terça-feira, 8 de setembro de 2015

1 YOHANA: MINIYANKA


1 Yohana 11Wemu wu ɲɛ ɲ`ii sicuumᴐ jomᴐ pu ge, wee wo keree w`ee wa gani yi mu, wemu w'a bye w`a yani koŋᴐ ki y`aa ge. W`ee ya wu jomᴐ pu logo, na wu ɲa w`u ɲ`ii ki na. W`ee ya wu sɛɛri xuuni, a w`u keye bɛ di gbᴐn wu na. 2Pee ɲ`ii sicuumᴐ p'a puyɛ shɛ, w`ee ya pu ɲa, na pu sɛɛri keree pye. Ɲ`ii sicuumᴐ nixhᴐbaama pe pu bye Kilɛ t`aan na puyɛ shɛ w`u na ge, pee kaa w'`a yu yi mu. 3W'`a lemu ɲa, na lemu logo ge, lee w'`a yu yi mu, kᴐnhᴐ yi bɛ di j'e w`u wo kariɲɛɛgɛ ki ni. W`ee kunni wa j'e To Kilɛ ni wu Ja Yesu Kirisa wo kariɲɛɛgɛ ki ni. 4W`ee ya kii keree kii ka na ki tun yi mu, kᴐnhᴐ w`u fundanga ki ɲᴐ di fa. 5W'`a jomᴐ pemu logo Yesu Kirisa mu di jo yi mu ge, pee pu wa pe na Kilɛ ɲɛ kpɛɛngɛ, nibiige yafiin wa wu ni wɛ. 6W`u bu jo na Kilɛ wo kariɲɛɛgɛ ki ni w`u ɲɛ, na ta w`u ɲaari gbee nibiige ni, kafinɛyɛ w'`a yu, w`u ɲɛ can ɲuŋᴐ ni wɛ. 7Ga w`u ba ɲaari kpɛɛngɛ ni, ma na jo ba Kilɛ wa kpɛɛngɛ ni mɛ wɛ, wee tuun wu ni w'`a pye w`uyɛ kariɲii, wu Ja Yesu wu shishan pu na w`u pye fɛɛfɛɛ na w`u jurumu wu bɛɛri laha w`u na. 8W`u bu jo na w`u ya jurumu pyi wɛ, wuyɛ w'a biinŋɛ can ɲɛ w`u funyᴐ ni wɛ. 9Ga w`u bu yere w`u jurumu wu na, Kilɛ ya tii na ɲɛ ɲᴐmɛɛ fᴐᴐ. Lee funŋᴐ ni wu na w`u jurumu wu yafa w`u mu. W'`a kakuuŋᴐᴐ tuuyo yemu bɛɛri pye ge, wu na w`u pye fɛɛfɛɛ na yeege kee bɛɛri ni. 10W`u bu jo na w`u ya ta na jurumu pyi wɛ, w'`a Kilɛ pye kafinɛjo, wu jomᴐ pu ɲɛ w`u funŋᴐ ni wɛ.

