segunda-feira, 5 de outubro de 2015

1 Joon: Mwaghavul


1 Joon 11Mbii ɗi pugyet ni ɗin nshee, ɗi muu ki̶ling, ɗi muu naa shi yit funu mo, har mu naa ni hakyeng, ki̶ zak, muu tuwaas shi sar funu mo, muu sat a po nkaa Po seen. 2Seen ni j`i put agaak ki̶ muu naa ni, har mun a langting mu seen ni. Muu sat a ni nwun shiɓal, po nkaa seen, seen ɗiiso ngaa-ngaa, ɗi gyet ni ashak ki̶ puun, har ni j`i put mmun agaak. 3Mbii ɗi mu naa, ki̶ mbii ɗi mu ki̶ling, muu satpo nwun shiɓal a nkaa ni, mpeku wu ɗee ɗi a shaarshak, ki̶ shaar ashak funu ni ashak ki̶ Naan puun ki̶ Làa fi̶ri Daa Jesu Kristi. 4Mu ran mbii ɗiisi mo nwun a mpeku retnyit funu ni gam ɗi hakyeng. 5A po ɗi mu ki̶ling nin nshee pu wuri ɗi nɗiisi, ki̶ mu sat ni nwun zak nee, Naan wuri a peeɓang, ki̶ ba mee peenkoo ɗi ndi̶ghi̶n wuri kas koo diɓen. 6Katɗang mu sat nee, muu shaar ashak ki̶ wuri, ɗangɓe muu mwaan ndi̶ghi̶n peenkoo, ɓe mu ɗee a nyemɗung mo, ki̶ ba muu mwaan a ndi̶ghi̶n zeen ni kas. 7Amma katɗang muu mwaan a ndi̶ghi̶n peeɓang, kaaɗi wuri ndi̶ghi̶n peeɓang ni si, ɓe mun ki̶ shaar ashak ki̶ niyee funu mo, ɗangɓe toghom kì̵ Làa fi̶ri Jesu, ni vwang mun mɓut shikbish mo jir. 8Katɗang mu sat nee, ba mun ki̶ shikbish kas, ɓe muu num a káa funu, ki̶ ba zeen ni ndi̶ghi̶n mun kas. 9Katɗang mu woo shikbish funu mon nNaan, ɓe Naan wurii ɗar nkaa mbii ɗi wuri kì̵ ten sat, ki̶ wurii c`in mbii ndi̶re, wurin nfwo shikbish funu mo jir, ki̶ wurin nvwang mun ndi̶ghi̶n mbii ɗiibish mo jir. 10Katɗang mu sat nee, ba mun kì̵ cín shikbish kas, ɓe mu le Naan wuri ɗee a nguɗung, ɓe ba po fi̶ri ni ndi̶ghi̶n mun kas zak. 

