domingo, 5 de abril de 2015

1, 2 TIMOTE: TONGAN


1 Timote 1
1 TU KO AU PAULA, ko e aposetolo ʻa Sisu Kalaisi ʻi he fekau ʻa e ʻOtua ko hotau Fakamoʻui, mo Sisu Kalaisi ko hotau ʻAmanakiʻanga, 2 ko ʻeku tohi kia Timōte ko hoku foha moʻoni ʻi he lotu. ʻOfa ke ke maʻu kelesi mo e meesi mo e fiemalie, mei he ʻOtua ko e Tamai, mo Kalaisi Sisu ko hotau ʻEiki. 3 Hange ko ʻeku kole koe ʻi heʻeku ʻalu ki Masitonia, ke ke nofo hifo ʻi Efeso, koeʻuhi ke ke fekau ha niʻihi ke tuku ʻenau akoʻaki ʻa e 4 meʻa kehe; kaeʻumaʻa ʻenau nofo ki he ngaahi talatupuʻa, mo e lau hokohoko taʻehanoikuʻanga — ʻa ia ko e faʻahinga meʻa ʻoku ngali tupu mei ai ha meʻa ke fakakikihi ki ai, ʻo ʻikai ko e tokāteline fakaʻotua ʻa ia ʻoku ʻo tui — 5 Ka ko e meʻa ʻoku sio ki ai ʻa e fekau, ke ai ha ʻofa tuʻu ʻi he loto maʻa, mo e konisenisi ʻatāʻatā, 6 mo e tui taʻeloi; ʻa ia kuo leʻeia mei ai ha niʻihi, ʻo nau afe 7 ki he lau fano; lolotonga ʻoku nau lau ko e kau faiako ʻi he Lao kinautolu, ka ta ʻoku ʻikai ʻuhinga kiate kinautolu ʻa e ngaahi lea ʻoku nau fai, pe ko e ngaahi meʻa ʻoku 8 nau fuʻu fakapapau ki ai. Pea ko eni ʻoku tau ʻilo ʻoku lelei pe ʻa e Lao ʻo kapau ʻe fakalao pe 9 ʻete ngaūeʻaki, ʻo te ʻilo ʻeni, ʻoku ʻikai ke fokotuʻu ʻa e Lao maʻana ʻoku maʻoniʻoni; ka maʻa e kau malakilao mo e angatuʻu, maʻa e kau fakaʻotuamate mo e angahala, maʻa e kau taʻeangamolumalu mo e maumau tapu, maʻa e kau ta 10 tamai mo e ta faʻe, maʻa e kau fakapo, ʻa e kau feʻauaki, ʻa e kau fai fakasotoma, ʻa e kau kaihaʻa tangata, ʻa e kau loi, ʻa e kau maumau fuakava; pea mo e meʻa kehekehe neongo pe ko e ha, ʻa ia ʻoku fehalaaki mo e tokāteline 11 haohaoa. Ko e ʻalunga e ʻo e Kosipeli ʻo e langilangi ʻo e ʻOtua Mohu Monu ʻia; ʻa e Kosipeli ko ia ne tuʻanaki au ʻo tuku ki ai. 12 ʻOku ou fakafeta ʻi kiate ia naʻa ne fakamafeia au, ʻio kia Kalaisi Sisu ko hotau ʻEiki, koeʻuhi ko ʻene lau au ko e toko taha ke ala falalaʻanga, heʻene fokotuʻu au ki he lakanga ni, 13 neongo ko e toko taha au naʻe laukovi ki he ʻOtua ʻi muʻa, mo fakatanga mo pauʻu; ka naʻe fai meesi kiate au, koeʻuhi naʻa ku fai 14 tae ʻilo pe, he ko e taʻetui. ʻIo, naʻe matuʻaki ope mai ʻa e kelesi ʻa hotau ʻEiki, pea ō mo ia ʻa e tui mo e ʻofa, 15 ʻa ia ʻoku tuʻu ʻia Kalaisi Sisu. ʻE, ʻoku moʻoni ʻa e lea, pea tāu ke tali ʻe he loto kotoa — "Naʻe haʻu ʻa Kalaisi Sisu ki mamani ke fakamoʻui ʻa e kakai angahala". 16 ʻA ia oku ou fungani ai: ka naʻe fai meesi kiate au koeʻuhi ko e meʻa ni, koeʻuhi ke fakaha ʻe Kalaisi Sisu ʻiate au ko e fungani angahala hono katokātoa o ʻene kataki, moʻo taipe maʻanautolu te nau tui falala kiate ia ʻamui ke 17 maʻu ʻa e moʻui taʻengata. Pea ke ʻo e Tuʻi Itaniti, ko e Taʻeʻauha, ko e Taʻehamai, ko e ʻOtua pe Taha, ke ʻo ʻEne ʻAfio ʻa e fakaʻapaʻapa mo e kololia ʻo lauikuonga pea taʻengata. Emeni. 18 Ko e fekau ko eni ʻoku ou tuku kiate koe, ngaʻatā Timōte, ʻi he funga ʻo e ngaahi palofisai naʻe fai muʻa kiate koe. Ke ke kofuʻaki ʻa e ngaahi palofisai ko ia, ka ke fai 19 ʻa e tau lelei, ʻoku ke puke maʻu ʻa e tui, kaeʻumaʻa ʻa e konisenisi ʻatāʻatā: he ko e niʻihi, ʻi heʻenau tekeʻi ʻa e meʻa ko ia, kuo nau 20 tūkia ʻi he meʻa ʻoku kau ki he tui: ʻa ia ʻoku ʻi ai ʻa Aiminia mo Alekisanita, ʻa ia naʻa ku tuku ange kia Setane mona kinisi, ke na tuku ʻena laukovi ki he ʻOtua.
