quarta-feira, 17 de junho de 2015

1 JUAN: Warao


1 JUAN 11Wajiabarayatukamo jakutai taisi nokoaeko. Kamu isia mi-aeko. Yaorane miaeko. Kamojo isia torinaeko. Tai Ribu obojona jiro arotu tane. Tamaja ribu taisi isia. 2Obojona jiro arotu jakutai oriemusabae. Oko taisi mine isia rewarayaoko. Oko obojona jiro arotu are ubayakutaisi isia yatu saba rewarayaoko. Obojona jiro Rimasi isiko jaja tiarone oriemusabae. 3Oko miajakutai nokoajakutai tane taisi yatu saba rewarayaoko. Yatu saba rewarayaoko kamuaraisatamejerei. Oko Rima Dio, Auka Jesukirito tane orimuaraisatayakutai taisi monuka yatu kamuaraisatamejerei rewarayaoko. 4Oko tamaja ribu yatu saba jabataya yatu aekei kaikawitu ejobamejerei. 5Jesukirito kainaminajakutai taisi yatu saba jabatayaoko. Ina-mina jakutai tai tamaja: Dio jakutai jokoma. Taisi eku imajana ekirawitu. 6Oko ribane: Oko Dio amuaraisataya, tane ribiarone imajana eku kujukore karibu tona. Nomeraja nonanajaoko. 7Dio jokoma eku jakutaisi monuka oko jokoma eku kujuyaja orimuaraisatayaoko. Orimuaraisatayakore Auka Jesukirito ajotu isia kaobojona asiraja kokotuka berea. 8Oko ribane: Kaobojona asiraja ekira tane ribane oko oriima-sibia. Karibu nomeana. 9Tiarone oko kaobojona asirajasi nowarakore Dio oriaribu eku abayaja nomeraja nonaya. Kaobojona asirajasi berea. Kanona asiraja kokotuka berea tane. 10Oko ribane: Asiraja nonanatanaeko tane ribiaja Dio tona arotu tane abayaoko. Dio aribu kekuana bajia. 