 1 Joon 2
1Jep fi̶na ɗiiɗween mo, wan ki̶n ran mbii ɗiisi mo nwun, a mpeku taji wu c`in shikbish kas, amma katɗang mee ngo c`in shikbish, ɓe mun ki̶ Nguɓam ɗi wurin nkatpo mpee mun pe Naan puun ɗi. Ngukatpo ɗiisi a Jesu Kristi ngo ɗin ndi̶re. 2A mpeeɗi Jesu Kristi wuri cín káa fi̶ri, ɗangɓe Naan fwo shikbish funu mo mmun. Ba a shikbish munu ɓejee kas, amma shikbish mu yil ni jir. 3Katɗang mu tap ki̶ waar kì̵ Naan mo, ɓe mu man Naan azeen. 4Ngo ɗi wuri sat ne, wuɗi man Naan, amma katɗang ba gwar mi̶ni tap ki̶ waar kì̵ Naan kas, ɓe gwar mi̶ni a nguɗung, ki̶ zak, ba zeen ni ndi̶ghi̶n gwar mi̶ni kas. 5Amma ngo ɗi wuri tap ki̶ po kì̵ Naan, ɓe a gwar mi̶ni gam ki̶ wal kì̵ Naan hakyeng. 6Koo a weye ɗi wuri sat nee, wuɗii tong a ndi̶ghi̶n Jesu, ɓe ni a ting ku gwar mi̶ni mwaan ndi̶ghi̶n shiimwaan kì̵ Jesu Kristi. 7Shaar fi̶na mo, waar ɗi wan nkaa ran ni nwun si, ba ni a ɗiipoo kas, ni a ɗiisi̶ghi̶r, ɗi wun ki̶ ni pugyet ɗin nshee. Waar ɗiisi̶ghi̶r ni a mbii ɗi wuu ten wu ki̶ling. 8Jir ki̶si, wan a nkaa ran waar ɗiipoo wun, mbii ɗi ni azeen ndi̶ghi̶n seen kì̵ Kristi, ki̶ ndi̶ghi̶n wun zak, mpeeɗi peenkoo ni nkaa ɗel so, peeɓang ɗi ni azeen-nzeen ni nkaa ɓangpee. 9Ngo ɗi wuri sat nee, wuɗi a ndi̶ghi̶n peeɓang ni, amma katɗang wurii kwar ɗyemni̶ghi̶n fi̶ri, ɓe gwar mi̶ni ɗi a ndi̶ghi̶n peenkoo har yaksi. 10Gwar ɗi wuri wal ɗyemni̶ghi̶n fi̶ri, ɓe gwar mi̶ni a ndi̶ghi̶n peeɓang. Ba mee mbii ɗi ndi̶ghi̶n gwar mi̶ni ɗi nin nle canshii nwuri kas. 11Amma ngo ɗi wuri kwar ɗyemni̶ghi̶n fi̶ri, ɓe gwar mi̶ni a ndi̶ghi̶n peenkoo, ki̶ gwar mi̶ni ki̶ mwaan a ndi̶ghi̶n peenkoo zak, ki̶ zak, ba wuri man peeɗi wurii so ɗi kas, mpeeɗi peenkoo ni kì̵ vum yit fi̶ri ni mo. 12Wan ran nwun, jep ɗiiɗween mo, mpeeɗi Naan wuri kì̵ fwo shikbish fuu mo nwun mpee sum kì̵ Jesu Kristi. 13Wan nkaa ran ni nwuwun puun mo, mpeeɗi wu man wuri, ɗi wuri ɗi pugyet ɗin nshee kì̵ yil ni. Wan nkaa ran nwun jepzi̶lang mo, mpeeɗi wun wuu se koghorong nkaa ngo ɗiibish ni. Wan nkaa ran ni wun njep mo, mpeeɗi wuu man puun ni. 14Wan ran nwun puun mo, mpeeɗi wu man wuri, ɗi wuri ɗi pugyet ɗin nshee kì̵ yil ni. Wan ran nwun jepzi̶lang mo, mpeeɗi wun a ɗiiɓal, ki̶ mpeeɗi po kì̵ Naan ni ndi̶ghi̶n putughup fuu mo, ki̶ wuu se koghorong nkaa ngo ɗiibish ni. 15Taji wu wal nyil ni kas, koo a mbii ɗi mo a mu yil ni. Katɗang mee gurum wal nyil ni, ɓe ba wal kì̵ Naan ni ndi̶ghi̶n gwar mi̶ni kas. 16Mpeeɗi mbii ɗi mo a mu nan jir ndi̶ghi̶n yil ni, kaa kyaghar mu yit, ki̶ roghop mu seen ɗiiyaksi, ba mo a mu Naan puun kas, amma mo jir mo a mu yil ɗiisi. 