1 Timote 2
1 KO ia ʻoku ou fuofua enginaki ʻa e fai ʻo e ngaahi hu, mo e lotu, mo e hufekina, mo e fakafeta ʻi, koeʻuhi ko e kakai kotoa pe. 2 Koeʻuhi ko e ngaahi tuʻi, mo kinautolu kotoa pe ʻoku maʻolunga, koeʻuhi pe ke malu ʻetau moʻui, mo fiemalie, ʻo tau matuʻaki fai fakalotu mo angamaopo. 3 Ko e meʻa lelei ia, pea ko e meʻa ʻe hangai fofonga ki ai ʻa e ʻOtua ko 4 hotau Fakamoʻui; ʻa ʻEne ʻAfio ʻoku ne finangalo ke maʻu moʻui ʻe he kakai kotoa pe, pea ke nau aʻusia ʻa e ʻilo kanokano ki he moʻoni. 5 He ʻoku taha pe ʻa e ʻOtua, taha foki ʻa e Fakalaloa ʻi he vahaʻa ʻo e ʻOtua mo e tangata, ko 6 Kalaisi Sisu ko e tangata. ʻA ia naʻa ne foaki ia ʻe ia ko e fetongi huhu ʻi ʻo e kakai kotoa pe, kae toki fai hono fakamatala ʻi hono 7 ngaahi kuonga totonu. ʻA ia ko e meʻa naʻe fokotuʻu au ki ai, ko e malanga mo e aposetolo; (ko ʻeku lea moʻoni ʻoku ʻikai ko ʻeku loi:) ʻio, ko e faiako ʻa e Senitaile ʻi he lotu mo e moʻoni. 8 Ko ia ko hoku loto ke fai lotu ʻe he kau tangata ʻi he potu kehekehe, ʻo hiki hake ʻa e nima maʻa. ʻo taʻe ha ʻita pe ha talaʻa. 9 Pehe foki, ko hoku loto ki he kau fefine, ke nau teuʻaki kinautolu ʻa e kofu ʻoku ngali ke ʻai, pea ō mo e angamā mo e angafakamaʻumaʻu: ʻo oua ʻe fai ʻaki ʻa e fafatu ʻo e louʻulu, pe ko e koula mo e mataʻitofe mo e kofu mahuʻinga; 10 ka nau fai ke teunga ʻia ʻi he ngaahi ngaūe lelei, ʻa ia ko e meʻa ʻoku tāu mo e kau fefine ʻoku nau 11 lavutu ke tauhi ki he ʻOtua. Ko e meʻa ʻa e fefine ke tali pe ʻa e akonaki, ʻo fakalongope mo fakavaivai ai pe. 12 Ka ko e fai akonaki ʻoku ʻikai te u tuku ki he fefine; ʻumaʻā ʻa e pule ki he tangata; 13 ka ke nofo fakalongope. He ko Atama naʻe fua ngaohi, kae kimui 14 ʻa Ivi. Kaeʻumaʻa naʻe ʻikai oloa ʻa Atama, ka ko e ʻu kākāʻia ʻa e fefine, ʻo ne to ai ki he faihala. 15 Ka ko hono hala ki he moʻui ʻoku fou ʻi he fai fānau; ʻo kapau te nau nofo maʻu ʻi he tui mo e ʻofa mo e maʻoniʻoni, o mo e fakamaʻumaʻu.
1 Timote 3
1 OKU moʻoni ʻa e lea — Ka feinga ʻe ha taha ke maʻu ʻa e lakanga ʻo e faifekau pule, ko ʻene holi ki ha ngaūe lelei. 2 Ko ia ko hono tonu ʻo e faifekau pule ke taʻemele, ko e husepaniti ʻo ha fefine pe taha, ko e toko taha ʻoku fakaʻehiʻehi mei he konā, ʻoku angafakamaʻumaʻu, ʻoku māu ʻene toʻonga, ʻoku faʻa fakaafe ʻāunofo, ʻoku poto ʻi he 3 faiako; ko e toko taha ʻoku ʻikai uaineʻia; ko e toko taha ʻoku ʻikai faʻa tā, ka ʻoku angakataki; ʻoku ʻikai fiefakakikihi, ʻoku ʻikai 4 ʻofa ki he paʻanga; ko e toko taha ʻoku pule lelei ki hono fale oʻona, ʻoku mapule ʻi ʻene fanauʻi he 5 fakaʻapaʻapa ai pe: (ka ʻo kapau ʻoku ʻikai lava ʻe ha tangata ke pule ki hono fale oʻona, pea fefe haʻane 6 tauhi ʻa e Siasi ʻa e ʻOtua?) ko e toko taha ʻoku ʻikai ko e toki liliu; naʻa ʻaoʻaofia hono loto ʻi he ʻafungi, ʻo ne to ai ki he tautea ʻo e 7 Tevolo. Kaeʻumaʻa ko hono tonu ke ne ongoongolelei mei he kakai ʻo tuaʻā, naʻa to ia ki he laua, pea mo ha tauhele ʻa e Tevolo. 8 Pehe foki ko hono tonu ʻo e kau akonaki ke nau angamaopo, ʻo ʻoua ʻe ngutungutuua, ʻoua ʻe nofo ke inu kava lahi, ʻoua ʻe 9 havala ki he paʻanga ʻuli: ko e kakai ʻoku nau tauhi ʻa e misiteli ʻo e lotu ʻi he konisenisi maʻa. 10 Pea ʻoua ke sivi foki kinautolu; pea ka ʻikai ha lau ki ai, pea nau toki fai ʻa e ngaūe ʻa e akonaki. 11 Pehe foki ko hono tonu ʻo e kau fefine ke nau angamaopo, ʻo ʻoua ko e kau fakakovi; ko ha niʻihi ʻoku fakaʻehiʻehi mei he konā, ʻo 12 falalaʻanga ʻi he meʻa kotoa pe. Ke maʻu ʻe he kau akonaki ha uaifi pe taha, ʻo nau pule ʻi lelei ʻenau fanau, mo honau fale ʻonautolū. 13 He ko kinautolu ne nau lava lelei ʻa e ngaūe ʻa e akonaki, ʻoku nau maʻu ai maʻanautolu ha tuʻunga lelei, mo e fuʻu lotomalohi heʻenau tui, ko e tui kia Kalaisi Sisu. 14 Kuo u tohi atu ʻa e ngaahi meʻa ni, neongo ʻeku ʻamanaki ʻe vave 15 ʻeku ʻalu atu: koeʻuhi, ʻo kapau te u tuai atu, ke ke ʻilo ʻa e anga ʻoku totonu ke faiʻaki ʻi he lotolotonga ʻo e Fale ʻo e ʻOtua, ʻa ia ko e Fakataha tonu ʻa e ʻOtua Moʻui, ko e pou mo e tuʻunga ʻo e 16 Moʻoni. ʻIo, ko e moʻoni. ka ko ha moʻoni, ko e meʻa taumamaʻo ʻa e misiteli ʻo ʻete lotu — ʻA ia naʻe fakaha he kakano, Naʻe fakatonuhia he laumalie, Naʻe mātā ʻe he kau angelo, Naʻe malangaekina ki he Senitaile, Naʻe tui ki ai ʻi mamani, Naʻe ʻohake ʻo ʻafio he langilangi.