1 JUAN 21Manobotomo aukamo, tamaja ribu yatu saba jabatayaine asiraja nonanaka jamejerei. Tiarone asiraja nonakore ka-kware aribatu ja. Rimasi isia kakware ribia. Kakware ribiakutai tai Jesukirito. Tai nomerajawitu. 2Jesukirito jakutai tai waraoto aobojona asirajasi amoara kaikawitu abanae. Okowituana tiarone raina arao kokotuka aobojona asirajasi amoara kaikawitu abanae. 3Oko Dio akajotabu eku abane oko Dio naminaya tane nami-nayaoko. 4Tiarone jisaka ribane: Taisi naminayaine tane ribiarone akajotabu eku abanaja jakutai taisi aribu tona. Aribu nomeana. 5Tiarone Dio aribu eku abayakutai Dio taisi obonoyaja taisi eku yaorane nonae akarimo raisama obono-mejerei. Tiame oko Dio aobojona eku jaoko tane naminayaoko. 6Ine Dio aobojona eku bajiaine tane ribiakutai Jesukirito ubajakutai taisi monuka ubakitane ja. 7Mawarao, ine kajotabu jiro yatu saba jabatanajine. Kajotabu nobo yatu wajiabarayatukamo ja jakutai taijase. Kajotabu nobo jakutai tai ribu yatu wajiabarayatukamo nokoajakutaijase. 8Tia-rone ine jabatayakutai kajotabu jiro tane ejoboya. Imajana jeronae. Jokoma anome jakutai sinajaraya rijana. Tiame kajotabu jakutai Kirito eku nome yatu ekurakate nome. 9Jisaka ribate tai: Ine jokoma eku jaine tate tai. Tane ribiarone ajisaka rarijatayakore mate imajana eku bajia. 10Ajisaka obonoyakutai tai jokoma eku bajia. Taisi aobojona eobo omu esoakanaja. 11Ajisaka rarijatayakutai imajana eku bajene eku kujuya. Imajana taisi amu ijasinajame kasaba naria tai tane naminanaja. 12Manobotomo aukamo, Jesukirito awai aobojona Dio yatu aobojona asirajasi bereae. Bereajame yatu saba jabatayaine. 13Iramotuma, yatu wajiabarayatukamo jakutaisi naminajame yatu saba jabatayaine. Nebu, yatu asiraja arotuma kwarikana-jame yatu saba jabatayaine. Nobotomo aukamo, Rimasi namina-jame, yatu saba jabatayaine. 14Iramotuma, yatu wajiabarayatukamo jakutaisi naminajame yatu saba jabataine. Nebu, yatu ajara taeraja. Dio aribu yatu eku bajia. Yatu asiraja arotu kwarikanae. Tiame yatu saba jabataine. 15Raina aobojona obononaka jakotu. Raina eku jakutaisi obo-nonaka jakotu. Jisaka raina aobojona obonone Rimasi obono-naja. 16Raina aobojona kokotuka jakutai Rimasi isimoana. Tai rainawitu isimo. Raina aobojona jakutai tai tamaja: Tejo aobo-jona asirajasi eku abakitane, mu aobojona asirajasi eku aba-kitane, wite oriauba ayakara waraubukitane tane. 17Raina jakutai ekorea. Aobojona asiraja kokotuka isiko ekorea. Tiarone Dio aobojona eku abayakutai tai are bajia. 18Manobotomo aukamo, ya asinarija ayaju rijana. Kirito riboto jakutai tai naote, tane nokoae yatu. Rijana Kirito ribototuma eraja ja. Tiame ya asinarija ayaju tane naminayaoko. 19Tatuma kaiabane naruae. Tiarone tatuma kasabasabamowituana. Kasabasabamo jakore kakaika bajekuna. Tiarone naruae warao kokotuka tatuma kasabasabamoana tane naminamejerei. 20Tiarone Yakerajawitu jakutaisi ayanajo jakutai yatu isia ja. Tai yatu isia jame yatu kokotuka naminaya. 21Yatu nome naminanaja jame jabatanajine. Tiarone yatu nome naminayame jabatayaine. Nome isimo tona jisakarakate ejobakomoni. Yatu taisi naminaya. 22Sina tonaira? Jesú jakutai tai Akiritoana tane ribiakutai tai tona. Rimasi tainane, aukama tainane tane Kirito riboto ejoboya. 23Aukama tainayakutai Arimarakate ekira Aukama tainayame. Aukama isia nome abayakutai Arimarakate ja Aukama isia nome abayame. 24Tiame yatu wajiabarayatukamo nokoajakutai yatu aobojona eku bajekunarai. Yatu wajiabarayatukamo nokoajakutai yatu eku bajekore yatu Aukama eku Arimasi eku tane bajete. 25Auka jakutai ribu kamoae oko are ubamejerei. 26Ine tamaja ribu yatu saba jabataine yatu imasibiakutaisi isia. 27Tiarone Ayanajo Jesukirito yatu moajakutai tai yatu eku bajia. Yatu eku bajiame warao yatu inaminakitane ekira. Ayanajojase kokotuka yatu inaminaya. Ainamina nomeraja tonena tane. Ayanajo jakutai yatu inaminae Kirito eku bajemejerei. Ainamina eku bajekotu. 28Amasike manobotomo aukamo, Kirito eku bajekotu Kirito naokore oko retanaka taisiata nabakamejerei. Eku bajekotu naokore amujaba katomana ekiraja jamejerei. 29Kirito jakutai nomerajawitu. Yatu taisi naminane tamajarakate naminakotu. Warao kokotuka nomeraja nonayakutai Dio isimo rijawarae.

