segunda-feira, 7 de setembro de 2015

1 YAHYA: MINANGKBAU


1 YAHYA 11Isi surek ko adolah tantang Ka-limathullah nan mambari iduik, iyolah Kalimathullah nan lah ado ju-wo, sajak dari awa mulonyo. Kami lah mandanga, sarato lah maliyek jo mato kami sandiri. Kami lah ma-liyek Baliau, sarato lah mamacik jo tangan kami. 2Kutiko iduik tu dinya-tokan, kami lah bi maliyeknyo. Itu-lah sabauknyo, mangko kami mam-bari pangakuan tantang parkaro iduik nan kaka. Kami mambaritokan kaba-ke angkau, tantang iduik sajati nan kaka, nan ado samo-samo jo Allah Bapak, sarato nan lah dinyatokan ka-bake kami. 3Apo nan lah kami liyek, sarato nan lah kami danga, itu pulo-lah nan kami baritokan kabake ang-kau, supayo angkau samo-samo jo ka-mi, sato mangalami iduik basatu jo Allah Bapak, sarato jo Anak Baliau Isa Almasih. 4Kami mambuwek surek ko, supayo ati kito sabana-bana basuko-cito. 5Ikolah barito nan lah kami danga dari Anak Baliau, sarato nan kami sampaikan kabake angkau: Allah tu adolah tarang, sarato pado Baliau in-dak ado saketek juwo doh nan kalam. 6Jikok kito bakato, baraso kito iduik basatu jo Baliau, padohal kito iduik jo caro nan kalam, mako kito baduto, bi-ya jo kato-kato atau pun jo pabuatan. 7Tapi, jikok kito iduik dalam tarang, nan bakcando Allah ado di dalam ta-rang, mako kito iduik arek, sarato saiyo sakato sasamo kito, mako, darah Isa Almasih, Anak Baliau, mambara-siahkan kito dari sagalo doso. 8Jikok kito bakato, baraso kito in-dak bi badoso, mako kito manipu diri sandiri; ba-arati Allah indak barado di ati kito. 9Tapi, jikok kito ma-akui do-so-doso kito kabake Allah, mako, Ba-liau ka manapek-i janji Baliau, sara-to mampabuwek apo nan adie. Baliau ka ma-ampuni doso-doso kito, sarato ka mambarasiahkan kito dari sagalo pabuatan kito nan salah. 10Tapi, ji-kok kito bakato, baraso kito indak bi badoso, mako, kito ma-anggauk sa-olah-olah Allah panduto, ba-arati ki-to indak manyimpan kato-kato Allah di ati kito.

1 YAHYA 21Oih anak-anak ambo! Ambo mambuwek surek ko kabake ka-lian, supayo kalian jan babuwek do-so. Tapi, jikok ado nan babuwek doso, mako, kito mampunyoi surang Pam-bela, iyolah Isa Almasih nan adie tu; Baliau ka mamintakkan untuak kito di adok-an Allah Bapak. 2Jo paran taroan Isa Almasih tu lah, doso-doso ki-to di-ampuni. Sarato indak doh doso-doso kito sajo, tapi, doso kasadonyo umaik manusia iyo pulo. 3Jikok kito patuah kabake paren-tah-parentah Allah, itu tandonyo ba-raso kito tawu jo Allah. 4Urang nan bakato, ”Ambo tawu jo Allah, ” tapi, inyo indak patuah doh kabake paren-tah-parentah Baliau, ba-arati urang tu panduto, nan Allah indak barado di dalam atinyo. 