1 Timote 4
1 KA ʻoku folofola fakapatonu mai ʻe he Laumalie, ʻo pehe, ʻE hiki ha niʻihi mei he totonu ʻo e lotu ʻi he ngaahi kuonga ʻamui, heʻenau nofo ki he ngaahi faʻahikehe faikahala, mo e ngaahi tokāteline ʻa kau te 2 volō: ko e meʻa ʻi he fakamatamatalelei ʻa e kakai ʻoku lea loi, ʻa e kakai kuo ta fakaʻilonga hoʻōnautolu konisenisi, 3 ʻa e kakai ʻoku nau tapui ʻa e mali, ʻo fekau ke fakaʻehiʻehi mei he ngaahi faʻahinga meʻa kai, ʻa ia ko e ngaahi meʻa naʻe ngaohi ʻe he ʻOtua maʻa e kakai ʻoku tui mo ʻilo kanokano ki he moʻoni, 4 ke nau kai mo e fakafeta ʻi. He ʻilonga ha meʻa kuo ngaohi ʻe ke ʻOtua ʻoku lelei ia, pea ʻoku ʻikai ha meʻa ke liʻaki, kapau ʻe maʻu 5 mo e fakafeta ʻi: koeʻuhi kuo hoko ko e meʻa maʻoniʻoni he folofola ʻa e ʻOtua mo e hufia. 6 Kapau te ke enginaki ʻa e ngaahi meʻa ni ki he kainga, te ke hoko ko e faifekau lelei ʻa Kalaisi Sisu, ʻi hoʻo fakamaheni ai pe koe ʻi he ngaahi tala fakalotu, pea mo e ngaahi fakamatala ʻo e tokāteline lelei naʻa ke ʻako fakatotolo ki ai. 7 Ka ko e ngaahi talatupuʻa fakaetangata na mo fakannematuʻa, fakansi koe ki ai: ka ke ngaohi koe ke anga ki he lotu 8 moʻoni. He ko e ngaohi ʻo e sino ʻoku ʻaonga ki ha meʻa siʻi pe, ka ko e lotu moʻoni ʻoku ʻaonga ki he meʻa kotoa pe; he ʻoku ne maʻu talaʻofa ki he moʻui ko eni, pea 9 mo ia ka hoko mai. ʻOku moʻoni ʻa e lea pea tāu ke tali ʻe he loto 10 kotoa. He ko e meʻa ia ʻoku tau fakafitefitaʻa ki ai mo tau, koeʻuhi kuo tuʻu ʻetau falala ki he ʻOtua Moʻui, ʻa ia ko e Fakamoʻui ʻo e kakai kotoa pe, kae lahi kiate kinautolu ʻoku tui. 11 Ke ke tuʻutuʻuni ʻa e ngaahi mēʻa 12 ni mo akoʻaki. ʻOua naʻa tuku ke fakasikaka ʻi koe ʻe ha taha ko hoʻo talavou; kaekehe ke ke hoko ko e toko taha ke faʻifaʻitaki ki ai ʻe he kakai lotu, ʻi he lea, ʻi he ʻulungaanga, ʻi he ʻofa, ʻi he tui, 13 ʻi he angamaʻa. Nofo ki he lau lesoni, mo e fai ha tokoni, mo e faiako, kaeʻoua ke u ʻalu atu. 14 ʻOua naʻa ke tuku noa pe ʻa e mafai ʻoku ʻiate koe, ʻa ia naʻe foaki kiate koe ʻi he palonsai mo e hilifaki nima ʻe he kau Faifekau. 15 Ke ke mamafa ki he ngaahi meʻa ko ia; ke ke ngaūe ki he ngaahi meʻa ko ia; koeʻuhi ke ha ki he kakai 16 kotoa hoʻo laka ki muʻa. Lamalama kiate koe mo e meʻa ʻoku ke akoʻaki: ke ke nofoʻaki fai ʻa e ongo meʻa ko ia; he ʻi hoʻo fai pehe, te ke fakamoʻui koe mo kinautolu foki ʻoku fanongo kiate koe.
