosha thari zindagh bi. 20 Guda Zabadi bachhani math go wathi bachhanl eshiyar sijda khanana, azh eshiya, chiye lotana akhtha. 21 Wa anhiyar gwashthai chi lotaghe? Eshiyar gushi ki E galwar khan, ki e mani do bachhan yak thai azh rasten dasta, wa yak thai chappen dasta, man thai Badshahi nindant. 22 Wa Yisua javav datho gwashtha, sha na zanedh ki chi lotaghe, an kadhah nosh khutha khanedh ki ma nosh khanagha khaptha. 23 Eshiyar gushant ki khuth khanun anhanra gushi, ki beshak an mani kadhah nosh khanedh, bale azh mani rasten dasta wa azh mani chappe dasta nindagha mai deagha nen, bale an khasanra ki azh mani Pitha buna sambaraintho shuthaghant. 24 Wa an dah shagirdan ashkhutho, an do brathani chaka zahr giptha. 25 Wa Yisua anhanra gwanjtho gwashtha ki zanedh ki thih tumanani sardaran anhan rajgiri khanant, wa an mazain walan ikhtiyar zor khanant. 26 Bale shai nyama hacho na vi, bale an khas ki man shai mazain biagha salah khat shai ambrah bi. 27 Wa ki shai nyama khasea pheshi biagha salah khat shai thih bi. 28 Hawirge Adam Bachh na khizmat giragha bale khizmat deagha akhtha, wa ki wathi ruh, bazani hon iwaza bha ada khat. 29 Wa ki azh Yarihua dara rawaghathant baz julgav eshi phadha shuthaghant. 30 Ginde di do khoren mardan rah kandea nindana ashkhutho ki Yisu guzaghen gwank jatho, gwashthaish ki O HUDHAWAND, DAUD BACHHA mai chaka rahm khan. 31 Wa an julgav anhanra malamat khutha ki chupa khanedh bale anhani mastaren gwank jatho gwashthaish O HUDHAWAND, DAUD BACHHA, mara rahm khan. 32 Wa Yisua oshthatho gwanjthaghanti gwashthai di. Chi salah khanedh ki shawar khanani. 33 Eshiyar gushant, O Hudhawand ki mani chhaman bozhijant. 34 Wa Yisua rahmat roth khutho anhani chhamanra dast laitha, wa yabara burza dithaghant, wa eshi phadha shuthaghant.
21
1 Wa ki Yarushalema phalawa nazik bitha, wa Bethfaga neanwan Hathani koha phalava akhthaghant, guda Yisua do shagirdan shashthatho anhanra gwashtha ki. 2 An halka neanwan ki shai demva asti, baravedh wa yabara yak khare ki go anhiya phajia khuraghe bastia shai dasta khai, bozhish, mai gura biyarish. 3 Wa ki khasea shawar chi galwar gushi, gwash ki Hudhawand anhani pakar darith, wa yabara anhanra shashtith, 4 Wa e hal bitha ki galwar nabia dasta philav bi, gushi ki. 5 Zion jinnikhar galwar khanedh kiginde THAI BADSHAHE:— Thara managhen, Asilen e, Pha kharea avzaren. Pha khuraghe. Khar kuraghe chaka avzare, 6 Wa shagirdan shuthaghant hacho ki Yisua anhanra hukm khutha irge khuthaish; 7 Khar di khar khuragh di artho anhani chaka wathi jaran irkhuthaghantish, wa pha anhani burza Yisu avzar neastha. 8 Wa julgav baz khasani, wathi jaran man daga nishthenthaghant, thih khasani azh darashkani lamban er-bhurenthaghant, man daga nishthenthaghantish. 9 Wa an julgavan ki eshi phesha shuthaghant, wa an ki phadha akhthaghant gwank jathaish gushi ki DAUD BACHHAR WHASH ANA: an mard ki man Hudhawanda nama AOKH en muvariken. Man karghah handa whash ana. 10 Wa Yarushalema neanwan andara akhtho; guda kull shahr lodaintho shutha, gushant, Hawesh khai en? 11 Wa an julgavan gwashtha. Hawesh en AN NABI YISU AN AZH JALIL NAZARETHA. 12 Wa Yisua Hudha logha neanwan andara shutho thewaghen Huda logha nyama bha girokhan wa shwashkokhan khashthaghanti, wa sarrafani takhtan di shatlo shawashkokhani kursi di jahl burza khuthaghanti. 13 Wa anhanra gushith Likhitho shutha mai logha dua khanagha logha namudhi bi, bale sha anhiar duzani, juddav khutha. 14 Wa eshi gura khoran langan man Hudha logha akhthaghant, wa anhanra durah khuthaghanti. 15 Wa sardar kohenan Wa shara likhokhan an ajab halan ki khuthaghanti gindana wa an choravan man Hudh logha tank tawar khanana gushana ki. 16 DAUD BACHHAR WHASH ANA sakhia zahr gipthaisli, eshiyar gwashtha ki Thau ashkhunaghe ki haweshan chi gushant? Wa Yisua anhanra gushi Hau-Sha mundo na parhtha ki azh buluani wa shir warokhani tha galaagh thartho jorentha. 17 Wa ishtho dathaish azh shahra darkhaptho Bethaniya neanawan wa odha shafa nishtha. 18 Bangha shahra tharto ravaghath shudhi bitha. 19 Wa rah kandea anjire dirashk ditho anhi chaka akhtho wa hechi man anhiya dast niyakhtha siwa thakhan hekwa, wa anhiyar gushi ki hech mewa azh thai uvto azhmara na bi. Wa yabara an anjir drashk hushk bitha. 20 Wa an shagirdan gindana hairan bithaghant gushant ki. 21 Chon thikkya an anjir drashk hushk bitha, wa Yisua anhanra javav datho gushi, ki anun shawar gushan, ki iman daredh wa shakk na khanedh na phed hawi kar khanaghe ki pha anjira khutho shutha, bale ar esh kohar di gushe ki thau zirije, wa samundara neanwan phirenije, hacho bieji. 22 Wa thewaghen chiye har chi ki iman dashtia man dua phol khanedh girije. 23 Wa ki Hudha logha neanwan akhtha, an sardar kohenan wa ummat sweth rishan eshi gura pha wathi sekhalagha akhthaghant gushant, man chi ranga ikhtiyara e chien khanaghe, wa khai thara e ikhtiyar datha? 24 Wa Yisua javav datho anhanra gwashtha ki mah di azh shai yak kalam phol khanan anhi ki manan deaghe mah di shawar gushan ki man chi ranga ikhtiyar e halan khanaghan. 25 An Yuhanna tobalagha azh kho ath, azh azmana ki azh mardomani? wa an pha wathani illati khuthaish ki gushun ki azh azmana, mara gushith phawankha chi sababa sha anhiya iman na dashtha. 26 Wa ki gushun azh mardomani azh julgava thursithaghun, ki thewaghen an Yuhanna nabia waja darant. 27 Wa Yisuar javav dathaish gwashthaish, Ma sahih neyun, wa anhanra gwashthai ki irge ma shuar na gushan ki mah man chi rang ikhtiyara e halan khanan. 28 Bale shawar chi sahra biedh. Marde do bachhan daraghen pheshi bachha gura akhtho gwashthai. Ya bachh maroshi man mai angurbagha azh jana kar khan. 29 Wa anhiyar javav datho gwashtha raza na khanan, bale phadha, munjha bitho, shutha. 30 Wa duhmi gura akhtho, hacho galwar khuthai. 31 Wa anhiya javav datho gwashtha, Ma khan Hudhawanda guda na shutha. Azh an do khaia wathi pith raza khutha. Gushant an pheshiwal, Yisua anhanra gushi Amin shawara gushaghan ki kanjariyan Allah Badshahi neanwan azh sha phesha andara juzant. 32 Ki Yuhanna shai gura man sidqen daga akhtha, wa sha eshiyar iman na giptha, bale an mahsul girokhahi, wa an kanjariyani anhiyar iman giptha, wa sha gindana, gindana phadha munjha tauva na bitha ki anhiyar iman daredh. 