5Tapi, urang nan pa-tuah kabake kato-kato Allah, ba-arati urang tu mangasiahi Allah jo sacaro nan samparono. Itulah tandonyo, ba-raso kito iduik basatu jo Allah. 6Siya urang nan bakato, baraso inyo iduik basatu jo Allah, mako, inyo mus-ti iduik samo jo bakcando iduik Isa Almasih. 7Oih sudaro-sudaro nan ambo ka-siahi! Nan ambo tulihkan ko, indak doh suatu parentah nan baru. Iko pa-rentah lamo nan lah disampaikan ka-bake angkau, sajak angkau muloi bi picayo kabake Isa Almasih; iyolah ba-rito dari Allah nan lah angkau danga sabalunnyo. 8Biyapun baitu, parentah baru pu-lo nan ambo tulihkan dalam surek ko; dek karano, kabanarannyo dapek di-liyek di dalam diri Isa Almasih, sara-to di dalam diri angkau. Dek karano, nan kalam ka samakin ilang lanyok, nan tarang kabanaran lah muloi ba-cahayo. 9Urang nan bakato, baraso inyo ba-rado di nan tarang, tapi, inyo tatauk juwo lai mambanci sasamo manu-sia, ba-arati urang tu, di nan kalam juwo lai tu sampai kiniko. 10Urang nan mangasiahi sasamo manusia, ba-arati iduik di nan tarang, sainggo in-dak ado ciyek juwo doh di dirinyo, nan ka manyabaukkan urang lain ba-buwek doso. 11Tapi, urang nan mam-banci-i sasamo manusia, ba-arati inyo barado di nan kalam. Inyo bajalan di nan kalam, sarato indak tawu, kama inyo ka ka payi, dek karano kakalam-an tu, mambuwek inyo indak bisa ma-liyek. 12Ambo mambuwek surek kabake kalian, oih anak-anak, dek karano do-so kalian lah di-ampuni, dek karano di Isa Almasih. 13Ambo mambuwek surek kabake angkau, oih bapak-ba-pak, dek karano, angkau bi tawu jo Baliau nan lah ado sajak dari samulo. Ambo mambuwek surek kabake ang-kau, oih urang-urang mudo, dek ka-rano, angkau lah bi mangalahkan nan jahek. 14Ambo mambuwek surek kabake kalian, oih anak-anak, dek karano, kalian bi tawu jo Allah Bapak. Am-bo mambuwek surek kabake angkau, oih bapak-bapak, dek karano, ang-kau bi tawu jo Kalimathullah, nan lah ado sajak dari samulo. Ambo mambu-wek surek kabake angkau, oih urang-urang mudo, dek karano, angkau bi kuwaik. Kato-kato Allah ado di dalam ati angkau, nan angkau lah bi manga-lahkan nan jahek. 15Janlah angkau mangasiahi dunia ko, sarato jo apo nan ado di dalamnyo. Jikok angkau mangasiahi dunia, ba-arati angkau indak mangasiahi Allah Bapak. 16Sagalo sasuatu nan ado di dalam dunia ko — itulah nan di-ingin-kan dek tabiyaik manusia nan bado-so, nan diliyek, sudah tu di-inginkan, sarato nan di panggak-panggakkan — kasadonyo tu adolah sagalo parkaro nan indak barasa dari Allah Bapak, tapi dari dunia. 17Dunia sarato jo sa-galo sasuatu nan ado di dalamnyo, nan di-inginkan dek manusia, sadang ka ilang lanyok. Tapi, urang nan ma-ikuik-i ka-inginan Allah, tatauk iduik sampai salamo-lamonyo. 