1 Yohana 21Na nagoo, n'a da kii keree kii ka di ki tun yi mu, kᴐnhᴐ yi ganha ba jurumu pyi wɛ. Ga wa bu jurumu pye, Tɛgɛvᴐᴐ wa w`u mu w`u To Kilɛ wu kabanugo, wee ɲɛ Yesu Kirisa, wee wemu w'a tii ge. 2W'a pye w`ee jurumu wu wo footᴐnᴐ. W`ee wo wu yɛ bɛ wɛ, ga koŋᴐ ke bɛɛri wo jurumu foo w'a tᴐ. 3W`u bu Kilɛ ɲᴐmɛhɛɛ ki co, w`u na li cɛ lee na na w'`a wu cɛ. 4Wa ba yu na wee ya Kilɛ cɛ, na ta wu ya wu ɲᴐmɛhɛɛ coni wɛ. Weefᴐᴐ ɲɛ kafinɛjo, can ɲɛ wu funŋᴐ ni wɛ. 5Ga wemu w'a wu kafila wu coni ge, Kilɛ wo taanɲɛɛgɛ ke nivaŋa ki wa weefᴐᴐ funŋᴐ ni see na. Lee na w'`a li cɛni na w`ee ɲɛ wu kariɲɛɛgɛ ki ni. 6Wemu w'a yu na wee ɲɛ Kirisa wo kariɲɛɛgɛ ki ni ge, weefᴐᴐ ya yaa w'a ɲaari ba Kirisa yɛ pyaa ya ɲaari wɛ. 7Na ɲimɛɛ, di wa ta kariɲɛɛgɛ ɲᴐmɛɛfonᴐ ka na tun yi mu wɛ, ga ɲᴐmɛɛ nilɛɛ li wa, y'a lemu ta fo yi n'a daa wu ɲᴐ kᴐnduun wu ni ge. Y'a jomᴐ pemu logo xᴐ ge, pee pu wa lee ɲᴐmɛɛ nilɛɛ le. 8Ga lee bɛ na, le n'a ka na tun yi mu ge, lee ɲɛ ba ɲᴐmɛɛfonᴐ ɲɛ wɛ. Li can w'a ɲa Yesu Kirisa wo torogana li funŋᴐ ni, na ɲaa yee bɛ wo torogana li funŋᴐ ni. Bani womᴐ keree kii nidorogo ki wa, kpɛɛngɛ can wogo ki wa ɲ'i na xᴐ. 9We w'a yu na kpɛɛngɛ ki ni wee ɲɛ, na makᴐŋᴐ yaha wu ni wu ceboro tɛ ni ge, womᴐ ni weefᴐᴐ ɲɛ sanha. 10Wemu ceboro kaa l'a dan wu ni ge, weefᴐᴐ wu ɲɛ kpɛɛngɛ ki ni. Na wu yaha kpɛɛngɛ ki ni, kaa la shishiin da ga j'a wu pye wu watii ɲuŋᴐ kyɛɛgi wɛ. 11Ga we w'a wu ceboro kᴐ ge, womᴐ ni weefᴐᴐ ɲɛ, womᴐ ni w'a ɲaari. Wu ya wu tashɛgɛ cɛ wɛ, bani womᴐ p'a wu pye fyɛn. 12Na nagoo, n'a we sɛmɛ we tunni yi mu, bani yi jurumu w'a yafa yi mu Yesu wo mɛgɛ ki gbᴐᴐrᴐ ni. 13Nᴐhᴐlɛɛ, n'a we sɛmɛ we tunni yi mu, bani we wu wa w`a na ta koŋᴐ sanha ɲᴐ kᴐn wɛ ge, y'a wee cɛ. Lɛvɛɛ, n'a we sɛmɛ we tunni yi mu, bani y'a se ta Shitaanni na. Na nagoo, n'a we sɛmɛ we tun yi mu, bani y'a To Kilɛ cɛ. 14Nᴐhᴐlɛɛ, n'a we sɛmɛ we tun yi mu, bani we wu ɲɛ w`a na ta koŋᴐ sanha ɲᴐ kᴐn wɛ ge, y'a wee cɛ. Lɛvɛɛ, n'a we sɛmɛ we tun yi mu, bani yi fanha k'a ɲɛhɛ, Kilɛ jomᴐ p'a kori yaha yi funyᴐ ni, y'a se ta Shitaanni na. 15Yi ganha bu koŋᴐ yaha ki taan yi mu wɛ, yi ganha bu yi ɲaha le koŋᴐ yaaga ke ka nigin bɛ ni wɛ. Koŋᴐ bu daan wemu mu, To