terça-feira, 29 de setembro de 2015

1 yuanna: Nuba Moro


1 yuanna 11ŋen iŋi ŋafo ananoŋ iŋi nanda ñagano na iŋi ñagǝseicu isiya, iŋi ñagwanwano na ñagapǝrro raŋra eŋen ŋǝđamǝṯia. 2đamǝṯia iđi đërrǝŋeiđǝnu na nanda ñagaseieu na ñagaɽo đamǝđaṯa na ñagǝndǝlwaɽǝṯia iđamǝṯia iđi đǝbǝɽǝbǝte iđi đafo đaṯaga na iđi đërrǝŋeinǝnde. 3nanda ñagǝndǝlwaɽǝṯia ŋen iŋi ñagaseieu na ñagano ṯa ñaŋ eum alɽǝbǝđr eŋen. đǝɽǝbǝđia iđi eŋen eđaiñ đafo đaṯaga na iđiaga gǝlëɽǝŋu yesu masiya. 4na nanda ñagǝwërđia ŋen iŋi ṯa đaŋǝra nano eđaiñ ađǝɽiñađeini. 5fǝŋen iŋi ñaganaṯǝma na ñagǝndǝlwaɽǝṯia, ṯa rǝmwa raɽ arrerre na ŋǝrǝmia ŋero iŋu kwai kwai. 6ndǝ lǝgǝbaṯar ṯa lǝgǝɽǝbǝđiar eŋen ŋuga orn ndǝ lǝgǝbǝrldar iŋǝrǝm, nëndr lǝgaɽr len na lǝgaber lǝgëbǝđiar ŋen ŋǝđeṯam. 7nđǝ lǝgǝbǝrldar egarrerre ŋen ŋarno gënǝŋu gafo egarrerre lǝgǝɽǝbǝđiar eŋen lđǝɽo, na ŋǝfǝni ŋǝyesu, iđia gǝlëɽǝŋu, ŋǝndǝtǝɽiar eŋen pređ ŋeieia. 8nđǝ lǝgǝbaṯar ṯa lǝgerr ŋen ŋeieia lǝgiđǝnr ŋađǝna bǝɽan na ŋen ŋǝđeṯam ŋero inëndr. 9ndǝ lǝgamiñr ŋen iŋëndr ŋeieia gënǝŋu gerṯo ŋen ŋuđǝrwaṯo nṯia giđ aŋǝndǝŋgǝđeier ŋen iŋënđr ŋeieia na giđ aŋǝndwasr eŋen pređ ŋǝɽiano. 10nđǝ lǝgǝbaṯar ṯa lǝgerr lǝgëbǝđiar ŋen ŋeicia lǝgamiđiar gaɽǝwen na ŋen ŋǝlëɽǝŋu ŋero ŋǝfia inëndr.

1 yuanna 21ya ñere ñǝlëɽǝñi, igǝndǝwërđǝṯia ŋen iŋi ṯa ñerṯe ñagëbǝđia ŋen ŋeieia, orn ndǝ eđa gëbǝđia ŋen ŋeieia lǝgerṯr eđa gǝnǝŋ igi gaɽo đamǝđaṯa gǝbekeɽǝđia đaṯa kaiñ eŋen iŋëndr. fǝŋu yesu masiya igi guđǝrwaṯo eŋen. 2gënǝŋu gaɽo đǝŋgeieia đǝŋen iŋënđr ŋeieia na gerṯa ŋen iŋënđr ŋeicia ikǝrǝŋ orn ŋen ŋeieia ŋǝleđa pređ lalo eum. 3lǝgaliŋeṯr đurri ṯa lǝgamaliŋeṯar ndǝ lǝgëbǝđiar ŋen ŋǝlëɽǝŋu. 4eđa gǝnǝŋ igi gǝbaṯa, igaliŋeṯǝma, orn gaber garǝmoṯwa ŋen ŋǝlëɽǝŋu gënǝŋu gaɽǝwen na ŋen ŋǝđeṯam ŋero iŋn kwai kwai. 5orn eđa igi ṯaŋǝrǝmoṯo ŋen ŋǝlëɽǝŋu, đeṯam đubwa đǝrǝmwa đǝbǝđǝni đǝɽiñǝđeinu iŋu. ndǝ ŋen iŋi ŋafo inëndr lǝgaliŋeṯr ṯa lǝgafr iŋu. 6ndǝ eđa gǝbaṯa ṯa gafo iŋu ŋen đeṯarn ṯa gënǝŋu ṯaŋiđu ŋen garno al masiya giđu. 7ya leđa lubwaniya, gerṯa ŋen ŋǝmaijǝn iŋi igǝndǝwërđǝṯia orn ŋen ŋananoŋ iŋi ñagano ananoŋ. ŋen ŋananoŋ fǝŋu ŋen ñagano nëiñua. 