33 Thih bujharat biyashkhunedh. Marde ath loghwazha, ki angurbagh rudhentha, wa var girdigha erkhutha, wa man anhiya sharab hand koditha wa thul thaintha, wa rahakanra pha bahr chakka datha, wa dire deha shutha. 34 Mewa mausim nazik akhtha, an rahakani gura wathi thih shashthathaghanti ki wathi mewan girith. 35 Wa rahakan anhi thihan giptho, kharde go latha jathaghant, kharde khushthaghant, kharde sing-sar khuthaghant. 36 Guda thih khasan azh pheshi thihani geshtar shashthathaghanti, hawirge hal di anhani gon khuthaghantish. 37 Akhir hala wathi bachh shashthatha gwashtha, ki azh mani bachh demwa laj khanant. 38 Bale ki rahakan bachh ditho, pha wathani galwar khutha ki AN WARIS hawesh en. Biyae, kushuni ki anhi mirat zinun. 39 Wa anhiyar giptho azh angur bagha dara khashtho khushthaish. 40 Phawankha an wela ki anguristan wazha khai, an rahakanra chi khat. 41 Eshiyar gushant. An gandaghen mardanra gandaghiya whar khat, wa an anguristan thih rahakanra go bahra da, ki anhiyar man mewa mausima mewa deant. 42 Yisu anhanra gushi ki nawishtani nyama sha mundo na paritha ki:— Khoh faroshan radh khutha AN KHOHA Hawesh bitha cbunda nyama SARSINGEN KHOHA E hal azh Hudhawand phalwa bitha Wa mani chhamani nyama ajab hal bitha. 43 E sababa shawar gushan ki Allah Badshahi azh shai ziriji, wa thih tumanar deiji ki anhani mewa deijant. 44 Wa khas ki anhi koha chaka khafi phrushiji, bale an khas chaka ki pha anhi chakka khafi an drushiji. 45 Wa an kohenani wa Farisiyani ki eshi bujharatan ashkhuthaghant sarphadh bithaghant ki mai phadha hawi galwar gwashthai. 46 Wa ki eshiya giragha phol khuthaish, azh julgavani thursithaghant ki beshaqq zanthaish ki E nabi en.
22
1 Wa Yisua thih bare man bujharatani anhanra gwashtha e gushi ki, 2 Asmanani badshahi an badshah mardea waja asti ki wathi bachha phara sir whard khutho wathi thihan shashthathaghanti kandho datho mardanra pha sir neanwan gwanjhnagha wa agha raza nakhuthaish. 4 Thibare thih thihan shashthathaghanti gushi ki kandha walanra gwash. Ginde mani whard taiyar khutho shutha, wathi kahir di landav meshan di khushthiyant, wa hamchi taiyar khutha, sira neanawan biyaedh. 5 Bale na hech kuthaish, dem shuthaghant khardea wathi khishara neanwan, khardea pha wathi saudagari. 6 Wa khardea anhani thihan giptho lajji khutho khushthaghantish. 7 Wa Badshaha zahr giptho wathi lashkaran shasthathaghant, an hon girokhan gar khuthaghanti wa anhani shahr sokhthai. 8 Guda wathi thihanra gushi ki a bale sir taiyar asti bale gwank biokhan laiq niyant. 9 Phawankha sarak do-shakhen dagani baravedh, wa kull khasan ki gindedh sira neanwan kandho de. 10 Wa an thihan saraka neanwan dara shuthaghant kullan ki dithaghant gandaghen di jawain di much khuthaghant, sir azh jhanj nishthokhani philav shutha. 11 Wa an Badshah andara akhtho ki pahnadi nindokhanra jawainiya hirthiya gindith, odha marde dithaiki sir jar na poshitha, wa anhiyar gushi. 12 O sangti chon ranga edha andara akhthaghe sir jar na darokha, wa an khas dafband bitha. 13 Guda an Badshah wathi ambrahanra gwashta ki anhi phadhan dastan bandedh dara tahara neanwan phirene, odha an greana wa dathan drushainagha bi, 14 Ki baz mardanra kandho bitha bale gishaintho biokhan kamen ant. 15 Guda an Farisiyani shuthaghant salah khuthaish ki chou ranga esh man kalama korki erkhanun. 16 Wa eshi gura wathi shagirdan go Herodi shagirdani phajia shashthathaghantish gushant. Ya Hadi ma zanun ki thau raste wa Allah dag man rastia sekhalaghe wa hech khasea phadha parwa na khane, ki thau mardani darosham nemgha naginde. 17 Phawankha mara gush thara chi sahra bi, Kaisarar mahsul deagha rawaen kar en ki na. 18 Bale Yisua anhani gandaghi zantho, anhanra gwashtha, ki manan parche azmainaghe ya tagan, mahsul zar manan shomde. 19 Wa yak habasi eshiya gura arthaish anhanra gushi ki e shakal muhr likhagha khaighen? 20 Eshiyar gushant Kaisaregh. 21 Guda anhanra gushi, Phawankha mal Kaisaregh Kaisarar de, mal Allahegh Allahar de. 22 Wa ashkhutho hairan bithaghant, wa eshiyar ishtho datha shuthaghant. 23 Man hawan rosha Sadukiyan eshi gura akhthaghant an gushokhan ki thartho zindagh biagh nen. 24 Wa azh eshiya phol khutho, gushant, ya Hadi Musaha gwashtha ki khase miri, wa bachhan na dari, anhi brath go anhi zala syad-brathi sir khat, wa pusht wathi brathar rudheni. 25 Go mai hapt brathan athant, wa pesha wala sir khutho murtho shutha wa phusht na dashtho, wathi zal wathi brathar ishtho datha. 26 Hacho di an duhmi-wala, an seimi-wala klutha hapthumi dain. 27 Anhani phadha zal di murtho shutha, 28 Phawankha man thartho zindagh biagha an haptumi khaigh zal bi, ki thewaghen hawesh zala pha sira dashthaish. 29 Yisua anhanra javav datha, ki sha wath radh biyedh, pachi ki na nawishta zanedh, na Allah kurzat. 30 Ki man kiyamata na sir khanant, na pha sir deant, bale firishtaghani waja bant, ki azmana nyama biyant. 31 Wa murdagh zindagh biagha phadha, sha an galwar na parihtha ki azh Allaha shawar bitha, 32 gushi ki MA AN ALLAH astan Ibrahimegh, wa AN ALLAH Isaakegh, wa AN ALLAH Yaqubegh. AN ALLAH murdaghani ALLAH nen, bale zindokhani, 33 wa an julgavan ashkhutho eshi pha sekhalagha azh wathi janani hairan bithaghant. 34 Bale an Farisiyani ashkhutho ki Sadukiyan chup khanainthaghanti, pha hawan hala much bithaghant. 35 Wa azh anhani yak shara bura azmainagha pholkhutha ki. 36 Wazha man taurata azh thewaghen hukmani than hukm mastar en? 37 Wa anhiyar gushi ki Thau Hudhawandar wathi Allahar man wathi thewaghen dila, wa man wathi thewaghen ruha, wa man wathi thewaghen dihana dost khan. 38 Hawesh en an mazain wa an pheshi hukm en. 39 Duhmi di hawi waja asti, ki cho ki than wathi janar dost khane, irge di wathi hamsayaghar dost khan. 40 Man haweshan do hukmani kull taurat, wa nabiyani tangthiyant. 41 Wa ki Farisiyan much bithaghant, Yisua anhanra phol khutha ki 42 MASIHA phadha shawar chi dihan bi, bachh khaighen? Eshiyar gushant Daudegh. 43 Anhanra gushi phawankha Daud man Ruha chon eshiyar HUDHAWAND gwank janith, gushi. 41 HUDHAWAND mani HUDHAWANDAR gushi Nind O THAU Mai rasten dasta phalawa, Dankho ki thai duzhmanan thai phadhani buna na irkhanan. 45 Phawankha ki Daud eshiyar HUDHAWAND gwanjanith, chacho anhi bachh bi? 46 Wa hech khasea eshiyar hech javav datha nakhutha, wa azh hawan rosha hech khasea hech phol khanagha sak marde na khutha.