Kilɛ taanɲɛɛgɛ ɲɛ weefᴐᴐ funŋᴐ ni bada wɛ. 16Bani keree kii bɛɛri ki ɲɛ koŋᴐ ke ni ge: ceepuuro lakuuŋᴐ ɲidaan keree, ni koŋᴐ yaŋmuyᴐ wo ɲɛpɛɛn, ni koŋᴐ wo mayɛ shɛ keree, lee la shishiin wa foro To Kilɛ ni wɛ fo koŋᴐ. 17Koŋᴐ kunni wa doro ni ki ɲidaan wu bɛ, ga we w'a Kilɛ ɲidaan pyi ge, wee na ba gori yaha ɲ`ii na gbee. 18Na nagoo, koŋᴐ ki taaxᴐᴐ l'a tɛɛŋɛ. Y'a yi logo na Kirisa wo Pɛn wu da ba ba. Wa nimɛ, Kirisa wo pɛɛn niɲɛhɛmɛɛ wa puyɛ shɛɛ na xᴐ. Lee na w'`a li cɛ na koŋᴐ ki taaxᴐᴐ l'a tɛɛŋɛ. 19W`ee wo kariɲɛɛgɛ ki ni p'a foro, ga pu bi ta pye ni w`ee ni nigin can can na wɛ. Pu da bi sii pye ni w`ee ni nigin, pu bi da gori w`ee ni. Ga pu voro w'a li shɛɛ na pee bye ni w`ee ni fungᴐnnuyᴐ na bada wɛ. 20Ga yee wa ba pee ɲɛ wɛ, bani Fɛfɛɛrɛ Munaa fanha ni yee ya sindirinɛ ta, kᴐnhᴐ y'i can wu cɛ. 21Nɛ ta sɛmɛ wu tun yi mu yi can cɛbaara na wɛ. Ga n'a wu tun yi mu bani y'a can cɛ, na nᴐhᴐ li cɛ sanha na kafinɛgɛ ka shishiin ya foro can ni wɛ. 22Jᴐgᴐ wu ɲɛ kafinɛjo wɛ? Wemu w'a go na Yesu ɲɛ Kirisa wɛ, koŋᴐ Shᴐvᴐᴐ we_e ge, weefᴐᴐ wi. Weefᴐᴐ wu ɲɛ Kirisa wo Pɛn we. W'a zhege To Kilɛ ni wu Ja wu ni. 23Wemu w'a she Jafᴐᴐ wu ni ge, weefᴐᴐ ya she Tofᴐᴐ wu bɛ ni. Wemu w'a sᴐᴐ Jafᴐᴐ wu na ge, weefᴐᴐ ya sᴐᴐ Tofᴐᴐ wu bɛ na. 24W'`a yi kalaa jomᴐ pemu ni fo yi n'a daa wu ɲᴐkᴐᴐnrᴐ ti ni ge, yi la le yiyɛ ni pee di gori yi funyᴐ ni. Lee bu bye, yi bɛ na gori yaha Jafᴐᴐ we, ni Tofᴐᴐ wu wo kariɲɛɛgɛ ki ni. 25Kirisa ya ɲᴐmɛɛ lᴐ na wu na ba lekɛ kan wu mu ge, lee li wa ɲ`ii sicuumᴐ nixhᴐbaama. 26Pii p'a giin pii yi ɲuyᴐ kyɛɛgi ge, pee wuu na n'a ye ka, na yi tun yi mu. 27Yee kunni, Yesu ya Fɛfɛɛrɛ Munaa kan yee mu, lee wa kori yee funyᴐ ni, sipya wa shishiin kaɲᴐᴐ wa nige yi na na w'a yi kalaa wɛ. Fɛfɛɛrɛ Munaa li wa yi kalaa keree bɛɛri ni, li kalaa wu wa can, kafinɛyɛ wa wu ni bada wɛ. Lee wuu na yi Fɛfɛɛrɛ Munaa li wo kalaa wu co, y'i gori yaha Kirisa wo kariɲɛɛgɛ ki ni. 28Na nagoo, yi kori yaha Kirisa wo kariɲɛɛgɛ ki ni, kᴐnhᴐ wu ba wuyɛ shɛ, w`u lowagaa wuu di da, w`u ganha da ba zhiige wu ɲaha t`aan wu cabaŋa na wɛ. 29Y'a li cɛ na Kirisa ya tii, lee wuu na w'`a yaa na li cɛ na sipyaa sipya wa tiimɛ keree pyi ge, Kilɛ pya wu ɲɛ weefᴐᴐ.