8orn fǝŋen ŋǝmaijǝn iŋi igǝnđǝwërđǝṯia, ŋen ŋanṯa ŋǝrǝmia ŋamǝnđëđǝni na arrerre gǝđeṯam gǝwađialo đǝge. al masiya giđu ŋen iŋi ṯa ŋaɽo đeṯam, na ŋaɽo đeṯam eŋen eŋalo. 9eđa igi gǝbaṯa ṯa gafo egarrerre orn ganeđo orǝba gënǝŋu gafo iŋǝrǝm mǝlđin. 10eđa igi gubwa orǝbaga gënǝŋu gafo egarrerre na wagero gǝnǝŋ gafo egarrerre gëbǝđia eđa gǝbëɽǝŋeini. 11orn eđa igi ganeđo orǝba gënǝŋu gafo iŋǝrǝm na gǝbǝrlđa iŋǝrǝm. na gaijǝba alo ŋen ŋanṯa ŋǝrǝm ŋiđǝma gǝrǝmiṯu. 12ñere, igǝndǝwërđǝṯia ŋen ŋanṯa ŋen eŋalo ŋeieia ŋǝŋgeinu đǝge ŋen ŋanṯa irǝŋ gal masiya. 13lṯenia, igǝndǝwërđǝṯia ŋen ŋanṯa ñagaliŋeṯǝma igi gafo ananoŋ bǝɽǝbǝte. lëđǝmwa, igǝndǝwërđǝṯia ŋen ŋanṯa ñagađamo eđa geieia. ñere, igǝwërđǝṯǝnde ŋen ŋanṯa ñagaliŋeṯo đaṯa. 14lṯenia, igǝwërđǝ-ṯǝnde ŋen ŋanṯa ñagaliŋeṯǝma igi gafo ananoŋ bǝɽǝbǝte. lëđǝmwa, igǝwërđǝṯǝnde ŋen ŋanṯa ñagwonḏǝṯo na ŋen ŋǝrǝmwa ŋafǝndau, na ñagađamo seṯan. 15ñerṯe ñagubwa aloya walla laŋgela ildi lalo. ndǝ eđa gǝnǝŋ gubwa ŋenŋa ŋalo gënǝŋu gero gubwa đaṯaga. 16ŋen ŋanṯa ŋen pređ iŋi ŋafo alo, đonaṯa đaŋǝno đǝŋen ŋeieia na đonaṯa đisi ṯa ywanwana ŋen ŋeicia, na đinia enare nǝleđa lerṯo laŋge lwaiña iđi đǝpiano, ŋen iŋi ŋero ŋeṯo đaṯa nano orn ŋeṯo alo. 17alo na ŋen ŋalo iŋi leđa lonaṯa kaiñ lamǝndëđǝm, orn eđa igi gëbǝđia ŋen rǝmwa ronaṯa gënǝŋu giđ aŋfeṯe bǝɽǝbǝte. 18ñere, liga lǝnḏurṯu leṯo đǝge na ŋen ŋarno ñagano ṯa eđa goɽra giđ aŋela gǝbernia gageo al masiya đeṯam leđa leṯo lwaiña đǝge ildi lageo al masiya. ŋen ŋafǝṯia lǝgaliŋeṯr ṯa liga lǝnḏurṯu leṯo đǝge. 19lënǝŋulu lamiñǝndrau orn gerṯa lǝldëndr. gǝbanṯa lënǝŋulu lǝldëndr ṯa lǝgaɽaŋarlda. lënǝŋulu lamiño ṯa ŋen aŋǝlǝŋini ṯa lënǝŋulu gerṯa lǝldëndr. 20orn ñaŋ pređ ñagëɽǝnu usila nano gatǝɽe, na ñaŋ pređ ñagerṯo đaliŋeṯa. 21igero igǝndǝwërđǝṯia ŋen ŋanṯa ñagaijǝba ŋen ŋǝđeṯam orn ŋen ŋanṯa ñagaliŋeṯo ŋen ŋǝđeṯam, na ŋen ŋanṯa ŋaɽǝwen ŋero iŋi ŋeṯo eŋen ŋǝđeṯam. 