23
1 Guda Yisua an julgavanra, wa wathi shagirdanra gushi. 2 Ki an shara likhokhan wa an Farisiyan pha Musa kursiya nindant. 3 Phawankha thewaghen chie ki shawar gushant, khanedh wa sambaraine, bale anhani karani phalawa kar ma khanedh ki gushant wa na khanant. 4 Sarbaran wa ankha baran bandaghant wa pha mardan khofaghani chaka ladant, bale azh anhani murdanani madad khanagha raza na khanant, bale wathi thewaghen karan khanant mardomani chhamgindagha phaguren ki wathi tawizan phrah khanant, wathi jar daman mazain khanant. 6 Sham-whard-waragha pheshi-manjavan khush khanant, wa man nawash-loghani pheshi kursiyan. 7 Wa man bazarani salam salam, wa ki azh mardomani Hadi gwanjanijant. 8 Bale shawar Hadi na gwanijedh ki YAK AN HADI shawaigh en, wa sha thewaghen brathan astant. 9 Wa pha e jihana pith maigh ma gwanjh ki YAK EN AN PITH shawaigh an azmani wal. 10 Wa shawar wazhahan na gwanjani- jedh ki YAK EN AN WAZHA shawaigh AN MASIH. 11 An khas ki mastar pha shai wathani bi, an khas ambrah shawaigh bi. 12 Wa har khas ki wathi jan buland khat, ajiz khutho bi, wa an khas ki wathi janar ajiz khat buland khaniji. 13 Bale haie, haie shawara ya shara-likhokhan wa Farisiyan thagan ki ezmanani badshahi mardomani denva band khanaghe. 14 Ki sha wath andara na ravaghe, na an andara rawokhanra andara ravagha ilaghe. 15 Haie Haie shawara ya shara likhokhan wa Farisiyan ki dirra wa husken dighara chyaren chund sail khanedh ki yak marde wathi din nokhen-murid khanedh, wa ki khaniji, anhiyar azh wathi janani do-barawa dozakh bachh jorenaghe. 16 Haie Haie shawar khor dag shon-deokhan gushokhan ki an khas ki pha Hudha logha chaka saughan zirt hech nen, bale an khas ki pha Hudharlogh thangav chaka saughan zirt wam dar bi. 17 Ya ganokhan wa khoran ki khaie mazain en? an thangav, ya an Hudha-logh ki an thangavar pak khanaghen? 18 Wa an khas ki kurbangaha chaka saughan zirt hech nen wa har khas ki man an mannat nadhara chaka ki pha anhiya bi saughan zirt, wam dar bi. 19 Ya khoran ki khai mazain en, an mannat nadhar, ki an kurbangah ki an mannat nadhara pak khat? Phawankha an man kurbangaha saughan zirokh, man eshiya saughan zirt, wa man kull chie ki man eshiya bi. 21 Wa an saughan zirokh man Hudha logha man eshiya saughan zirt, wa man eshiya ki pha anhiya nindokh. 22 Wa an khas ki man azmana saughan zirt, man Allah takhta saughan zirt, wa man eshiya ki man anhiya nindith. 23 Haie Haie shawara ya shara likhokhan wa Farisiyan riyakaran ki welane wa anisun wa zira ushur pholkhane, wa Taurat gran jaizan, adalat, wa rahm, wa iman sha gar khuthaghant eshan chie khanagha jaiz en hawan kar di ilagh deagh jaiz nen. 24 Ya khoren rah sohavan ki phuri chanaghe, wa lerav loragh waraghen. 25 Haie Haie shawar ya shara likhokhan, wa Farisiyan, riyakaran ki kadahani wa hirani dara pak khanaghe bale andara azh duzi ziragha wa azh napaki phur ant. 26 Ya khore Farisi pheshi kadah wa hiran andara pak khan, ki azh dara di pak bi. 27 Haie Haie shawar ya shara likhokhan wa Farisiyan riyakaran ki sha saweth khutho gorani waja astedh, ki dara bale sharren sahra aste bale andara azh murthaghani haddani wa napakia phur ant. 28 Irge sha di andara sidiqan sahra biyedh, bale andara azh riyakari wa beparwai philav astedh, 29 Haie Haie shawar ya shara likhokhan wa Farisiyan riyakaran ki nabiyani goran jorene, wa sadiqani goristan singar khanedh, wa gushaghe ki. 30 Ar ma man wathi pirokhan roshani bithenan man nabiani hou go anhani phajia sharik na bithenan. 31 Phawankha sha wathi jindani shahidi khanaghe ki ma nabiyani khushokhani aulad un. 32 Wa sha wathi pirukhani topav philav khanedh. 33 O maran O afimar bachhan cho azh dozhakk adalata gurkhanedh. 34 Phawankha ginde mah sha gura nabiyan wa danayan, wa shara likhokhan shashtan, wa azh anhani sha khushedh, wa suli diyedh, wa azh anhani man wathi nawash-loghani? sha latha janedh, wa azh shahra pha shahra neanawan khishala khanedh. 35 Eranga ki shai chaka thewaghen hon khait ki pha jihana chaka bahaintho shutha azh sadiq Habila, Zachariah Berichaia bachh hon bahainagha daini, anhiya ki sha pha Hudha logha wa qurbangaha andara neanwan khushtha. 36 Amin shawar gushan ki hawi thewaghen hal, pha hawesh piri phust chaka khait. 37 O Yarushalim, O Yarushalim thau ki nabiyanra khushe, wa anhanra ki thai gura shashthatho shuthaghant singsar janaghe, chon wela ma thai bachhanra much khanagha raza khutha, an ranga ki kukkar wathi bachhanra wathi pharani buna much khanainaghant wa sha raza nakhutha. 38 Ginde sha logh shawara barra ishtho datha. 39 Ki shawar goshaghan ki shedh phadha sha manan na gindedh, dankho ki na gushedh, muvarik asten AN AOKH man Hudhawand nama.
