quarta-feira, 9 de março de 2016

1 JON: TINPUTZ


1 JON 11Emöm to vatvus vamaaka rakah em pa Soe vëh, to teß me non o toßtoß, a Soe pamëh to teß moaan rakah voh e non. Ka Soe pamëh to teß maaka rakah voh e non. Emöm to tënan voh em peß, ko ep em peß, pamöm pök em peß pa ma korenmöm. Pamöm kiun ke nös peöm pa soe va pa Soe pamëh. 2Ka teß vaßih to heßheß a rora sih o toßtoß tamoaan to tavus vateeraß en, kemöm ep voh em peß pa ma matanmöm, pamöm vavatvus nem sih a soe va peß. Emöm to soe vamaaka rakah kem peöm po Toßtoß Tamoaan pamëh. Moaan voh no Toßtoß pamëh to teß vaßpeh me voh e non pe Tamaara, ka kuru vaßih, neß to tavus vateeraß rakah en, kemöm ep em peß. 3Emöm to soe tavus rakah kem peöm pataeah nemöm to ep in pamöm pënton. Suk ataeah, emöm to iu me nem a ö ne eöm se vapöh kokoman me a möm, ka vapöh kokoman me e Tamaara, ke Sunaißeah Ieesuß Kristo. 4Emöm to kiun ka nös neöm o kiun vaßih, pan eöm se ep paröm vaeö vaßpeh me a möm. 5Ke eß ivaßih, a soe nemöm to pënton voh, ne Ieesuß Kristo to vavatvus voh non, nemöm to vatvus pet ka no nös neöm. E Sosoenën koman, eß o maaka, ka manih peß no a hikta pah ö popoen to teß non. 6Ivëh, ka se keh soe ee pan, ea to vapöh kokoman me no pe Sosoenën, ivëhkëk, ea to teß avoeß e no pa nok a ma taateß va pa popoen, ea to pikpiuk e no, para hikta vavatet no a taateß man. 7Ivëhkëk, ea se keh teß no po maaka vamanih pa ö ne Sosoenën to teß va non, ea to onöt e no pa vapöh kokoman me ro upöm teß. Ko eraß pe Koaß pe Sosoenën vëh e Ieesuß Kristo se pupui vahik en pa ma hat pea. 8Ea se keh soe pan, ea to hikta teß me no ta hat, a, ea to pikpiuk koman hah a no, ka soe man hikta teß non manih pa komaara. 9Ivëhkëk, ea se keh soe vatvus a ma taateß hat pea manih pe Sosoenën, e Sosoenën se ihan anoe en pa ma hat pea, suk ea to ta e no peß se nok en pa taateß vih totoopin. Suk ataeah, eß se pupui vahik en pa ma hat pea manih po eraß pe Ieesuß Kristo. 10Ea se keh soe pan, “Ea to hikta teß me no ta hat”, a, ea to sosoe va e no manih pan, e Sosoenën eß a teß pikpiuk. Ivëh, no a soe peß to hikta teß suk non manih pa komaara, ka hikta iu kon no o vavaasis peß.