17Yil ɗiisi ni, ki̶ mbii ɗi gurum moo kyaghar ndi̶ghi̶n ni jir, ni nkaa ɗel so sí, amma jir ngo ɗi wuri c`in ɗyen kì̵ Naan, ɓe a gwar mi̶nin nkat seen ɗiiso ngaa-ngaa. 18Jep fi̶na mo, pee ni kus ki̶ kyes kì̵ yil ni, kaaɗi wuu ki̶ling nee, ngo ɗi wuri kwar Kristi wurii j`i, koo ni a yaksi, ɓe nyem ɗi mo kwar Kristi mo kì̵ ten j`i. Mpeemi̶ni ɓe mu man nee, kyes kì̵ yil ni kus. 19Mon nyaghal pwat a ndi̶ghi̶n mun, mpeeɗi ba jí tong ashak furu ki̶ mun ni azeen-nzeen kas. Mpeeɗi katɗang ɗi jí mo a ndi̶ghi̶n mun azeen-nzeen, ɓe ɗi mon nsat a nsekiyeen ndi̶ghi̶n tong ashak ki̶ mun vit ɗak. Amma mo pwat so, a mpeku gurum mo naa ɗi agaak nee, ba jí mo a munu kas. 20Amma wuwun, ɓe Kristi wuri kì̵ ten ɗoo Riin fi̶ri Ɗiiɓang nkaa wun, mpeemi̶ni ɓe wun, wu man mbii ɗi mo azeen jir. 21Wan ki̶n ran nwun, ba nee, wu nook a man zeen ni kas, amma a mpeeɗi wu man zeen ni. Wu man zak nee, ba mee ɗung kì̵ kyam put ndi̶ghi̶n zeen kas. 22A we a nguɗung ye? Nguɗung ni a, jir ngo ɗi wuri cíipo nee, ba Jesu wuri a Kristi ɗi Naan lop kas. Ngo mi̶ni a shaarlek kì̵ Jesu, ki̶ a ngo mi̶ni kwar, ki̶ cíipo kì̵ Naan puun ki̶ Làa fi̶ri Jesu. 23Jir ngo ɗi wuri kwar Làa ni, ɓe ba gwar mi̶ni wuri ki̶ Naan puun ndi̶ghi̶n putughup fi̶ri kas. Jir ngo ɗi wuri lap Làa ni, ɓe gwar mi̶ni kì̵ lap Naan puun ndi̶ghi̶n putughup fi̶ri mi̶ni zak. 24Wu yit ku mbii ɗi gyet wu ki̶ling nin nshee, ni tong ndi̶ghi̶n wun. Katɗang mbii ɗi gyet wu ki̶ling nin nshee, ni tong ndi̶ghi̶n wun, ɓe wun wu tong ndi̶ghi̶n Jesu ki̶ ndi̶ghi̶n Naan puun fi̶ri zak. 25Naan wuri c`in seen ɗiiso ngaa-ngaa mmun, a ni a mbii ɗi Jesu wuri kì̵ ten sat nee, wuɗin ncín mmun. 26Wan ki̶n ran ɗiisi nwun, a nkaa nyem ɗi moo riɓet num wun. 27Amma mpeeɗi Kristi wuri kì̵ ten ɗoo Riin Ɗiiɓang nkaa wun, ki̶ zak, katɗang Riin fi̶ri ni tong ndi̶ghi̶n wun, ɓe ba ni ki̶ mee koghop ni ku mee ngo kám mee mbii nwun kas. Mpeeɗi Riin fi̶ri ni kì̵ kám mbii mo nwun jir, ki̶ zak, mbii ɗi Riin ni kám nwun, ɓe ni azeen-nzeen, ba a ɗung kas. Wu mwaan ndi̶ghi̶n kám kì̵ Riin ni, ki̶ wu tong ndi̶ghi̶n Kristi zak. 28Yaksi jep fi̶na mo, wu tong ndi̶ghi̶n wuri, mpeku parpuus ɗi wurin nj`i put ɗi agaak, ɓe taji mee yitluwaan koo ki̶i̶rmuut yaa mun parpuus ɗi wurin mbaaj`i kas. 29Katɗang wu man nee, Kristi wuri a ngo ɗin ndi̶re, ɓe wu man azeen-nzeen nee, jir ngo ɗi wuri c`in mbii ɗiiret, ɓe gwar mi̶ni a làa kì̵ Naan.