1 Yohana 31W`ee kaa ya dan To Kilɛ ni fo xuuni, fo w'a w`ee pye wu nagoo. Can wu ɲɛ wii, w`ee ya pye wu nagoo. Koŋᴐ sipyii ya ta Kilɛ cɛ wɛ, lee l'a pu pye pu ya cɛ nago Kilɛ nagoo w`ee ɲɛ wɛ. 2Na taanɲii, nimɛ w`u ɲɛ Kilɛ nagoo. W`u na ba bye lemu ge, lee wa sanha zhɛ wɛ. Ga w'`a li cɛ na Yesu Kirisa ba wuyɛ shɛ, w`u na ba bye ba wu ɲɛ wɛ, bani w`u na ba wu kemɛ ɲa ba wu ɲɛ wɛ. 3Kee tadaŋa ki wa sipya wemu bɛɛri mu Yesu Kirisa na ge, weefᴐᴐ na wuyɛ pye fɛɛfɛɛ ba Kirisa ɲɛ mɛ fɛɛfɛɛ wɛ. 4Sipyaa sipya w'a jurumu pyi ge, Kilɛ wo saliya wu m'a gyɛɛgi. Bani na jurumu pye, lee kᴐri ɲɛ Kilɛ wo saliya wu m'a kyɛɛgi. 5Y'a li cɛ na Yesu ya pa wu ba jurumu laha sipyii na. Jurumu wa shishiin bye wu na wɛ. 6Sipyaa sipya w'a kori yaha wu kariɲɛɛgɛ ki ni ge, weefᴐᴐ ya gbara wu kori yaha jurumu ni wɛ. Ga wemu w'a kori yaha na jurumu pyi ge, weefᴐᴐ ya wu ɲa wɛ, ali wu ya wu cɛ bɛ wɛ. 7Na nᴐhᴐpiire, wa shishiin ganha bu yi piinŋɛ wɛ. We w'a tiimɛ keree pyi ge, weefᴐᴐ nidiige ki wa, ma na jo ba Yesu Kirisa yɛ pyaa ya tii tiigana lemu na wɛ. 8Wemu bu gori yaha na jurumu pyi, Shitaanni ni weefᴐᴐ ya foro, bani Shitaanni w'a jurumu pyi na lᴐ fo taashiinɛ li ni. Lee wuu na Kilɛ Ja w'a pa, kᴐnhᴐ wu Shitaanni wo kapyegee ki kyɛɛgi. 9Sipyaa sipya wu ɲɛ Kilɛ wo pya wa ge, wee ya gbara wu kori yaha jurumu ni wɛ, bani Kilɛ wo sefɛɛrɛ ti ma bye wu ni. Lee wuu na wu da j'a gori yaha jurumu ni wɛ, bani Kilɛ wo pya wu ɲɛ wii. 10Le na Kilɛ nagoo ni Shitaanni nagoo ya jɛni na wo puyɛ ni: Wemu ya tiimɛ keree pyi wɛ, wee ya foro Kilɛ ni wɛ, wemu bɛ ceboro kaa ya taan wu mu wɛ, wee bɛ wɛ. 11Jomᴐ pe y'a logo fo taashiinɛ li ni ge, pee pu wa pe: W'`a yaa na taan ni w`uyɛ ni. 12W`u ganha bu bye Kayɛn shi wɛ, Shitaanni ni wee ya foro, w'a wu cuun gbo. Ɲaha na w'a wu gbo wɛ? Bani wuyɛ pyaa kapyegee ki bi kolo, na ta cuunvᴐᴐ wu wo kapyegee di bi tii. 13Na cebooloo, koŋᴐ sipyii bu yi kᴐ, lee ganha bu yi fo wɛ. 14W'`a li cɛ na w'`a foro xu ni na j'e ɲ`ii sicuumᴐ ni, bani w`u cebooloo pu kaa ya dan w`u ni. Wemu wu ɲɛ wu cebooloo kaa ya dan wu ni_i ge, wee ya kori yaha xu ni. 15Sipyaa sipya w'a wu