1 JUAN 31Miki anaka Rima Dio kwana kaobonoyame kaisia Dio anobotomo tia. Tane jaoko. Tiame raina arao kanaminanaja Dio naminanatanajame. 2Mawarao, yatu obonoyaine. Oko rijana Dio anobotomo. Oko katukane jate tai tane mate kemusabanaja. Tiarone Kirito naokore katukayaja monuka tai tane taisi miteko. Miajame oko taisi monuka jateko. Taisi naminayaoko. 3Kirito yawakayakutai kokotuka oriberea Kirito anana ekirakutaisi monuka jakitane. 4Asiraja nonayakutai kajotabu akarata riboto ejoboya. Kajo-tabu akarata riboto ejoboyakutai tai obojona asiraja. 5Kirito naoae kaobojona asirajasi konarukitane. Yatu taisi naminaya. Kiritosike aobojona asiraja ekira. 6Kirito eku bajiakutai asiraja nonaubunaja. Tiarone are asiraja nonaubiakutai taisike Kirito minatanae, naminanatanae tane. 7Manobotomo aukamo, jisakarakate yatu imasibunaka jakunarai. Kirito nomerajawitu. Nomeraja nonayakutai Kirito monuka nomerajawitu tane ejoboya. 8Tiarone jebuira wajiabarayatukamo asiraja anonatu. Tiame asiraja nonaubiakutai jebuira isimo. Dio Auka naoae jebuira anona iekorakitane. 9Dio isimo rijawarajakutai Dio oriaobojona taisi eku iaba-yame asiraja nonaubunaja. Dio isimo rijawarajame asiraja nonaubukomoni. 10Nomeraja nonanaja jakutai o ajisaka obononaja jakutai taisike Dio isimoana. Dio orianobotomo sinatuma tai tane naminaya. Jebuira anobotomo sinatuma tai tane naminaya. 11Ribu wajiabarayatukamo yatu nokoajakutai tai tamaja: Oriobonokitane. 12Caín monuka nonanaka jaki. Caín jakutai asiraja arotuma isimo. Arakama naeyama. Katukeme arakama nae bajama? Caín anonasike asiraja. Arakama anona nomeraja. Tiame Caín oriarakama naeyama. 13Mawarao, raina arao yatu rarijatayakore: Amasike! Katu-keme mararijataya? tane ribunaka jakotu. 14Oko obojona waba ekumo obojona jiro eku nakaeko. Kawaraoto obonoyame obo-jona jiro eku nakajakutaisi naminayaoko. Ajisaka obononaja jakutai are waba. 15Ajisaka rarijatayakutai tatuma kokotuka akobakatuma. Akobaka jakutai obojona jiro ekira. Yatu taisi naminaya. 16Kirito kakware wabajame Dio kaobonoya tane naminayaoko. Okorakate kawaraoto kware wabakore yakera-kuna. 17Warao jisaka raina isimo unukamo jaja jakutai ajisaka yawatanuka ekirakore mija. Mijarone ajisaka isia akobe ajerena sanetakitane. Tai Dio obonoyaja jajara? 18Manobotomo aukamo, karoko isiawitu ine obonoya tane ribunaka jaki. Tiarone kanona isia nomeraja obonoki. 19Tametane oko nome sabasabamo ja tane naminayaoko. Tametane Dio amujaba kaobojona asira tai, tane retanaja oko. 20Kaobojona kakware asiraja abakore Dio kaobojona kwarika jame kokotuka naminaya. 21Mawarao, yatu obonoyaine. Kaobojona kakware asiraja abanaja jakore oko Dioata nabakakitane retanaja. 22Oko Dio akajotabu eku nonaya. Aobojona eku nonaya tane. Tiame oko Dio ebiakutai Dio isimo nojoyaoko. 23Akajotabu jakutai tai tamaja: Akajotabu eku Auka Jesukirito awai isia nome abakitane, oriobonokitane tane. 24Akajotabu eku abayakutai tai Dio eku bajia. Dio taisi eku bajia tane. Amejokojira kamoajame Dio keku bajia tane naminayaoko.