18Oih anak-anak ambo, akie jaman lah dakek! Lah di-agiah tawu kabake kalian sabalunnyo, baraso Musuah Isa Almasih ka datang; nan kiniko alah bi ado banyak urang nan mamusuahi Isa Almasih. Itu tandonyo baraso akie jaman lah dakek. 19Musuah-musuah Isa Almasih tu, adolah urang-urang nan lah bi maninggakan kito, dek ka-rano, inyo tu nan sabananyo, iyo in-dak doh urang-urang kito. Jikok inyo tu urang-urang kito, tantu inyo tu tatauk samo-samo jo kito. Tapi, inyo tu bi payi maninggakan kito, supayo ja-lehlah, baraso indak surang pun juwo doh dari inyo tu, nan sabana-bana ta-masuak kabake kito. 20Tapi, nan kalian lah bi manari-mo Roh Allah nan dicurahkan dek Isa Almasih, sarato itu sabauknyo kalian kasadonyo bi tawu jo ajaran nan ba-na. 21Jadi, ambo mambuwek surek ko kabake kalian, indak doh dek ka-rano kalian indak bi tawu jo ajaran nan bana tu, tapi, malah dek karano kalian lah mangatawu-inyo, nan ka-lian lah bi tawu pulo, baraso indak ado doh nan duto dalam ajaran nan bana tu. 22Nan baduto, adolah urang nan bakato, baraso Isa Almasih indak doh Rajo Panyalamaik nan lah dijanjikan dek Allah. Urang tu adolah Musuah Isa Almasih; inyo indak ma-akui doh Allah Bapak, atau pun Allah Anak. 23Urang nan indak ma-akui Allah Anak, ba-arati indak pulo manarimo Allah Bapak. Urang nan layi ma-akui Allah Anak, ba-arati layi pulo mana-rimo Allah Bapak. 24Dek karano itu, barito nan lah kalian danga, sajak dari kalian mu-lo-mulo picayo, mustilah kalian jago elok-elok di dalam ati. Jikok barito tu kalian paratikan elok-elok, mako, kalian ka tatauk iduik basatu jo Allah Anak, sarato jo Allah Bapak. 25Sarato ikolah nan dijanjikan dek Isa Almasih sandiri kabake kito: iyolah iduik saja-ti nan kaka. 26Ambo buwek surek ko kabake ka-lian, supayo kalian bi tawu, tantang urang-urang nan sadang ba-usawo nak ka mangicuah kalian. 27Tapi, tantang diri kalian sandiri, Isa Alma-sih lah mancurahkan Roh-Nyo kaba-ke kalian. Salamo Roh Baliau tu layi ado di diri kalian, mako, indak para-lu doh urang lain nan ka ma-aja kali-an. Dek karano, Roh Baliau tu nan ka ma-aja kalian tantang sagalo sasuatu; sarato apo nan di-ajakan dek Baliau tu bana, indak doh nan duto. Dek ka-rano itu, andaklah kalian patuah ka-bake apo nan di-ajakan dek Roh tu, sarato andaklah kalian tatauk iduik basatu jo Isa Almasih. 28Jadi, oih anak-anak ambo, ta-tauklah iduik basatu jo Isa Almasih, supayo, isuak pado wakatu Baliau da-tang, kito indak maraso takuik ma-ngadauk Baliau, sarato indak bi ma-andok dek karano malu. 29Kalian lah bi tawu, baraso Isa Almasih iduik ma-nuruik ka-inginan Allah. Dek karano itu, kalian musti bi tawu pulo, baraso satiyok urang nan iduik manuruik ka-inginan Allah, adolah anak Allah.

