quarta-feira, 23 de setembro de 2015

1 JOHN: MIZO



1 John 11Atîr aṭanga awm, keimahni’n kan hriat tawh, kan mita kan hmuh, ngun taka kan en, kan kuta kan khawih ṭhin kha Nunna Thu hi a ni. 2Chumi nunna chu tihlanin a lo awm ta a, kan hmu a, kan hriattîr bawk a. Chu chatuan nunna, Pa hnêna awm kan hnêna lo lang chu kan hrilh che u a nih hi. 3Nangni pawhin min pâwl ve theih nân chumi kan hmuh leh hriat chu in hnênah kan puang a nih hi. A ni, chu kan inpâwlna chu Pa leh Fapa Isua Krista ngei hi a ni. 4In lâwm a khahliam theih nân hêng thilte hi in hnênah kan ziak a nih hi. 5Hei hi a hnên aṭanga thuchah kan hriat, in hnêna kan hriattîr chu a ni: Pathian chu êng a ni a, amahah chuan thimna rêng a awm lo, tih hi. 6‘Amah nên kan inpâwl,’ tia thima kan awm si chuan dâwt kan sawi a, thutak chu kan zâwm lo a ni. 7Nimahsela, ani chu ênga a awm angin êngah kan awm chuan kan inpâwl tlâng a, a Fapa Isua Krista thisen chuan kan sual zawng zawng min tlenfaisak ṭhîn a ni. 8‘Sual kan nei lo,’ kan tih chuan, mahni inbum kan ni. Thutak chu keimahniah a awm lo a ni. 9Kan sualte a hnêna kan puan chuan, kan sualte min ngaidam tûr leh kan dik lohna zawng zawng min tlenfaisak tûrin ani chu a rinawmin a dik a ni. 10‘Thil kan tisual lo,’ kan tih chuan amah chu dawtheiah kan puha a thu pawh keimahniah a awm lo a ni.