1 Timote 5
1 ʻOUA naʻa haʻaki valoki ʻi ha motuʻa, ka ke fai fakaoleole pe ʻo hange ko hoʻo tamai; fai ki he kau talavou ʻo hange ko ho tokoua; 2 ki he kau fineʻeiki ʻo hange ko hoʻo faʻe; ki he kau finemui ʻo hange ko ho tuofefine, ʻo matuʻaki angamaʻa. 3 Tokanga ʻi ʻa e kau fefine uitou 4 ʻoku paea moʻoni. Ka ʻo kapau ʻoku maʻu fanau pe makapuna ʻe siʻi uitou, ʻoua muʻa ke ako ʻi kinautolu ke nau fai ʻa e toʻonga totonu ki hoto famili, pea ke fai ʻa e totongi ki heʻenau matuʻa: he ko e meʻa ia ʻe hangai fofonga ki 5 ai ʻa e ʻOtua. Pea ko eni, ko e uitou ʻoku paea moʻoni pea tuku tuēnoa, kuo tuʻu ʻene ʻamanaki ki he ʻOtua, pea ʻoku ne nofo ki he fai ʻo e ngaahi hu mo e lotu ʻi he 6 po mo e ʻaho. Ka ko e uitou ʻoku fakausousa, neongo ko e moʻui ka 7 kuo mate. Ko e ngaahi meʻa ko ia foki ke ke tuʻutuʻuni ki ai koeʻuhi 8 ke nau taʻemele. Ka ʻo ka ai ha taha ʻoku ʻikai tokanga ki hono kainga, kaeʻumaʻa hono famili, ʻoku ne faka ʻikai ʻi ʻene lotu, ʻio, ʻoku ne koviange ʻi ha hiteni. 9 Ke ʻoua naʻa tuʻu ha taha ʻi he tohi ʻo e Kau Uitou, ʻoku siʻi hono taʻu ʻi he onongofulu, ko e uaifi ʻo e 10 tangata pe taha; ko e toko taha kuo fakaongolelei heʻene ngaahi ngaūe ʻaonga, haʻane tauhi ha fanau, haʻane fakaafe ha ʻāunofo, haʻane fufulu ʻa e vaʻe ʻo e kau lotu, haʻane tokoni ʻi ha kakai kuo moʻua ha mamahi, kapau naʻe ʻilonga pe ha ngaūe lelei pea ne feinga kiai. 11 Ka ko e kau uitou ʻoku mālolō ke ke fakafisi ki ai; he ka faifai pea malohi ʻenau hohaʻa ʻia 12 Kalaisi, te nau tangi ke mali: ʻo nau nofo mo kinautolu ʻenau hala, ʻa ʻeni, Kuo nau maumau 13 ʻenau fuakava muʻa. Kaeʻumaʻa te nau hoko ai ʻo fakapikopiko ʻi heʻenau ʻalu fano ʻi he ngaahi ʻapi; ʻo ʻikai ko e fakapikopiko pe, ka ko e faʻa lau, mo kaunoa, ʻo talanoaʻaki ʻa e ngaahi meʻa naʻe totonu 14 ke ʻoua ʻe lau. Ko ia ko hoku loto ki he kau uitou ʻoku mālōlō, ke nau toe mali, ke nau fānau, ke nau pule he famili, ʻo ʻoua ʻe ʻatu moʻo e fili ha meʻa ke tuʻunganaki ʻaki ʻene lau ʻikovi. 15 He naʻa mo ʻeni kuo afe hanau niʻihi, 16 ʻo muimui kia Setane. Kapau ko ha kau uitou ʻoku kainga mo ha fefine lotu, ke tokoni kiate kinautolu ʻe ia, ʻo ʻoua ʻe tuku ke mafasia ai ʻa e Siasi: kae ʻi he Siasi ke tokoni ki he kau uitou ʻoku paea moʻoni. 17 Ko e kau faifekau ʻoku pule lelei, ʻe, ko honau tāu ha tokoni loua; kaeʻumaʻa ʻa kinautolu ʻoku fakafitefitaʻa ʻi he malanga mo e 18 faiako. He ʻoku lau ʻe he Tohitapu, Ko e pulu ʻoku ne ʻauʻau ʻa e koane ʻe ʻikai te ke ha ʻiha ʻi hono ngutu. Mo eni, ʻilonga ha taha ʻoku ngaūe, ʻoku tāu ke ne maʻu haʻane totongi. 19 ʻOua te ke tali ha faka ʻilo ʻo ha faifekau, ka ʻi he ʻi ai ha fakamoʻoni ʻe toko ua pe toko 20 tolu: ka ko kinautolu ʻoku faihala ke ke valoki ʻi he ʻao ʻo e kakai kotoa, koeʻuhi ke manavahe hono toe. 21 Ko e ʻOtua e, mo Kalaisi Sisu, pea mo e kau Angelo Fili, ʻoku ou na ʻina ʻi atu ke ke tauhi ʻa e ngaahi meʻa ni, ʻo ʻoua ʻe fua fakapapau ha meʻa, pe fai ʻi he filifilimanako. 22 ʻOua te ke hilifaki nima leva ki ha toko taha, ʻumaʻā haʻo kau ʻi he ngaahi angahala ʻa e kakai kehe: kehe ke ke tauhi KOE ke maʻa. 23 Tuku hoʻo inu pe ʻa e vai, ka ke fai ʻaki ha meʻi uaine, koeʻuhi ko ho fatu mo hoʻo faʻa mahamahaki. 24 ʻOku fuʻu eʻa ʻa e angahala ʻa e kakai niʻihi, ʻo muʻa ki he fakamāu, kae kimui ʻa e angahala ʻa e niʻihi. 25 Pehe foki ʻoku fuʻu eʻa ʻenau ngaahi ngaūe lelei; pea ko e ngaahi ngaūe ʻoku ʻikai pehe, talaʻehai ʻe lava ke fufū.
1 Timote 6
1 ILONGA kinautolu ʻoku moʻulaloa ʻo popula, ke nau lau ʻoku tau ke nau fakaʻapaʻapa ʻaupito ki heʻenau ngaahi ʻeiki, naʻa lau ʻikovi ʻa e huafa ʻo e ʻOtua, mo ʻene akonaki. 2 Pea ko kinautolu ʻoku lotu ʻenau ngaahi ʻeiki, ke ʻoua te nau fakatau koeʻuhi kuo nau kainga; kaekehe, ke ʻasili ʻenau tauhi kiate kinautolu, koeʻuhi ko e kakai lotu mo ʻofeina ia ʻa ia ʻoku ʻaonga ki ai ʻenau ngaūe ʻofa. Ko e ngaahi meʻa ko ia ke ke akoʻaki mo enginaki. 