1 YAHYA 31Liyeklah, baralah ka dalamnyo kasiah Allah kabake kito, saing-go kito di-akui sabagai anak-anak Baliau. Iyo batua, kito adolah anak-anak Allah. Itulah sabauknyo du-nia nan jahek ko, indak bi tawu jo kito, dek karano, dunia indak bi ta-wu jo Allah. 2Sudaro-sudaro nan am-bo kasiahi! Kito kiniko adolah anak-anak Allah, tapi, ka-adaan kito isuak alun jaleh. Tapi, kito tawu, baraso ji-kok Isa Almasih datang, kito ka bi manjadi bakcando Baliau, dek kara-no, kito ka bi maliyek Baliau, dalam ka-adaan Baliau nan sabananyo. 3Ka-sadonyo urang nan mampunyoi ara-pan nan bakcando iko taradok Isa Almasih, mako, inyo tu ka bi manja-go dirinyo supayo sabana-bana suci, barasiah dari doso, samo jo bakcando Isa Almasih, adolah suci pulo. 4Urang nan babuwek doso, malang-ga paratuaran Allah; dek karano, doso adolah palanggaran taradok paratua-ran Allah. 5Angkau bi tawu, baraso Isa Almasih datang untuak ma-apuih-kan doso-doso manusia, nan angkau bi tawu pulo, baraso indak ado doh doso dalam diri Baliau. 6Kasadonyo urang nan iduik basatu jo Isa Alma-sih, indak lai babuwek doso. Urang nan tatauk babuwek doso, indak pa-nah maliyek Isa Almasih, atau indak panah tawu jo Baliau. 7Oih anak-anak ambo, jan dipadi-yakan siapo pun juwo nan ka manya-sekkan kalian. Urang nan mangara-jokan kahandak Allah, adolah anak Allah, samo jo bakcando Isa Alma-sih adolah Anak Allah. 8Tapi, urang nan taruih manaruih babuwek doso, adolah anak Ubilih, dek karano, Ubi-lih badoso dari sajak samulo. Untuak ikolah Anak Allah datang, iyolah un-tuak mambinasokan sagalo pabuatan Ubilih. 9Urang nan lah manjadi anak Allah, indak lai babuwek doso, dek karano, sipaik Allah sandiri ado di dalam diri-nyo. Dek karano Allah tu Bapak-nyo, mako, inyo indak dapek lai babuwek doso. 10Ikolah besohnyo antaro anak-anak Allah, jo anak-anak Ubilih: Si-ya urang nan indak mangarajokan kahandak Allah, atau indak manga-siahi sudaronyo, inyo indak doh anak Allah. 11Sajak samulo lah disampaikan ba-rito ko kabake angkau: Kito musti sa-mo-samo kasiah mangasiahi. 12Jan-lah kito bakcando Kain, nan manjadi anak Ubilih, nan mambunuah karek-annyo sandiri. Apo sabauknyo Kain mambunuah karek-annyo? Dek kara-no, sagalo parkaro nan inyo karajo-kan jahek, tapi, sagalo parkaro nan dikarajokan karek-annyo elok. 13Dek karano itu, oih sudaro-su-daro ambo, janlah eran, jikok urang-urang dunia ko mambanci-i angkau. 14Kito tawu, baraso kito lah kaluwa dari mauik, sarato lah pindah kaba-ke iduik. Kito tawu itu, dek karano kito mangasiahi sasamo sudaro kito. Urang nan indak mangasiahi, ba-ara-ti inyo, dikuwasoi juwo lai dek ma-uik. 15Urang nan mambanci-i su-daronyo, adolah pambunuah, nan angkau bi tawu, baraso urang pam-bunuah indak mampunyoi iduik saja-ti nan kaka. 16Jo nan bakcando iko-lah kito mangatawui caro mangasiahi sasamo kito: Isa Almasih lah manya-rahkan nyawo-Nyo untuak kito. Dek karano itu, kito pun musti pulo ma-nyarahkan nyawo kito untuak suda-ro-sudaro kito! 17Jikok surang urang nan bakacukuik-an, maliyek sudaro-nyo bakakurangan, tapi, inyo indak namuah doh manolong sudaronyo tu, baa pulo urang tu ka dapek mangato-kan, baraso inyo mangasiahi Allah? 18Oih anak-anak ambo! Janlah kito mangasiahi hanyo di muluik, atau ha-nyo jo kato-kato sajo. Andaklah kito mangasiahi jo kasiah nan sajati, nan dibuktikan jo pabuatan kito. 19Jo caro nan baitu lah kito dapek mangatawui, baraso kito tamasuak anak-anak Allah nan bana, nan ati kito dapek tanang di adok-an Allah. 20Kito tawu, baraso, jikok kito disa-lahkan dek ati kito, nan pangatawuan Allah labiah dalam dari pangatawuan ati kito, nan baraso Baliau tawu saga-lo-galonyo. 21Jadi, oih sudaro-suda-ro ambo nan ambo kasiahi, jikok ati kito indak manyalahkan kito, mako, kito indak takuik mangadauk Allah. 22Baitu pulo, apo nan kito mintak kabake Baliau, kito mandapekkan-nyo, dek karano, kito patuah kabake sagalo parentah Baliau, sarato mam-pabuwek apo nan manyanangkan ati Baliau. 23Nan Baliau parentahkan ka-bake kito iyolah: Kito musti ba-iman kabake Anak-Nyo, iyolah Isa Alma-sih, sarato kito musti samo-samo ma-ngasiahi, bakcando nan lah diparen-tahkan dek Isa Almasih kabake kito. 24Kasadonyo urang nan bi patuah kabake sagalo parentah Allah, iduik basatu jo Allah, sarato Allah basatu jo inyo tu. Nan kito bi tawu, baraso Allah iduik basatu jo kito, dek kara-no Baliau lah mambarikan Roh-Nyo kabake kito.