1 John 21Ka fa duh takte u, thil sual in tih loh nân hêng thute hi in hnênah ka ziak a nih hi. Tupawhin thil a tihsual chuan Pa hnêna min sawi saktu, mi dik Isua Krista chu kan nei a ni. 2Ani chu kan sualte aia inthawina lungawi thlâk chu a ni a, keimahni sualte tân chauh ni lovin, khawvêl pumpui sualte tân pawh a ni. 3A thupêkte kan zawm chuan chumiah chuan amah chu kan hria tih kan hre chiang a ni. 4“Amah ka hria,” tia a thupêkte zâwm si lotu chu mi dawthei a ni a, thutak chu amahah a awm lo. 5Nimahsela, tupawh a thu zâwmtuah chuan Pathian hmangaihna chu a famkim tak zet tawh a; chumiah chuan amahah kan awm tih kan hria. 6“Amahah ka awm reng,” titu chu ama awm ang bawk khân a awm ve tûr a ni. 7Unaute u, in hnênah thupêk thar ka ziak a ni lo va, atîr aṭanga in neih thupêk hlui kha ka ziak a ni zâwk. 8Thupêk thar in hnêna ziak ka ni tho ve. Thim chu a kian mêk avâng leh êng dik tak chu a lo ên tak avâng hian amahah leh nangmahniah chu chu a dik a ni. 9A unau haw si a, “Engah ka awm,” titu chu tûn thleng pawhin thimah a la awm reng a ni. 10A unau hmangaihtu chu êngah chuan a awm reng a, amahah chuan petekna tûr rêng a awm lo. 11A unau hawtu erawh chu thimah a awm a, thimah a lêng a. Thimin a mitte a tihdelsak tawh avângin a kalna tûr chin pawh a hre tawh ṭhîn lo. 12Ka fa duh takte u, ama hming avânga in sualte ngaihdam a nih tâk avângin in hnênah ka ziak a nih hi. 13Pate u, amah, atîr aṭanga awm renga chu in hriat tawh avângin in hnênah ka ziak a nih hi. Ṭhalaite u, misualpa chu in ngam tâk avângin in hnênah ka ziak a ni. Naupangte u, Pa chu in hriat tâk avângin in hnênah ka ziak a ni. 14Pate u, amah, atîr aṭanga awm renga chu in hriat tâk avângin in hnênah ka ziak ta a nih hi. Ṭhalaite u, in chak a, Pathian thu chu nangmahniah a awm reng a, misualpa chu in ngam tâk avângin in hnênah ka ziak ta a nih hi. 15Khawvêl hi hmangaih suh ula, khawvêla thil awmte hi hmangaih hek suh u. Mi tupawhin khawvêl hi a hmangaih chuan Pa hmangaihna chu amahah a awm lo a ni. 16Khawvêla thil awm zawng zawng, hêng tisa châkna te, mit châkna te, nun chaponate hi Pa atanga chhuak a ni lo va, khawvêl aṭanga chhuak a ni zâwk e. 17Khawvêl hi a châkna chawpin a boral mêk a; Pathian duhzâwng titu erawh chu kumkhuain a awm reng a ni. 18Ka fa duh takte u, hun hnuhnûng ber chu a ni ta; Krista dodâltu a lo kal dâwn tih in hriat tawh kha tûnah ngei hian Krista dodâltu tam tak an lo chhuak ta; chuvâng chuan hun hnuhnûng ber a ni ta tih kan hria e. 19Anni chu kan zîng aṭangin an chhuak a; nimahsela, kan mite an ni lo. Kan mite ni se chuan kan zîngah an awm ve zêl tûr a ni si a. Nimahsela, an zain kan mite an ni lo vek tih a lan fiah theih nân an chhuak ta a ni. 20Mi thianghlima chuan hriak a thih tawh che u a, thil engkim in hria e. 21Thutak chu in hriat loh avângin in hnênah ka ziak a ni lo, in hriat avâng leh dâwt tinrêng hi thutaka mi a nih loh avângin ka ziak zâwk a ni. 22Isua chu Krista a ni tih phattu aliama dawthei tunge awm? Pa leh Fapa phattu chu Krista dodâltu a ni. 23Tupawh Fapa phattu apiang chuan Pa a nei lo a ni: tu pawh Fapa pawm chuan Pa pawh a nei a ni. 24Chutichuan atîr aṭanga in hriat tawh kha nangmahniah awm reng rawh se. Atîr aṭanga in hriat tawh kha nangmahniah a awm reng chuan nangni pawh Fapaah leh Paah chuan in awm reng ang. 25He thutiam hi a ni amahin min tiam chu, Chatuana nunna ngei hi. 26Nangmahni hruai bo tumtute chungchâng hi in hnênah ka ziak a ni. 27Nimahsela, Pathian hriak thih in nihna chu nangmahniah a awm reng a, tuma zirtîr in ngai lo ve. Chu hriak thih in nihna ngei chuan thil engkim a zirtîr zâwk che u a, chu chu a dik a, dâwt a ni lo. A zirtîr ang ngei che u chuan amahah awm reng rawh u. 28Tûnah hian ka fa duh takte u, amah chu a lo lan huna kan huaisen theih nân amahah awm reng rawh u. 29Amah chu mi fel a ni tih in hriat avângin tupawh felna zâwm apiang chu ama hrin a ni tih in hria e.