22esegi gaɽǝwen igi gabǝlaiea yesu ṯa gaɽo al masiya? feđa igi gageo al masiya igi gabǝlaiea đaṯa na iđia. 23eđa igi gabǝlaiea iđia gënǝŋu gaijǝba đaṯa. orn eđa igi gǝbërrǝŋaiđia ŋen ŋiđia gënǝŋu gerṯo đaṯa eum. 24ñaganǝñaŋ, ŋgiṯr ŋen iŋi ñagano ananoŋ aŋǝndaufeṯe. ndǝ ŋen iŋi ñagano ananoŋ aŋǝndaufeṯe ñaŋ cum ñagiđi ñafeṯe igiđia na iđaṯa. 25fǝŋen iŋi gëɽǝṯǝnde, đamǝṯia đǝbǝɽǝbǝte. 26igawërđǝṯǝnde ŋen iŋi eŋen ŋǝleđa ildei lonaṯa lǝndiđia ŋađǝna. 27orn ñaganǝñaŋ, usila gatǝɽe igi ñaganeinu gafǝndau, na gerṯa đeṯam ṯa eđa gǝndërrǝŋaicia ŋen. gënǝŋu gǝndërrǝ- ŋaicia ŋen pređ na gaɽo đeṯam, gerṯa gaɽǝwen, na ŋen ŋarno gërrǝŋaieǝnde, fafr igal masiya. 28na điñǝđi ñere, fafǝmarau ṯa lǝgëɽǝnr đǝñano ndǝ gënǝŋu giđ aŋǝmiñaṯe, na ṯa alerṯr lǝgirǝwarano, na ṯa alerṯr lǝgamaređiar nano ndǝ geṯo. 29ndǝ ñagaliŋeṯo ṯa gënǝŋu guđǝrwaṯo eŋen ñagaliŋeṯo ṯa leđa pređ ildi luđǝrwaṯo eŋen lǝlǝŋǝnu iŋu.

1 yuanna 31wei đeṯam, đubwa đǝđaṯa đoɽra kaiñ iđi gubwandriya ṯa lǝgënǝjǝnr ñere ñǝrǝmwa. na đeṯam lǝgaɽr ñere ñǝrǝmwa. leđa lalo lero lǝndaliŋeṯar ŋen ŋanṯa laijǝba al masiya. 2ya leđa lubwaniya, lǝgaɽr ñere ñǝrǝmwa điñǝđi, orn ŋen ŋamǝlu ŋǝlǝŋini ṯa lǝgiđr alɽeṯr ṯau. orn lǝgaliŋeṯr ṯa ndǝ gënǝŋu giđ aŋǝndǝmiñǝṯr lǝgiđr almarneṯr ŋen ŋanṯa lǝgiđr almaseier đurri. 3leđa pređ ildi laṯurṯia ŋen iŋi ŋafo iŋu lënǝŋulu lǝbǝđǝni ltǝɽe bǝɽan ŋen ŋarno gënǝŋu gatǝɽe. 4leđa pređ ildi lëbǝđia ŋen ŋeieia lënǝŋulu lagera ŋen ŋǝrǝmwa. ŋen ŋeicia ŋaɽo đagera ŋen. 5ñaŋ ñagaliŋeṯo ṯa al masiya gërrǝŋeiđǝnu ṯa aŋgeici ŋen iŋëndr ŋeieia, na ŋen ŋeicia ŋerǝmau kwai kwai. 6eđa igi gafia iŋu gaber gëbǝđia ŋen ŋeieia. orn eđa igi gëbǝđia ŋen ŋeieia gënǝŋu gero gamaseicia na gero gamaliŋeṯa. 7ñere, ñerṯe ñagaŋgiṯia eđa gǝnǝŋ ṯa gǝndiđia ŋađǝna. eđa igi gëbǝđia ŋen ŋuđǝrwaṯo gënǝŋu guđǝrwaṯo eŋen ŋen ŋarno rǝmwa ruđǝrwaṯo eŋen. 8eđa igi gëbǝđia ŋen ŋeieia gënǝŋu gǝseṯan ŋen ŋanṯa seṯan yiđu ŋen ŋeieia ananoŋ na mǝldin điñǝđi. iđia gǝrǝmwa gërrǝŋeiđǝnu eŋen iŋi ṯa aŋǝmǝndađe ŋǝmëɽria ŋǝseṯan. 