1 JON 21Pus koaß peöß manih pa ëhnan e Ieesuß Kristo, eöß to kiun ka nös neöm o kiun vaßih, paröß sosoe ka noß neöm pan, eöm se koe a nok vatëh a ma taateß hat. Ivëh, ka ta pah teß se keh nok a hat, a teß vavaßaus teß pea vëh e Ieesuß Kristo to teß vaßpeh tamoaan me non pe Tamaara Sosoenën, eß se soe ken pe Sosoenën, keß ihan anoe en pa ma hat pea. A taateß peß a totoopin tamoaan. 2Keß eß koman to nok voh a kiu va pa vavahik a ma hat pea, eß to hikta nok suk varoe voh a ra a kiu pamëh. Ahik, eß to nok a kiu pamëh marën a vahik a ma hat pa ma napan kurus to teß ne manih po oeh vëh. 3Ea se keh nat vavih e no pe Sosoenën, para vavatet no a taateß peß, a, ea to nat vavih e no peß. 4Keteh se keh soe pan, “Eöß to nat e noß pe Sosoenën”, ivëhkëk, eß to hikta vavatet non a taateß peß, a, a teß pamëh eß a pikpiuk rakah. Ka taateß man hikta teß non manih peß. 5Ivëhkëk, ta pah teß se keh vavatet vakis non a soe pe Sosoenën, a, a teß ko pamëh to heß rakah non o iu peß manih pe Sosoenën. Ka manih pa taateß pamëh, na to nat va e no manih pan, ea to vatös me ee pe Sosoenën. 6Keteh to soe pan, eß to vatös me non e Sosoenën, eß a teß pamëh se suk a taateß ne Kristo to suk voh. 7Ken kea vih rakah peöß, a taateß vaßih nöß to kiun ka nös neöm to hikta teß non pan, eß a taateß voon. Ahik, a taateß pamëh, eß a taateß vamoaan nöm to kon voh po poen nöm to tavus voh a napan pe Kristo. Ka taateß pamëh, to pet non manih pa soe pe Sosoenën, nöm to pënton vahik voh em peß. 8Ivëhkëk, a taateß vëh nöß to kiun ka nös neöm, eß me a taateß voon, pareß man rakah non manih po toßtoß pe Ieesuß Kristo, kuru no toßtoß pamëh to tavus vaman me en manih pa ma teß toßtoß koman peöm. Suk ataeah, a taateß va po oeh vëh to teß va non manih pa popoen to vatët hik en, ka soe man pe Sosoenën to teß va non manih po maaka to tavus maß, pareß teß e non manih kuru. 9Ka ta pah teß se keh sosoe non pan, “Eöß to teß noß manih po maaka pamëh”. Ivëhkëk, eß to rës e non pa ma kea peß, pen a ma vameneah varih a napan pe Kristo. Eß to teß avoeß e non manih pa popoen. 10Ka teß vëh to heß rakah non o iu peß manih pa ma kea peß me ra ma vameneah varih a napan pe Kristo, eß to teß e non manih po maaka. Ka manih po maaka pamëh no a hikta ta pah tah to antoen non a vakuß poan manih pa hat. 11Ivëhkëk, eteh to rës non a ma kea me ra ma vameneah varih a napan pe Kristo, eß to teß e non manih pa popoen. Ka popoen pamëh sunpip e non pa mataneah, keß hikta nat non pa hanan poanheh neß to suksuk nö non. 12Eöß to kiun ka nös neöm a napan varih to teß va nem sih manih pan, eöm a ma koaß peöß, o kiun vaßih, paröß sosoe vanat a noß nös neöm, suk manih pa ëhnan e Ieesuß Kristo ne Sosoenën to ihan anoe en pa ma hat peöm. 13Eöm varih a kën taman varih to vovoh ke nem sih o kum teß varih to vaman ne Sosoenën, eöß to kiun ka nös neöm a soe vaßih, suk eöm to nat vavih voh e nem pa Teß pamëh to teß tamoaan voh e non, pareß teß avoeß me e non kuru, ka teß pamëh ivëh, e Ieesuß Kristo. Eöß me se kiun ka nös neöm a nap sesekaß a soe vaßih, eöm to vaman nem sih e Kristo, paröm onoah vahik voh em pe susun po oraß hat. 14Eöß me to kiun keoß nös peöm o koaß varih to vaman vavoon e Kristo, eöm se nat vavih e Tamön. Ke eöm varih a kën taman varih to vovoh ke nem sih o kum teß varih to vaman ne Sosoenën, eöm to nat vavih e nem pa teß vëh e Ieesuß to teß tamoaan voh e non, pareß teß avoeß e non kuru. Ke eöm varih a nap sesekaß, eöm to teß va nem manih pa napan varih to vaman ne sih e Kristo, eöm to teß rakah me nem o kikis. Ivëh, no a soe pe Sosoenën se teß kikis suk non manih peöm, köm