24
1 Wa Yisua azh Hudha logha darkhaptho dem-shutha, wa shagirdan eshiya gura akhthaghant, ki eshiyar Hudha logh mariyan shom darant. 2 Wa javav datho anhanra gwashthai ki sha hawi thewaghen chie na gindaghe, amin shawara gushan ki yak singe singa chaka ishtho na bi, ki na phireniji. 3 Wa ki esh Hathani koha chaka nindaghath wathi shagirdan eshi gura liki akhtho, gwashthaish, mara gwash, hawi chie kadhen biyant wa thai rasana, wa alam daur philav khanana chi nashk bi. 4 Wa Yisua javav datho gwashtha, ki shiwar biyedh ki khase shuar rah-radh na khat. 5 Ki baz mardan pha mai nama sara khaiyant, gushant ki an Masih mah astan wa bazanra rah-radh khanant. 6 Bale ki hal ashkhumagha khait, ki jangan, wa jang-dahi bant gindedh ki mah tursainije, ki biagha zaruren, bale anjam daini na khait. 7 Ki qaum pha qauma chaka, raj pha raja chaka darkhafi, wa dukalau wa dighar chandean handea handea biyant. 8 Eshan thewaghen dardani dardani shuru astant. 9 Gudakhishala niyanwan shwar pha darogha hawala khanant, wa shuar khushant, wa mai nama pha wasila azh thewaghen tumanani buna jherav khanije wa guda bazan dhaba waraghant, pha wathani darogh-banti bandant, wa pha wathani duzhmani khanant. 11 Wa baz daroghen nabian kharo biant, wa baz khasaura pharamainant, 12 Wa pha sababa ki na-rawai baz philav bi, baz khasani dosti, chillar gwar bi. 13 Bale an khas ki akhira phalwa mahalla dari darburiji. 14 Wa esh badshahi Injil man kull ulkahani tank tawar khaniji shahidi phara kull tumananra. Wa guda akhirat khai. 15 Phawankha hadhen ki an wirani makruh (an hal datho shutha Daniel nabia pha marifata) ki man maquddus handa kharo bi (an khas ki parti sarphadh bi). 16 Guda an ki man Yihudiya astant pha khoha gurkhant, 17 An ki pha mari chat chaka bi, na erkhafi ki azh wathi logha chiye bart, 18 Wa an khas ki man khishara bi, na thari ro, ki khawah zirith. 19 Bale bai hai an zalanra ki man lafa darant, wa au zalanra kl gwar meshenokh bant man an roshani. 20 Wa sha dua lotedh ki shai gnrklianagh na pha zawistana, na pha haptumi rosha bi. 21 Ki guda mazain khishala bi, hawirge ki azh jihan shurna maroshi dain mundo na bitha, na, wa mundo na bi. 22 Wa ki au roshan na ghattiji hech gozha na darbariji, bale gishaintho shutho walani phara au roshan ghattia bant. 23 Guda ki hech khase shawar gushi ki ginde Masih hawedha ya hawodha asti, iman ma giredh ki diroghen masihan, wa daroghen nabian kharo bant. 24 Wa mazain nishanan wa ajaibat shom darant, irge ki biokhen hal bi gishaintho shutha walanra di pharamainant. 25 Ginde ma shara hal phesha datha. 26 Phawankha ar shara gushant ki ginde an man barr asti, ma darkhafedk, ginde an man liki handani asti, iman ma khanedh, Phawankha than ranga ki girokh azh roshasana khaie, rosh irshafa dain sahra bi, irge Adam Bachh rasagha bi. An handa ki meyat bi, hawodha an duggavan much bant. 29 Wa yabara an roshani khishala phadha, an rosh tahar khaniji, wa an mah wathi chilkagh na da, wa an istaran azh azmana gardan bant, wa azmanani qurzatan chandeniji. 30 Wa guda azmana nyama Adam Bachh nashk sahra bi, wa guda jihan thewaghen tuman pitthant wa Adam Bachhar pha azman jhurani chaka go kurzat, wa baz shan shaukata sara AOKHAR gindant. 31 Wa wathi firishtaghan shashtith go turma mazain banga sara, wa wathi gishaintho biokhanra azh chahar gwathani pha much mero khanant azh azman ya sarhadda, duhmi sarhadda daini. 32 Azh anjir drashka bujharat sikhedh, hadhen ni wakta eshiya lamb narm bi, wa wathi thakhan khashith, surphadh biedh ki ahar nazikh en. 33 Irge sha di hadhen ki eshan thewaghen halan gindedh surphadh biedh ki an nazik en bale pha galoa. 34 Amin shawar gushan ki esh phi phust gar na bi, dankho ki thewaghen halan philar na bant. 35 Azman di dighar di gar bant bale mai kalaman gar na bant. 36 Bale hawan rosha ghari phadha hech khasa sahi na bi, na azmanani firishtaghan, na Bachh, siwa Pith hekwa sahi asti. 37 Cho ki Nuh roshani athant hacho Adam Bachh rasagh bi. 38 Hacho ki man an roshani athant, hawan ki tufana phesha waragha nosh khanagha, sir khanagha, pha sira deagha athant. 39 An rosha dain ki Nuh mazain jahaza neanwan andara shudha, wa na zanthaghant dankho tufan akhtho anhan thewaghen lorithaghant, hacho bi Adam Bachh pha rasagha. 40 Guda do khasan man kishara biyant, yake bariji, yake biliji. 41 Do zalan go jathra drushant, yaki bariji, yake biliji. 42 Phawankha hagha biedh, ki sha na zanedh ki chi roshea shai Hudhawand khai. 43 Hawi galwar sha zanedh ki ar logh wazha kal bitha ki chi pahra duz managhen, an hagha bitha wa waj na datha ki wathi loghar sand janiji bi. 44 E sababa sha di taiyar biyedh, ki an ghari ki dihan na khanedh an Adam Bachh khai. 45 Guda an imanatdar wa siharalen thih khai en ki anhi dasta wathi wazhaha wathi logh band bozh datha ki anhanra man jawain mudda whard da? 46 Muvarik thih hawan en, ki wathi Hudhawand aokh hawaniya hacho karkhanana gindi. 47 Amin shawar gushan ki pha wathi thewaghen mala anhiyar wazha khoshtaini. 48 Bale ar bawan kharaben thih, man wathi dila gushi ki mani wajha der khat. 49 Wa wathi sangati thihanra janagha khafi; wa masten mardani gon waragha noshkhanagha khat. 50 Hawan thih wazha khai man an rosha ki anhi phara na gindith wa man an gharea ki e nazani. 51 Wa anhi bahra riyakarani gon ekhwa irkhanith Hawodha an greana wa an dathan drushainana bi.