1 John 31Ngaiteh u, Pain min pêk hmangaihna hi a va ropui êm! Pathian faahte min vuah tâk hi. Chutichuan amah chu an hriat loh avângin khawvêlin min hre lo a ni. 2Duh takte u, tûnah hian Pathian fate kan ni a, engtinnge kan la awm dâwn tih zawng a la lang rih lo ve. Nimahsela, amah chu a lo lan hunah a nih ang taka kan hmuh dâwn avângin amah ang kan lo ni tawh ang. 3Mi tupawh amaha chumi beiseina chu nei apiangin amah a thianghlim ang ngeiin a intithianghlim ṭhîn. 4Tupawh sual tih chîng apiang chuan dân a bawhchhia a ni a, dân pawisak loh hi sual a ni. 5Ani chu kan sualte la bo tûrin a lo lang tawh tih in hria e. Amahah chuan sual rêng a awm si lo va. 6Tupawh amaha awm reng apiang chuan thil sual a ti lo. Tupawh thil sual ti ṭhîn apiang chuan amah chu a hmu lo va, hriat pawh a hre hek lo. 7Nau duh takte u, tuma’n bum che u suh se. Amah a fel ang bawkin felna titu chu mi fel a ni. 8Diabola chuan atîr aṭanga thil sual a tih avângin thil sual titu chu Diabola aṭanga chhuak a ni. Hemi avâng hian Diabola hna thawhte a tihboral theihna tûrin Pathian Fapa chu a lo lang a ni. 9Tupawh Pathian hrin tawh phawt chu amahah Pathian chi a awm reng avângin thil sual a ti lo. Pathian hrin a nih avângin thil sual a ti zui zêl thei hek lo. 10Hemiah hian Pathian fate leh diabola fate a hriat a ni; tupawh felna ti lo leh a unau hmangaih lotu apiang chu Pathian aṭanga chhuak a ni lo. 11Hei hi atîr aṭanga thuchah in hriat kha a ni, kan in hmangaih tawn ṭheuh tûr a ni tih hi. 12Misual laka chhuak Kaina, râwng taka a nau thattu ang kha kan ni tûr a ni lo. Engvângin nge râwng taka a thah kha? Ama thiltihte a sual a, a unau thiltih a dik avângin a ni. 13Ka unaute u, khawvêlin a huat che u chuan mak ti suh u. 14Unaute kan hmangaih avângin thihna aṭangin kan chhuak a, nunnaah kan lût tawh tih kan hria e. A unau hmangaih lotu chu thihnaah a la awm reng a ni. 15Tupawh a unau hua apiang chu tual thattu a ni. Tual thattu chu amahah chatuan nunna amahah a awm reng lo tih in hria e. 16Isua Krista’n kan aia a nunna a hlanah hian hmangaihna chu enge a nih kan hria a ni. Chuvângin keini pawhin unaute aiah kan nunna kan hlân ve tûr a ni. 17Nimahsela, tupawh khawvêl thila hausakna neiin a unau tlachhamin hmu sela, amah chu lainat si lo se, Pathian hmangaihna chu engtinnge amahah chuan a awm reng theih ang? 18Ka fa duh takte u, thu emaw, lei emaw chauhvin i inhmangaih suh ang u, thiltih leh thutakin ni zâwk rawh se. 19Hemiah hian thutaka mi kan ni tih kan hria. Tin, ama hmâah kan thinlungte a ngampa bawk ang. 20Kan thinlung mahin thiam loh min chantîr chuan, Pathian chu kan thinlung aiin a ropui zâwk a, thil engkim a hre si a. 21Duh takte u, kan thinlungin thiamloh min chantîr loh chuan Pathian hmâah huaina kan nei a ni. 22A thupêkte kan zawm avâng leh a mithmuhah a lâwmzâwng kan tih ṭhin avângin engkim kan dîl apiang a hnêna mi kan dawng ṭhîn a ni. 23Hei hi a thupêk chu a ni, A Fapa Isua Krista hming rin leh a thu min pêk anga inhmangaih tawn ṭheuh tûr thu hi. 24Pathian thupêkte zâwmtu chu amahah a awm reng a, Pathian pawh amahah a awm reng a ni. Ama Thlarau min pêk tawh avâng hian ani chu keimahniah a awm reng tih kan hria.