onoah e susun po oraß hat. 15Eöm se koe a iu a ma taateß hat va po oeh vëh, me a ma moeh tah to teß ne manih peß. Eöm se keh iu nem a ma taateß va po oeh vëh, ko iu pe Tamön hikta se teß non manih peöm. 16Ea to nat e no pa ma taateß pa napan va po oeh vëh, a ma taateß poë varih to teß va ne manih, a taateß ep vakarë a tah, me a taateß manin a tah hat na to ep, me a taateß vatösoe. A ma taateß poë varih to hikta taneß maß manuh pe Sosoenën. Ea to nat e no pa ma taateß poë varih, ee ra ma taateß no a napan va po oeh to nonok ne sih. 17O oeh avoes, me a ma taateß hat poë varih se hik kurus ee. Ivëhkëk, a teß vëh to nonok non a ma tah ne Sosoenën to iu non, o toßtoß peß hikta se ro non. 18Pus koaß peöß manih pa ëhnan e Kristo, kuru na to tavus ee po poen no oeh vëh se hik. Moaan voh nöm to tënan voh a soe to soe non pan, a teß vëh to vakihat me non e Kristo se tavus en. Kuru vaßih no a nap peo to vakihat me ne Kristo to tavus ee. Ivëh, ka kuru vaßih na to nat ee po poen no oeh se hik. 19A napan varih to vakihat me ne Kristo, ee to vatös me voh ee pea po kum pea. Ivëhkëk, ee to këh hah ee pea. Ee se keh teß vaman ne pan, ee a ma meh pea, kuru nee se teß vaßpeh avoeß me e ne pea. Ivëhkëk, ee to këh tavus ee pea, ka nat vavih e no pea to hikta vatös hah me no raoe. 20Eöm to kon vahik voh em pa Tuvuh Vasioß, ka Tuvuh pamëh nok a neöm, köm kon em po nat va pa ma tah va po vaman pea, a napan pe Kristo. 21Eöß to kiun ka nös neöm o kiun vaßih, köm nat nem koman nem pan, eöm to hikta nat nem pa taateß man. Ahik, eöß to kiun nös, suk eöm to nat vahik voh em pa soe man, paröm nat vavih e nem pa hik to piuk se tavus taneß maß manih pa soe man. 22Eteh ivëh a teß pikpiuk? Eß a teß vëh to sosoe non sih pan, e Ieesuß to hikta teß non pan e Kristo, a teß ne Sosoenën to vateß poan, keß nö maß pareß hehe a ma napan peß varih to teß ne pa hat. A teß to nonok non a soe to teß va non manih, eß a teß to heß tonun rakah en pe Taman pen Koaß peß. Ka teß pamëh to teß va e non manih pa teß to vakihat me non e Kristo. 23Eteh to hikta iu kon non e Ieesuß manih po toßtoß peß, eß to hikta iu kon me non e Tamaneah Sosoenën. Ivëhkëk, eteh to vaman non pan, e Ieesuß eß e koaß pe Sosoenën, eß me e koaß pe Sosoenën. 24Matop vavih nem, ko öt vakis a soe nöm to pënton voh po taneo to soe non pan, e Ieesuß e Koaß pe Sosoenën. Eöm se keh öt vakis nem a soe pamëh, eöm se teß vaßpeh me e nem pe Sosoenën me e Koaß peß. 25Keß ivaßih a tah ne Ieesuß Kristo to soe voh ka ra, eß to soe voh ka ra pan, eß se heß a ra o toßtoß tamoaan. 26Eöß to kiun ka nös neöm a soe vaßih komön o kiun vaßih. Eöß to sosoe vanat a noß neöm pan, eöm se matop vavih nem pa napan varih to kehkeh rëh ka no neöm manih po vavaasis piuk, pare me koe ka neöm manih pa hanan to hikta teß vih non. Eß a hanan hat ipamëh. 27E Ieesuß Kristo to heß voh en peöm pa Tuvuh Vasioß, keß teß e non manih peöm. Ivëh, köm hikta se iu hah nem ta ma meh tövavaasis. Ahik, a Tuvuh Vasioß koman ivëh, to vavaasis a no neöm a ma moeh tah kurus, ka soe pa Tuvuh Vasioß eß a soe man. Eß to hikta teß non pan, o piuk. Ivëh, köm se vatös me e Kristo, vamanih pa ö no a Tuvuh Vasioß to vavaasis vavoh ka neöm. 28Oman, ma koaß peöß pa ëhnan e Ieesuß Kristo, eöm se vatös vakis rakah me e Ieesuß Kristo. Ko poen neß se hah maß, ea hikta se poet no, para haraß vaßnaöp no pa sun manih pa mataneah. 29Eöm se keh nat va nem manih pan, a taateß pe Kristo a vih pareß totoopin, a, eöm se nat va em manih pan, a napan kurus varih to nonok ne sih a ma taateß vih totoopin, ee to tavus kurus ee o pus koaß pe Sosoenën.