25
1 Guda azmanani badshahi dah nishtaghen jinnikhani waja bi, ki anhani wathi shamal giptho sir wajha rah trethagha phara darkhapthaghant. 2 Wa azh anhani pach ganokh athant, wa pach siharal athant. 3 Ki an ganokhani wathi shamal giptho tel wathi gon na zurthaish. 4 Bale an siharalan wathi hirani nyama wathi shamalani gon tel giptha. 5 Sir wazha der khutha thewaghen sar loditho wapthaghant. 6 Nem shafa gwank jatho shutha, ki ginde an sir wazha managhen eshi trethagha phara darkhafeth. 7 Guda hawan thewaghen nishtaghen jinnikhani hagha bitho wathi shamalan saf khuthaghant. 8 Ganokhan siharalanra gwashtha ki azh wathi tela tel mara de, ki mai shamalan thusaghant. 9 Balo an siharalan javav datho gwashthaish, nawan mara di shawar di gwas na bi, geshtar an shwashkokhani gura baravedh, wa wathi janani phara pha bha giredh. 10 Anhani pha bha giragha ravaghathant, an sir wazha akhtha wa an taiyar walan eshiya gon sira neanwan andara shudhaghant, wa wardaf band bitha. 11 Phadha thih nishtaghen jinnikhani di akhtho gwashthaish ki O Hudhawand, O Hudhawand mai phara bozh. 12 Bale javav datho gwashthai. Amin shuar gushan ki shuar phaja niyaraghan. 13 Phawankha hagha biyedh ki sha na an rosha wa na an ghari zanedh, ki eshi nyama Adam Bachh khait. 14 Irge marde thih deha rawtia an wathi thihanra gwanjtho anhani dasta wathi mal dathai. 15 Wa yakiar pach duhazaren tol datha, thihear duh duhazaren tol thihear yak duhazaren zaren tol dathai, har khasea wathi taufia barabar, wa wath thih deha shutha. 16 Yabara an pach duhazaren wala, giptho man anhani mihuat khutho, thih bazen pach duhazariyan rupaie (hasil) khuthaghanti. 17 Hacho di an duh duhazaren wala thih bazeu du duhazariyan sith khutha. 18 Bale an khasea ki yak duhazaren tol giptha, shutho dighar patitha wathi wazha zar likhentha. 19 Wa baz wela phadha hawan thihani wazha managhen wa anhani gon lekhav khanaghen. 20 Wa an panch duhazaren girokha akhtho thih panch duhazaren artho, gushi, ki Ya Hudhawand thau mai dasta pach duhazaren dathaghant, ginde ma thih pach hazaren sith giptha. 21 Anhi wazha anhiyar gwashtha ki shabash ya jawain wa imanatdaren thiha, tha pha kamen chie imanatdar athe, pha bazen chie thara oshtalainan, thau wathi wazha shadeha neanwan andara khaie. 22 Wa an duh duhazaren wala di gwar akhtho gushi. Ya Hudhawand thau mai dasta duh duhazari dathaghant ginde thih duh duhazari sith giptha. 23 Anhi wazha anhiyar gwashtha, ki shabash jawain wa imanatdaren thih tha pha kamen chie, imanatdar athe, pha bazen chie thara oshtalainan, thau wathi wazha shadeha neanwan andara khaie. 24 Wa an ki yak duhazaren gipthaghath gwara akhtho gushi. Ya Hudhawand ma thara zantha ki thau muzie mard e, thau roni hawan handa ki thau na khishtha, thau much khane, hawan handa ki na rekhtha. 25 Wa thursithaghan thai duhazaren tol ma pha dighara likhtha, ginde wathi mal daraghai. 26 An wazhaha javav datho gwashtha, ya kharaben wa laghoren thiha, thau zantha ki ma runan, hawan handa ki na khistaghan wa much khanan hawan handa ki na rekhtaghan. 27 Phawankha thara pakar ath. ki mani zar sarrafani dastanra khaptho datha, wa mai agha ma wathi mal go jufa sara thartho hasil khutho giptha. 28 Phawankha do hazaran tol azh eshiya baredh, wa an dah duhazaren darokhar diyedh. 29 Phawankha ki har khasear ki darith deagha bi, wa baz bazigha ser bi, wa har khasea ki na darith, an ki darith di azh anhiya bariji. 30 Wa be sanaten thih, an daren tahara neanawan phirenedh, an handa an greana wa an dathan drushainana bi. 31 Wakta ki Adam Bachh man wathi shan shaukata khai. Wa an thewaghen farishtaghan eshi gon, guda wathi shan o shaukaten takht chaka nindith. 32 Wa eshi demva an thewaghen tuman much bant, Wa azh pha wathan khard khat, hawirge ki pahnwal mesh azh buzani khard khat. 33 Wa mesh wathi rasten dasta niyadhi, wa buzan chappen dasta. 34 Guda Badshah wathi rasten dastwalanra gushi. Biyaedh mani Pith whashnish wal an Badshahi pha mirat giredh ki azh jihan bunyada sliaj sanga taiyar khutho shutha. 35 Ki ma shudhigh athan, wa sha manan waragha datha, thunigh athan wa sha manan af datha, pardes athan, sha manan wathi logha artha. 36 Barahnagh athan, sha mani girden poshak datha, nadurah bitha sha mani gali biagha akhthaghe, kaizi athan wa gwar mai akhtaghe. 37 Guda an sadiqani javav datho gushant. Ya Hudhawand ma kadhen thara shudhi ditho, wa palitha; ya thuni, wa af datha; 38 Kadhen shara pardes ditha, wa logha arthaghun, ya barahnagh wa girden poshak datha. 39 Ya kadhen thara nadurah ditha, ya kaiza, wa thai gura akhthaghun. 40 Wa an Badshah javav da, anhanra gushi amin shuar gushan, pha an sababa ki azh mani brathani yake sauga, kastar sauga sha khutha, sha mai sauga khutha. 41 Guda chappen dasta walanra gushi ki azh ma baroe ya gunaskarana an uvte azhmara as neanawan ki Shaitan wa anhi farishtaghani sauga taiyar khutho shutha. 42 Ki ma shudhigh athan, sha manan waragha na datha, thunigh athan sha manan af na datha. 43 Pardes athan sha wathi logha niyartha, barahnagh athan mai gird poshak na datha, na durah athan wa kaiz athan sha mani gali na bitha. 44 Guda javav diyant eshiyar gushant. Ya Hudhawand kadhen ma thara shudhi, ya thuni, ya pardes, ya barahnagh ya nadurah, ya man kaiza wa thai khizmat na khutha? 45 Guda anhanra javav datho gushi ki Amin shuar gushan, pha e sababa ki azh eshani kastarani yakea sanga sha na khutha, mai sanga sha na khutha. Wa haweshan uvto jamara shaza neanwan guzant, bale an sadiqan uvto azhmara zindaghi neanwan.