3 Kapau ʻe nofo ha taha ke ako kehe, ʻo ʻikai te ne hiki ki he lea ʻoku haohaoa, ʻio ki he ngaahi folofola ʻa hotau ʻEiki ko Sisu Kalaisi, mo e akonaki ʻoku fakalotumoʻoni; 4 ʻa, ko e toko taha ia kuo ʻaoʻaofia hono loto ʻi he ʻafungi, ka talaʻehai ʻoku ne ʻilo ha meʻa; ka ʻoku ne mahakiʻaki ʻa e ʻeke meʻa taʻefaʻa ʻiloa, mo e fakakikihi ʻi lea pe; ʻa ia ko e ngaahi meʻa ʻoku tupu mei ai ʻa e meheka, ʻa e fetuʻusi, ʻa e felau ʻikoviʻaki, 5 ʻa e femahalokoviʻaki, ʻa e fepaki ai pe ʻa e kakai kuo popo honau loto, kuo toʻo meiate kinautolu ʻa e ʻilo totonu, ʻa e kakai ʻoku nau mahalo ko e lotu moʻoni ko e meʻa fakatupu koloa 6 pe. Ka ʻoku moʻoni ko e meʻa fakakoloa ʻaupito ʻa e lotu moʻoni, 7 ʻo ka ō mo e loto topono. He talaʻehai naʻa tau haʻu mo kitautolu ha meʻa ki mamani, koeʻuhi foki ʻe ʻikai te tau lava ke ʻalu mo kitautolu ha momoʻi meʻa: 8 pea ʻi heʻetau maʻu ʻetau meʻakai mo e kofu, te tau feʻunga pe ʻi 9 he meʻa ko ia. Ka ko kinautolu kuo pau honau loto ke koloa ʻia, ʻoku nau to ki he ʻahiʻahi, mo e tauhele, mo e ngaahi holi kehekehe, ʻa ia ʻoku fakasesele pea ko e meʻa ʻoku te lavea ai; ko e faʻahinga meʻa ʻoku nau lomekina ʻa e kakai ki he ʻauha mo e malaʻia. 10 He ko e ʻofa ki he paʻanga ko e aka ʻoku tupu mei ai ʻa e ngaahi kovi kotoa pe, pea ko e niʻihi ʻi heʻenau ala ki he meʻa ko ia kuo nau hē mei he lotu, pea kuo nau hokohoka ʻi ʻaki ʻa kinautolu ʻa e ngaahi mamahi lahi. 11 Ka ko koe, tangata ʻo e ʻOtua, hola mei he ngaahi meʻa pehe; ka ke tuli ki he fai totonu, ki he lotu moʻoni, ki he tui, ki he ʻofa, ki he kataki, ki he angavaivai. 12 Tau ʻa e tau lelei ʻo e tui, puke ki he moʻui taʻengata, ʻa ia ne ui koe ki ai, pea naʻa ke fai ʻa e tukupā lelei ʻi he ʻao ʻo ha 13 kau fakamoʻoni tokolahi. Ko e ʻOtua e, ʻa ia ʻoku ne tauhi ʻa e moʻui ʻa e meʻa kotoa pe, mo Kalaisi Sisu, ʻa ia naʻa ne fakamoʻoni ki heʻene tukapā lelei ʻi he 14 pule ʻa Ponito Pailato, ʻoku ou na ʻina ʻi atu ke ke tauhi ʻa e fekau ke taʻemele mo taʻefaʻalau ʻi, ʻo aʻu ki he fakaha mai ʻo hotau 15 ʻEiki ko Sisu Kalaisi. ʻA ia te ne fai ʻi hono ngaahi taimi totonu, ʻe he ʻEne ʻAfio ko e Pule Mohu Monu ʻia mo Tāfataha; ko e Tuʻi ʻo kinautolu ʻoku tuʻi, mo e ʻEiki 16 ʻo kinautolu ʻoku ʻeiki; ʻa ia ʻoku aʻana toko taha pe ʻa e taʻefaʻamate, heʻene ʻafioʻi he maama taʻefaʻafotuaki; ʻa ia kuo teʻeki ke mātā ʻe ha tangata, pe te ne lava ke sio ki ai — ke ʻo ʻEne ʻAfio ʻa e fakaʻapaʻapa, pea mo e pule taʻengata. Emeni. 17 Ke ke na ʻina ʻi kiate kinautolu ʻoku koloa ʻia fakaemaama ko eni, ke ʻoua te nau angahiki, ʻumaʻā ke tuʻu ʻenau falala ki he koto taʻemaʻu na ko e koloa; ka ki he ʻOtua, ʻa ia ʻoku ne ʻomi ʻa e meʻa kehekehe ʻo fuʻu lahi, maʻatāu 18 fiemalie pe. Na ʻina ʻi ke nau ngāue ʻaonga, ke nau koloa ʻia ʻi he ngāue lelei, ke nau nimahomo ʻo 19 ʻangafietokoni; ʻo nau faʻoaki ai maʻanautolu ha tuʻunga lelei ki he ʻamui, koeʻuhi ke nau puke ki he moʻui moʻoni. 20 ʻE Timōte, ke ke leʻohi ʻa e meʻa kuo tuku kiate koe, ʻo ke fulituʻa ki he ngaahi koto lau fakaetangata pe, mo e ngaahi fakakikihi ʻa e meʻa na ʻoku lau ko e Tlololoto, ka ko e 21 lauhala: ʻa ia kuo ʻi ai ha niʻihi kuo nofo ki ai, ʻo nau leʻeia mei he tui totonu. ʻOfa ke ʻiate kimoutolu ʻa e kelesi.
2 Timote 1
1 TU KO AU PAULA, ko e aposetolo ʻa Kalaisi Sisu ʻi he tuʻutuʻuni ʻa e ʻOtua, koeʻuhia ko e palomesi ʻo e moʻui ʻoku ʻia 2 Kalaisi Sisu; ko ʻeku tohi kia Timōte, ko hoku foha ʻofaʻanga. ʻOfa ke ke maʻu kelesi mo e meesi mo e melino, mei he ʻOtua ko e Tamai, mo Kalaisi Sisu ko hotau ʻEiki. 3 ʻOku ou fakafeta ʻi ki he ʻOtua, ʻa ia ʻoku ou tauhi ki ai ʻaki ʻa e lotu naʻa ku maʻu mei heʻeku matuʻa, ʻo u fai ʻaki ʻa e konisenisi ʻatāʻatā — ko ʻeku fakamoʻoni ia ki he taʻemotu ʻeku manatu ʻi koe ʻi heʻeku ngaahi hu ʻi he po 4 mo e ʻaho, heʻeku holi ke ta feʻiloaki, ko ʻeku manatu ki ho 5 lo ʻimata, kau fonu fiefia — ʻio, ʻoku ou fakafeta ʻi ʻi heʻeku manatu ki he tui taʻeloi ʻoku ʻiate koe; ʻa e tui naʻe fua nofo ʻi hoʻo kui ko Loisi, pea mo hoʻo faʻe ko Iunisi; pea ʻoku ou falala ʻoku ʻiate koe foki. 6 Ko ia ʻoku ou fakamanatu ai kiate koe, ke ke hunuaki hoʻo mafai mei he ʻOtua, ʻa ia ʻoku ʻiate koe ʻi 7 he hilifaki ʻo hoku nima. He ko e Laumalie naʻe foaki ʻe he ʻOtua kiate