1 YAHYA 41Oih sudaro-sudaro nan ambo ka-siahi! Janlah picayo kabake sa-donyo urang nan bi mangaku mam-punyoi Roh Allah, tapi, ujilah dulu inyo tu, untuak mangatawui, apokoh roh nan ado di inyo tu, barasa dari Allah, atau indak. Dek karano, sam-buah nabi palasu lah bakaliyaran ki-an kumari. 2Bakcando ikolah caronyo supayo angkau tawu, apokoh itu Roh Allah, atau indak: Urang nan layi ma-akui, baraso Isa Almasih datang ka dunia sabagai manusia, mako, urang tu mampunyoi Roh nan datang da-ri Allah. 3Tapi, urang nan indak ma-akui tantang parkaro Isa Almasih ko, ba-arati urang tu indak mampunyoi Roh Allah. Urang tu mampunyoi roh dari Musuah Isa Almasih. Angkau lah bi mandanga, baraso roh tu ka da-tang, nan kiniko inyo lah ado di da-lam dunia ko. 4Tapi, oih anak-anak ambo, kali-an adolah miliak Allah. Kalian lah bi mangalahkan nabi-nabi palasu, dek karano, Roh nan ado di kalian, la-biah bakuwaso daripado roh nan ado di urang-urang nan miliak dunia ko. 5Nabi-nabi palasu tu, babicaro tan-tang sagalo parkaro dunia, nan dunia namuah ma-iyokan kecek inyo tu, dek karano inyo tu miliak dunia. 6Tapi, kito adolah anak-anak Allah; urang nan lah tawu jo Allah, namuah ma-iyokan kecek kito. Urang nan indak miliak Allah, indak namuah doh ma-iyokan kecek kito. Baitu lah caronyo kito dapek mampabesohkan, antaro Roh nan mambari ajaran nan bana, sarato jo roh nan manyasekkan. 7Oih sudaro-sudaro nan ambo ka-siahi! Molah kito samo-samo manga-siahi, dek karano, kasiah barasa da-ri Allah. Urang nan layi mangasiahi, adolah anak Allah, ba-arati inyo ta-wu jo Allah. 8Urang nan indak ma-ngasiahi, ba-arati inyo indak tawu jo Allah; dek karano, Allah adolah ka-siah. 9Allah manyatokan baraso Ba-liau mangasiahi kito, jo sacaro ma-utuih Anak-Nyo nan tungga ka dalam dunia, supayo kito mandapekkan iduik nan sajati, malalui Anak-Nyo tu. 10Ikolah nan kasiah: Indak doh kito nan lah mangasiahi Allah, tapi, Allah nan lah mangasiahi kito, sarato ma-utuih Anak-Nyo, supayo malalui Baliau, kito mandapek pangampunan taradok sagalo doso kito. 11Oih sudaro-sudaro nan ambo ka-siahi, jikok Allah lah bakcando itu ba-na mangasiahi kito, mako, kito pun musti kasiah mangasiahi sasamo ki-to. 12Indak ado surang pun juwo doh urang nan lah panah maliyek Allah, tapi, jikok kito samo-samo manga-siahi, ba-arati Allah basatu jo kito, sarato kasiah-Nyo manjadi samparo-no dalam diri kito. 13Dek karano Allah lah mambari-kan Roh-Nyo kabake kito, mako ki-to tawu, baraso kito lah iduik basa-tu jo Allah, sarato Allah iduik basatu jo kito. 14Kami sandiri lah bi mali-yek Anak Allah, sarato kami bi ma-ngabakan baraso Baliau di-utuih dek Allah Bapak, untuak manjadi Rajo Panyalamaik dunia. 