1 Joon 31Kai! wu naa wal ɗi Naan puun funu wuri wal mmun, har wuri pet mun a jep kì̵ Naan mo. Azeen mun a jep kì̵ Naan mo. Mbii ɗi ni le, ɗangɓe ba yil ni man mun kas, a mpeeɗi ba yil ni kì̵ man Naan kas. 2Mun a jep kì̵ Naan mo yaksi. Ba mo kì̵ kám mmun yaksi, kaaɗi mun nyaghal mu ɗen ɗi si kas aku. Amma mu man nee, katɗang Kristi wurin mbaaj`i, ɓe mun nɗee a kaa wuri si, mpeeɗi parpuus mi̶ni, ɓe mun nnaa wuri ndi̶ghi̶n shin fi̶ri ki̶nɗing. 3Jir ngo ɗi leyit nkaa Kristi, ɓe ni a ting gwar mi̶ni ɗee a ɗiiɓang kaaɗi Kristi wuri a ɗiiɓang si. 4Jir ngo ɗi wuri c`in shikbish, ɓe gwar mi̶ni tep a Waar kì̵ Naan. Shikbish ni a tep Waar kì̵ Naan. 5Wu man nee, gyet Kristi wuri sham ndi̶ghi̶n yil ɗiisi, a mpeku wuri mang shikbish funu mo ɗi. Ba mee shikbish ndi̶ghi̶n wuri kas, koo diɓen. 6Jir ngo ɗi wuri tong ndi̶ghi̶n Kristi, ɓe ba wurin nki̶i̶ sat a nc`in shikbish kas. Ngo ɗi wurii sat a nc`in shikbish ɗak, ɓe ba gwar mi̶ni ki̶ kyam naa Kristi, koo man wuri kas. 7Jep fi̶na ɗiiɗween mo, taji wu le ku mee gurum num wun kas. Ngo ɗi wuri c`in mbii ɗiiret, ɓe gwar mi̶ni a ɗin ndi̶re, kaaɗi Kristi wuri a ngo ɗin ndi̶re si. 8Ngo ɗi wuri c`in shikbish, ɓe gwar mi̶ni a mu Shetan, mpeeɗi gyet Shetan wuri c`in shikbish, pugyet ɗin nshee har yaksi. Mbii ɗi ni le ɗang gyet Làa kì̵ Naan wuri j`i ndi̶ghi̶n yil ɗiisi, a mpeku wuri tu ɗak kì̵ Shetan mo ɗi jir. 9Ba mee ngo ɗi wuri a mu Naan, wurin mmak tong ndi̶ghi̶n shikbish vit kas, mpeeɗi wuri a mu Naan. 10Ni aasi zak, mu man nyem ɗi mo a jep kì̵ Naan mo agaak, ki̶ nyem ɗi mo a jep kì̵ Shetan mo zak. Jir ngo ɗi wuri c`in mbii ɗiibish, ɓe ba gwar mi̶ni a ngo kì̵ Naan kas, ki̶ zak, ngo ɗi wuri kwar ɗyemni̶ghi̶n fi̶ri, ɓe ba gwar mi̶ni a ngo kì̵ Naan kas. 11Po ɗi wu ki̶ling nshee ni nɗiisi, ne mu walnshak. 12Taji mu ɗee kaa Kein si kas, mpeeɗi gyet wuri a mu Shetan, har wuri tu ɗyemni̶ghi̶n fi̶ri. Gyet a me le ɗangɓe wuri tu ɗyemni̶ghi̶n fi̶ri ye? Mpeeɗi gyet pan fi̶ri ni mo a ɗiibish, amma gyet mu ɗyemni̶ghi̶n fi̶ri mo a ɗiiret. 