kitaua, naʻe ʻikai ko e Laumalie angafo ʻi, ka ko e angamalohi, 8 mo ʻofa, mo valoki. Ko ia ʻoua te ke mā ʻi ʻa e fakaha ʻo hotau ʻEiki, pe te ke mā ʻi au ko ʻene popula: kaekehe, ke ke kau mo au ʻi he kai mamahi koeʻuhi ko e Kosipeli ʻi he funga ʻo e mafimafi ʻo e ʻOtua; 9 ʻa ia naʻa ne fakamoʻui kitautolu, mo ne ui ki ha lakanga tapu; ʻo ʻikai koeʻuhi ko ha ngaūe ʻatāutolu, ka koeʻuhi ko hono finangalo oʻona, pea koeʻuhi ko e kelesi naʻe foaki mai ʻia Kalaisi Sisu mei he ngaahi 10 kuonga ʻo Itaniti: ka naʻe fakaeʻa ʻi onoponi ʻi he fakaha mai ʻo hotau fakamoʻui ko Sisu Kalaisi;ʻ,ʻa ia naʻa ne fakakaʻanga ʻa Mate, ka ne huluhulu ʻa e moʻui mo e taʻeʻauha ʻaki 11 ʻa e Kosipeli: ʻa ia ko e meʻa naʻe fokotuʻu au ki ai, ko e malanga mo 12 e aposetolo mo e faiako. Ko hono ʻuhinga foki ia ʻoku ou moʻua ai ʻi. he ngaahi mamahi ni; ka ʻoku ʻikai te u mā ai: he ʻoku ou ʻilo pe ʻa ia kuo u tui ki ai, pea ʻoku ou ʻilopau ʻoku ne mafai ke tauhi ʻeku meʻa kuo u tuku kiate ia, ʻo aʻu ki he ʻaho ko ē. 13 Ko e anga eʻo e ngaahi lea moʻui naʻa ke fanongo ai meiate au, ʻi he tui mo e ʻofa ʻoku ʻia Kalaisi Sisu. 14 Ko e meʻa lelei ko ia kuo tuku kiate koe, ʻe, ke ke tauhi ʻi he Laumalie Maʻoniʻoni ʻa ia ʻoku nofo ʻiate kitautolu. 15 ʻOku ke ʻilo foki kuo hiki kotoa pe meiate au ʻa kinautolu ʻi Esia; kaeʻumaʻa Faikelo mo Heamokena. 16 ʻOfa ke meesi ange ʻa e ʻEiki ki he famili ʻo Onesifolo: he naʻe tuʻo lahi ʻene tokoni ʻi au, pea naʻe ʻikai 17 te ne mā ʻi hoku kiʻi. Ka ʻi heʻene ʻi Loma, naʻa ne fai velenga hoku 18 kumi ʻo ne maʻu au. ʻOfaange e ʻEiki ke ne maʻu meesi mei heʻene ʻAfio ʻi he ʻaho ko ē! pea ko ʻene ngaahi fuʻu tokoni naʻa ne fai ʻi Efeso ʻoku ke lāu ʻilo ki ai ʻe koe.
2 Timote 2
1 KA ko koe, ngaʻatā, ke ke hoko ʻo kaukaua ʻi he kelesi ʻoku 2 ʻia Kalaisi Sisu. Pea ko e ngaahi meʻa naʻa ke fanongo meiate au ʻi he ʻao ʻo e kau fakamoʻoni tokolahi, ke ke tuku ia ki ha kau tangata alafalalaʻanga ke i:auhi, ko ha niʻihi te nau mafai ke akoʻaki 3 ki ha kakai kehe foki. Kai pe ho ʻinasi ʻi he mamahi, ʻo tāu mo 4 e sotia lelei ʻa Kalaisi Sisu. Ka ko ha sotia ʻoku moʻua ʻi he tau, talaʻehai te ne tuku ke ne finia ʻi he ngaahi moʻua ʻo e moʻui ni, koeʻuhi ke hohō ʻia ʻiate ia ʻa e ʻeiki naʻe 5 fokotuʻu ia ki he tau. Kaeʻumaʻa, ka ko ha taha ʻoku kau ʻi hit feʻauhi, talaʻehai ʻoku fakapale ʻi ia ʻo kapau ʻoku ʻikai te ne fai ʻo hange ko e lao. 6 Ka ko ha kau faʻa, ko ia pe ʻoku fakaongosia ʻoku aʻana ke: motuʻa 7 ʻinasi ʻi he fua ʻo e ngoue. Feinga ke maʻu ʻa e ʻuhinga o ʻeku lea, koeʻuhi ʻe ʻatu ʻe he ʻEiki ʻa e poto ʻi he meʻa kotoa pe. 8 Manatu ai pe kia Sisu Kalaisi, hono fokotuʻu mei he pekia, ʻene tupu mei he hako ʻo Tevita — ʻo 9 hange ko ʻeku kosipeli; ʻa ia ʻoku ngaohikovia au ʻi hono fai, ʻio, ʻo aʻu ki hoto ha ʻisia ʻo hange ko ha angahala; ka talaʻehai ʻoku ha ʻisia 10 ʻa e folofola ʻa e ʻOtua. Ka ko hono ʻuhinga ʻeni o ʻeku kataki ʻa e meʻa kehekehe maʻa e kakai fili, koeʻuhia ke taʻimalie fakamoʻui ʻa kinautolu foki, ʻa e fakamoʻui ʻoku ʻia Kalaisi Sisu, pea ō mo ia ʻa 11 e kololia taʻengata. ʻOku moʻoni pe ʻa e lea, He kapau naʻa tau mate mo ia, te tau moʻui mo ia; kapau ʻoku tau kataki, te tau kaungātu ʻi foki mo 12 ia; kapau te tau fakafisinga ia, pea ʻe fakafisinga ʻa kitautolu ʻe ia; 13 kapau ʻoku tau liʻaki ʻetau tui, ka ʻoku ne piki ai pe ʻe ia ki heʻene lea; he talaʻehai ʻoku ne lava ke faka ʻikai ʻi ʻa ʻEne ʻAfio. 14 Ko e ngaahi meʻa ni ke ke fakamanatu ki he kakai, ʻo fakamamafa ʻaki ʻa e ʻEiki, ke ʻoua te nau fakakikihi ʻi ha lea pe, ʻa ia ʻoku ʻikai hano ʻaonga, ka ki he fakalusa pe ʻo e kakai ʻoku fanongo. 