26
1 Wa e hal bitha ki Yisua hawi thewaghen kalaman philav khuthaghant, wathi shagirdanra gwasthai ki, 2 Sha zanaghe ki do roshani phadha id bi, wa Adam Bachh suli khushijhagha phara hawala bi. 8 Guda an sardar kohenan wa ummat sweth rishan much bithaghant, an sardar kohen dedhi neanwan ki Qiyafa namwala en. 4 Wa pha wathani tran basthaish ki chacho Yisuar azh thagia girun kushun di. 5 Bale gwashthaish ki man ida na, hacho na vi ki ummat nyama halla bi. 6 Wa ki Yisua Baithaniya nyanwan Shamaun garraen mard logha biaghath. 7 Guda yak zale eshiya gura akhtha ki bheden khoh gran baha atr daraghen wa eshi pahnadi nindagha wela, eshiyar saghar chaka rikhthai. 8 Wa eshi shagirdani ditho zahr giptho gwashthaish ki. 9 Chi phara e ziyan kar? ki esh atr pha baz bha shwakhtenan, ghariwanra bashk dathenan. 10 Bale Yisua surphadh hitha, anhanra gwashtha, ki esh zalar pachi dukhi khanaghe? ki, 11 Mai phara jawain kar khuthai, ki gharivan har bare go wathi phajia daraghe bale ma go sha phajia harwela na daredh. 12 Ki e atr mai jindar phirenthai, mani puragha sanga khuthai. 13 Amin shawar gushan har handa ki man kull jihan esh Injil tauk tawar khaniji, e kar di, ki e zala khutha, anhiya giraragha, phara hal deaji. 14 Guda doaz-dah shagirdani neanwan yakea Yahuda Iskaruti namen, sardar kohen gura shutho gwashtha, 15 Ki manan chi deagha salah khanedh wa ma eshiyar shai dasta hawala dean? 16 Wa anhiyar si rupia tolithaghantish wa chedh phadha waj phol khuthai, ki eshiyar hawala khanan. 17 Wa be ki beparuta naghan ida pheshi rosha, an shagirdan Yisua gura akhtho, gwashthaish ki Than handa salah khane ki id iphasah waragha thai phara band bozh khanun. 18 Wa gwashthai dema shahr neanwan baroedh, fulane mard logha, wa anhiyar gushe ki HADI gushi ki mai wela naziken, thai logha go wathi shagirdani phajia id i phasah khanan. 19 Wa an shagirdan hacho khutha ki Yisua hukm datha, wa an phasah taiyar khuthaish. 20 AVa begah bitha, go doazdah shagirdani phajia pahnadi nindaghath, wawaraghathant gushi. 21 Amin shuar gushan ki azh sha yakia mai hawala khat. 22 Wa sakigha arman biana yak yak eshiyar goshagha khaptha. Ya Hudhawanda ma ma ban. 23 Wa javav datho gwasthai, an khas ki go ma phajia wathi dasta hiran nyama trit tar khat hawan mard manan hawala khat. 24 Bale Adam Bachh hacho ki eshi phadha likhtho shutha sargiri, bale haie, haie hawan mardear ki azh hawani dasta Adam Bachh hawala datho bi, anhiyar jawan ath, ki hawan mard paida na bitha. 25 Wa Yahudaha anhi hawala khanokha javav datho gwashtha. Ya Hadi ma astan? anhiyar gwashthai ki than gwashtha. 26 Wa ki waraghathant, Yisua naghan giptho, muvarik khuthai bhorenthai wa wathi shagirdanra datho gwashthai, giredh waredh, e hal asten mai jind en. 27 Wa piyala giptho shukr khutho anhanra dathai gwashthai ki. 28 Sha thewaghen azh eshiya noshkhanedh ki esh mani hon en, an ki nokhen kaul bi, ki bazeu mardomani phara gunahani bashkagha neanawan er rikhtho shutha. 29 Wa shuar gushaghan ki shedh phadha ma azh e angur paidawar nawaran, hawan rosha dain ki go sha phajia mai pith Badshahi nyama nokhe nosh na khanan. 30 Guda shair shukr jatho dara Hathani koha neanawan shuthaghant. 31 Guda Yisua anhanra gushi ki sha thewaghen hawi shafa mai nyama dhaba waredh ki nawishta likhtho shutha Shafankhar janan wa mohar moshan shingo shango khurdijant. 32 Ma thartho zindagha phadha shai demva Jalil neanwan rawan. 33 Bale Patrusa javav datho gwashtha ki ar ki thewaghen shai nyama dhaba warant, ma mundo dhaba na waran. 34 Yisua anhiyar gwashtha ki amin shuar gushan ki hawesh shafa nyama pheshi ki kurus bang da sei baroa thau manan inkar khane. 35 Patrusa eshiyar gwashtha, ki mai go thau phajia miran thara mundo inkar na khanan. Hawe ranga di thewaghen shagirdan gwashthaghant. 36 Guda Yisua anhani gon, bagha neanwan Gethsamane namen managhen wa wathi shagirdanra gwashtha, ki edha nindedh, ki ma denva juzan odha dua khanan. 37 Wa wathi jinda gon Patrus di Zabadi do bachhan di giptho arman wa taukhal wa dilgiren khaptha. 38 Guda anhanra gwashthai ki mani ruh sakhia munjha en miragha nazik, sha edha nindedh wa go ma phajia hagha biedh. 39 Wa kamen dir shutho wathi demva khaptho dua lottha, gwashthai di ki Pith mani ar biokhen hal bi e kada azh ma guzi ro, har tarah ki bi na hacho ki mah raza khanan, bale hacho ki thau. 40 Wa shagirdani gura managhen wa anhanra wafsana ditho, wa Patrnsar gushi ki thau chosh niye ki yak ghari go ma phajia hagha biye. 41 Hagha biye dua lotte ki azmainagh neanwan andara na rawedh, bale ruh takrah en gozhd beseken. 42 Thih bare duhmi barowa shutho dua lottha gushi ki Pith mani ar e kada guzi ravagh na khutha, mani waragha baj, thai marzi bi. 43 Wa thih barowa ana anhanra wafsana ditha ki anhani chham pushtam, sarbar athant. 44 Wa thih bare anhanra ishtho datha shutho saimi bar dua lottha, thih barowa hawan kalam goshana. Guda shagirdani gura managhan wa anhanra gushi nin wela bawafsedh wa aram khanedh ginde an ghari nazikh en, wa Adam Bachh gunahgarani dastan neanwan hawala deiji: kharo biyedh juzun, ginde mani hawala khanokh nazik en. 47 Wa ni eshi pha galwar khanagha ginde Yahudah yake azh doazdah shagirdani akhta, wa go anhi phajia baz julgav, zahmani, wa lathani gon azh sardar kohenani wa ummat sweth rishani. 48 Wa an eshi hawala khanokha anhanra nashk datha gushi, anhiyar ki chukan hawan bi, anhiyar gireth. 49 Wa yabara Yisu gura akhto gwashtha Hair en hadi baz barowa chukithai. 50 Bale Yisua anhiyar gwashtha ya sangti, hawan kar khan, ki pha hawaniya akhtaghai, guda gwara akhthaghant pha Yisua dast phirenthaish gipthaish. 51 Ginde di, yak khasea azh Yisu sangatiwalani wathi dast drazh khutho zahm khashtha, wa sardar kohen thihar jatho, anhi gosh burithai. 52 Guda Yisua anhiyar gushaghen, wathi zahm jukhta neanwan thare khan, ki thewaghen zahm khashokh azh zahm nyama gar biant. 53 Thau dihan khane, ki wathi Pithar sawal khutha na khanan, wa mai sauga ni azh doazdah hazar firishtaghani baz negha oshtalainith. 54 Phawankha chon an narishtaghan philav bant ki hacho biagha zarur en. 55 Man hawan ghari Yisua an julgavanra gwashtha ki pha duza waja mai giragha dar khapthaghae go zahmani go lathani? barro Hudha logha nyama sikhalana nindaghathan wa sha manan na giptha. 56 Wa thewaghen hal bitha ki an nabiyan narishtaghan philav biyant, Guda au thewaghen shagirdan ishtho dathai gur khuthaish. 57 Wa an ki Yisu girokh athant Kiyafa an sardar kohen gura burthai, an handear ki shara likokhan wa sweth rishan much mero khutha. 58 Wa Patrus dira eshi phadha shutha sardar kohen dedhia dain, wa andara shutha, ambrahani gon nishtha akhir hal gindagha phara. 59 Wa au sardar kohen wa an thewaghen majlisa di Yisu chaka diroghen shahidi pholitha ki chon eshiyar khushun. 60 Wa anhi dasta niyakhtha, agarchi baz dirogh shahidan akhthaghant, akhir kar do khasan akhto gwashthaish. 61 Ki haweshiya gwashtha ki ma Hudha loghar gar khutha khanan, wa sei roshani neanwan anhiyar thainan. 62 Wa sardar kohen kharo bitho eshiyar gwashtha. Thau hech javav na diye? Hawesh chi hal ki thai chaka shahidi khanant? 63 Bale Yisua chup khutha. Sardar kohena eshiyar gushi. Pha zindaghen Hudha sara thara saughan deaghan, ki mara than gwash, ki than AN MASIH E AN ALLAH BACHH. 64 Yisua anhiyar gwashtha ki Than gushaghe, eshiya sawa shuar gushaghan ki azh ni wakht phadha ADAM BACHHAR kurzat rasten dasta nishtia wa azman jhurani chaka AOKHAR gindedh. 65 Guda sardar kohena, wathi jar dirtho gwashta, ki eshiya fukr khutha thih shahidan pachi pakarant; ginde nin sha an fukr ashkhutha chi dihan khanedh? 66 Wa javav datho gwashthaish ki mant laiq en. 67 Guda anhan pha eshi drosham chaka thuk jatho, musht jatho chapol jatho, gwashthaish. 68 Mara nabuwat khan, ya Masiha an thai janokh khai en? 69 Wa Patrus dara man dedhi nindaghath yak rungen molid anhi gura akhtho gwashtha. Thau di go Yisua Jalili sangati bitha. 70 Thewaghen khasani demva inkar khuthai gwashtha. Thai galwar ma surphadh naban. 71 Wa galo dafa neanwan dara shudho thih rungen molid dithai wa anhand walanra gushi. Hawe di go Yisua Nazari sangati ath, 72 Wa thih bare go saughan sara inkar khuthai, ki an mardar phaja nyaran. 73 Jhatea phadha nazi oshthokhan Patrus gwar akhtho gushant. Rastigha thau di azh anhani e ki thai hawar thara sahra khat. 74 Guda gunaskar wa saughan khanagha khaptha ki an mardear phaja niyaran. Wa yabara bangoa bang datha. 75 Wa Patrusa an galwar ki Yisua gwashthaghath girartha, ki pheshi ki bangoa bang da, sei barowa thau mara inkar khane, wa dara shutho janrigha gretha.