15Siya nan layi ma-akui, baraso Isa Almasih tu Anak Allah, ba-arati Allah iduik basatu jo urang tu, nan urang tu pun iduik ba-satu jo Allah. 16Kito sandiri bi tawu, sarato picayo taradok kasiah Allah kabake kito. Allah tu kasiah. Urang nan iduiknyo dikuwasoi dek kasiah, ba-arati urang tu basatu jo Allah, nan Allah basatu jo inyo. 17Kasiah dijadikan sampa-rono dalam diri kito, supayo kito in-dak maraso takuik di Ari Pangadie-lan. Kito ka mampunyoi kabaranian, dek karano, iduik kito di dunia ko, samo jo bakcando iduik Isa Almasih. 18Urang nan marasokan kasiah Allah, indak tawu jo parasaan takuik; dek karano, kasiah nan samparono, ma-ilang lanyokkan sagalo raso takuik. Jadi, nyatolah baraso urang alun da-pek marasokan lamak kasiah Allah jo sacaro samparono, jikok urang tu ta-kuik ma-adok-i Ari Pangadielan. 19Kito mangasiahi, dek karano Allah lah talabiah dulu mangasiahi kito. 20Jikok ado urang bakato, ”Am-bo mangasiahi Allah, ” tapi, inyo in-dak mangasiahi sudaronyo, ba-arati urang tu panduto. Dek karano, urang nan indak mangasiahi sudaronyo nan diliyeknyo, indak ka mungkin doh bi-sa mangasiahi Allah, nan indak dili-yeknyo. 21Dek karano itu, ikolah pa-rentah nan dibarikan dek Isa Almasih kabake kito: Siya urang nan manga-siahi Allah, mako, inyo musti pulo mangasiahi sudaronyo.

1 YAHYA 51Satiyok urang nan layi picayo, ba-raso Isa Almasih adolah Rajo Pa-nyalamaik nan dijanjikan dek Allah, mako, urang tu adolah anak Allah. Urang nan mangasiahi surang bapak, mangasiahi pulo anak nan barasa da-ri bapak. 2Jo caro ikolah kito tawu, baraso kito mangasiahi anak-anak Allah: Kito mangasiahi Allah, sarato patuah kabake sagalo parentah Ba-liau. 3Dek karano, mangasiahi Allah ba-arati patuah kabake sagalo paren-tah Baliau. Parentah-parentah Baliau indaklah barek doh untuak kito, 4dek karano, satiyok anak Allah bisa mangalahkan dunia nan jahek ko. Nan kito mangalahkan dunia jo iman kito. 5Siyakoh nan bisa mangalahkan du-nia? Hanyolah urang nan picayo, ba-raso Isa Almasih adolah Anak Allah. 6Isa Almasih-lah nan datang ka du-nia jo ayie pamandian-Nyo, sarato jo darah kamatian-Nyo. Baliau datang indak doh hanyo jo ayie sajo, tapi, jo ayie sarato jo darah. Sarato Roh Allah sandiri nan mambari pangakuan, ba-raso itu bana, dek karano, Roh Allah indak panah baduto. 