13Taji ni ɗee nwun a mbii aapo kas ɗyemnaa mo, katɗang yil ɗiisi ni kwar wun. 14Mu man nee, muu yaghal mu yit peemúut, ku mo ɗel ɗi ndi̶ghi̶n seen ɗiiso ngaa-ngaa, mpeeɗi mu wal nɗyemni̶ghi̶n funu mo. Ngo ɗi ba wuri wal ngurum mo kas, ɓe wurii tong ɗi a ndi̶ghi̶n peemúut. 15A ngo ɗi wuri kwar ɗyemni̶ghi̶n fi̶ri, ɓe ngo mi̶ni a ngutukáa, ki̶ wu man nee, ba seen ɗiiso ngaa-ngaa nin ntong ndi̶ghi̶n nyemtukáa mo kas. 16Mu man wal ni aasi si, Jesu wuri cín seen fi̶ri mpee mun. Ni ret ku mu ɗak sun, mpeku mu cín seen funu ɗi mpee ɗyemni̶ghi̶n funu mo. 17Amma katɗang mee gwar ki̶ long mu yil ɗiisi, ɗangɓe gwar mi̶ni naa mee ɗyemni̶ghi̶n mɓut njeel, amma wuri kwar ɓam ngujeel ni. Ɓe c`in arang ɗang mun nsat nee, wal kì̵ Naan ki̶ tong ndi̶ghi̶n putughup kì̵ ngulong mi̶ni ye? 18Jep fi̶na ɗiiɗween mo, taji wu walnshak a shi mi̶shpoo kas, amma mu walnshak ndi̶ghi̶n ɗak ɗiiret mo, ki̶ ndi̶ghi̶n zeen zak. 19A ndi̶ghi̶n ar ɗiisi, ɗangɓe mu man nee, mun a mu zeen ni. Ni aasi, ɓe mun nɗar ntoghom kì̵ Naan, ba a shi yitluwaan kas. 20Katɗang putughup funu mo tokɗiyeel ɗiibish mun, ɓe mu man nee, Naan wuri ɗes met mputughup funu mo, ki̶ wuri man mbii mo jir. 21Wun ɗi wan wal nwun, katɗang ba putughup funu mo tokɗiyeel ɗiibish mmun kas, ɓe mun mmak ɗar pe Naan ɗi, nɗin naashoop. 22Ki̶ zak, koo meye ɗi mu ɗang pu Naan, ɓe wurin ncín mmun, a mpeeɗi muu kiyeer Waar fi̶ri mo, ki̶ mu c`in mbii ɗi mo ret wurin nyit zak. 23Mbii ɗi Naan wuri sat ne, mu c`in ni nɗiisi, nee; ni a ting ku mu cínzeen ndi̶ghi̶n sum kì̵ Làa fi̶ri Jesu Kristi, ki̶ zak, nee mu walnshak ntiit-ntiit ki̶ mbii ɗi wuri sat ne mu c`in mo. 24Jir nyem ɗi moo tap ki̶ Waar kì̵ Naan, ɓe moo tong a ndi̶ghi̶n wuri, ki̶ wuri ndi̶ghi̶n mo zak. Mpee Riin Ɗiiɓang ɗi Naan wuri cín mmun, ɓe yaksi mu man nee, Naan wurii tong ndi̶ghi̶n putughup funu mo.