27
1 Phaghegha bitha thewaghen sardar kohenan wa ummat sweth rishan. Yisua chaka tran bastha ki eshiyar chacho khushun. 2 Wa eshiyar go rezani bastho burthaish wa Pilatusar sardarar hawala khuthaish. 3 Guda Yihudiyaha ki eshi hawala khanokh ath e hal ditho ki marg hukm bithai tauva khutha, wa an si nughraen-zar sardar kohenanra wa sweth rishanra thartho arthaghant gwashtha. 4 Ma gunah khutha ki ma AN SADIK hon bahaintha. 5 Wa gwashthaish ki mani gura chi? thau gind, wa an nughraen zar Allah-logha neanwan er rikhthaghanti wa phadha shutho wathi jindar paho dathai. 6 Wa an sardar-kohenan nughraen zar gipthaghant gwashthaish, ki haweshan qurban khazana neanwan phirenagh rawaen kar nesti, ki hon bha en. 7 Wa tran basthaish wa azh anhani kumbhar dighar pha bha gipthaish pardes mardan puragha phara. 8 Hawi sauga hawan dighar maroshi dain "khun dighar" namwaren bitha. 9 Guda an galwar Jeremiah nabia marifata philav bitha gwashthai ki:— Gipthaghantish di an Si nughraen zaran Anhi qimat ki pha bha qimat khutho shuthaghan Bha khutho azh Israel choravan Dathaghantish pha dighar kumbharani 10 Hudhawanda hacho manan niyadhainith. 11 Wa Yisua sardar demva oshthaghath, wa sardara azh eshiya phol khutha gushi, ki Yihudiyani badshah than e? Wa Yisua anhiyar gwashtha ki than gushaghai. 12 Wa man haweshi dahn khanagh wela azh sardar kohenani wa sweth rishani, hech tharitho javav na dathai. 13 Guda Pilatusa eshiyar gwashtha, ki than niyashkhunaghe chiktar chie thai chaka shahidi deaghaint. 14 Wa anhiyar pha yake galwara hechi javav na datha, hacho ki hakim sakhigha hairan bitha. 15 Wa 'Id wela hakim dastur ath, ki yak kaiz khalas khat, an kasear ki raza khanant. 16 Wa an wela yak namen granen kaizi dasthaish namwara Barabhas. 17 Phawankha ki much bithaghant Pilatusa anhanra gwashtha khaiar raza khanedh chi shai sauga khalas khanan? Barabbasar ya Yisuar namwala Masih? 18 Ki zanthai ki e azh kinagh sababa hawala khuthaish. 19 Wa ki pha takht nindokh ath, wathi zala anhi gura shashthatho gwashtha, go hawesh SADIQ thai hech na bi, ki ma maroshe whava phar eshi sababa mai baz dukhi bitha. 20 Sardar kohenan, wa sweth rishan julgavanra surphadh khutha ki Barabbasa phara lotedh, wa Yisuar gar khan. 21 Hakima javav datho anhanra gushi ki azh hawe do khasani khaiar raza knanedh ki shawar khalas khanan. Gushant di Barabbas. 22 Pilatusa anhanra gwashtha. Phawankha Yisuar namwala Masihar chi khanan? thewaghen gushant ki suli khushiji. 23 Wa galwar khat ki pachi? chi kharabi khuthai, wa bazen gwaukjathaish ki suli khushiji. Wa Pilatusa e hal ditha ki hech faida na bitha, bale geshtar hulla biaghe, af giptho wathi dastan julgav demva shushthaghanti gushi, azh hawesh SADIQ hona mah beaib an; sha gindedh. Wa an thewaghen, ummata javav datho gwashtha ki anhi hon mai chaka bi, mai bachhani chaka di. 26 Guda anhanra Barabbas khalas khuthai, bale Yisuara tajag jatho hawala khuthai ki suli khushiji. Guda hakim an sipahiyani Yisu deravan neanwan zurtho an thewaghen piyada gal pha eshi gura much khanant, 28 Wa azh eshiya jar khashtho, kirmizi kawah eshi gird irkhuthaish. 29 Wa azh kutaghani taj di gwaftha, eshi pha saghar chaka irhumthaish, wa kiken kalam di eshi rasten dasta, wa eshi demva khond bhorentho, eshiyar shaghan jatho, gwashthaish. Ya Yihudiyani Badshah salam. 30 Wa pha eshiya thuk jatho, an kiken kalam giptho pha eshi saghar chaka jathaish. 31 Wa an wela ki eshiyar shaghan jathaish, an kawah azh eshiya khashtho, wathi jaran eshiyar poshithaghantish, wa suli deagha phara burthaish. 32 Darkhapthaghant guda Kurini mardea gipthaish Shamaun namwala haweshiyar vegariya gipthaish, ki anhi suliar barith. 33 Wa ki handea neanwan akhthaghant Galgata name, ki anhi matlav khopar handea: 34 Go zahren zahrak awar khutho pha waragha eshiyar dathaish, wa maza giptho na warthai. 35 Wa eshiyar suli dathaish, padhom datho pha wathani eshi jar bahr khuthaish. 36 Wa odha nishtho nishtho eshi nigahbani khuthaish. 37 Wa eshi daim likhtho shutha azh wathi saghar burza khuthaish. HAWESH EN YESU YAHUDI BADSHAH. 38 Guda go eshi phajia do duzan suli bitho shuthaghant, yak azh rasten dasta, wa yak azh chappen dasta. 39 Wa an guzokhan pha eshiya fukr khutha, wathi sagharanra lodaghathant gushaghathant di. 40 Ya Hudha logha nest khanokh, wa man sei roshani thaniniokh wathi jan darbar, ki AN ALLAH BACHH E azh an suli irkhat. 41 Irge di an sardar kohenan, go shara likhokhani wa sweth rishani phajia shaghan janaghathant. 42 Ki thih khasanra darburithai wathi jan darburitha nakhat. Israel Badshah en, ni azh an suli irkhafi, wa pha eshiya iman darun. 43 Pha Allaha itabar arthai, ni eshiyar darbari ki eshi niyat bi ki gwasthai ALLAH BACHH MA ASTAN. 44 Wa an duzani ki eshi gon suli bithaghant hawaniya za datha. 45 Wa azh shashumi gharia, nuhmi ghari dan pha thewaghen dighara chaka tahar bitha. 