9eđa igi gǝlǝŋǝnu irǝmwa gënǝŋu gaber gëbǝđia ŋen ŋeieia ŋen ŋanṯa ŋen ŋǝrǝmwa ŋafǝmau. gënǝŋu gaber gaɽǝwađaṯa gëbǝđia ŋen ŋeieia, ŋen ŋanṯa gǝlǝŋǝnu irǝmwa, 10ñere ñǝrǝmwa na ñere ñǝseṯan ñǝlǝŋinu ŋenŋa iŋi. eđa igi gaber gëbǝđia ŋen ŋuđǝrwaṯo gënǝŋu gerṯa gǝrǝmwa, na eđa igi gero gubwa orǝbaga gënǝŋu gerṯa gǝrǝmwa. 11fǝŋen iŋi ñagano ananoŋ ṯa ŋen đeṯam aliyubwiđr, 12gerṯa garno kaiyin igi gǝseṯan gaɽiño orǝba. gaɽiñama eđa? ŋen ŋanṯa ŋen ŋǝlëɽǝŋu ŋeieia na ŋen ŋorǝba ŋuđǝrwaṯo. 13lorldaiñ, ñerṯe ñagirǝwano ndǝ leđa lalo laneđǝnde. 14lǝgaliŋeṯr ṯa lǝgamiñr eŋǝɽaiñ orn lǝgënṯr iđamǝṯia ŋen ŋanṯa lǝgubwiđr. eđa igi gero đubwa gënǝŋu gafo eŋǝɽaiñ mǝldin. 15eđa igi ganeđo orǝba gënǝŋu gaɽiñǝđia, na ñagaliŋeṯo ṯa eđa gaɽiñǝđia gero gǝberṯa đamǝṯia đǝbǝɽǝbǝte đafǝmau. 16lǝgaliŋeṯr đubwa đurri ŋenŋa ŋal masiya, ṯa gënǝŋu ganaiđo đamǝṯia đǝlëɽǝŋu ŋen ŋanṯa nëndr. ŋen ŋaŋǝra eum ṯa lǝganaiđiar đamǝṯia iđëndr ŋen ŋanṯa lorǝba. 17eđa gǝnǝŋ igi gerṯo laŋge lalo na gǝseieia orǝba gaɽo ŋabaiyaŋǝno, orn ṯaŋerṯa gamamǝđaṯa, ŋen ŋanṯau đubwa đǝrǝmwa đafo egare gǝlëɽǝŋu? 18ya ñere ñǝlëɽǝñi, alerṯr lǝgubwar leđala olega walla đaŋǝlađa orn albwiṯr leđala ŋǝmëɽriaŋa na ŋenŋa ŋǝđeṯam. 19lǝgaliŋeṯar ŋenŋa iŋi ṯa lǝgǝđeṯamr na lǝgiđr alonḏeier nare inëndr ŋu nëiñua, 20eŋen pređ nare inëndr nǝndǝsǝkirau, ŋen ŋanṯa rǝmwa roɽra ramiñaṯo nare inëndr na rënǝŋu raliŋeṯo ŋen pređ. 21ya leđa lubwaniya, lǝgerṯr đëɽǝni đǝñano rǝmwa nëiñua ndǝ nare inëndr naber nǝndǝsǝkiar, 22na rënǝŋu rǝndǝnanaiciar laŋge pređ ndǝ lǝgabeɽǝđiar ŋen ŋanṯa lǝgarǝmoṯwar ŋen ŋǝlëɽǝŋu na lǝgëbǝđiar ŋen iŋi ŋëbǝđia raŋǝra nano. 23fǝŋen iŋi ŋǝrǝmwa ṯa alëndr ŋen irǝŋga giđia gǝlëɽǝŋu, yesu masiya, na ṯa aliyubwiđr ldǝɽo garno gënǝŋu gwalwaɽǝṯǝndr. 24eđa gǝnǝŋ igi garǝmoṯwa ŋen ŋǝlëɽǝŋu gënǝŋu gafo igal masiya na al masiya gafǝmau. na lǝgaliŋeṯr ṯa gënǝŋu gafǝndrau ŋenŋa ŋusila gatǝɽe igi gënǝŋu ganaicǝndr.