1 JUAN 41Mawarao, ine yatu obonoya. Obojona kokotukanea isia yajorabanaka jakotu. Ayakara mikotu. Obojona Dio isimo tai o Dio isimoana tai tane mikotu. Rewaramo eraja raina ekia ejobonae rijana Dio kware arewaramo tane oritoayaja. Tiarone aribu nomeana. Tiame rewaramo aobojona ayakara mikotu. 2Tametane Dio Amejokojira ja jakutaisi naminate. Jesukirito warao tane naoae tane rewarayakutai tai Dio isimo. 3Jesukirito warao tane naonatanae tane rewarayakutai tai Dio isimoana. Tai obojona Kirito riboto jakutaisi aobojona. Kirito riboto jakutai naokitane ja tane yatu nokoae. Tiarone amena raina eku ja. 4Manobotomo aukamo, yatu Dio isimo. Yatu eku jakutaisi ajarata raina eku jakutaisi ajarata kwarika. Tiame yatu ribu nomeana jakutaisi arewaramo kwarikanae. 5Tatuma raina sabasabamo. Tiame raina aobojona isia rewaraya. Raina sabasabamotiji raina arao tatuma aribu nokoya. 6Tiarone oko Dio sabasabamo. Dio naminayakutai tai karibu nokoya. Dio naminanaja jakutai karibu nokonaja. Tametane obojona nomeraja jakutaisi naminayaoko. Tametane obojona emo jakutaisi naminayaoko tane. 7Mawarao, ine obonoyakutai, Dio kasanetaya obonomejerei. Tiame oririboto oriobonoki. Obonoyakutai tatuma kokotuka Dio isimo. Tatuma Dio naminaya. 8Dio obonotutiji obononaja jakutai tai Dio naminanatanae. 9Dio jakutai Auka jisakawitu jajasi raineta inatabae oko taisi aobojona obojona jiro jamejerei. Dio tametane nonayaja kaobonoyakutaisi kainaminae. 10Oko Dio obonoyakutai, Dio kaobonoyakutai tane, orimonukena. Obonokitane jakutai tai tamaja: Dio kaobonone Aukama inatabae kaobojona asirajasi amoara kaikawitu abamejerei. Taisike obonokitane jakutai. 11Mawarao, yatu ine obonoyakutai, tametane Dio kaobonoa-jame oko oririboto oriobonokitane jaoko. 12Warao jisakarakate Dio minatanae. Tiarone oko oririboto oriobonokore Dio keku bajia. Oririboto oriobonokitane jakutai tai Dio isimo. Dio isimo jakutai keku kaikawitu ejoboya. 13Amejokojira kamoajame oko Dio eku bajia, tai keku bajia tane naminayaoko. 14Oko miajakutai taisi rewaraeko. Arima Aukama inatabae raina araoto aobojona Aibajukatu tane jamejerei. 15Jesú Dio Auka tane rewarayakutaisi eku Dio bajia. Tai Dio eku bajia. 16Dio kaobonoyakutai taisi naminane nome abanaeko. Diosike obonotu. Obonoyaja bajiakutai Dio eku bajia. Dio taisi eku bajia. 17Obonokitane jakutai keku kaikawitu bajia ribu nome toakitane aya eku oko retanaka jamejerei. Jesukirito ja jakutai, oko tamaja raina eku taisi monuka jaoko. 18Obonoyakutai retanaja. Kaikawitu raisama obonoyakutai taisi eku reta jakutaisi webotoya. Retayakutai sanamata yawakaya. Retayakutai kaikawitu obononaja. 19Dio wajiabara kaobonoajame oko taisi obonoyaoko. 20Ji-saka ribate tai: Ine Dio obonoya, tate tai. Tiarone are ajisaka rarijataya. Tane jakore tai tonaira. Warao ajisaka mijaja jakutaisi obononaja jakore Dio minaja jakutaisi obonokomoni. 21Dio tamaja kajotabu kamoae. Dio obonoyakutai ajisakarakate obo-nokitane ja.