46 Wa nuhmi gharia wela Yisua go mazain awaz sara kharoen gwank jatha, gushi ELI ELI LAMA SABAKHTHANI e galwar en O mani ALLAH, O mani ALLAH than pachi manan ishtho datha? 47 Wa khardea nazik oshtokhan ashkhutho gwashtha ki Hawesh Eliasar gwank janaghen. 48 Wa yabara azh anhani yakea phadatho, af-khash-aspande giptho azh sirka mettha kik kalam gird irkhutho, eshiyar nosh khanagha dathai. 49 Thih mardan gushant ki bil de, ma gindun ar Eliyas pha eshiya darbaragha khai. 50 Wa Yisua thih bare azh mazain awaz gwanjhtho ruh ishtho datha. 51 Ginde di Hudha logha pardah azh kharagha buna dain dirtho shutha, wa dighar chand bitha, wa kohistan dalithighant, goristan kullithaghant. 52 Wa pak khasani baz jindan, ki leten waptho shuthaghant, thartho kharo bithaghant. 53 Wa eshi zindagh biagha phadha azh goristani darkhaptho paken shahr neanwan andara akhtaghant wa baz mardanra sahra bithaghant. 54 Wa subadara wa wathi sangati ki Yisu nigahbani khanokhan athant dighar chand wa thewaghen hal ki bitha ditho, sakigka thursitho gwashthaish Rastigha ALLAH BACHH HAWESH ATH. 55 Wa edha baz zalan athant azh dir hirthiya gindokhan, an ki azh Jalila Yisu phadha aktho eshi khizmat khanokhan athant. 56 Anhani nyama Miriam Magdalini ath, wa Miriam Yaqub wa Yuses math, wa Zabadi bachhani math. 57 Begah bitha bhagia marde akhtha azh Aramatiya deha Yusuf namen ki wath di Yisu shagird bitha. 58 Hawan Pilatus gura akhtho Yisu jind lottha. Guda Pilatusa hukm datha ki aubiyar de. 59 Wa an jind giptho Yusufa eshiyar paken alsi gudha nyama beritha. 60 Wa eshiyar wathi nokhen gora nyama irkhuthai, an ki koh nyama bhorenthai, wa mazain sing gor galo gwara rerdatho, shutha. 61 Wa edha Miriam Magdalini, ipte Miriam di qabr denva chaka nishtokhan athant. 62 Bangaha, ki sambarai khanagha thih bangah en, an sardar kohenan, wa an Farisiyan Pilatus gura much bitho gwashthaish. 63 Ya khawind mara gir asti, ki an diroghwala zindagha dain galwar khuthai, ki sei roshan phadha ma tharan zindagh ban. 64 Phawankha hukm da, ki seimi rosh dain, gor pha zamiagiri khaniji, hacho navi, ki anhi shagirdan khant, eshiyar jind-duzi khanant wa ummatar gushant ki azh murdaghan thartho zindagh bitha wa an phadhi tagi azh pheshi whar bi. 65 Pilatusa anhanra gwashtha, Sha pahra daraghe, baravedh hacho zamingiri khanedh ki zanedh. 66 Wa shutho an gor zamin giptho, an khohara muhr khutho, wa pahrawalan sangati athant.
28
1 Wa haptumi-rosh guzagha phadha, haptagh pheshi rosh roshtika, Miriam Magdalini wa ipti Miriam athtaghant gora pha hirthi-gindagha. 2 Ginde di sakigha dighar chand bitha, ki Hudhawand firistagh azh azman irkhaptho, gura akhtho, an singar thartho rer datho anhi chaka nishtha. 3 Wa anhi sahrahi-jind girokh waja ath, wa anhi jar saweth bavr waja bitha. 4 Wa azh anhi thursa pahra khanokhani chaka larzagh khaptha, wa murthaghani waja bithaghant. 5 Wa an firishtagha zalanra javav datho gushi. Sha ma tursedh, ma sahih an ki Yisuar suli biokhar phol khanaghe. 6 Edha nen, ki kharo bitha zindagh en, hacho ki shuar gwashthai. 7 Biyae ginde an handa ki Hudhawand waptho shutha, wa zithen baravedh anhi shagirdanra gushedh ki azh murthaghani kharo bitha zindagh en, ginde di shai demva Jalil neanwan ravaghen, odha eshiyar gindedh, ginde ma shara hal datha. 8 Wa zithen azh goristana rawana bitho go thursa wa go mazain shadhiha eshi shagirdanra hal deagha phadhatho shuthaghant. 9 Ginde di Yisu anhani trettha gwashtha, "Ma haira" wa an ingura akhtho eshi phadhanra giptho, wa eshiyar sijda khuthaish. 10 Guda Yisu anhanra gushaghen ma thursedh, baravedh mai brathanra hal diyedh, ki Jalila neanwan baravant, wa odha manan gindant. 11 Hadhen ki ravaghathant ginde khardea azh pahrahwalani shahr neanwan akhtho sardar kohenar thewaghen hal datha. 12 Wa sweth rishani gon much bitho salah khuthaish iktar zar sipahiyanra datho gwashthaish, 13 Shagushedh ki eshi shagirdan shafa akhthaghant eshi jind-duzi khuthaish mai wapsagha wela. 14 Wa ar ki e hal sardar pha ashkhunagha chaka khait, ma anhiyar surphadh khanun, wa shara beaghma khanun. 15 Wa zar giptho hacho ki sekhaltho shuthaghant irge khuthaish, wa hawesh kalam maroshi dain pha Yihudiyani deagha khaptha. 16 Bale an yazhdah shagirdan Jalil neanwan shutho an khoha neanwan ki anhanra Yisua hoka datha. 17 Wa eshiyar ditho, eshiyar sijda khuthaish bale kharde gawan khanokh athant. 18 Wa Yisua nazikh akhtho anhanra galwar khutho, gushi, ki manan kull ikhtiyar datho shutha man azmana, wa dighara chaka. 19 Phawankha baravedh thewaghen tumanra shagird khanedh anhanra tobaledh AN PITH, wa AN BACHH, wa AN RUH-UL-QUDS 20 nam neanwan anhanra shom daredh ki har chie pahra khanedh ki mah shawar hukm datha, ginde Mah di go sha phajia astan kull roshani wela alam philav biagh dain. 

 http://gospelgo.com/a/balochi_mat.htm

Nenhum comentário:

Postar um comentário