15 Ka ko koe, ke ke feinga ke fakaha koe ki he ʻOtua ʻoku ke tuʻu mo e lau; ko e tangata ngaūe ʻoku ʻikai mā, ko hoʻo tofa totonu 16 ʻa e folofola ʻo e moʻoni. Ka ke fakaʻehiʻehi mei he ngaahi koto lau fakaetangata; he ko e kakai ko ia ʻe fakautuutu ʻenau makehe mo e 17 lotu: pea ko ʻenau lea te ne keina ʻo hange ha kainiloto. ʻOku ʻi he faʻahinga ko ia ʻa Aiminia mo 18 Failito; ko e ongo meʻa ne leʻeia mei he moʻoni, heʻena pehe, ko e msʻa ki he toetuʻu kuo hoko ia: pea ʻoku nau fakahinga ai ʻa e lotu 19 ʻa e niʻihi. Ka neongo ia, ka ʻoku tuʻu pe ʻa e tuʻunga maʻumaʻuluta ʻa e ʻOtua, he pulusi ai ʻa e sila ko eni, ʻOku ʻilo ʻe he ʻEiki ʻa kinautolu ʻoku oʻona: mo eni, ʻilonga ʻa ia ʻoku ne hueʻekina ʻa e huafa ʻo e ʻEiki, ke ne fakaʻehiʻehi mei 20 he faihala. Ka ʻilonga ha fale lahi, ʻoku ʻikai ke ngata ʻi he ngaahi ipu koula mo siliva, ka ʻoku ʻi ai foki mo e ngaahi ipu ʻakau mo ʻumea, pea ko e niʻihi ke kinokinoifie, ka ko e niʻihi ke palaku. 21 Pea ka ai ha taha te ne fakamaʻa ia ke matanga mei he faʻahinga ko ia, te ne hoko ko e ipu ke kinokinoine, ko e ipu kuo fakatapu, ko e ipu ʻoku ʻaonga ki he Tangataʻeiki, kuo teu ki he ngaūe lelei kotoa pe. 22 Ka ko e ngaahi holi fakatalavou ke ke hola mei ai; ka ke tuli ki he maʻoniʻoni, ki he tui, ki he ʻofa, pea ki he feʻofoʻofani mo e kakai ʻoku lotu ki he ʻEiki mei 23 he loto maʻa. Ka ko e faʻa ʻeke meʻa, ʻa ia ko e koto launoa pea ʻikai ha poto ʻi ai, ke ke fakafisi ki ai, ko hoʻo ʻilo ʻoku tupunga 24 fakakikihi. Ka ko e tamaioʻeiki ʻa e ʻEiki ʻoku ʻikai tāu ke ne fakakikihi, kaekehe ke ne angalelei ki he kakai kotoa pe, ke ne poto ʻi he faiako, ke ne makataki 25 ʻa e kovi: ke ne fai angamalū ʻene tautea ʻa kinautolu ʻoku fakatau ʻilea, hei ʻilo ʻe faifai pea ʻange ʻe he ʻEiki ʻa e fakatomala ke nau tafoki ki he ʻilo ʻi totonu ʻo e moʻoni; 26 pea ke nau ʻā mei heʻenau konā ke fai hono finangalo, ʻo hao mei he tauhele ʻa e Tevolo ʻa ia kuo ne po kinautolu.
2 Timote 3
1 KA ko eni ʻa e meʻa ke ke sinaki ʻilo ki ai; ka hokosia ʻa e kuonga fakamui, ʻe ai ha ngaahi taimi faingataʻa. 2 He ko hono kakai te nau ʻofa kiate kinautolu pe, te nau ʻofa ki he paʻanga, te nau fielahi, te nau angataʻetokaʻi, te nau lea fieʻotua, te nau talangataʻa ki he matuʻa; ko e kau taʻehounga, ko e kau angataʻemolumalu, 3 ko e kau taeʻofakihoʻota, ko e kau taʻe fakamolemole, ko e kau fakakovi, ko e kau taʻefakamaʻumaʻu, ko e kau angafakamanu, 4 ko e kau taeʻofa ki he lelei, ko e kau lavaki, ko e kau ʻohonoa, ko e kau loto ʻaoʻaofia ʻi he ʻafungi, ko e kau ʻofa ki he malie ʻo ʻikai 5 ʻofa ki he ʻOtua, ko e kakai ʻoku maʻu ʻa e ngeʻesi ʻo e lotu, ka kuo nau liʻaki hono kakano: ke ke fulituʻa ki he kakai pehe foki. 6 He ʻoku ʻi he faʻahinga ko ia ʻa e kakai ʻoku totolo ki he ngaahi fale, pea taki popula ha longolonga ʻi fefine kuo mafasia ʻi he ngaahi angahala, pea ʻoku takiekina ʻe he ngaahi 7 holi kehekehe; ʻo nau ako ai pe, ka talaʻehai ʻoku nau lava ke aʻusia ʻa e ʻilo ʻi totonu ʻo e moʻoni. 8 Pea hange ko e tuʻu ʻa Siani mo Siamepi kia Mosese, ʻoku pehe foki mo e tuʻu ʻa e faʻahinga ni ki he moʻoni: ko e kakai kuo popo honau loto, pea ʻi he lau ki he lotu ʻoku ʻikai haʻanau momo ʻi 9 siaʻa. Ka talaʻehai te nau fakaaʻau atu: he ko ʻenau vale ʻe faifai pea matuʻaki eʻa ki he kakai kotoa, ʻo hangē tofu pe ko e vale ʻanaua. 10 Ka ko koe naʻa ke maʻu moʻao faʻifaʻitakiʻanga ʻa e faiako aʻaku, a ʻeku toʻonga, a ʻeku tuʻutuʻuni pau, a ʻeku tui, a ʻeku angamokomoko, 11 a ʻeku ʻofa, a ʻeku kataki; ʻa hoku faʻa fakatanga ʻi, ʻa e ngaahi fuʻu mamahi naʻe to kiate au ʻi Aniteoke mo Aikoniume mo Lisita, ʻa e ngaahi fuʻu fakatanga ko ia naʻa ku moʻua ai: ka naʻe hamusi au mei ai 12 kotoa ʻe he ʻEiki. ʻIo, pea ko kinautolu kotoa pe ʻoku loto ke moʻui lotu moʻoni ʻia Kalaisi Sisu ʻe fakatanga kinautolu foki. 13 Ka ko e kakai kovi mo fakahekeheke te nau fakaaʻau atu mei he kovi ki he kovi, heʻenau kākāʻi ʻa e kakai kehe, pea kākāʻi mo kinautolu. 14 Ka ko koe, ke ke nofo ʻi he ngaahi meʻa naʻa ke ako ai, ʻa ia naʻe fakamahino atu, ko hoʻo ʻilo ki he anga ʻo e kakai naʻa ke ako 15 mei ai, pea mo e talu hoʻo valevale kuo ke maheni mo e Tohitapu, ʻa ia ʻoku ne mafai ke fakapoto koe ke maʻu ʻa e fakamoʻui ʻi he tui ʻoku ʻia 16 Kalaisi Sisu. Ko e potu Folofola kotoa pe ne fakamanava mei he ʻOtua, ʻoku ʻaonga foki ki he akonaki, ki he faka ʻilo hala, ki he fakatonutonu, ki he ngaohia ke maʻoniʻoni: 17 koeʻuhia ke tuʻu kakato ʻa e tangata fakaʻotua, kuo ʻosi sāuni ki he ngāue lelei fulipe.