1 JON 31Oman rakah! E Tamaara Sosoenën to iu suntan a rora, pareß pokaß en pea o pus koaß peß. Ke ea o pus koaß vamaman rakah peß. A napan va po oeh vëh to hikta nat voh ne e Sosoenën, ivëh nee to hikta inan vavih suk a rora sih o pus koaß pe Sosoenën. 2Ma vamomhë peöß, kuru na to teß e no o pus koaß pe Sosoenën. Ivëhkëk, amot na se kon o sionin to matan vah va non nih? A tah vaßih to hikta teß maaka vi non sih. Ivëhkëk, ea to nat e no, amot ne Ieesuß Kristo se hah maß, ko tavus vamhën maß, ka ep inan rakah ee peß, para tavus kurus va ee manih peß. 3A napan varih to ananoeh ne sih e Ieesuß Kristo, ee to iu teß vivihan rakah ne manih pa matan e Sosoenën. Ee to iu teß vivihan va ne manih, pa ö ne Ieesuß Kristo to teß vivihan va non. 4A teß vëh to kök a taateß pe Sosoenën manih pa ö neß to nonok non a ma taateß hat, ka hat neß to nok, eß a hat ko pamëh to kök e non pa taateß. 5Eöm to nat e nem, e Ieesuß Kristo to tavus voh manih po oeh vëh, pa vavahik a ma taateß hat. Ke Ieesuß koman no a hikta hat to teß non manih peß. 6Ka teß vëh to vatös me non poan, eß to hikta suksuk non sih a taateß hat. Ka teß vëh to suksuk non sih a taateß hat, a, ea to nat e no pa teß pamëh to hikta inan voh e Kristo, pareß hikta vaman non eah, ko vatet a taateß peß. 7Pus koaß peöß, eöm se matop vavih nem, eß to hat non pa ta pah teß tomeß piuk ka neöm, ko rëh koe ka neöm manih pa taateß hat. A teß vëh to nonok non a taateß vih, eß a teß vih no a taateß peß to totoopin, eß to teß va e non manih pe Ieesuß Kristo, a teß no a taateß peß to vih pareß totoopin. 8Moaan voh po taneo ne susun po oraß hat to nonok voh kov e non pa ma taateß hat. Ivëh, ketereh to teß avoeß ne pa nok vatëh a ma taateß hat poë varih, ee kurus a napan pe susun po oraß hat. E Koaß Teß pe Sosoenën to nö voh maß, marën a ö neß se vavahik me a miröß a kiu pe susun po oraß hat. 9O teß varih to teß ne o pus koaß pe Sosoenën, ee to hikta nonok ne sih a taateß hat, suk ataeah, o toßtoß pe Sosoenën to teß non manih pee, ivëh, nee to hikta vavatet suk ne a taateß hat, ke Sosoenën teß tamoaan e non manih pee. 10Ivëh, ka onöt e no pa ep inan pe retereh ivarih o pus koaß pe Sosoenën, me e retereh ivarih o pus koaß pe susun po oraß hat. O teß varih to hikta nonok ne a ma taateß vih, ee to hikta teß ne pan, ee o pus koaß pe Sosoenën, ko teß me varih to hikta iu ne a ma kea pee, me ra ma vameere, ee me to hikta teß ne pan, ee ro pus koaß pe Sosoenën. 