1 yuanna 41ya leđa lubwaniya, ñerṯe ñagabendia ŋen ŋǝnusila pređ orn irnḏeicr nusila ṯa ñaliŋeṯe ndǝ neṯo rǝmwa nano, ŋen ŋanṯa anbiya ywaiña eŋaɽǝwen yabakaldaiea alo. 2lǝŋeṯr usila gatǝɽe gǝrǝmwa ŋenŋa iŋi. nusila pređ ini naɽwata eŋen ŋǝyesu ṯa gënǝŋu gaɽ al masiya igi geṯo egaŋǝno, nënǝŋulu neṯo rǝmwa nano, 3orn nusila pređ ini nađama ŋen iŋi ŋǝyesu nënǝŋulu gerṯa nǝrǝmwa. ŋen iŋi ŋaɽo ŋǝmëɽria ŋeđa gageo al masiya. ñagano ṯa gënǝŋu giđ aŋela, na đeṯam gënǝŋu gafo alo điñǝđi. 4ñere, ñagǝrǝmwa na ñagađamo anbiya eŋaɽǝwen ŋen ŋanṯa igi gafǝnđau goɽra gamiñaṯa igi gafo alo. 5yënǝŋulu yalo nṯia ywaɽwata eŋen ŋalo na leđa lalo laldǝnaṯa. 6nëndr lǝgǝrǝmwar, na eđa igi galiŋeṯo rǝmwa gënǝŋu gandǝnaṯar. eđa igi gerṯa gǝrǝmwa gënǝŋu gaber ganđǝnaṯar. eŋen iŋi lǝgaliŋeṯr usila gǝđeṯam na usila gǝŋen ŋafo mǝnna. 7ya leđa lubwaniya, aliyubwiđr ŋen ŋanṯa đubwa đeṯo irǝmwa na leđa pređ ildi lubwiđiya lënǝŋulu lǝlǝŋǝnu irǝmwa na laliŋeṯo rǝmwa. 8eđa gǝnǝŋ igi gero đubwa gënǝŋu gero galiŋeṯa rǝmwa, ŋen ŋanṯa rǝmwa raɽo đubwa. 9đubwa đǝrǝmwa đërrǝŋeiđǝnu inënđr eŋen iŋi ṯa rǝmwa rađwaṯo iđia gǝlëɽǝŋu gunto alo ṯa nëndr alamǝṯr iŋu. 10fǝđubwa, gerṯa ṯa lǝgubwar rǝmwara, orn ṯa rënǝŋu rubwanđriya na rađwaṯo iđia gǝlëɽǝŋu ṯa aŋǝɽeṯe đǝpǝɽa eŋen iŋënđr ŋeieia. 11ya leđa lubwaniya, ndǝ rǝmwa rubwandriya ṯia ŋen ŋaŋǝra ṯa aliyubwiđr. 12eđa gero gǝnǝŋ gaseicu rǝmwa kwai kwai. ndǝ lǝgiyubwiđiar rǝmwa rafǝnđrau na đubwa đǝlëɽǝŋu điđǝnu đǝɽiñađeinu inënđr. 13lǝgaliŋeṯr ṯa lǝgafǝrau na rënǝŋu rafǝnđrau ŋen ŋanṯa rënǝŋu ranaicǝndr usila gatǝɽe gǝlëɽǝŋu. 14nanda ñagaseicu ŋen iŋi na ñagǝmama đamǝđaṯa ṯa đaṯa rǝmwa rađwaṯo iđia ṯa aŋǝɽeṯe đëbǝria đǝleđa lalo. 15eđa gǝnǝŋ igi gwaɽwata ṯa yesu gaɽ iđia gǝrǝmwa, rǝmwa rafǝmau na gënǝŋu gafo irǝmwa. 