2 Timote 4
1 KO e ʻOtua e, mo Kalaisi Sisu, ʻa ia ʻoku ne ene ke fakamāu ʻa e moʻui mo e pekia — ʻio, ʻoku ou na ʻina ʻi ʻaki foki ʻene ha mai, pea 2 ʻaki hono puleʻanga — ke ke malangaʻaki ʻa e folofola, faʻa fai pe ʻi he faingamalie mo e ʻikai ha faingamalie,faka ʻilo hala, valoki, enginaki ʻi he angakātaki ʻaupito, pea ʻaki ʻa 3 e faʻahinga ako kehekehe. Koeʻuhi ʻe faifai pea hoko ha kuonga, ʻa ia ʻe ʻikai te nau kataki ai ʻa e tokāteline haohaoa; ka te nau fokotuʻuniu hanau kau akonaki, ʻo fakatatau ki he ngaahi holi ʻanautolu, he veli 4 honau telinga: pea te nau leʻei honau telinga mei he moʻoni, ka nau tafoki ki he ngaahi talatupuʻa. 5 Ka ko koe, ke ke fakaʻehiʻehi mei he konā ʻi he meʻa. kotoa pe; kataki e ngaohikovia, fai ʻa e ngāue fakaevangelio, fai hono kotoa ʻo ho lakanga. 6 He ko e meʻa kia au kuo kamata. lilingi hoku toto ko e kava ʻo e feilaulau; pea ʻoku tuʻunuku mai ʻa e 7 taimi o ʻeku hiki. Kuo u tau ʻa e tau lelei, kuo u lava ʻi ʻa. e fakapuepue, kuo u tauhi mai ʻa e tui 8 totonu. Hili ʻeni kuo tuku tauhi maʻaku ʻa e palē ʻo e maʻoniʻoni, ʻa ia ʻe toki ʻomi kiate au i he ʻaho ko ē ʻe he ʻEiki ko e Fakamāu totonu; ʻo ʻikai kiate au pe, ka kiate kinautolu kotoa pe foki kuo ʻofa ki haʻane hamai. 9 Ke ke feinga ke haʻu vive kiate 10 au: he kuo liʻaki au ʻe Timasi, heʻene ʻofa ki he maama ko eni; pea kuo ne alu ia ki Tesalonaika, mo Kilisiki ki Kaletia, mo Taitusi ki 11 Talamati. Ko Luke pe toko taha ʻoku ʻiate au. Fakaheka ʻa Maʻake ʻo mo omi mo ko e: he ʻoku ne ʻaonga kiate au ke tokoni ʻi he Ngaue. 12 Ka ko Tikiko, naʻa ku fekau ia ki 13 Efeso. Ke ke haʻu mo koe ʻa e pulupulu naʻa ku tuku ʻia. Kaʻapo ʻi Taloasi; pea mo e ngaahi tohi, kaeʻumaʻa ʻa e ngaahi tohi kiliʻimanu. 14 Ko Alekisanita, ko e tuki ukamea, naʻe lahi ʻa e kovi naʻa ne fai kiate au: ʻe totongi ʻe he ʻEiki kiate ia ʻo hange ko ʻene ngaahi 15 ngaūe. Ke ke vakavakai foki ʻe koe ki he toko taha ko ia, he naʻe lahi ʻene tau ʻi ʻemau ngaahi lea. 16 ʻi heʻeku fuofua fakamatala naʻe ʻikai ha toko taha ʻe poupou au, ka ka liʻaki au ʻe kinautolu kotoa pe: ʻofa ke ʻoua naʻa lau ia 17 kiate kinautolu. Ka ko e ʻEiki naʻa ne ofi mai, mo ne fa.kamalohi ʻi hoku loto, koeʻuhi ke kakato ʻiate au ʻa e tala ʻo e Kosipeli, pea fanongo ki ai ʻa e Senitaile kātoa: pea naʻe hamusi au mei he ngutu 18 ʻo e laione. Iʻo ʻe hamusi au ʻe he ʻEiki mei he ngaūe kovi kotoa pe, pea te ne fakamoʻui au, ʻo aʻu ki heʻene fakahu au ki hono puleʻanga fakalangi — ke ʻo ʻEne ʻAfio ʻa e kololia ʻo lauikuonga pea taʻengata. Emeni. 19 Tala hoku ofa kia Pisa mo Akuila, pea mo e famili ʻo Onesifolo. 20 Ko Elasito naʻa ne nofo ʻi Kolinito; ka naʻa ku tuku ʻa Talofi 21 ma ʻi Mileto ʻoku mahaki. Feinga pe ke ke haʻu ʻi he teʻeki ke hoko ʻa e momoko. ʻOku ʻofa atu ʻa Iupulo, mo Piutena, mo Laino, mo Kalotia, pea mo e kainga kotoa pe. 22 ʻOfa ke ʻi ho laumalie ʻa e ʻEiki. ʻOfa ke ʻiate kimoutolu ʻa e kelesi. 

 http://gospelgo.com/p/tongan_bible.htm#1%20Timothy

Nenhum comentário:

Postar um comentário