ceboro kᴐ ge, wee ɲɛ sipyii gbovᴐᴐ. Y'a li cɛ na ɲ`ii sicuumᴐ nixhᴐbaama wa goroo sipyii gbovᴐᴐ wa shishiin funŋᴐ ni bada wɛ. 16Le na w'`a taanɲɛɛgɛ cɛni, bani Yesu Kirisa ya wu munaa kan, kᴐnhᴐ wu w`ee ɲuŋᴐ wolo. W`ee bɛ ya yaa na w`u munahaa kan w`u cebooloo wuu na. 17Ke koŋᴐ ke naafuu ɲɛ wemu mu ge, weefᴐᴐ bu wu ceboro funmᴐ wo ɲa, na bye wu ya ɲuŋᴐ ɲaari wu na wɛ, dii Kilɛ taanɲɛɛgɛ di da j'a bye weefᴐᴐ funŋᴐ ni wɛ? 18Na nᴐhᴐpiire, w`u taanɲɛɛgɛ ganha da bye ɲᴐsɛɛkpᴐnyᴐ, ni ɲᴐtanga jomᴐ yɛ wɛ, ga w`u kapyegee k'a yaa na li shɛɛ na can wu ɲɛ w`u taanɲɛɛgɛ ke. 19W`u ba lee pyi, lee na w`u da ba li cɛ na w`u ɲɛ can wu wuu. W`u na j'a w`u hakilee pu teŋɛ Kilɛ ɲaha t`aan. 20Ali w`u zᴐlᴐᴐ pu ɲɛhɛ ba w`u jaagi bɛ, w`u na j'a w`u hakilee pu teŋɛ, bani Kilɛ ya keree bɛɛri cɛ, wu d'a pɛlɛ bɛ w`ee zᴐlᴐᴐ pu na. 21Na taanɲii, w`ee zᴐlᴐᴐ pu bu bye pu ya j'a w`ee jaagi nige wɛ, lee ya li shɛɛ na w`ee ya lowagaa ta, na fulo Kilɛ na. 22W`u bu yaaga bɛɛri ɲɛɛri wu mu, w`u na kee ta, bani w'`a wu ɲᴐmɛɛ coni, na wu ɲidaan keree pyi. 23Wu ɲᴐmɛɛjuu li le, na w`ee pu d`a wu Ja Yesu Kirisa mɛgɛ ki na, w`u daan ni w`uyɛ ni, ba w'a yi jo w`u mu wɛ. 24Wemu w'a wu ɲᴐmɛɛ coni ge, weefᴐᴐ ya j'e Kilɛ wo kariɲɛɛgɛ ki ni, a Kilɛ bɛ di bye ni weefᴐᴐ ni kariɲɛɛgɛ ni. Kilɛ ya wu Munaa li kan w`ee mu, lee na w`ee ya li cɛ na Kilɛ ɲɛ ni w`ee ni kariɲɛɛgɛ ni.

1 Yohana 41Ayiwa, na taanɲiinɛɛ yi ganha ba daa munahaa bɛɛri kafila na wɛ, ga yi fɛnhɛ ki suguri ki bi foro Kilɛ ni, bani kafinɛjuu piimu p'a puyɛ pyi Kilɛ tudunmᴐᴐ ge, pee niɲɛhɛmɛɛ ya foro koŋᴐ na. 2Le na yi da ba Kilɛ Munaa cɛ: Munaa lemu l'a sᴐᴐ li na na sipya yɛ pyaa Yesu Kirisa ya pa bye ge, lee l'a foro Kilɛ ni. 3Ga munaa lemu ya ta sᴐᴐ yee na Kirisa shizhaa na_ɛ ge, lee ya foro Kilɛ ni wɛ, lee ɲɛ Yesu Kirisa wo Pɛn wu wuu le. Y'a yi logo xᴐ na wu na ba ba koŋᴐ ke na. Ga nimɛ, wuyɛ pyaa bɛ wa na xᴐ koŋᴐ ki na. 4Na nᴐhᴐpiire, yee kunni ɲɛ Kilɛ wuu, lee wuu na yee ya se ta pee kafinɛjuu pu na. Bani Kilɛ Munaa le li wa yee funyᴐ ni ge, lee ya ye koŋᴐ sipyii pu wuu li na. 5Pee kafinɛjuu pii ɲɛ ke koŋᴐ ke wuu. Lee wuu na pu