16nṯia lǝgaliŋeṯar đubwa na lǝgaŋǝđeinr đubwa iđi rǝmwa rëɽǝndr nano. rǝmwa raɽo đubwa na eđa gǝnǝŋ igi gafo iđubwiđia gënǝŋu gafo irǝmwa na rǝmwa rafǝmau. 17đubwa điđǝnu đǝɽiñǝđeinu inëndr ṯa alëɽǝnr đǝñano iloman ildi rǝmwa rauwakǝme alo, ŋen ŋanṯa garno yesu gafo alo nṯia nëndr cum lǝgafr alo. 18đubwa đero ŋǝđaiñano orn đubwa iđi đǝɽiñǝđeinu đamiñu ŋǝđaiña ŋen ŋanṯa ŋǝđaiña ŋerṯo đakǝmeano, na eđa gǝnǝŋ igi giđǝñalo gënǝŋu gero gǝbǝđǝni gǝɽiñǝđeinu iđubwa. 19lǝgiyubwiđiar ŋen ŋanṯa rǝmwa rubwandriya ananoŋ. 20ndǝ eđa gǝnǝŋ gǝbaṯa, igubwa rǝmwara, orn ganeđo orǝba gënǝŋu gaɽǝwen. ŋen ŋanṯa eđa igi gero gubwa orǝbaga igi gaseieǝma gënǝŋu gaber gaɽǝwađaṯa gubwa rǝmwara irri gero gaseieia. 21rënǝŋu rǝnaieǝndr ŋen iŋi ṯa, eđa igi gubwa rǝmwara ŋen đeṯam gënǝŋu gubwa orǝbaga eum.

1 yuanna 51leđa pređ ildi lëndu ŋen ṯa yesu gaɽ al masiya lënǝŋulu lǝlǝŋǝnu irǝmwa na leđa pređ ildi lubwa đaṯaga gǝnǝŋ lënǝŋulu lubwa iđiaga gǝlëɽǝŋu eum. 2lǝgaliŋeṯr ṯa lǝgubwar liđiala ɽrǝmwa ndǝ lǝgubwar rǝmwara na lǝgëbǝđiar ŋen ŋǝlëɽǝŋu. 3fǝđubwa rǝmwara ṯa lǝgarǝmoṯwar ŋen ŋǝlëɽǝŋu. na ŋen ŋǝlëɽǝŋu ŋero ŋǝndiniar nano, 4ŋen ŋanṯa leđa na laŋge pređ ildi lǝlǝŋǝnu irǝmwa lađama alo. ŋabǝɽa iŋi ŋađamo alo fǝŋu đonaṯa iđëndr. 5eđa igi gađamo alo gerṯa fǝŋu igi gëndu ŋen ṯa yesu gaɽ iđia gǝrǝmwa? 6iđia gǝrǝmwa fǝŋu igi geṯo gamiño eŋau na iŋǝfǝni, fǝyesu masiya. gënǝŋu gero geṯo ŋawaŋa ikǝrǝŋ orn geṯo ŋawaŋa na ŋǝfǝniŋa. fusila gatǝɽe igi gaɽo đamǝđaṯa ŋen ŋanṯa usila gatǝɽe gaɽo đeṯam. 7laŋge laɽo liɽijin ildi laɽo đamǝđaṯa, 8usila gatǝɽe na ŋawa na ŋǝfǝni na lënǝŋulu lerṯo ŋen ŋunto. 9ndǝ lǝgǝbaŋǝnṯiar đamǝđaṯa đǝleđa, đamǝđaṯa đǝrǝmwa đoɽra đamiñaṯa orǝba gǝleđa. fǝđamǝđaṯa đǝrǝmwa ṯa rënǝŋu ramamo đamǝđaṯa eŋen ŋiđia gǝlëɽǝŋu. 