11Ivaßih o vavaasis nöm to tënan voh po taneo, moaan rakah voh na to tënan voh a Soe Vih pe Sosoenën to soe non pan, ea se iu rakah o upöm teß. 12Ea se nat no teß va no manih pe Keen, e Keen a teß pe susun po oraß hat, eß to ip vamët voh e kea peß Ebel. E Keen ip vamët suk voh e kea peß ataeah? Suk a tah neß to nonok non to hat, ke Sosoenën heß tonun en peß. Ivëhkëk, a taateß pe kea soneß peß to vih, ke Sosoenën iu non poan, ivëh ne Keen to heve suk, pareß ip vamët e kea peß. 13Kën kea peöß me ra kën vamen, koe a töhkak vahat pa ö no a napan va po oeh vëh se rës a no neöm. 14Ea to nat e no, pea to heßheß no sih a ma kokoman pea manih po upöm napan pe Sosoenën. Ivëh, ka nat vavih e no, pea to tavus këh voh ee maß pa taateß va pa mët, para kon ee po toßtoß tamoaan. A teß vëh to hikta iu non o upöm teß va po vaman, a apeneah to teß va e non manih pa teß mët. 15O teß varih to rës vakis ne sih a ma kea pee, me ra ma vameere, ee to teß va e ne manih po teß ipip teß. Ka nat e no pa teß ipip vamët teß, eß to hikta teß me non o toßtoß tamoaan. 16Keß ivaßih a ö na se nat va i no a taateß iu teß, e Ieesuß to heß voh o toßtoß peß, pareß mët suk a ra manih pa kuruse. Ka manih pa mët peß, neß to vataare en pea pa taateß iu teß. Ea me se mët suk a ma kea pea varih a napan pe Kristo. 17Ivëhkëk, ta pah teß se keh vaneah non ta ma tah peo va po oeh vëh, pareß ep akuk non e siß kea peß a arus, pareß keh hikta uruan ko vaßaus poan, a, ea to nat e no pa taateß iu teß pe Sosoenën to hikta teß non manih pa teß pamëh. 18Pus koaß peöß, ea se nat no iu akuk no a ma kea pea manih po rivon, ahik, ea se iu rakah no raoe manih pa ma kupu pea, para vaßaus raoe, ko nok a taateß vih manih pee. 19- 20Ea se iu rakah no a ma meh teß pea, ea to nat e no pea to vavatet e no pa hanan va pa soe man. Ka tëëm no kokoman pea se keh ruk a ra pan, ea to hikta vavatet no a soe man, ea se teß me o kokoman tö manih pa matan e Sosoenën. Suk ataeah, e Sosoenën to nat e non pa ma moeh tah kurus, ko teß nat peß teß oah e non pa ma kokoman pea. Eß to hikta onöt non a vahoß a ra po vahutët, suk a taateß piuk pea, ahik, eß se soe ka ra pan, ea se vavatet rakah no a soe man peß. 21Ma vamomhë peöß, a ma kokoman pea se keh hikta vaharaß vahat a rora, ea to hikta se nö me no o naöp manuh pa matan a ö ihihoß pe Sosoenën, ea se hinhin tamoaan no para vavaato me no eah. 22Ea se keh hin suk na ta tah manuh pe Sosoenën, eß se heß en pea pa tah pamëh, suk ataeah, ea to vavatet tamoaan e no pa taateß peß, para nonok no a ma tah to vavaeö non poan. 23Keß ivarih a ma tah no a taateß pe Sosoenën to sosoe suk non, ea se vaman no a ëhnan e Koaß peß Ieesuß Kristo, ea papaeh se iu no o upöm teß, vamanih pa ö neß to soe vavoh ka ra. 24Ta pah teß se keh suksuk non a taateß pe Sosoenën, eß to vatös rakah me en peß, ke Sosoenën teß e non manih peß. Ea kurus to nat e no pe Sosoenën to heß en pea pa Tuvuh Vasioß. Ka Tuvuh Vasioß pamëh to vataare va e non pea manih pan, e Sosoenën to teß vaßpeh tamoaan me e non pea.

1 JON 41Kën kea, matop vavih nem po teß vanënën soe pikpiuk, ee to vavatvi va kov e ne manih po oeh. Ivëh, köß sosoepip a noß neöm pan, eöm se nat nem vaman rakah a ma soe pa napan poë varih, pa ö nee se nö nös peöm pare soe ka neöm pan, “A Tuvuh pe Sosoenën to heßheß a non neoß a soe vaßih, köß sosoe ka noß neöm.” Eöm se punöß a ma vu tuvuh poë varih tataneß ne maß manuh pe Sosoenën, keß, ahik. 2Eöm se keh nok va nën, eöm to antoen e nem pa nat pan, a tuvuh pamëh, eß a Tuvuh pe Sosoenën. Eß me to teß va non manih pan, ta pah teß se keh soe va ka neöm manih pan, e Ieesuß Kristo to tavus teß vamaman voh, ka Tuvuh pe Sosoenën teß non manih peß. 3Ka ta pah teß se keh hikta soe ta soe to soe suk non e Ieesuß, a, ea se nat ee pa teß pamëh, eß to teß me non pa meh tuvuh ke, a tuvuh pamëh to hikta taneß maß pe Sosoenën. Ka tuvuh pamëh, eß a teß to vakihat me non e Kristo. Moaan voh nöm to pënton a soe to soe non pan, eß se nö maß manih po oeh vëh. Kuru neß to nö en maß, pareß teß e non manih kuru. 4Pus koaß peöß, me eöm o pus koaß pe Sosoenën, eöm to vöknah vahik voh o teß vanënën soe pikpiuk, suk ataeah, a Tuvuh pe Sosoenën to teß non manih peöm. A Tuvuh pamëh to teß oah e non pa ma tuvuh to teß ne manih pa napan varih to vavatet ne a ma taateß hat va po oeh vëh, suk ee to hikta nat ne e Sosoenën. 5Ka nap vanënën soe pikpiuk poë varih, ee a napan va po oeh vëh. Ivëh, ka soe nee to sosoe ne, eß a soe va po oeh vëh. Ka napan va po oeh vëh tënan e ne sih pa soe pee. 6Ivëhkëk, ea varih, ea a napan pe Sosoenën, me etereh varih to nat ne e Sosoenën, ee to pënton e ne po vavaasis pemöm. Ko teß varih to hikta nat ne e Sosoenën, ee to hikta se tënan ne o vavaasis pemöm. Keß vaßih a ö na se nat suk pa Tuvuh man, me a tuvuh to vavatvus non a soe piuk. 7Ma vamomhë peöß, ea papaeh se iu rakah no a ma upöm pea, suk ataeah, a taateß iu teß to taneß non maß pe Sosoenën. O teß varih to iu ne o upöm teß, ee to tavus ee o pus koaß pe Sosoenën, pare nat e ne pe Sosoenën. 8Ko teß varih to hikta iu ne o upöm teß, ee to hikta nat ne pe Sosoenën. Suk ataeah, e Sosoenën, eß a pusun in a taateß iu teß. 9Keß ivaßih a ö ne Sosoenën to vataare vavoh ka ra o iu peß manih pea. Eß to vanö maß a paeh Koaß ro peß manih po oeh vëh, pan ea se kon koe o toßtoß tamoaan manih peß. 10A taateß iu o upöm teß, eß a taateß pe Sosoenën. Ea se nat no koman no pan, ea to iu momoaan voh e Sosoenën. Ahik, e Sosoenën to iu momoaan voh a ra, ivëh, neß to vanö suk voh maß e koaß peß. Keß nö maß manih po oeh vëh, ko mët marën a ö ne Sosoenën se ihan anoe a ma taateß hat pea. Suk ataeah, e Sunaißeah to kon këh a ra a ma kamis pea, pareß teß ko kamis varuß en. 11Ma vamomhë peöß, manih pa taateß pamëh, ne Sosoenën to vataare voh en pea pa ö neß to iu rakah e non pea. Ivëh kea papaeh se iu rakah a ma upöm teß pea. 12Ahikta pah teß to ep avoeß non pe Sosoenën. Ivëhkëk, ea se keh iu rakah no o upöm teß, vamanih pa ö ne Sosoenën koman to iu va non raoe, ke Sosoenën teß vaßpeh me non pea. Ka taateß peß pamëh pa iu o upöm teß tavus va eh rakah en manih po toßtoß pea. 13Ea se poß nat vah va no nih pa ö ne Sosoenën to vatös me a rora ka teß no manih peß? Ea se nat taneß pa ö ne Sosoenën to heß a ra a Tuvuh koman peß. 14Ea to ep vahik voh ee pa tah ne Tamaara to nok voh manih pea. Eß to vanö voh maß e Koaß peß, keß nö maß marën a ö neß se kon hah a napan va po oeh vëh, kee tavus këh maß a taateß hat. Emöm to sosoe tavus tamoaan suk rakah kov e nem sih pa tah pamëh. 