1 John 41Duh tak te u, Zâwlnei dik lo tamtak khawvêlah an lo chhuah tak avâng hian thlarau tinrêng hi ring suh ula; nimahsela, thlarau chu Pathian hnêna mi an ni nge ni lo fiah zâwk rawh u. 2Hemiah hian Pathian Thlarau chu in hria ang, thlarau engpawh Isua Krista hi mihringah a lo chang tih pawm apiang chu Pathian laka mi a ni. 3Tin, thlarau engpawh Isua Krista hi mihringah a lo chang tih pawm lo apiang chu Pathian laka mi a ni lo. Chu chu Krista dodâltu thlarau, lo kal tûr in hriata kha a ni a, tûnah pawh khawvêlah a awm tawh reng a ni. 4Nau duh takte u, Pathian hnêna mi in ni e. Nangmahnia awma chu khawvêla awma ai chuan a ropui zâwk avângin chûng chu in hneh tawh e. 5Anni chu khawvêla mi an nih avângin khawvêl thilte an sawi a, khawvêlin anni chu a ngaithla ṭhin. 6Keini chu Pathian hnêna mi kan ni a, Pathian hretu chuan kan thu a ngaithla ṭhîn. Pathian hnêna mi ni lova chuan kan thu a ngaithla ṭhîn lo. Hemiah hian Thutaka hruai lûttu Thlarau leh hruai botu thlarau chu kan hria a ni. 7Duh takte u, hmangaihna hi Pathian hnêna mi a nih avângin i inhmangaih tawn ṭheuh ang u. Hmangaihtu apiang chu Pathian hrin a ni a, Pathian a hre bawk a ni. 8Pathian chu hmangaihna a nih avângin hmangaih lotu chuan Pathian a hre lo a ni. 9Hei hi Pathianin min hmangaihzia a tihlan dân chu a ni: Amah avânga kan nun theihna tûra Pathianin a Fapa mal neih chhun khawvêla a rawn tirh hi. 10Hei hi hmangaihna chu a ni, Pathian kan hmangaih a ni lo va, amahin min hmangaiha kan sualte tâna inthawina lungawi thlâk ni tûrin a Fapa a rawn tîr zâwk a ni. 11Duh takte u, chutiang taka Pathianin min hmangaih si chuan keini pawh kan inhmangaih tawn ṭheuh tûr a ni. 12Tuman englai mahin Pathian an la hmu lo. Kan inhmangaih tawn ṭheuh hian Pathian keimahniah a awm a, a hmangaihna chu keimahniah a famkim a ni. 13A Thlarau min pêk tawh avâng hian amahah kan awm reng tih leh amah chu keimahniah a awm reng tih kan hria. 14Pathianin a Fapa chu khawvêl chhandamtu ni tûrin a rawn tîr tih kan hmu tawh a, chu chu kan hriattîr a ni. 15Tupawh, “Isua hi Pathian Fapa a ni,” tih pawm apiang chu amahah Pathian a awm a, ani pawh chu Pathianah a awm bawk a ni. 16Pathianin min hmangaihna chu kan hre tawh a, kan ring bawk a ni. Pathian chu hmangaihna a ni a, chu hmangaihnaa awm reng chu Pathianah a awm reng a, Pathian pawh amahah chuan a awm reng a ni. 17He miah hian rorêlna nia huaina kan neih theihna tûrin hmangaihna chu keimahniah tihfamkim a ni tawh, amah angin he khawvêlah hian kan awm a ni si a. 18Hmangaihnaah chuan hlauhna a awm lo. Hmangaihna famkim erawh chuan hlauhna a hnawtchhuak zâwk ṭhîn. Hlauhna chuan hremna a keng si a. Hlautu chu hmangaihnaah tihfamkim a ni lo. 19Ama’n min hmangaih hmasak avângin kan hmangaih a ni. 20Miin, ‘Pathian ka hmangaih,’ tiin a unau a huat si chuan amah chu dawthei a ni. A unau a hmuh tawh renga mah a hmangaih loh chuan Pathian, a la hmuh lohva chu engtinnge a hmangaih theih ang? 21He thupêk hi a hnên aṭanga kan neih chu a ni, ‘Pathian hmangaihtu chuan a unau pawh a hmangaih tûr a ni,’ tih hi. 