kafila wu ɲaha ya tii ke koŋᴐ ke yaŋmuyᴐ ye yɛ shizhaa na, a ke koŋᴐ ke sipyii di ganha na pu jomᴐ nuri. 6Ga w`ee kunni ɲɛ Kilɛ wuu. Sipyaa sipya w'a Kilɛ cɛ ge, weefᴐᴐ na da w`ee jomᴐ pu nuri. Ga sipya wemu ɲɛ Kilɛ wo wɛ, weefᴐᴐ ya w`ee jomᴐ pu nuri wɛ. Ayiwa, lee na y'a da can Munaa li wo sipyii pu cɛ na shᴐᴐnri kafinɛjo munaa li wo sipyii pu ni. 7Ayiwa, na taanɲiinɛɛ, w`u taan ni w`uyɛ ni, bani Kilɛ ni taanɲɛɛgɛ ya foro. See see taanɲɛɛgɛ ɲɛ sipya wemu funŋᴐ ni ge, wee wu ɲɛ Kilɛ pya, wee w'a Kilɛ cɛ. 8See see taanɲɛɛgɛ ɲɛ sipya wemu funŋᴐ ni wɛ, wee ya Kilɛ cɛ wɛ, bani ma bu jo Kilɛ, m'a jo taanɲɛɛgɛ. 9To Kilɛ ya wu taanɲɛɛgɛ ki shɛ shɛgana lemu na ge, lee li wa mɛ. W'a wu Ja nigin pe wu tun na pa koŋᴐ na, kᴐnhᴐ wu ɲ`ii sicuumᴐ kan w`ee mu. 10Lemu l'a Kilɛ wo taanɲɛɛgɛ ki shɛɛ w`u na ge, lee li wa mɛ: Li wa nago w`ee y'iri taanɲɛɛgɛ k'a fɛnhɛ y`iri na ɲaha tii Kilɛ na_ɛ dɛ! Ga w`ee p'a fɛnhɛ taan Kilɛ mu, a wu wu Ja nigin pe wu kan na pye saraga, kᴐnhᴐ w`u jurumu wu yafa w`u mu wee gbᴐᴐrᴐ ni. 11Ayiwa, na taanɲiinɛɛ, ba ni w`ee kaa ya taan fo xuuni Kilɛ mu lee taangana li na, w`ee bɛ ya yaa na taan ni w`uyɛ ni dɛ! 12Sipya wa shishiin sanha Kilɛ ɲa ɲa wɛ. Ga taanɲɛɛgɛ bu bye w`ee tɛ ni, w`ee ni Kilɛ na bye kariɲɛɛgɛ ni. Wu taanɲɛɛgɛ ki bɛ na ganha na bɛlɛ w`u funyᴐ ni, fo na ba w`u zᴐlᴐᴐ pu ɲi. 13To Kilɛ ya wu Munaa li kan w`ee mu, lee na w`ee ya li cɛ na jo w`ee wa ni wu ni kariɲɛɛgɛ ni, wu bɛ di ɲɛ ni w`u ni kariɲɛɛgɛ ni. 14W`eeyɛ pyaa ya wu ɲa ɲii na, lee funŋᴐ ni, na yi yu bɛ na Kilɛ ya wu Ja wu tun na pa koŋᴐ na, kᴐnhᴐ wu ba koŋᴐ sipyii shᴐ. 15Sipyaa sipya w'a sᴐᴐ li na na Kilɛ Ja wu ɲɛ Yesu ge, Kilɛ na gori yaha ni weefᴐᴐ ni kariɲɛɛgɛ ni, weefᴐᴐ bɛ na gori yaha ni Kilɛ ni kariɲɛɛgɛ ni. 16W`ee kaa ya dan Kilɛ ni taangana lemu na ge, w`ee ya lee cɛ, na d`a bɛ li na. Bani ma bu jo Kilɛ, m'a jo taanɲɛɛgɛ. Wemu w'a kori yaha taanɲɛɛgɛ na ge, wee w'a kori yaha ni Kilɛ ni kariɲɛɛgɛ ni, a Kilɛ bɛ di gori yaha ni weefᴐᴐ ni kariɲɛɛgɛ ni. 17Kilɛ wo taanɲɛɛgɛ ki ba bɛlɛ w`u funyᴐ ni, fo na ba w`u zᴐlᴐᴐ pu ɲi, wee tuun wu ni caŋa kemu Kilɛ da ba kiiri wu kᴐn