1 Joon 41Wun ɗi wan wal nwun, taji wu cínzeen koo a riin ɗiiɗang ye kas, amma wu kyam riin ni mo, ku wu man ɗi nee, kyet mo a mu Naan wa? Koo mo a mu Shetan ye? Mpeeɗi nyemsatpo kì̵ Naan mu ɗung mo ɗi, koo pee ɗiiɗang ye. 2Wun mman Riin ɗi ni a mu Naan ndi̶ghi̶n ar ɗiisi, koo a riin ɗiiɗang ye ɗi ni sat nee. Gyet Jesu Kristi wuri j`i ndi̶ghi̶n yil ɗiisi a ndi̶ghi̶n nan, ɓe riin mi̶ni a Riin kì̵ Naan. 3Amma koo riin ɗiiɗang ye, ɗi ni cíipo nee, ba gyet Jesu Kristi wuri j`i ndi̶ghi̶n yil ɗiisi ni a ndi̶ghi̶n nan kas, ɓe ba riin mi̶ni a mu Naan kas. Riin mi̶ni a riin ɗi nii kwar Kristi; ɗi jí wu ki̶ling ne, nin nɗung j`i. Amma yaksi ni kì̵ ten j`i wul ndi̶ghi̶n yil ni jee. 4Jep fi̶na ɗiiɗween mo, wun a mu Naan, wun kì̵ se koghorong nkaa riin ɗi mo kwar Jesu Kristi, mpeeɗi Riin kì̵ Naan ɗi ni ndi̶ghi̶n wun, ni ɓal met nriin ɗi mo kwar Jesu Kristi, ɗi mo ɗi ndi̶ghi̶n yil ni. 5Mo a mu yil ɗiisi, mpeemi̶ni, ɓe mbii ɗi moo sat jir, ni a mu yil ɗiisi, ki̶ yil ɗiisi nii ki̶ling mo. 6Amma wuwun, a mu Naan, koo a weye ɗi wuri man Naan, ɓe wurii lekom mpee ki̶ling mun. Ngo ɗi ba wuri man Naan kas, ɓe ba wurin nlekom mpee ki̶ling mun kas. A shi ɗiisi, ɗangɓe mu man riin ɗi ni azeen ki̶ riin ɗi ni a mu ɗung. 7Wun ɗi wan wal nwun, wu yit ku mu walnshak, mpeeɗi wal ni put a pe Naan ɗi. Koo weye ɗi wuri wal ngurum mo, ɓe wuri a ngo kì̵ Naan, ki̶ wuri man Naan zak. 8Ngo ɗi ba wuri wal ngurum mo kas, ɓe ba ngo mi̶ni man Naan kas, mpeeɗi Naan wuri a wal. 9Naan wuri kám wal fi̶ri ni mmun, a ndi̶ghi̶n ar ɗiisi. Wuri lop Làa fi̶ri ɗiimi̶ndong sham ndi̶ghi̶n yil ɗiisi, mpeku mu kat seen ɗi ndi̶ghi̶n sum fi̶ri. 10A wal ni nɗiisi nee, ba a mun shee wal nNaan kas, amma a Naan wuri shee wal mmun, har wuri lop Làa fi̶ri sham ndi̶ghi̶n yil ɗiisi, mpeku wuri ɗee ɗi a ar ɗi Naan nfwo shikbish funu mo ɗi mmun. 11Wun ɗi wan wal nwun, katɗang Naan wuri fes wal mmun aasi, ɓe ni ret ku mu walnshak aasi zak. 12Ba mee gurum kì̵ kyam naa Naan kas, amma katɗang mu walnshak, ɓe Naan ki̶ tong ndi̶ghi̶n mun, ki̶ wal fi̶ri ni ɗee a ɗin ndi̶re ndi̶ghi̶n mun zak. 13Mpeeɗi Naan wuri kì̵ cín Riin fi̶ri mmun, ɓe yaksi mu man nee, muu tong a ndi̶ghi̶n wuri zak. 14Ki̶ zak, muu ten mu naa, ki̶ mu c`in langting ni nee, puun wuri kì̵ ten lop Làa fi̶ri sham, ku wuri ɗee ɗi a Nguɓam mu yil ɗiisi. 