15Ta pah teß se keh soe pan, e Ieesuß e Koaß pe Sosoenën, e Sosoenën se vatös tamoaan e non manih pa teß pamëh, ka teß pamëh vatös tamoaan varuß e non manih peß. 16Ea to nat e noß, para vaman vakis va e no manih pan, manih po iu pe Sosoenën, eß a pusun in a taateß iu teß. E Sosoenën koman eß a pusun in a taateß iu a meh teß. Ka teß vëh to iu non a meh teß, e Sosoenën to vatös tamoaan me e non peß. Keß vatös tamoaan varuß me e non pe Sosoenën. 17Ea se keh teß va no nën, a, a taateß iu a ma meh teß pea se eh rakah en manih po toßtoß pea. Ka hikta onöt no a naöp pa sun po vahutët apuh pe Sosoenën. Oman, ea to teß no manih po oeh vëh, para nonok no a pah taateß ne Ieesuß koman to nonok non. Ivëh, ka se nat no nanaöp no e Sosoenën. 18A teß to iu non sih e Sosoenën, eß to hikta nanaöp non sih. Ivëh, ka taateß iu teß se tavus vakis rakah en manih po toßtoß peß. A, ka taateß pamëh se veo en pa taateß naöp e Sosoenën. A teß to nanaöp non e Sosoenën, eß to nat e non peß se kon amot en po voen hat, suk a taateß hat peß. Ka ta pah teß se keh nanaöp non e Sosoenën, a, ea se nat va e no peß manih pan, a taateß iu teß to hikta tavus vakis non manih po toßtoß peß. 19Ea to iu no sih o upöm pea varih a napan pe Kristo, suk ataeah, e Sosoenën to iu momoaan e non pea. 20Ta pah teß se keh sosoe non pan, eß to iu non e Sosoenën, ivëhkëk, eß to rës e non pa napan pe Sosoenën, a, a teß ko pamëh eß a pikpiuk. A teß pamëh to hikta iu non a napan pe Sosoenën varih neß to ep non pa mataneah, eß to hikta onöt non a iu me e Sosoenën vëh neß to hikta ep me non pa mataneah. 21A taateß vëh na to kon voh manih pe Kristo to teß vavoh non manih pan, a teß to iu non sih e Sosoenën, eß se iu me non a ma napan pe Sosoenën.

1 JON 51A napan kurus varih to vaman ne sih pan, e Ieesuß eß e Kristo a teß ne Sosoenën to vanö maß manih po oeh vëh, ee ro pus koaß pe Sosoenën. Ka napan kurus varih to iu ne sih e Tamön, ee to iu me e ne po pus koaß peß. 2Keß ivëh, a ö na se nat suk no a ö na to iu vah va i no o pus koaß pe Sosoenën, vamanih pa ö na to iu no e Sosoenën, para vavatet no a ma taateß peß. 3Ea se iu rakah no e Sosoenën, para vavatet no a ma soe peß, me a ma taateß peß, ka ma taateß peß to hikta heß vëhvaß a rora. 4Suk ataeah, a napan kurus se keh teß ne o pus koaß pe Sosoenën, ee se vöknah rakah a ma taateß hat va po oeh vëh, manih pa ma toßtoß pee. Ea to vaman no e Sosoenën, ivëh, ko vaman pea nok a ra, ka onoah ee po kikis pe susun po oraß hat, me a ma taateß varih to teß ne pa ma toßtoß pea. 5Ivëh, ke retereh varih to eh ne pa vöknah a ma taateß hat va po oeh vëh, ee a napan ko poë varih to vaman ne pan, e Ieesuß Kristo eß e Koaß pe Sosoenën. Ka manih pa ma toßtoß pee, ee to vöknah vahik ee pa ma taateß hat va po oeh vëh. 6E Ieesuß Kristo, eß a teß pamëh to nö voh maß, pareß vataare koman hah ea manih pea, pan eßeß koman eß e koaß pe Sosoenën. Eß to vataare va ka ra manih pan, manih pa taateß va pa pupui pa ruen, me manih pa ö no eraß to takoß pa kuruse. Eß to hikta koe ke voh maß pa taateß va pa pupui pa ruen varoe, ahik. Eß to koe ke voh maß manih pa taateß va pa pupui pa ruen me o eraß. Ka Tuvuh Vasioß, eß to soe vanat a ra a pusun in a soe man. Ka Tuvuh Vasioß ivëh to vavatvus non a soe to soe non pan, e Kristo, eß eteh. 7Ivëh, ka kukön tah rakah ivarih to sosoe vanat a rora sih pan, e Ieesuß e koaß pe Sosoenën. 