ge, fyaara ta shishiin da ba bye w`u ni kee caŋa wɛ. Bani ba Yesu Kirisa ɲɛ wɛ, mu w`ee bɛ wo ɲaarigana li wa koŋᴐ puga ni. 18Taanɲɛɛgɛ ɲɛ sipya wemu zᴐ ni ge, weefᴐᴐ ya fyagi wɛ. See see taanɲɛɛgɛ ya fyaara bɛɛri kᴐri, bani sipya ya kakuuyo yemu pyi ge, yee wo jaagi kanhama pu ma wu pye wu na fyagi. Lee wuu na, sipya wemu w'a fyagi ge, weefᴐᴐ zᴐ wu bɛɛri ya ɲi see see taanɲɛɛgɛ na wɛ. 19W`ee kaa l'a fɛnhɛ taan To Kilɛ mu, lee wuu na wu kaa ya dan w`ee bɛ ni. 20Wa bu jo na Kilɛ kaa ya dan wee ni, na ta wu ceboro makᴐŋᴐ di ɲɛ wu funŋᴐ ni, weefᴐᴐ ɲɛ kafinɛjo. Bani ma ceboro wemu mu ya ɲaa ɲiga bɛɛri ge, wee kaa bye li ya dan mu ni wɛ, Kilɛ wemu wu ɲɛ mu ya wee ɲaa_i ge, dii wee kaa di da j'a da dan ma ni wɛ? 21Yesu Kirisa yɛ pyaa bɛ yɛrɛ ya le ɲᴐmɛɛ le jo w`ee mu na sipyaa sipya w'a jo na Kilɛ kaa ya dan ma ni ge, ma cebooloo pu bɛ kaa ya yaa na dan ma ni.

1 Yohana 51Sipyaa sipya w'a d`a li na na Shᴐvᴐᴐ wu ɲɛ Yesu ge, weefᴐᴐ ɲɛ Kilɛ wo pya. Tofᴐᴐ kaa ba dan ma ni, wu nagoo bɛ kaa ya yaa na dan ma ni. 2To Kilɛ kaa ba dan w`ee ni, a w`u ganha na wu ɲᴐmɛɛjogoo ki bɛ coni, lee na w`ee da li cɛ na wu nagoo pu kaa ya dan w`ee ni. 3W`u bu jo na Kilɛ ya dan w`u ni, w'`a yaa na wu ɲᴐmɛhɛɛ ki coni. Wu ɲᴐmɛhɛɛ ki ya yaa ki pye w`u mu tuguro wɛ. 4Bani piimu bɛɛri pu ɲɛ Kilɛ wo nagoo pu ge, pee bɛɛri ya se ta ke koŋᴐ ke na. N'a daa wemu wu wa w`ee mu ge, wee w'a w`ee pye w`ee ya j'a na se taa ke koŋᴐ ke na. 5Sipyaa sipya w'a d`a li na na Kilɛ Ja wu ɲɛ Yesu ge, ni wee wa yɛ bɛ wɛ, jᴐgᴐ wu d'a j'a se ta ke koŋᴐ ke na wɛ? 6Yesu Kirisa ya pa koŋᴐ na lᴐhᴐ ni shishan baraga ni. Wu ya ta da lᴐhᴐ wo batizeli wu yɛ na_ɛ dɛ! Ga, w'a wu shishan bɛ kan p'a wo, na xhu. Kilɛ Munaa li wa lee wo sɛɛri, bani lee l'a can wu shɛɛ sipyii pu na. 7Lee funŋᴐ ni, sɛɛrɛɛ taanri wu ɲɛ w`a na li shɛɛ sipyii pu na na Kilɛ Ja wu ɲɛ Yesu. 8Pee sɛɛrɛɛ taanri wu ɲɛ: Kilɛ Munaa ya can wu shɛɛ; lᴐhᴐ ni shishan, yee bɛ di wu shɛɛ. Ayiwa, yee taanri we ya bɛ ɲᴐmɛɛ na Yesu shizhaa na. 9Sipyii ya yemu yu ge, w`ee ya sᴐᴐ yee na, na ta yemu Kilɛ ya yu ge, yee d'a ye na kanha sipyii wo nijoyo yi na. Kilɛ yɛ pyaa k'a fiin jo wu Ja wu shizhaa na. 10Sipya bɛɛri w'a d`a Kilɛ Ja wu na ge, weefᴐᴐ ya sᴐᴐ li na wu funŋᴐ ni na kii keree kii ɲɛ can. Sipya wemu ya d`a Kilɛ wo nijoyo yi na wɛ, weefᴐᴐ ya Kilɛ yaha ba kafinɛjo ɲɛ wɛ. Bani wufᴐᴐ ya ta d`a Kilɛ wo nijoyo yi na wu Ja wu shizhaa na wɛ. 11Yemu Kilɛ ya jo w`ee mu ge, yee yi wa mɛ na Kilɛ ya ɲ`ii sicuumᴐ nixhᴐbaama kan w`ee mu. Pee ɲ`ii sicuumᴐ pe ya daa wu Ja wu gbᴐᴐrᴐ ni. 12Ayiwa, wee Ja wu ɲɛ sipya wemu mu ge, ɲ`ii sicuumᴐ pu wa weefᴐᴐ mu. Kilɛ Ja wu ɲɛ wemu mu wɛ, ɲ`ii sicuumᴐ ɲɛ weefᴐᴐ mu bada wɛ. 13Ayiwa, yee piimu p'a d`a Kilɛ Ja wu na ge, nɛ we sɛmɛ we tun yi mu, kᴐnhᴐ y'i li cɛ na yee ya ɲ`ii sicuumᴐ nixhᴐbaama pu ta na xᴐ. 14Ayiwa, lowaa lemu wa w`ee mu Kilɛ ɲaha t`aan ge, lee li wa le: W`ee bu yaaga ka ɲɛɛri wu mu na saha ni wu ɲidaan ni, wu na w`ee ɲɛrɛgɛ ki logo. 15W`u bi ta w'`a li cɛ na w'a w`u ɲɛrɛgɛ nuri, w`ee ya li cɛ na yaaga bɛɛri w`ee ya ɲɛɛri wu mu ge, w`ee ya kee ta xᴐ. 16Jurumu wemu wu ɲɛ wu da j'a sipya munaa kyɛɛgi ɲiga na_ɛ ge, ma ceboro bu wee jurumu wa pye, Kilɛ ɲɛɛri wu mu kᴐnhᴐ Kilɛ di ɲ`ii sicuumᴐ kan wu mu. Piimu wo jurumu wu ɲɛ wu da j'a pu munahaa kyɛɛgi ɲiga na_ɛ ge, pee yɛ kaa di wa byi. Ga jurumu wa ɲɛ w`a wemu na j'a sipya munaa kyɛɛgi ɲiga na ge, di wa go yi Kilɛ ɲɛɛri wee wa wuu na wɛ. 17Tiibaara bɛɛri ti ɲɛ jurumu, can wu ɲɛ wii. Ga jurumu wa ɲɛ w`a wee wa da j'a sipya munaa kyɛɛgi ɲiga na wɛ. 18W`ee ya li cɛ na jo sipya bɛɛri wu ɲɛ Kilɛ wo pya wa ge, weefᴐᴐ ya goroo gbee jurumu na na byi wɛ. Bani Kilɛ Ja wu ma wufᴐᴐ mara, lee wuu na Shitaanni da j'a se ta wu na wɛ. 19W`ee ya li cɛ na jo w`ee ɲɛ Kilɛ wo nagoo, ga koŋᴐ ke sipyii di ɲɛ Shitaanni wo fanha ke nᴐhᴐ ni. 20Ga w`ee ya li cɛ bɛ na jo Kilɛ Ja w'a pa, na ba fungᴐngᴐ fɛɛrɛ kan w`ee mu, kᴐnhᴐ w`ee di see see Kilɛ wuyɛ pyaa tii cɛ. W`ee na ɲɛ Kilɛ Ja wu kariɲɛɛgɛ ki ni, lee ya w`ee pye see see Kilɛ wuyɛ pyaa wuu. Wee Ja we wu ɲɛ see see Kilɛ wuyɛ pyaa, ni ɲ`ii sicuumᴐ nixhᴐbaama. 21Ayiwa na nᴐhᴐpiire, y'a yiyɛ kasɛri yapɛrɛgaanra na.

http://www.bible.is/MYKWBT/1John/1/D

Nenhum comentário:

Postar um comentário