10eđa gǝnǝŋ igi gëndu ŋen ŋiđia gǝrǝmwa gënǝŋu gerṯo đamǝđaṯa egare. orn eđa igi gero gǝbendia ŋen ŋǝrǝmwa gënǝŋu giđu rǝmwa raɽǝwen, ŋen ŋanṯa gero gǝbendia đamǝđaṯa iđi rǝmwa ramamo eŋen ŋiđia gǝlëɽǝŋu. 11fǝđamǝđaṯa ṯa rǝmwa ranaieǝndr đamǝṯia đǝbǝɽǝbǝte, na đamǝṯia iđi đafo igiđia gǝlëɽǝŋu. 12eđa gǝnǝŋ igi gerṯo iđia gǝrǝmwa egare gënǝŋu gerṯo đamǝṯia iđi, orn eđa gǝnǝŋ igi gero gǝberṯia iđia gǝrǝmwa egare gënǝŋu gero gǝberṯia đamǝṯia iđi. 13igǝndǝwërđǝṯia ŋen iŋi ñaŋgi ñagëndu irǝŋ giđia gǝrǝmwa ṯa ñaliŋeṯe ñagerṯo đamǝṯia đǝbǝɽǝbǝte. 14fǝđëɽǝni đǝñano iđi lǝgerṯr iŋu ṯa nđǝ lǝgǝbeɽǝđiar waŋge gǝnǝŋ igi gafo eŋen ŋǝlëɽǝŋu rënǝŋu ranđǝnaṯar. 15na nđǝ lǝgaliŋeṯr ṯa rënǝŋu ranđǝnaṯar eŋen iŋi lǝgeɽǝđr lǝgaliŋeṯr ṯa rënǝŋu rǝndǝnaiciar laŋge ildi lǝgeɽǝđǝrldo. 16ndǝ eđa gǝnǝŋ gaseicia orǝba igi gënđu ŋen gëbǝđia ŋen ŋeicia iŋi ŋaber ŋǝmama ŋǝɽaiñ gënǝŋu giđ aŋeɽǝđe rǝmwa na rǝmwa riđ arǝnaice orǝba đamǝṯia. ŋen iŋi ŋafo ŋen ŋanṯa leđa ildi lero lëbǝđia ŋen ŋeieia iŋi ŋǝmama ŋǝɽaiñ. orn ŋen ŋëni ŋeieia iŋi ŋǝmama ŋǝɽaiñ. igero igwalwaɽa ṯa ŋen đeṯam gënǝŋu gǝbeɽǝđia rǝmwa eŋen iŋi. 17ŋen pređ iŋi ŋero ŋuđǝrwaṯa fǝŋen iŋi ŋeicia, na ŋen ŋëni ŋeicia iŋi ŋaber ŋamama ŋǝɽaiñ. 18lǝgaliŋeṯr ṯa eđa gero gǝnǝŋ igi gǝlǝŋǝnu irǝmwa ṯaŋiđu ŋen ŋeieia mǝlđin, orn yesu igi gǝlǝŋǝnu irǝmwa gamarǝmoṯwa na seṯan yaber yamënđia. 19lǝgaliŋeṯr ṯa lǝgǝrǝmwar na alo pređ yafo eŋabǝɽa ŋǝseṯan. 20lǝgaliŋeṯr ṯa iđia gǝrǝmwa geṯo đǝge na gënǝŋu ganaicǝnđe đaliŋeṯa ṯa alliŋeṯr rǝmwa rǝđeṯam. lǝgafǝmarau igi gǝđeṯam igi gaɽ iđia gǝlëɽǝŋu yesu masiya. fǝŋu rǝmwa irri rǝđeṯam na fǝđamǝṯia đǝbǝɽǝbǝte. 21ya ñere ñǝlëɽǝñi, rǝmojǝđr eŋen ṯa ñaneđe laŋge lǝpiano kwai kwai ildi leđa ldukwuđiñǝṯialo. 

 http://www.bible.is/MORBSS/1John/1

Nenhum comentário:

Postar um comentário