8Keß ee ivarih a kukön tah poë varih, a Tuvuh Vasioß, me a ruen, me o eraß. Ka soe pee ra kukön to vatoe tamoaan e non, pareß teß non a paeh a soe ro to soe non pan, e Ieesuß eß e koaß pe Sosoenën. 9Ea to vaman no sih a soe a man no a napan to vavatvus ne. Ivëhkëk, a soe ne Sosoenën to vavatvus non, eß to kikis oah e non pa soe no a teß va po oeh to vavatvus non. Ka soe ne Sosoenën to to tavus voh, neß to sosoe suk voh non e Koaß peß, e Ieesuß Kristo. 10A teß vëh to vaman non sih e Koaß pe Sosoenën, eß to kon vahik voh en pa soe man vëh ne Sosoenën to vavatvus voh non. Ka soe pamëh teß e non manih pa komaneah. Ivëhkëk, a teß vëh to hikta vaman non a soe pe Sosoenën, eß to popokaß non e Sosoenën pan, eß a teß pikpiuk. Suk ataeah, eß to hikta vaman non a soe man ne Sosoenën to soe suk voh e Sunaißeah, e Ieesuß Kristo. 11Keß ivaßih a soe man ne Sosoenën to soe voh ka ra. E Sosoenën to heß voh en pea po toßtoß tamoaan, ko toßtoß pamëh teß e non manih pe Sunaißeah. 12A teß vëh to hikta vatös me non e Koaß pe Sosoenën, eß to hikta teß me non o toßtoß pamëh. Ka teß vëh to vatös me non e Koaß pe Sosoenën, eß to teß me e non po toßtoß pamëh. 13Eöß to kiun ka nös neöm a napan varih to vaman nem a ëhnan e Koaß pe Sosoenën o kiun vaßih, pan eöm se ep paröm nat va nem manih pan, eöm to kon voh em po toßtoß tamoaan. 14Ea se keh vavatet vaviß no o iu pe Sosoenën, para hinhin no, ko keh hin eah ta pah tah, eß se pënton en pa hin pea ko heß en pea. Keß ivëh, a tah na to hikta nanaöp suk no eah, para nö vatët ee manuh peß. 15Ea to nat e no peß to pëpënton tamoaan e non pa ma hin pea. Ivëh, ka se keh hin eah ta pah tah neß se heß a ra, ea se kon ee, para nat va e no manih peß to se heß vamaman en pea pa tah na to hinhin suk no. 16Ta pah teß se keh ep in e kea pea to nok ta pah taateß hat, ka hat pamëh se keh hikta onöt non a ip vamët e kea pea pamëh, a, a teß pamëh to antoen e non pa hin e Sosoenën, ke Sosoenën heß en peß po toßtoß. Eöß to sosoe suk noß o teß varih to nonok ne a ma vu hat poë varih to hikta onöt ne a ip vamët raoe. Ivëhkëk, eß to teß non a ma vu hat to antoen ne a ip vamët a teß. Eöß to hikta sosoe no pan, eöm se hin suk a napan to nonok ne a ma vu hat to teß va ne manih. 17A ma taateß varih to hikta teß totoopin ne, ee a ma taateß hat i poë varih. Ivëhkëk, eß to teß non a ma meh vu hat to hikta antoen ne a ip vamët a napan. 18Ea to nat va e no manih pa napan varih to teß va ne manih o pus koaß pe Sosoenën, ee to hikta onöt ne a nok vatëh a ma taateß hat. Ahik rakah. E Sosoenën to matop vavih e non po teß to teß va ne manih pan, ee o pus koaß peß. Ke susun po oraß hat to hikta onöt non a hariun raoe. 19Ea to nat e no, ea to teß e no o pus koaß pe Sosoenën. Ivëhkëk, a napan kurus varih to hikta nat ne e Sosoenën, ee to teß ne paan o kikis pe susun po oraß hat. 20Ea to nat e no, e Koaß pe Sosoenën to nö voh en maß, pareß heß en pea po nat me o kokoman vih peß. Eß to heß a ra o kokoman vih me o nat peß pan, ea se nat rakah e Sosoenën vamaman, para vatös vaman me eah pen Sunaißeah Ieesuß Kristo. Ke Ieesuß Kristo, eß e Sosoenën vamaman rakah. Eß me, a pusun in o toßtoß tamoaan. 21Pus koaß peöß, eöm se teß vaniu këh nem o sosoenën vapikpiuk.

www.bible.is/TPZWBT/1John/1

Nenhum comentário:

Postar um comentário