15Koo a weye ɗi wuri wangpo ku wuri sat ɗi nee, Jesu a Làa kì̵ Naan, ɓe Naan ndi̶ghi̶n ngo mi̶ni, ki̶ ngo mi̶ni ndi̶ghi̶n Naan zak. 16Mun shikáa funu mu man, ki̶ mu cínzeen nwal ɗi Naan wuri ki̶ ni mpee mun. Naan wuri a wal, koo a weye ɗi wurii mwaan a ndi̶ghi̶n wal fi̶ri shidaar-shidaar, ɓe gwar mi̶nii tong a ndi̶ghi̶n Naan, ki̶ Naan ki̶ tong ndi̶ghi̶n putughup kì̵ gwar mi̶ni zak. 17Wal ni ɗee ndi̶ghi̶n mun, a mpeku taji mu kat naashoop parpuus tokɗiyeel ni kas, mpeeɗi muu mwaan a ndi̶ghi̶n shiimwaan kì̵ Daa Jesu ndi̶ghi̶n yil ɗiisi. 18Ba mee ki̶i̶rmuut ɗi ndi̶ghi̶n wal kas. Wal ɗi ni azeen, nii ceen ki̶i̶rmuut jir. Ki̶i̶rmuut ki̶ j`i, a mpee kwat ɗiibish, mpee mbii ɗiibish ɗi gurum kì̵ c`in. Ngo ɗi wuri ki̶i̶rmuut, ɓe ba wal ni ɗar ndi̶re-ndi̶re ndi̶ghi̶n wuri kas. 19Muu wal Naan, a mpeeɗi Naan wuri shee wal mmun. 20Katɗang mee gurum sat nee, wuɗi wal nNaan, amma wurii kwar ɗyemni̶ghi̶n fi̶ri, ɓe gwar mi̶ni a nguɗung. Mpeeɗi katɗang ba gurum wal nɗyemni̶ghi̶n fi̶ri, ɗi wurii naa shi yit shidaar-shidaar kas, ɓe ba gwar mi̶ni mmak wal nNaan, ɗi ba wuri kì̵ kyam naa wuri kas. 21A Waar ɗi mu lap pe Naan ɗi nɗiisi, nee gwar ɗi wuri wal nNaan, ɓe ni a ting ku gwar mi̶ni wal nɗyemni̶ghi̶n fi̶ri zak.
 
1 Joon 51Koo ngo ɗiiɗang ye ɗi wuri cínzeen nee, Jesu wuri a Kristi ɗi Naan lop, ɓe ngo mi̶ni a gwar kì̵ Naan, ki̶ koo ngo ɗiiɗang ye ɗi wuri wal mpuun, ɓe ngo mi̶ni wal nLàa ni zak. 2Katɗang mu wal nNaan ki̶ mu tap waar fi̶ri mo, ɓe mu man nee, muu wal nyem kì̵ Naan mo zak. 3A wal funu ni pe Naan nɗiisi, mu tap ki̶ waar fi̶ri mo. Ba waar kì̵ Naan ni mo met mmun mɓal kas, 4mpeeɗi koo a ngo kì̵ Naan ɗiiɗang ye, wurii mak se koghorong nkaa yil ɗiisi ni. Muu se koghorong nkaa yil ɗiisi ni, a mpeeɗi mu cínzeen nNaan. 5A we mak se koghorong nkaa yil ni ye? See a ngo ɗi wuri cínzeen nee, Jesu wuri a Làa kì̵ Naan. 6Jesu Kristi wuri a ngo ɗi gyet wuri j`i, ɓe mo c`in baptisma wuri shi am, ki̶ gyet wuri ɓeer toghom fi̶ri, kaaɗi gyet mo pwas wuri nkaa shiyeepyoghom si. Ba gyet mo c`in baptisma wuri a shi am ɓejee ɗak kas. Amma gyet wuri ɓeer toghom fi̶ri, 7ki̶ Riin Ɗiiɓang wuri a langting kì̵ mi̶ni, ki̶ zak, Riin Ɗiiɓang wuri azeen. 