1 JUAN 51Jesú jakutai tai Akirito tane nome abayakutai tai Dio isimo rijawarae. Arimasi obonoyakutai kokotuka Arimasi isimo rijawarajakutaisirakate obonoya. 2Oko Dio obonone akajotabu eku abaya. Tiame oko Dio anobotomo obonoya tane naminayaoko. 3Oko Dio obonoyakutai akajotabu eku abaya. Akajotabu kasaba taerena. 4Dio isimo rijawarajakutai tai raina aobojona kwarikaya. Oko nome abayame raina aobojona kwarikaya. 5Jesú jakutai tai Dio Auka tane nome abayakutai taiwitu raina aobojona kwarikaya. 6Jesukirito anao asinarija manamo ja: jo, jotu tane. Asinarija jowituana tiarone jo, jotu tane. Mejokojirasike taisi isia rewaraya, Mejokojira nome jame. 7Jesukirito isia arewaramo ja najamutuata. Arewaramo jakutai tai tamaja: Arima, Aribu, Amejokojira Yakerajawitu tane. Tatuma rijanamorone jisaka. 8Taisi isia arewaramo ja raina eku. Arewaramo jakutai tai tamaja: Mejokojira, jo, jotu tane. Tatuma rijanamorone aobojona oreku. 9Oko waraoto arewara nome abayame kwarika Dio arewara nome abakitane ja. Dio Oriaukama isia rewarajame nome abakitane jaoko. 10Dio Aukama isia nome abayakutai aobojona eku rewara jakutai ja. Tiarone Dio arewara nome abanaja jakutai Dio tonaira tane ribia monuka. Dio Oriaukama isia rewarae. Arewara nome abanaja jakutai Dio tonaira tane abaya. 11Arewara jakutai tai tamaja. Dio oko are ubamejereae. Aukama isia oko ubamejereae. 12Warao Dio Auka ja jakutai tai are ubaya. Warao Dio Auka ekirakutai, are ubanaja. 13Yatu Dio Auka awai isia nome abayakutaisi saba jabatayaine. Jabatayaine yatu are ubaya tane naminamejerei. Yatu Dio Aukama awai isia nome abamejerei jabatayaine. 14Oko Dio aobojona eku ebukore karibu nokoya. Taisi yajo-rabayaoko. 15Oko Dio ebukore karibu nokoya. Taisi naminane oko ebiakutai rijana taisi jaoko tane naminayaoko. 16Warao obojona asiraja nonayakore oriajisaka mite tai. Nonayakutai waba sabena jakore kware kwai ribate. Kware ribakore Dio obojona jiro asiraja anonatuma moate. Obojona asiraja kawanamo waba saba. Waba saba jakutaisi kware kwai ribate tane ribunajine. 17Nona nomerajena jakutai kokotuka obojona asiraja. Obojona asiraja kawanamo waba sabena. 18Dio isimo rijawarajakutai tai asiraja nonaubunaja. Taisi naminayaoko. Dio Auka taisi yaoroyame asiraja arotu taisi torinaja. 19Oko Dio isimo. Raina arao kokotuka asiraja arotuma amojeku ja. Taisi naminayaoko. 20Dio Auka naone musaberaja tane kabanae oko Dio nomerajasi naminamejerei. Oko taisi naminaya. Oko nomeraja jakutaisi eku bajia. Nomeraja jakutai tai Auka Jesukirito. Taisike Dio nomerajawitu. Taisike are ubakitane jakutai. 21Manobotomo aukamo, diosita kware barinaka jakotu. Amén.

  http://www.bible.is/WBABIV/1John/1/N

Nenhum comentário:

Postar um comentário