1 John 51Tupawh Isua hi Krista chu a ni tih ring apiang chu Pathian hrin a ni. Tupawh Pa hmangaihtu chuan a hrina pawh a hmangaih ṭhîn. 2Pathian kan hmangaiha a thupêkte kan zawm hian Pathian fate kan hmangaih tih kan hria. 3A thupêkte kan zawm hi Pathian kan hmangaihna chu a ni, a thupêkte chu phurrit a ni si lo va. 4Tupawh Pathian hrin tawh phawt chuan khawvêl a ngam zêl ṭhîn. Kan rinna hi khawvêl hneha ngamna chu a ni. 5Isua hi Pathian Fapa a ni tih ringtu chauh lo chuan tuin nge khawvêl ngam ṭhîn le? 6He mi hi a ni tui leh thisena lo kala chu, Isua Krista ngei hi. Tuiah chauh ni lovin, tuiah leh thisenah a ni zâwk e. Thlarau chu thutak a nih avângin Thlarau ngei chuan a hriattîr a ni. 7Vânah khian hriattîrtu pathum an awm, Pa leh Thu leh Thlarau Thianghlim chu, chûng pathumte chu pumkhat an ni. 8Leiah hian hriattîrtu pathum an awm, Thlarau leh tui leh thisen chu. Chûng pathumte chu pakhat angin an inthurual a ni. 9Mihring hriattîrna mah kan pawm chuan Pathian hriattîrna chu a ropui zawk si a, Pathian hriattîrna chu a Fapa chanchin a hriattîr tawh hi a ni. 10Pathian Fapa ringtu chuan mahniah hriatna a nei a ni. Pathianin a Fapa chanchin a hriattîrna chu a rin loh avângin Pathian ring lotu chuan amah chu dawtheiah a puh a ni. 11Hei hi hriattîrna chu a ni, Pathianin chatuan nunna min pe a, chu nunna chu a Fapaah chuan a awm. 12Pathian Fapa neitu chuan nunna a nei, Pathian Fapa nei lotu chuan nunna a nei lo. 13Chatuan nunna in nei a ni tih in hriat theih nân leh Pathian Fapa hming in rin zêl theihna tûrin nangni Pathian Fapa hming ringtute hnênah hêng thute hi ka ziak a ni. 14Amaha innghahngamna kan neih chu hei hi a ni, engpawh ama duhzâwnga kan dîl chuan ani’n min ngaihthlâksak ṭhin hi. 15Engpawh kan dîl apiang min ngaihthlâksak ṭhîn tih kan hriat chuan a hnêna kan duh kan dîlte chu kan nei tih kan hria. 16Mi tupawhin a unaupa thihna thlen lo sual ti lai hmu sela a dîlsak ang a, thihna thlen lo sual titute hnênah chuan Pathianin nunna a pe ang. Thihna thlentu sual a awm a, chumi atân chuan a dîl tûr ka ti a ni lo. 17Diklohna tinrêng hi sual a ni a, thihna thlen lo sual a awm bawk. 18Tupawh Pathian hrin tawh phawt chuan thilsual a ti ṭhîn lo tih kan hria. Pathian hrin chu amah a invêng ṭha ṭhîn zâwk a, misualpa chuan a chelh bet thei lo. 19Pathian hnêna mi kan nih leh khawvêl pumpui hi misual thu thuin a awm tih kan hria e. 20Pathian Fapa chu a lo kal in, mi diktaka chu hre thei tûrin hriattheihna min pe tih kan hre bawk a ni. Mi dik takaah chuan kan awm a, chu chu a Fapa Isua Krista a ni. Ani chu Pathian dik tak a ni a, chatuan nunna a ni. 21Ka fa duh takte u, milimte lakah inthiar fihlîm rawh u, Amen.

http://www.bible.is/LUSBIV/1John/1/D

Nenhum comentário:

Postar um comentário