8Langting mo ɗi kun, Riin, ki̶ am, ki̶ toghom mo jir kun mo c`in langting a nkaa mbii ɗiimi̶ndong. 9Muu lap langting ɗi gurum mo sat, amma langting kì̵ Naan ni nɗiisi. Naan wuri c`in langting nee, "Jesu Kristi wuri a Làa fi̶ri" 10Mpeemi̶ni; koo a weye ɗi wuri cínzeen nLàa kì̵ Naan, ɓe gwar mi̶ni ki̶ langting kì̵ Naan ndi̶ghi̶n putughup fi̶ri. Amma ngo ɗi ba wuri cínzeen nNaan kas, ɓe gwar mi̶ni le Naan a nguɗung, mpeeɗi ba gwar mi̶ni ncínzeen ndi̶ghi̶n langting ɗi Naan c`in nkaa Làa fi̶ri kas. 11A langting ni nɗiisi, nee, Naan wuri cín seen ɗiiso ngaa-ngaa mmun, seen ɗiisi ni a ndi̶ghi̶n Làa fi̶ri. 12Ngo ɗi wuri ki̶ Làa kì̵ Naan, ɓe ngo mi̶ni ki̶ seen, amma ngo ɗi ba wuri ki̶ Làa kì̵ Naan kas, ɓe ba ngo mi̶ni ki̶ seen kas. 13Wan ran po ɗiisi mo nwun, a mpeku wu man ɗi nee, wun ɗi wu cínzeen nLàa kì̵ Naan, ɓe wu kat seen ɗiiso ngaa-ngaa. 14Ba mun ki̶ mee naashoop ntoghom kì̵ Naan kas, mpeeɗi mu cínzeen nee, wurii ki̶ling mun, katɗang mu ɗang mee mbii pu wuri, ɗi nin ntiit-ntiit ki̶ ɗyen fi̶ri. 15Katɗang mu man nee, wurii ki̶ling mun, ndi̶ghi̶n koo meye ɗi mu ɗang pu wuri, ɓe mu man nee, wuri kì̵ ten c`in mun mbii ɗi mu ɗang pu wuri ni. 16Katɗang mee ngo naa mee ɗyemni̶ghi̶n nkaa c`in mee shikbish ɗi ba nin nso ki̶ wuri a peemúut kas, ɓe gwar mi̶ni c`in aduwa nNaan, mpeku Naan cín seen ɗi ngo ɗi wuri kì̵ ten c`in shikbish ni. Muu sat ɗiisi ni a mpee shikbish ɗi ba ni wul ki̶ mo a peemúut kas. Mee shikbish ni ɗi, ɗi nin nso ki̶ gurum a peemúut, ba wan ki̶n sat nee, ɗi mee gurum nc`in aduwa a mpee mi̶ni kas. 17Ɗak ɗiibish mo jir a shikbish, amma mee shikbish ɗi, ɗi ba ni mak so ki̶ gurum a peemúut kas. 18Mu man nee, ngo ɗi wuri a gwar kì̵ Naan, ba wurin nsat a nc`in shikbish vit kas. Mpeeɗi Jesu Làa kì̵ Naan wurii tap fwang ngo mi̶ni, ki̶ ba Shetan mak cínjeel wuri kas. 19Mu man nee, mun a mu Naan, koo ɗi yil ɗiisi ni a nder kì̵ Shetan. 20Mu man nee, Làa kì̵ Naan wuri kì̵ ten j`i, ki̶ wuri jí cín man mmun zak, mpeku mu man Naan ɗi wuri azeen ɗi. Mun a ndi̶ghi̶n wuri, ɗi wuri azeen, ndi̶ghi̶n Làa fi̶ri Jesu Kristi. A wuri a Naan ɗi azeen, ki̶ seen ɗiiso ngaa-ngaa. 21Jep ɗiiɗween mo, taji wu ɓàlkáa fuu mo ashak ki̶ k`um kas.

  http://www.bible.is/SURIBS/1John/1/D

Nenhum comentário:

Postar um comentário