7Sabauk ado ti-go nan mambari pangakuan di dalam sarugo: Allah Bapak, Kalimathullah, sarato jo Roh Allah; nan Katigonyo tu adolah Satu. 8Roh Allah, ayie sarato jo darah — katigo-tigonyo mambari-kan pangakuan nan samo. 9Kito pica-yo kabake pangakuan manusia, tapi, pangakuan Allah labiah kuwaik lai. Sarato itulah pangakuan nan lah di-barikan dek Allah tantang Anak-Nyo. 10Dek karano itu, urang nan picayo kabake Anak Allah, ba-arati lah ma-narimo pangakuan tu di dalam atinyo; tapi, urang nan indak mampicayo-i Allah, lah ma-anggauk sa-olah-olah Allah panduto, dek karano, inyo in-dak picayo taradok apo nan dikato-kan dek Allah tantang Anak Baliau. 11Ikolah pangakuan tu: Allah lah mambarikan kabake kito iduik saja-ti nan kaka, nan Anak Allah adolah tampaik asa iduik tu. 12Urang nan mampunyoi Anak Allah, mampunyoi iduik sajati nan kaka tu; urang nan indak mampunyoi Anak Allah, indak mampunyoi iduik sajati nan kaka tu. 13Ambo mambuwek surek kaba-ke angkau nan picayo kabake Anak Allah, supayo angkau bi tawu, bara-so angkau lah mampunyoi iduik saja-ti nan kaka. 14Nan kito indak takuik mangadauk Allah, dek karano kito ya-kin, Baliau ka mampalakukan dowa kito, jikok kito mamintak sasuatu ka-bake Baliau, nan sasuwai manuruik kahandak Baliau. 15Dek karano kito tawu, baraso Baliau mandangakan ki-to, jikok kito mamintak kabake Ba-liau, mako, kito tawu pulo, baraso Baliau mambarikan kabake kito, apo nan kito mintak kabake Baliau. 16Jikok angkau maliyek salah su-rang sudaro nan sasamo Kristen, mampabuwek doso nan indak ma-akibaikkan inyo ka-ilangan iduik sa-jati nan kaka, mako, andaklah ang-kau badowa kabake Allah; nan Allah ka mambarikan iduik sajati nan ka-ka tu kabake inyo. Iko hanyo tara-dok urang-urang, nan dosonyo indak ma-akibaikkan inyo ka-ilangan iduik sajati nan kaka tu. Tapi, ado doso nan ma-akibaikkan urang ka-ilang-an iduik sajati nan kaka tu. Tantang urang nan bakcando itu, ambo indak bakato baraso angkau musti badowa kabake Allah. 17Kasadonyo pabuatan nan salah adolah doso, tapi, ado doso nan indak ma-akibaikkan urang ka-ilangan iduik sajati nan kaka tu. 18Kito tawu, baraso kasadonyo urang nan lah manjadi anak-anak Allah, indak taruih manaruih doh babuwek doso, dek karano, Anak Allah malinduang-inyo, sarato in-dak sabuwah alah juwo doh nan ka dapek dipabuwek dek si Jahek tara-dok inyo. 19Kito tawu, baraso kito miliak Allah, biyapun kaciyek-annyo dunia ko di bawah kakuwasoan si Jahek. 20Kito tawu, baraso Anak Allah lah datang, sarato lah mambarikan pa-ngaratian kabake kito, supayo kito ta-wu jo Allah nan bana. Kito iduik ba-satu jo Allah nan bana, sarato iduik basatu jo Anak-Nyo Isa Almasih. Iko-lah Allah nan bana, sarato ikolah iduik sajati nan kaka. 21Oih anak-anak ambo, jauahkan-lah diri kalian dari sagalo barhalo!

http://www.bible.is/MINLAI/1John/1/D

Nenhum comentário:

Postar um comentário